السلام عليكم
ازيكم يارب تكونوا بخير دايما
شفتم الى حصل النهارده فى الجلاء اكيد معظمكم شافه والى ماشافوش اقوله انا عليه الى حصل كألاتى
الى انا شفته ان كان فى راجل ضخم كده وبشنب ولابس نضاره سودا واتنين طلبه واقفين الراجل دا فكرنى ببتوع الاقسام معرفش ليه ناس قالوا بلطجيه بس انا برجح انه واحد من المفسدين الى سقطوا بسقوط النظام
المهم الراجل دا لقيته رمى باقى كوبايه شاى على واحد من الاتنين الطلبه فمعرفش الشاب رد عليه وقالوا ايه لقينا بقى 3 كده كانوا واقفين نزلوا فى الشاب دا ضرب ضرب ضرب بهدلوه بقى وشه كله دم ودماغه واضح فيها تعاوير كتير وراحوا على صاحبه وضرب جاااااااااااامد ابشع مما تتخيلوا منتهى القسوة والوحشيه الاتنين بقيت دماغهم كلها دم
الغريب بقى ان الناس واقفه تتفرج الناس دى منهم الشباب بتوع الثوره الى غيروا نظام بلد فى 18 يوم واقفين يتفرجوا على اتنين بيطحنوا طب دا نسميه ايه بقى!!؟؟ بقيت واقفه هتجنن بطلب من الناس حد يروح ينقذهم مفيش حد سامعنى لدرجه ان واحد فيهم رفع صابعه يقول الشهاده زى مايكون بيقول للناس انقذونى ولا حد عبره
ايه دا؟؟؟؟؟؟؟؟؟
روحت بيتى مرعوبه اول مره فى حياتى اخاف وانا ماشيه فى الشارع روحت مشى رغم بعد المسافه الا ان كلامى كان محبوس جوايا مقدرتش اوقف تاكسى مشيت حاضنه كتابى كأنى متسلحه بيه
ليه لسه فى فوضى ولو لسه فيه ليه الشباب مابيتحركوش ليه لسه زى ماحنا سلبين بنتفرج من بعيد وملناش دعوه
انا مشيت والناس يادوب بتتفرج ايه الى حصل فين الشباب الى العالم كله بيحكى عليه انتوا نسيتوا اننا اصلا نزلنا فى المظاهرات واتبهدلنا عشان خالد سعيد الله يرحمه نقوم نشوف نفس المنظر ومنتحركش
تبقى ثوره ايه بقى
ناس تقول اكيد دول بلطجيه وناس تقول اكيد الطلبه عملت حاجه طب لو بلطجيه مابيرحوش يوقفوهم عند حدهم ليه ولو الطلبه عملوا حاجه مين دا الى يحقله يضرب ويسب انسان فى الشارع ويهينه ومش بس بيضربه لا دول اربعه على اتنين
بجد مصدووووووووومه حاسه ان كل التعب الى تعبناه راح فى الفاضى وندمانه انى بنت لانى معرفتش اتصرف
ربنا يكون فى عون مصر ويارب يكون الشباب دول روحوا بيتهم حيين
موضوع: ثورة ايه بقى!!!! 
الأحد مارس 27, 2011 8:27 am
