منتدى كلية تربية المنصورة

اهلا بك زائرنا العزيز
إذا كنت عضـــــــــو
فيجب عليك تسجيـــل
الدخـــــــــــــــــــول
اما إذا كنت زائر جديد
فيجب عليك التسجيل أولا
يامصر عاشقك أنا  467423
منتدى كلية تربية المنصورة

اهلا بك زائرنا العزيز
إذا كنت عضـــــــــو
فيجب عليك تسجيـــل
الدخـــــــــــــــــــول
اما إذا كنت زائر جديد
فيجب عليك التسجيل أولا
يامصر عاشقك أنا  467423
منتدى كلية تربية المنصورة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةبوابه تربيهأحدث الصورالتسجيلدخول

 

 يامصر عاشقك أنا

اذهب الى الأسفل 
2 مشترك
كاتب الموضوعرسالة
العاشق
عضو فضي
عضو فضي
العاشق


ذكر
الميزان التِنِّين
عدد المساهمات : 347
العمر : 35
المزاج : الحمد لله
الدوله : يامصر عاشقك أنا  3dflag10
المهنه : يامصر عاشقك أنا  Profes10
الهوايه : يامصر عاشقك أنا  Riding10
النقاط : 50191

يامصر عاشقك أنا  Empty
مُساهمةموضوع: يامصر عاشقك أنا    يامصر عاشقك أنا  Icon_minitimeالثلاثاء نوفمبر 02, 2010 9:21 am

يا مصر رغم البهدله...

والعكننه...

عاشقك أنا...

واعشق ترابك والنبى ..

عشقك مرادى ومطلبى ...

يام الرجال المشهورين ...

بالجدعنه ...

لما بكون ...

فى عز ضيقى ...

واشعر بإنى حتخنق ...

والقانى موش شايف طريقى ....

والدم منى بيتحرق...

اطلع على روض الفرج...

ألقى الفرج...

لماامشى حبه جنب نيلك...

احكى له همى ....

واشتكى لك...

عينى تشوف ...

بياع دره...

رجل عجوز...

واقف بهوى فحمته ...

بسمته...

لحظه ما فارقت سحنته...

يا عجوز ...

إدينى كوز ...

القاه بيضحك...

مزعلش منى واداها بوز...

من فين يا جد...

سوهاج يا وِلْدْ ....

من ييجى ستين سنه...

جينا هنا...

ويا ابويا الله يرحمه...

عمك رجب...

كان فى المعمار...

واما تَعَب...

والزمن جار...

مالقيش غير الشط...

ساب كل الدنيا...

إهنانا وحط...

فى الأول جاب ...

كوزين دره....

كلناهم هو وانا...

يا وِلْدْ ما تقول بالهنا...

بعديها صارت شغلته ...

بياع دره....

والعبد لله ورث ...

من والده حبه لشغلته...

شوى الدره...

طيب يا جِدْ...

امتى تعاود...

مانيش معاود...

الكوز بربع ..

خلليك مهاود...

يضحك فى وشى ...

الكوز بنص..

دا كان زمان الكوز بقرش...

دلوقت يابنى معادش قرش....

والقرش كان....

كالحوت وقرش...

القرش كنه عشرين جنيه...

بالذمه قل لى...

لحلوح جنابك...

ع يجيب لك ايه...

ان كنت فاضى...

اقعد قصادى...

احكى لجنابك..

تسعين حكايه...

والسهره تحلى ...

جنبك يا نيل...

ويا الحكاوى..

وسط الغناوى...

والشاى صعيدى...

سيدى يا سيدى...

ع الفحم يابا..

ويا الغلابه...

جنبك يا نيل...

بنت بضفيره...

الوش باسم...

الجسم ناحل..

الاسم هانم...

السن عشره...

لكن كبيره...

بتبيعى ايه...

ردت بخفه...

طب مانت شايف...

فى ايدى ايه...

ياللا يا سيدى...

سفتحنى سفتح...

الهى تربح...

يارب تنجح...

أنجح فى ايه...

فى اى حاجه ...

فى كل حاجه...

ربى مايحكم عليك بحاجه...

لا تجوع فى ليله...

او تيجى ليله...

ابنك يا سيدى...

يصبح عليل....

ياللا اشترى...

