منتدى كلية تربية المنصورة

اهلا بك زائرنا العزيز
إذا كنت عضـــــــــو
فيجب عليك تسجيـــل
الدخـــــــــــــــــــول
اما إذا كنت زائر جديد
فيجب عليك التسجيل أولا




 
الرئيسيةبوابه تربيهاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 شعار الشباب الجديد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بسنت
عضو فضي
عضو فضي


انثى
السمك الماعز
عدد المساهمات : 354
العمر : 25
المزاج : الحمد لله
الدوله :
المهنه :
الهوايه :
النقاط : 28510

مُساهمةموضوع: شعار الشباب الجديد   الأحد مايو 16, 2010 9:23 am

شعار الشباب الجديد....مصلحتي أولاً







دلوقتي بقى شعار الشباب الجديد.. نفس شعار مصلحة الضرائب المصرية..مصلحتك اولاً ...الشباب اخذوا العبارة دي وأصبحت..مصلحتي اولاً .. هي في الحقيقة مابقاش شعار الشباب فقط..بل أصبح شعار معظم الناس حالياً للأسف..فبنلاقي ان الناس أتغيرت..مابقاش حد يخاف على حد..بقى كل واحد همه مصلحته وبس..الا من رحم الله..وده شئ مرعب..شئ لايبشر بالخير..لإننا بكدة.. بنرفع شعار تاني خالص بيقول ...لا يارب..لن نطيعك ولن نطيع رسول الله صلى الله عليه وسلم..للدرجة دي .. آه للأسف للدرجة دي..الموضوع خطير مش زي ما كل الناس فاكراه بسيط.

الأفلام والمسلسلات .. وبعض الكتب .. وبعض الموضوعات في الجرائد أو على النت أو في أي مكان نشر للأسف..بثت جوانا معاني غلط كثيرة..مش بس عن أخلاقنا..لأ عن حياتنا كلها وعن ديننا.. وده مؤشر خطير..بس في نفس الوقت..فيه أمل جميل لكل إنسان لسه على قيد الحياة..أنت في أمان..أنت لسه بخير..بإذن الله لما تقرأ الموضوع ده وتفهمه..أحنا مش عايزين كل إنسان يقول ..يلا نفسي..لأ أحنا عايزين كل إنسان يحب للناس اللي بيحبه لنفسه..ليه كل ده ..في ناس هتقول ماتولع الناس ..نقوله..ما الدنيا بتلف ..ممكن تكون أنت من ضمن الناس اللي بتولع دي..فخذ بالك..داين تدان..اللي بتترجاه لنفسك..لازم تحبه لغيرك أولاًعشان ربنا يكرمك ويحققلك كل شئ أنت نفسك فيه عشان ربنا كريم قوي .. والدين بتاعنا ربنا وضعه بطريقة تخلينا نحب بعض..نخاف على بعض..نحب لبعض الخير..نحب نشوف بعض دايماً في أحسن الحالات..وأحب اشوف غيري أحسن مني..ده من ايثار الغير على النفس..هو ده دين الإسلام الجميل.



أمثلة من الواقع..ماينفعش مثلا أكون في جامعة وبحضر وبكتب محاضرات وعارف المنهج..وأبخل بيه على زميل مش بيحضر..في ناس هتقول ..ياخذ مجهودي ليه..نرد عليه..أنت ماتعرفش ظروفه..ممكن يكون بيشتغل عشان ظروفه صعبة..ممكن يكون عنده مرض بيمنعه ..ممكن يكون بيتدلع حتى..في كل الأحوال أنت مش بتعامله هو..أنت بتعامل رب العباد..وبتأخذ ثواب كبير على كل شئ بتقدمه له
بتأخذ ثواب على كل حاجة كويسة بتعملها عشان أي انسان طول ما الحاجة دي..بترضي ربنا..فماينفعش مثلا ..تغشش .. وتقول أنا كده بعامل ربنا ..وبخدم فلان..وأنا كدة صديقه عند الشدة..لأ..عامل ربنا بحاجة ترضيه..مش بحاجة تغضبه ..ومثلا تبقى واقف في مكان وأنت شايف وراك راجل كبير..ودة دورك مثلا في طابور العيش أو في أي مكان فيه طابور ماتقولش أنا الأول..الأخلاق تقول الكبير الأول.


أنت يا شاب .. أو أنت يا راجل يا كبير..مصلحتك أولاً..مش من أخلاق الدين بتاعنا..ربنا عايزنا أيد واحدة..نحب لبعض الخير نقدم بعض على بعض..يعني مش من الرجولة انك تبصبص لواحدة في الشارع..الواحدة دي ممكن تكون أختك في ماكنها..ترضى ان حد يبصلها أكيد ماترضاش..شوف رسول الله صلى الله عليه وسلم قال ايه..عن أنس بن مالك رضي الله عنه أن رسول الله صلى الله عليه وسلم قال : ( لا يؤمن أحدكم حتى يحب لأخيه ما يحب لنفسه ) ، رواه البخاري و مسلم .

