لقاء ف القطار!!!!!!!(الجزء الاول) كاااااااااااامله

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذا الرابط]

انتظرووووووووووووووووووووووووووووني

و
لقااااااااااااااااااااااااااااااااااااء ف القطار

الحلقة ( 18 )

كم أسعدها ذلك الحلم .. تلك الفرحة الحقيقية التى شعرت بها فى حياتها .. ذلك الحبيب الذى ندمت أنها أحبت قبله ولا يستحق الحب .. شعوراً لا تستطيع وصفه فإنه كبيراً وعميقاً وتفتقد هى إلى الكلمات الصحيحة فى الوصف .. فتكتفى بالشعور به .. تكتفى بالنظر إلى عينٍ حانية يبدو صاحبها لأول وهلة قاسياً متجمداً .. ولكنه أحن مخلوقٌ رأته بعد والدتها .. لا تتذكر والدها وطباعه وصفاته فلقد توفى وهى صغيرةٌ جداً .. ولا تعلم عنه غير صورةٌ تملكها والدتها ..

يقطع تفكيرها صوت أحب الناس لها .. حاتم .. ومعه أيمن وفاطمة .. جاءوا ليأخذونها للرجوع بها إلى منزل جدها .. إلى سوهاج .. فها هو اليوم الأخير لها فى المشفى .. فلقد تعافت .. فلقد تعافى قلبها قبل جسدها .. وفى أعين الحميع فرحةً عامرة .. وبالأخص فى قلوب حاتم وآية ..

لملمت فاطمة حاجيات صديقتها آية عن طيب خاطر وصدقٍ شديدين .. لم تشعر بالضيق نهائياً بل شعرت بالسعادة لخروج صديقتها من أزمتها .. وعلى الجانب الآخر كانت آية تشعر بأن الفرح قريباً منها جداً .. فلم تعد تنتظر الخروج من أزمة عاطفية بل أضحت تنتظر الدخول فى حياةٍ عاطفية قائمةٍ على أساسٍ سليم وشرعى .. هو أساس الله .. وهو الزواج من حاتم .. وينظلق الأربعة فى سعادة خارج المشفى وكأنها كانت جحيماً يدور حولهما وانتهى بأول خطوةٍ خارج بابها ..

واستقلوا مرةً أخرى القطار .. ذلك الذى جمعهم وهم ذاهبون وجمعهم أيضاً وهم راجعون .. وأيضاً جمعهم نفس المكان الذى كانوا يجلسون فيه من قبل .. ولكن فى تلك المرة كانا ايمن وفاطمة يجلسان بجوار بعضهما وكذلك الأمر لحاتم وآية .. ورغم قرب ألربعة من بعضهما فى المجلس إلا أن كان بين كل اثنين حواراً خاصاً بهما ولا يسمعه الآخرين ..

وسأبدأ معكم الحوار الذى دار بين فاطمة وأيمن .. حيث يرى أيمن تلك السعادة التى تطل من أعين فاطمة والتى يشعر بها أيضاً ..

