المراه الشبكه والرجل الصندوق

المرأة الشبكة .. والرجل الصندوق !

|

قبل الجواز " بتحبني يا احمد ؟ " .. وهو " طبعا بحبك يا منى "

المراه الشبكه والرجل الصندوق BOX-MANDDDD_27_7_2010_57_46

وبعد الجواز و هو بيقرا الجورنال هي " لسه بتحبني يا احمد ؟ " وهو " إنتي مش شايفاني مشغول ... خشي نامي " !!

ما تزعليش يا منى ... احمد لسه بيحبك ... و على فكرة ده مش كلامنا ، ده كلام كاتب أمريكي اسمه " مارك جونجور " قدر يخرج بدراسة مهمة جداً اذهلت كل المتزوجين .. الراجل ده اكتشف ان عقل الرجل عبارة عن مجموعة صناديق و عقل الست عبارة عن شبكة ... !!

دماغ الرجل عبارة عن صناديق مقفولة كويس جداً و مترتبة بدقة جنب بعض أو فوق بعض .. يعني هتلاقي عنده صندوق البيت و صندوق الشغل و صندوق العيال و صندوق القهوة ..وطبعا أهم صندوق بتاع الكورة ! .

المراه الشبكه والرجل الصندوق WOMEN_27_7_2010_58_57

أما الست فدماغها عبارة عن نقط شبكية جزء منها متصل و جزء منها منفصل .. عامل بالظبط زي صفحة على الإنترنت مليانة بروابط تدخل على صفحات تانية غير محدودة العدد، و ده يفسر الست ليه بتقوم بأكثر من حاجة في وقت واحد يعني تتكلم في التليفون و هي بتطبخ و بتتفرج على المسلسل و تسكت العيال اللي بيصوتوا جنبها ...
أما الرجل مبيفتحش الصندوق الا لما يحتاج منه حاجة و الدراسة اكتشفت ان الرجل عندما يفتح صندوقاً مابيحبش يفتح صندوقاً ثانياً في نفس الوقت .. يعني لما يكون بيتفرج على الماتش مش هيهتم خاااااالص بالأكل اللي هيتحرق على النار ،أو بنتيجة أبنه في الأمتحان ، و لما حضرتك تقولي له " بتحبني يا أحمد" و هو بيقرا الجورنال هيكون خبر رجوع سمير زاهر لاتحاد الكورة اهم بكثير من السؤال ده لأنه في صندوق القراءة و صعب جدا ينقل لصندوق المشاعر !!

المراه الشبكه والرجل الصندوق WOMENAAA_27_7_2010_59_4

و الأخ " مــــــــارك " بينصح أي ست بإنها ماتقولش لزوجها معلومة مهمة أو تطلب منه حاجة ضرورية و هو في صندوق " اللآ شيئ " ... و دي حالة كدة ربنا ما يحكم على ست بيها عبارة عن الغوص في التفكير في اللا شيء ، يعني يبقى قاعد مش بيفكر و مش عاوز يفكر في حاجة ، ودي هتلاحظيها لما تكوني قلتي له على حاجة و لما تيجي تسأليه عنها يقولك " و الله ما قولتي لي " .. و طبعا و لا هو كداب و لا انت كدابة هو ساعتها بيكون في صندوق " اللا شيء " !!
و يؤكد " مارك " ان الرجل لو نسي يحضر شيئاً كان سبق ووعد به هو فعلا يكون ناسياً لأنه في حالة صندوق اللا شيء .. و ممكن تكون تاهت بين صناديقه الكثيرة ... !!
و في النهاية " مارك " يؤكد أن الخلاف بين الرجل والمرأة خلاف فى أصل الخلقة ، خلاف لا يمكن علاجه ، لكن ممكن التعامل معه بعد أن يفهم كل طرف خصائص الطرف الآخر ، ودوافعه لسلوكه التي تبدو غريبة وغير مبررة في كثير من الأوقات .

تسلمى يا قمرايه موضوع جميل اوى اوى

تقبلى مروروى

تسلمى ياقمرايتى على التوبيك الجامد ده

المراه الشبكه والرجل الصندوق 550737

الورده الحمراء كتب:: تسلمى يا قمرايه موضوع جميل اوى اوى

تقبلى مروروى

تسلمي يارب منوراني

لؤلؤه المحيط كتب:: تسلمى ياقمرايتى على التوبيك الجامد ده

تسلميلي يارب منوره

جميل اوى التوبيك يا دودو
تسلمى

زائر

والله ان جينا للحق
فدا صح والله

YOYo0o كتب:: جميل اوى التوبيك يا دودو
تسلمى

منوره يا قمرتي

dodda كتب:: والله ان جينا للحق
فدا صح والله

منوره يادوددا تسلمي

» واقع المراه والرجل
» اذا المراه شيطان فانت ابليس واذا المراه ملاك فانت اجمل ملاك
» لية أخترت الصندوق دا ؟؟!!
» المرأة والرجل
» _ _ _ المرأة ورقـــة ..... والرجل قلـــــم _ _ _