يعني عشان ايمانك يبقى كامل لازم تحب لأخوك..اللي بتحبه لنفسك..لازم اللي تكرهه لنفسك..تكرهه لاخوك..أخوك ده يعني أخوك شقيقك..يعني أخوك في الدين..يعني جارك..يعني واحد ماشي في الشارع..يعني أي انسان من أهلك..أو حتى مش من أهلك..أي حد في الدنيا ..الإسلام دين حب..دين جميل..عايز الناس كلها تحب بعض..تخاف على بعض..يحبوا لبعض الخير قبل مايحبوه لنفسهم وخذ بالك كل شي في الدنيا ..بتعمله وأنت..بتتبع فيه سنة رسول الله صلى الله عليه وسلم..له ثواب خاص..لها ثمرات خاصة وهي.. أنها سبيل النجاة من الاختلاف.. أنها سبيل الهداية من الضلال.. أن النسبة إليها فيها شرف النسبة إلى الرسول صلى الله عليه وسلم..أنك بإتباعها تبتعد عن طرق الشيطان.. باتباعها يرفع المسلمون عن أنفسهم سمة الذل والهوان.. أن فيها تشخيص الداء والدواء..أن بها يكون تمام صالح ومكارم الأخلاق.. أن بها ينجو المسلم من العذاب الأليم من النار.. أن بها ينال المسلم دخول الجنة.. أن بها يكون إحياء السنة.

بعد الكلام دة كله..بإذن الله مافيش شعار تاني اسمه..مصلحتي أولاً..لكن ..في شعار جديد اسمه..مصلحة أخويا المسلم اولاً في شعار جديد نابع من قلب مسلم..بيقول..لما يكون في حد كبير أقدمه ..طول ما أنا قادر..بيقول..زميلي في الدراسةهساعده في كل شئ
هجيبله الورق اللي هو عايزه..هديله المنهج اللي يطلبه..بيقول..وأنا موظف..مش هوقف راجل كبير قدامي كثير..هجيبله كرسي وهحاول أساعده بسرعة..وكمان هساعد كل إنسان جاي يخلص مصلحته..ومش هقوله..فوت علينا بكرة..وأنا في أي مكان..هساعد وهتحرك
ممكن في يوم من الأيام أكون مزنوق ..أكون في حاجة لحد يساعدني..ربنا سبحانه وتعالى هيبعتلي ولاد الحلال..زي ما تحب الناس تعاملك عامل الناس..وزي ماتحب الناس تعامل ولادك ..عامل ولاد الناس..وزي ماتحب الناس تحترمك..أحترم الناس..وزي ماتحب الناس تحافظ على عرضك..حافظ على أعراض الناس..ماتبصش لحاجة مش من حقك..ومدام ربنا كرمك بزوجة أرضى بيها..لسه ما أتجوزتش ..اصبر ربنا قادر على كل شئ..من خلق السموات والأرض قادر..أنه سبحانه يساعدك انك تتجوز..من هنا ورايح هنغير الشعار وأنت في أي موقع وأنت في أي مكان غير الشعار..غير الأسلوب..غير كل شئ..وأعمل اللي يرضي ربنا..وقول..مصلحة أخويا صاحبي اخويا في الوطن اخويا في الدين أولاً.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
khalid22
vip
vip



ذكر
الثور الثعبان
عدد المساهمات : 1709
العمر : 27
المزاج : حزين جدا سعيد
الدوله :
المهنه :
الهوايه :
النقاط : 30571

مُساهمةموضوع: رد: شعار الشباب الجديد   الإثنين مايو 17, 2010 6:58 am

مصلحتك اوى فعلا دا بقى شعار المجتمع الى احنا عايشبن فيه
واقع بس واقع مر واليم
ربنا يستر
توبك هايبل يسنت
شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
JoOOoRy
عضو فضي
عضو فضي



انثى
الجدي الحصان
عدد المساهمات : 516
العمر : 25
المزاج : mUsliMa and proUd
الدوله :
المهنه :
الهوايه :
النقاط : 25066

مُساهمةموضوع: رد: شعار الشباب الجديد   الإثنين مايو 17, 2010 10:55 am

بجد بجد عندك حق كله الوقتى بقا بيدور على مصلحته اول حاجه وعلى حساب اى حد
الناس فعلا اتغيرت ....... ومعدتش حد طيب للاسف
توبيك حلو جدااااااااا وميرسى ليكى