أيمن : ياترى ايه سر السعادة اللى هتنط من عينك دى ؟!
فاطمة ( ناظرةٌ له فى حب ) : تصدقنى لو قلت لك مش قادرة احدد سبب السعادة دى بالظبط ؟
أيمن : طبعاً أصدق لإنى زيك بالظبط .. مش عارف هل انا فرحان عشان هرتبط بأجمل انسانة عرفتها فى حياتى .. واللا فرحان عشان حاتم خرج من أزمته واللا فرحان عشان آية خرجت من ازمتها .. واللا فرحان عشان آية خفت من حادثتها .. واللا فرحان عشان حاتم وآية أخيرا لقوا فى بعضهم الأمان والحب الحقيقى زى ما انا لقيته فيكى وانتى لقتيه فية .. مش برده كدة واللا انا غلطان ؟
فاطمة ( فى خجل ) : لا مش غلطان .. وانا كمان كنت هقول نفس ردك ده .. انا مبسوطة اوى ان ربنا عوض صبرى خير ومبسوطة أكتر لآية وحاتم .. مبسوطة لحاجات كتيرة اوى .. حسة ان قلبى هيقف من كتر سعادتى ياأيمن ..
أيمن ( فى حب ) : سلامة قلبك ياقلبى ..
فاطمة ( فى خجل ) : الله بقى ..
أيمن : انا كنت عايز سؤالين يافاطمة .. واحد فيهم لو مجاوبتيش عليه مش حيهمنى اعرف اجابته طول عمرى بس التانى ضرورى لازم تردى علية فيه ..
فاطمة : اسأل ياسيدى ..
أيمن : هبتدى بالشؤال اللى ميهمنيش اجابته .. حبيتى قبل كدة يافاطمة ؟!
فاطمة : اللى يقول انه محبش يبقى بيكدب .. انا ياسيدى حبيت مرة فى حياتى كنت فى تالتة اعدادى .. حبيت بياع فى سوبر ماركت كان اسمه نبيل .. تصدق اكتشفت ان ذاكرتى كويسة .. ده انا ممكن اوصفهولك كمان .. ههههههههههه ..
أيمن : تالتة اعدادى .. انا بحسب هتقوليلى تالتة كلية كنت ههتم فعلا اعرف التفاصيل .. لكن سيبك دى معيلة ..
فاطمة : ماشى ياعم .. بس طالما متهمكش الاجابة سألت السؤال ده ليه ؟
أيمن : عشان عايز اعرف عنك كل حاجة .. حتى لو أكلتى ايه يوم الخميس اللى فات .. بس والله فعلا ميهمنيش لانك لو كنتى قلتيلى مش هجاوب مكنتش فعلا ههتم او ححط الموضوع فى بالى تانى ..
فاطمة ( فى خجل ) : وانا مخلصنيش أكسفك واقولك مش هجاوب ..
أيمن ( فى صوتٍ عالٍ قليلاً ) : ياسعدك ياهناك ياواد ياأيمن ..
فاطمة : حاسب صوتك بيعلى ..
أيمن : اه صح .. احم احم .. طيب .. السؤال التانى بقى .. بتحبى الشغل ؟!
فاطمة : ايوة بحب الشغل ..
أيمن ( فى قلق ) : يعنى عايزة تكملى شغل ؟!
فاطمة : بص انا كنت هكمل شغل لو كنت محسيتش بالأمان الكامل ناحيتك .. لكن اليومين اللى فاتوا دول خلونى بعت العالم كله عشان خاطرك .. ماعدا أهلى طبعا ..
أيمن : ههههههههههههه .. متقلقيش يافاطمة .. أهلك هما أهلى .. وعمرى فى حياتى ما هحرمك منهم ..
فاطمة : وانا واثقة فى كدة ....

ذلك هو الجزء الهام فى حوار فاطمة وأيمن .. وأما العاشقين الآخرين – آية وحاتم – فحوارهما كان من نوعٍ أخر .. حوارٍ يشجى القلب وربما يبكيه من فرط قوة عاطفتهما وأحزانهما التى كانت ..

