برمج عقلك ( انت بتكلم نفسك ازاي ؟ )

برمـج عقلــك!!

ممكن تستغربوا من العنوان الغريب ده

إيه برمج عقلك ده؟؟

ممكن واحد ييجي يسألني :

هو كمبيوتر ؟؟

يعني بدل ويندوز 98 ننزل إكس بي عشان مخنا يمشي أحسن ولا إيه يعني؟

تصدقوني بقى إن هو ده يبقى الموضوع بالضبط؟؟

تعال أسالك سؤال....

لو عندك كمبيوترين من نفس النوع واحد شغال بالإكس بي, والتاني شغال بالدوس..

هتكون كفاءتهم وقدراتهم واحدة؟؟

طيب لو عايز تدخل منتدى صناع الحياة ... ينفع تستخدم الكمبيوتر أبو (دوس)؟؟

لأ طبعا.. عارف ليه؟

لأنك علشان تنجح في دخول المنتدى لازم يكون عندك البرنامج المناسب...

صح؟

فيه علم ظهر حديثاً اسمه البرمجة اللغوية العصبية..

(نقول برمجة العقل أظرف)..

العلم ده قائم على فكرة إنك ممكن تعمل أي حاجة لو عرفت تبرمج عقلك بالبرنامج المناسب.. تخيل؟؟

يعني لازم تحط البرنامج المناسب في مخك عشان تعرف تستخدمه بطريقة أكفأ..

وتوصل للهدف اللي إنت عايزه.

تعال أسألك كمان كام سؤال....

عمرك حسيت إن اللي قدامك مش فاهمك وإنك مش عارف توصل له وجهة نظرك أو اللي إنت حاسس بيه؟؟

حسيت قبل كده إنك تايه ومش عارف تخطط لبكره كويس؟؟

لاحظت إنك مش فاهم والديك وإنهم مش فاهمينك؟؟

عمرك حسيت إنك متضايق كده من غير سبب ومش عارف تعمل إيه؟؟

عايز تطور قدراتك الوظيفية ومش عارف ازاي؟؟

أهي برمجة العقل بقى هي العلم اللي متخصص في حل كل المشاكل دي..

لو إجاباتك لمعظم الأسئلة اللي فاتت هي (

أيوه ).. إذن الموضوع ده هيعجبك قوي....

تابــــــع المشــاركة الجاية ...

سلسلة برمج عقـلك
==================
الحلقة الاولى

بعنوان

بتكلم نفســك أزاي؟؟؟

هل تعلم.. إننا كلنا بنكلم نفسنا؟؟

طبعا مش قصدي نقف قدام المراية نكلم نفسنا زي في الرسمة كده.. بهزر طبعا..

لكن أقصد الحوار اللي بيحصل بينك وبين نفسك وإنت قافل بقك.. فاهم حاجة؟؟

تعالوا نخش في الموضوع..

لم تأتِ خطيبة "زكي" لزيارته في عمله كالعادة..

وكلمها على الموبايل فوجده مغلقا.. فدارت في ذهنه هذه الأفكار:

لماذا لم تأتِ؟!

أكيد متضايقه مني!

متضايقة ليه؟

أكيد لا تحترمني ولا أمثل لها أي أهمية!

لماذا أغلقت هاتفها؟

لأنها لا تبالي بي ولا تريد أن أكلمها لأنني أسبب لها إزعاجا!

إنها لا تحبني!

أنا لا أمثل لها أية أهمية!

حسنا.. أنا أكرهها ولن أتصل بها!!

وسأتشاجر معها كذلك!!

هل لاحظت تسلسل الأفكار التي جالت بخاطره؟؟

لم يحدث أي حوار فعلي بينه وبين خطيبته لتخبره بسبب تأخرها..

تسلسل أفكاره قاده لافتراضات معينة لا ذنب لها فيها أصلا!!

من الممكن أن تكون قد تأخرت لأنها تحضر له مفاجأة،

وهاتفها مغلق لأن بطاريته قد نفدت.. ممكن طبعا!!

إيه اللي حصل هنا؟

اللي حصل حاجة اسمها: الحوار الداخلي..

الحوار الداخلي

هو الحوار الذي يدور في ذهن كل منا..

قد نتخيل أننا نكلم شخصا ما ونفترض أنه سيجيب بطريقة معينة قد تؤثر على حكمنا عليه..

أو أننا نجري حوارا بيننا و بين أنفسنا نفترض فيه افتراضات سلبية أو إيجابية.

حكمة:

احذر الحوار الداخلي السلبي، واحذر تأثيره..

حين نتخيل حوارا مع شخص.. فهذا الحوار الوهمي قد يؤثر في حكمنا عليه فعلا..

لذلك حاول أن تفهم الشخص ذاته ولا تفترض فيه افتراضات مسبقة.. ولا تفترض دائما الأسوأ في أي موقف..

لسه في باقي ,, كمل معايا ,,

اقرأ معي هذا الخبر الغريب:

رجل يقتل زوجته لأنها رفضت السهر!

خبر مرعب طبعا.. لكن لو دققنا النظر سنجد أن السبب الرئيسي لهذه الجريمة ليس رفض الزوجة السهر.. لكن الحوار الداخلي للزوج (الذي يعاني مشكلة نفسية غالبا) هو السبب الرئيسي لما حدث..

ما الحوار الداخلي السلبي الذي دار في ذهنه مثلا؟

لم لا تسهر معي؟

لأنها لا تحترمني..

ألا تعرف أنني رجل البيت هنا؟؟

ألا تقدر ما أفعله من أجلها؟

تصرفها هذا يعني إهانة لرجولتي..

يجب أن أثأر لكرامتي...

في هذا الحوار السلبي افترض أنها أهانت رجولته فأخرج السكين وطعنها

(بما أنه يعاني مشكلة نفسية غالبا)..

ربما لم تقصد بهذا إهانة رجولته لكن قصدت بهذا الراحة بعد يوم عمل شاق مثلا!!

احذر الحوار الداخلي السلبي.. تعلم كيف تتوقع الأفضل دائما..

اجعل حوارك الداخلي إيجابيا لا سلبيا كي تعيش سعيدا.. هذا هو مفتاح سعادتك مع الناس..

طيب.. ما الحوار الداخلي الإيجابي بقى؟؟

قول إنت بقى.. الدور عليك..

ايوة أنت مش تبصلى كدة

المثالين اللي فاتوا كتبنا مع بعض حوار داخلي سلبي لكل منهما.. اكتب إنت الإيجابي..

لم تأتِ خطيبة "زكي" لزيارته في عمله كالعادة..

وكلمها على الموبايل فوجده مغلقا.. فدارت في ذهنه هذه الأفكار الإيجابية:

حين تأخرت اليوم افتقدتها.. إنني أحبها فعلا..

بالتأكيد تأخرت لأنها تحضر لي خبرا سارا..

أكمل أنت بقية هذا الحوار

لتدرب نفسك على الحوار الداخلي الإيجابي
............... ............... .......
............... ............... .......
............... ............... .......
............... ............... .......
............... ............... .......

رجل عاد للبيت متأخرا فوجد زوجته ترفض السهر..

سيدور في ذهنه هذا الحوار الإيجابي:

لقد أرهقت نفسها اليوم كثيرا من أجلي لأنها تحبني..
لن أجبرها على السهر كي تعرف كم أحبها...

أكمل أنت بقية هذا الحوار
لتدرب نفسك على الحوار الداخلي الإيجابي

............... ..............
............... ..............
............... ..............
............... ..............

آخر الكلام :

مارس هذا التدريب في كل موقف يمر عليك في حياتك..

تعلم كيف تفترض افتراضات إيجابية
تفسر أي موقف يمر عليك..

هل تعلم أن (80 %) من أسباب القلق سببها
طريقة تفكيرنا السلبية ولا علاقة لها بما يحدث فعلا؟؟

اجعل كلامك مع نفسك إيجابيا ولاحظ الفرق الذي
سيصنعه ذلك لحياتك ولنظرتك للأشياء...

ربمآ أنآ تغيرت .. !!
آو من حولي آجبرني على آلتغّيـر
آصبحت لآ آريد آن آكون عآئق بحيآة شخص مآ ..
من يريدني فليتأكد كل آلتأكيد آنني آنآ آيضآ آريده ..
.........
...ومن آصبح وجودي في حيآته ’ ثقيل ’
فليأتي إلي ..
و أنآ وبكل صدر رحب سأستجيب بمآ يقول دون
آن آحدث لآ ضجيج ولآ مشكلـه ولآ آي شي ..
فقط سأبتسم

مشكوره حبيبتى
موضوع فعلا اكثر من رائع
استفد كتير اوى منه وفعلا كتير من مواقف حياتنا بنفسرها غلط
ان شاء الله نطور من نفسنا ونحاول نفكربطريقه اكثرايجابيه
جزبتى خيرااااااا

نورتينى ياقمرى

ربمآ أنآ تغيرت .. !!
آو من حولي آجبرني على آلتغّيـر
آصبحت لآ آريد آن آكون عآئق بحيآة شخص مآ ..
من يريدني فليتأكد كل آلتأكيد آنني آنآ آيضآ آريده ..
.........
...ومن آصبح وجودي في حيآته ’ ثقيل ’
فليأتي إلي ..
و أنآ وبكل صدر رحب سأستجيب بمآ يقول دون
آن آحدث لآ ضجيج ولآ مشكلـه ولآ آي شي ..
فقط سأبتسم

تسلم ايدك بجد التوبيك جميل جدا