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amraaee
عضو فضي
عضو فضي


ذكر
السمك القرد
عدد المساهمات : 471
العمر : 24
المزاج : لا تأسفن على حال الزمان لطالما رقصت على جثث الأسود كلاب لا تحسبن برقصها تعلو على أسيادها تبقى الأسود أسودا والكلاب كلاب
الدوله :
المهنه :
الهوايه :
النقاط : 26646

مُساهمةموضوع: رد: شعار الشباب الجديد   الإثنين مايو 17, 2010 11:35 am

عندكوا حق والله معدش فى حد طيب فعلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ṜěĐ Ṝøšě
مشرفه قسم الارشيف
مشرفه قسم الارشيف


انثى
العذراء الخنزير
عدد المساهمات : 2583
العمر : 21
المزاج : متقلب
الدوله :
المهنه :
الهوايه :
النقاط : 29493

مُساهمةموضوع: رد: شعار الشباب الجديد   الإثنين مايو 17, 2010 5:25 pm

توبيك ممتاز وفعلا ده اللى بيحصل دلوقتى ممتاز يا بسنت



لَا يُهمّـنِي أحدْ .. ما دَام الله مَـعِي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المسيو
مشرف قسم المكتبه والترحيب
مشرف قسم المكتبه والترحيب



ذكر
الحمل الماعز
عدد المساهمات : 1176
العمر : 25
المزاج : كويس
الدوله :
المهنه :
الهوايه :
النقاط : 27082

مُساهمةموضوع: رد: شعار الشباب الجديد   الإثنين مايو 17, 2010 11:55 pm

الطيبة دى كانت زمان بس
ومعدتش موجودة غير فى الافلام وبس
شكراااااااااا



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
jemsbomb
عضو ذهبي
عضو ذهبي



ذكر
الجوزاء التِنِّين
عدد المساهمات : 1416
العمر : 28
المزاج : اهو عايش
الدوله :
المهنه :
الهوايه :
النقاط : 29630

مُساهمةموضوع: رد: شعار الشباب الجديد   الثلاثاء مايو 18, 2010 12:31 pm

ربنا يستر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shosho shoney
مشرفة قسم الاخبار
مشرفة قسم الاخبار



انثى
العقرب القرد
عدد المساهمات : 2866
العمر : 24
المزاج : الحمد لله في تحسن
الدوله :
المهنه :
الهوايه :
النقاط : 29868

مُساهمةموضوع: رد: شعار الشباب الجديد   الثلاثاء مايو 18, 2010 2:06 pm

انا معاكي في كلامك الجميل ده وحكاية مراعاة ظروف الناس كان مريض او بيشتغل
بس بيدلع دي بقي؟!!!
يعني بيتكاسل عن عمله وبيعتمد علي غيره
ودي حاجة ماترضيش ربنا ابدا
وزميله لو شجعه علي كده يكون بيشاركه في الذنب وبيضره مش بينفعه

الاولي انه يشجعه انه يلتزم
وبكده فعلا بياخد ثواب
وبعدين في ناس كتير
ما تستحقش المساعدة دي
حتي لو عندها ظروف
لانها ممكن تعرفك بس عشان المصلحة
غير كده ما لهاش علاقة بيكي
وده حصل معايا للاسف
وادي أخرة الطيبة!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صعبة المنال
عضو ماسى
عضو ماسى



انثى
الجوزاء الثعبان
عدد المساهمات : 5992
العمر : 27
المزاج : كنت smile قبل الجامعة وقبل ما أحب الزمالك
الدوله :
المهنه :
الهوايه :
النقاط : 34823

مُساهمةموضوع: رد: شعار الشباب الجديد   الثلاثاء مايو 18, 2010 3:24 pm

نايس توبيك اجمل بسنت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sandy
عضو ذهبي
عضو ذهبي


انثى
العذراء التِنِّين
عدد المساهمات : 1384
العمر : 28
المزاج : يارب لك الحمد كما ينبغى لجلال وجهك وعظيم سلطانك
الدوله :
المهنه :
الهوايه :
النقاط : 30397

مُساهمةموضوع: رد: شعار الشباب الجديد   الثلاثاء مايو 18, 2010 6:26 pm

التوبيك مهم اوى وبيناقش مشكلة منتشرة جدا


من فترة بقت الطيبة زيها زى مصطلحات كتير عمالة تختفى زى

الشهامة والجدعنة ....................بس برضه لسه ف ناس طيبين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعار الشباب الجديد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية تربية المنصورة  :: المنتديات العامه :: القسم العام-
انتقل الى: