فصل عمر حفيد مبارك من المدرسة وحرمانه من امتحان آخر العام

قررت المدرسة التي يدرس فيها "عمر " نجل علاء مبارك و حفيد الرئيس السابق حسني مبارك فصله نهائيا وحرمانه من امتحان نهاية العام.

حيث قامت المدرسة بإرسال إخطارين بالفصل أحدهما إلى عنوان عمر بحي مصر
الجديدة بالقاهرة و الثاني على مقر إقامة عمر مع جده في شرم الشيخ.

وأكد الإخطار أن الفصل جاء بسبب تجاوز عمر نسبة الغياب عن المدرسة
وانقطاعه عنها طوال الفصل الدراسي الثاني حيث لم يتوجه إلى المدرسة منذ
اندلاع ثورة 25 يناير، مما يترتب عليه حرمانه من اختبار آخر العام.

وعلى الجانب الأخر تجري والدته محاولات مكثفة مع المدرسة لإقناع الإدارة
بالتراجع عن القرار وإيجاد صيغة تمكن ابنها من أداء اختبار آخر العام في
شرم الشيخ.

كما أنها تحاول شرح الظروف والملابسات التي يمر بها عمر والتي بالطبع
تعرفها المدرسة من حبس جده ووالده وعمه احتياطيا وصعوبة حضور الطفل إلى
القاهرة والانتظام في الدراسة.

شوفتو الهيافه بتاعة الناس؟؟؟

والله قلة ادب

خلاص معدش فيه رحمه
زنبه ايه الواد دا

طب مااحنا ياما غبنا واتفصلنا ورجعنا تانى

وقبل كدا طبعا كانوا بيضربوله تعظيم سلام
وبيجروا عشان يخدموهـ
لكن الوقتى خلاص ياخد بالجزمه
سبحاان مغير الاحوال
يسلموووو

لا حضرتك مش دا الل اقصده
الل اقصده ان خلاص كل حاجه بقت احسن
والقوانين بتتطبق زى الناس

والواد دا زنبه ايييييييييييييه
مايقدرو ظروفه وحالته النفسيه الل اكيد زى الزفت

مكنشى اعيب البلد الوحيد هوه مبارك
العيب فينا احنا
لازم نغير من نفسنا

انا لسه لحد النهارده مش لاقى ايجابيه واحده للثوره دى
كل يوم اعتصامات
كل يوم سرقه وبلطجه وقلة ادب
والناس عمالين يدبحو فى بعض

انا والله من زمان كونت ضد الثوره دى

أى قوانين!!
بعدين يعنى هى هاتيجى عليهـ
كل حاجهـ زى ما هى
بالعكس الفوضي زادت
وربنا يستر ف الايام الجايهـ
يارب يعديها ع خير

اللى يقول ان البلد حالها اتعدل غلطـــــــــــــــــان
بالعكس الحال بقى للاسووء
ومفيش اى تغييــــــــر لحد الان والفوضى ف كل حته
يسلموو مصطفى ع التوبيك

والله حرام ذنبه ايه الولد يعنى
هو دلوقتى بيدفع تمن اللى عملو ابوه وجده
بس هو ملهوش زنب
وبعدين يا جماعه بعد ازنكوا يعنى
انتو دلوقتى بقيتوا ضد الثوره مش فهماكوا يعنى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

احنا مش قد الثوره يا هبه
انا واحد من الناس شاركت فيها
بس فعلا الموضوع ف الضياع بجد
ومحدش حاسس بحاجه
يا هبه الحكومه بتقول ممكن متلاقيش فلوس تدى المعاشات للناس
يبقى الحال اتعدل؟؟؟؟
انا مش بتكلم من فراغ
ربنا يستر بجد

زائر

انا من رأيك يا ميدو بجد

4ever with me كتب:: احنا مش قد الثوره يا هبه
انا واحد من الناس شاركت فيها
بس فعلا الموضوع ف الضياع بجد
ومحدش حاسس بحاجه
يا هبه الحكومه بتقول ممكن متلاقيش فلوس تدى المعاشات للناس
يبقى الحال اتعدل؟؟؟؟
انا مش بتكلم من فراغ
ربنا يستر بجد

ياااارب ربنا يسترها
الثوره اللى بدأنا فيها وطالبنا باللى احنا عايزينه
الحمد لله نجحت والمطالب دى اتحققت
لكن بقى كل واحد عنده مشكله يعمل مظاهره
واعتصامات هو ده اللى سبب الى احنا فيه دلوقتى والفوضى دى
ربنا يسترها

بصراحه حرام اوى هو الولد ملوش
ذنبك يعنى هو كده بيدفع تمن اللى عمله جده وابوه وعمه
حرام

اقتباس :: انا من رأيك يا ميدو بجد

ميرسى يا غااده ربنا يخليكى

اقتباس :: لكن بقى كل واحد عنده مشكله يعمل مظاهره
واعتصامات هو ده اللى سبب الى احنا فيه دلوقتى والفوضى دى
ربنا يسترها

ماهو يا هبه المطالب الفئويه دى مش هتنتهى
وطول ما الموضوع كده مش هنخلص
لازم نفكر ف حاجات كتير منها البنيه التحتيه اللى اتدمرت
والاقتصاد اللى وقع والديون وغيره وغيره

والله المفروض نفكر فى مصلحه البلد الاول
وبعدين اللى عنده طلب يبقى يطلبه لان كده مش هينفع

ماهو ده اللى انا بقولك عليه
لازم يكون فكر جماعى مش فردى عشان المركب تبدأ تمشى من تانى

» شوف طلاب المدرسة بعد انتهاء العام الدراسي
» مصر اللى ماخدنهاش فى المدرسة !!!!
» النائب العام يأمر بحبس الرئيس السابق مبارك 15يوماً على ذمة التحقيق
» النائب العام يطلب من الدول الأجنبية تجميد أرصدة عائلة مبارك
» قانونيون: مبارك سيواجه السجن المشدد وتهماً بالتربح من منصبه وتسهيل الاستيلاء على المال العام