كيس المناديل ...

الله عليكم يا طيبين ....

فى الفقر حتى مبسوطين...

بس احكى ايه...

ولا اكتب ايه...

سفروت معدى...

قدامى هَدّى...

بالبسمه حلوه..

تمسح يا بيه...




يا مصر رغم البهدله...

والعكننه ...

عاشقك أنا..

لو مره تمشى ...

فى الدرب الاحمر...

يا مصر دايما...

كان دربك احمر...

حتى علمنا...

فيه تلت احمر...

واحلف بربى ...

ماشفت أحمر...

من شخص جاحد...

او شخص حاقد...

ييجى يقوللى ..

ايه يعنى مصر...

أدخل فى مره المغربلين...

أو خش زور سيدنا الحسين...

اتوضى واركع ...

ركعتين...

انظر وشوف من غير كلام...

وسط الالوف تحيا بسلام...

سيدنا الحسين...

يابن الامام...

يا مصر فيكى ...

ام الغلام...

والطاهره زينب...

ست ام هاشم...

يام العواجز...

كل اللى جالك...

بالحب ناجز...

يا مصر حبك...

امن وسكينه...

ستى نفيسه...

ستى سكينه...

جنب الامام...

ليثى وشافعى ...

يارب منك...

ضرى ونفعى...

سيد يا بدوى...

قائد وفارس...

عباس يا مرسى...

للشط حارس...

يخطفنى شوقى...

عمرى ما أنسى ...

سيدى الدسوقى...

يا قلبى غاوى...

تسمع حكاوى...

سيدى القناوى...

يا مصر دايما...

فى العالى شانك..

ياللى التاريخ عمره ماشانك...

والله ابيع عمرى عشانك...

واتمنى اشوفك فى الهنا...

يا مصر رغم البهدله...

والعكننه...

عاشقك أنا....

يامصر عاشقك أنا  550737 يامصر عاشقك أنا  550737
يامصر عاشقك أنا  904723

الرجوع الى أعلى الصفحة اذهب الى الأسفل
mano zaky1
عضو مؤسس
عضو مؤسس
mano zaky1


انثى
السمك القرد
عدد المساهمات : 1842
العمر : 32
المزاج : Very Optimistic
الدوله : يامصر عاشقك أنا  3dflag10
المهنه : يامصر عاشقك أنا  Collec10
الهوايه : يامصر عاشقك أنا  Painti10
النقاط : 53506

يامصر عاشقك أنا  Empty
مُساهمةموضوع: رد: يامصر عاشقك أنا    يامصر عاشقك أنا  Icon_minitimeالثلاثاء نوفمبر 02, 2010 9:32 am

يا سلاااااااااااااام
ايه الكلام الكبير ده

بجد كلااااااااام جميل جدا جدا
تسلم ايدك يا عاشق

مجهود رائع
الرجوع الى أعلى الصفحة اذهب الى الأسفل
العاشق
عضو فضي
عضو فضي
العاشق


ذكر
الميزان التِنِّين
عدد المساهمات : 347
العمر : 35
المزاج : الحمد لله
الدوله : يامصر عاشقك أنا  3dflag10
المهنه : يامصر عاشقك أنا  Profes10
الهوايه : يامصر عاشقك أنا  Riding10
النقاط : 50191

يامصر عاشقك أنا  Empty
مُساهمةموضوع: رد: يامصر عاشقك أنا    يامصر عاشقك أنا  Icon_minitimeالثلاثاء نوفمبر 02, 2010 1:06 pm

شكراً mano منورة الموضوع
الرجوع الى أعلى الصفحة اذهب الى الأسفل
 
يامصر عاشقك أنا
الرجوع الى أعلى الصفحة 
صفحة 1 من اصل 1
 مواضيع مماثلة
-
» بحبـــــــــــ ♥يامصر♥ ـــــــــــــــك§¤~¤§¤~¤§
» حصريا:على الحجار (يامصر لية)
» نانسى عجرم " وحشانى يامصر " CD Q 256Kbps
» وحشانى يامصر-نانسي عجرم-2011

صلاحيات هذا المنتدى:لاتستطيع الرد على المواضيع في هذا المنتدى
منتدى كلية تربية المنصورة  :: المنتديات العامه :: القسم العام-
انتقل الى: