افرح(........)جت!!

موضوع: افرح(........)جت!! الخميس سبتمبر 09, 2010 1:25 pm

اولا احب أقولكوا كل سنة وانتوا طيبين
العيد جي بكره ان شاء الله اهه

ثانيا
بما ان معظمكم اكيد تابع مسلسلات وبرامج رمضان
أكيد لمحتم الحملة الاعلانية
اللي كانت بتتخلل البرامج والمسلسلات
وهي حملة احدي شركات المياه الغازية
اللي بتتكلم عن الفرحة اللي بتحققها للمصريين!!

وتوضحلنا بقي ازاي بتحقق الفرحة دي
تقولك رحنا مش عارف أكبر مول
ومرة أكبر كافيه
ومرة أكبر مش عارف ايه
ويروحوا يوزعوا هدايا ع سعداء الحظ!!

يعني انا عايزة أسأل سؤال
انتوا لما روحتوا وزعتوا الهدايا دي
ع ناس ماشاء الله ربنا مديها من وسع
ويقدروا يجيبوا من الهدايا دي مية وألف
كده تبقوا حققتوا السعادة للمصريين!!
وانتوا بتتوجهوا أصلا لطبقة تمثل نسبة قليلة من الشعب
بالاضافة الي انهم مش محتاجين
ما تروحوا للقري المهملة اللي محدش بيسمع عنها
اللي تكاد تكون او فعلا هي معدمة
شوفوا الناس هناك عايشة ازاي
وقدمولهم حاجة تساعدهم ع المعيشة
روحوا موائد الرحمن بدل ما تروحوا أكبر كافيه
ساعتها الناس هتفرح بجد
مهما كانت الهدايا بسيطة
انا هفترض حسن النية في اصحاب الشركة
وهقول يمكن كانوا ناوين يعملوا كده
بس وجدوا انه من المحرج
اظهار الناس وهي في موائد الرحمن
خلاص يبقي بلاها الحملات اللي من النوع ده اصلا بدل ما تحرقوا دم الناس
تهدوا غير المحتاج
وتقولوا احنا بنفرح المصريين!!

ولا انا غلطانة يا جماعة
ياريت تناقشوني
وياريت كمان نناقش كل اللي ماعجبناش في رمضان
سواء في سلوكيات الناس او في الاعلام
ايه رأيكوا؟!

تمام يا جميل كلامك ومحدش يقدر يعترض عليه فعلا المفروض الهدايا والمساعدات دى تدخل على ناس فعلا محتاجه خصوصا الفرحه فى ناس كتير غلابه محتاجنها
وطبعا اكيد اسوء شئ فى رمضان هى المسلسلات الكتير والصورايخ اللى الاطفال بيلعبوا بيها فى الشاااارع
هههههههههههه
مشكوره كتير يا قمر على لفت الانتباه للموضوع ده

شكرا يا فراولاية ع مشاركتك في الموضوع
وعندك حق

lموضوع رائع يا شوشى و فعلا عندك حق
و فرولاية كمان اتفق معاها فى حكاية الصورايخ دى ههههههههههههههه
كمان فى المسلسلات يا جماعه مش بيراعوا ان احنا فى رمضان او حتى ان المسلسل ده بيدخل كل البيوت و الاسرة كلها بتتفرج عليه بنلاقى كده حاجات مش كويسة خالص فى المسلسلات و خاصة السنة دى فعلا حاجة مستفزة
مشكورة عالتوبيك يا قمر
و كل سنة و انتى طيبة

تسلمى ع لتوبيك
فعلا رمضان مليان بحاجات وحشه
اعلانات تافهه ومساسلات كلها اسفاف وابتزال وكلمات قبيحه لا تصلح للمشاهده الاسريه
وعليه العوض

شكرا ليكي يا بوسي

شكرا لمرورك يا حنفي

فعلا عندك حق ان فكرت في الموضوع ده خاصة في الكافيه الشيك اوي

شكرا ع مشاركاتك
وانا سعيدة لتفاعلكم