من اسباب موت الحب

مـــن أســبــــاب مــــوت الـحـــب

إنتى البنت إللى فى خيالى نفس الشعر و نفس العينين و نفس الجسم و...
" دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات
"إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه"
الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه
و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى
.. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم
و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ،
السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ،
العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها

لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها

كلام جمييييل . وحقيقي
تسلم الايادي

مجهود رائع

دا أكيد هزار!!
يعنى هو لو بالشكل دا يبقي مش ينفع يتسمى حب اصلا

يسلموووو

تسلم الايادى
توبيك جميل
طبعا النوع اللى انت بتتكلم عليه ده حب تمثيل زى ما بتقول
والنوع ده بيبقى الطرفين عارفين انهم بيمثلوا على بعض
عشان كده بيتغيروا مع بعض وبيزهقوا من بعض
لكن الحب اللى بجد
بيكون قائم على المصارحه والصدق بين الطرفين
وبيستحملو بعض ويقفوا جنب بعض
ولو حد فيه حاجه بتضايق التانى اكيد بيتغير عشانه
لكن للاسف الحب التمثيل ده بقى موجود كتير اوى
بغرض التسليه فقط
يسلمووووووو بدر
تقبل مرورى

هو الكلام حلو ومعقول وموجود بس ده ينطبق على الناس ال بتدخل تجربه الحب لمجرد التسليه وتضييع الوقت بالتالى بيمثلوا ع بعض

لكن الحب الحقيقى بيكون خالى من التمثيل وكل واحد يتعامل مع التانى بطبيعته ويحاول يتخلص من ال مش بيعجب التانى يعنى بيكونوا مع بعض على نور من أولها

يسلمووووووووووو

» ما هى اسباب الحب؟
» اقسى اسباب البكاء
» قصة تائب عجيبه ومبكيه اسباب معصيته هى اسباب توبته
» اسباب الفشل.............؟
» في عيد الحب.. هل أصبح الحب كلمة حق يراد بها باطل..؟