آية : ربنا ده كبير اوى فعلا ياحاتم .. انا قبل ما اتعررف عليك انت وأيمن كنت محطمة وجوايا يأس كبير وقلت هفضل كدة طول عمرى .. لكن لقيتك .. انت وأيمن يعنى .. ناس مش زى أى ناس عرفتهم .. مش زى خيلانى اللى باعونى ورامونى .. مش زى صحابى اللى فجأة بعدوا عنى .. مش زى وائل اللى جرحنى بقسوة ولا كأنى بنى آدمة ممكن تنكسر .. كنت حسة انى فعلا انكسرت وجرحى اللى كسرنى مش هيتلم تانى ..
حاتم : انا وانتى مرينا بظروف صعبة مش قادر احدد من فينا الأصعب .. بس احنا الاتنين انجرحنا .. من ناس كنا فاكرين انهم اقرب الناس لينا ولقلوبنا وطلعوا خاينين وغدارين .. كسرونا وجريوا وفى الاخر واحدة زى عبير جاية تمثل علية من جديد .. تصدقى بالله ..
آية : لا إله إلا الله ..
حاتم : لولا وجود أيمن جنبى انا كان ممكن اصدقها من جديد ..
آية : يعنى ايه ياحاتم .. يعنى لو كنت صدقتها كان ممكن ترجعلها ؟!
حاتم : حفكرك بجملة انتى قلتيها من ثوانى .. انتى قلتى الجرح اللى كسرنى مش هيتلم تانى .. كان ممكن اصدقها لكن جرحى كان هيبقى اقوى من انى اسامحها ...
آية : كتير الجرح بيقوى ..
حاتم : فعلا .. وانا قويت .. انا حاسس انى بقيت أقوى انسان فى العالم .. زى مازنجر كدة .. هههههههههههههههه
آية : ههههههههههههههه فعلا اقوى انسان .. بس انسان آلى .. ههههههههههه ..
حاتم : عارفة ياآية .. انا لما اروح عند جدك مش هطلبك منه وبس ..
آية ( فى خجل ) : اومال هتعمل ايه تانى ..
حاتم : انا هترجاه نكتب الكتاب واحنا قاعدين .. نبعت نجيب مأذون البلد يكتب كتابنا واحنا قاعدين ..
آية : حلو الحلم ده ..
حاتم : حلم ؟! وليه ميكونش حقيقة ؟!
آية : يتهيألى والدك ووالدتك ليهم حق عليك فى الموضوع ده ..
حاتم ( بابتسامةٍ واسعة ) : عندك حق ياحبيبتى ..
آية ( فى اشتياق وترجى ) : بجد ياحاتم أنا حبيبتك ؟!
حاتم : اه والله العظيم انتى حبيبتى .. ومكنتش اعرف انى هحس بمشاعر حب تانى فى حياتى وتكون قوية كدة .. انا كنت فاقد الأمل فى كدة .. بس انتى غيرتيلى حاجات كتيرة جوايا .. ربنا يخليكى لية ..
آية ( فى سرها ) : ويخليك لية ياحاتم ..

حاتم : انا برده مبسوط لفاطمة وأيمن ..
آية : الاتنين طيبين أوى ويستاهلوا كل خير ..
حاتم : فعلا .. الطيبون للطيبات والخبيثون للخبيثات .. فاضل قد ايه ونوصل ...
آية : ياااااااااااااه ياحااااااااااتم .. ده مبقالناش ساعة فى القطر ..
حاتم : يعنى لسة فاضل 6 ساعات ... يارب يعدوا بسرعة بقى .. انا مشتاق جدا لجدك ..
آية : متستعجلش على رزقك .. هما 6 ساعااااااااات بس ..
حاتم : هههههههههههههههههه وانتى مالك مقهورة ليه وانتى بتقوليها ..
آية ( فى خجل ) : لا مش مقهورة ولا حاجة ..

تمر الساعات الست سريعاً بالفعل ولم ينم أحداً منهم بل ظلوا مستيقظين ... ورجع أيمن وفاطمة إلى القاهرة وواصل حاتم إلى سوهاج مع آية ...

واخيرااااااااااا

الحلقة ( 19 )

وصلا حاتم وآية إلى القاهرة .. إلى بيت الجد .. ذلك العجوز الذى يسكن وحده منذ سنوات طويلة .. فتح الجد الباب .. ليرى أمامه آية .. فظهر على تجاعيد وجهه الكثيرة سعادة بلا حدود .. ولكن تلك السعادة اختفت سريعاً لحظة رؤيته إلى حاتم .. وتساءل من ذلك الرجل .. وهو مازال ممسكاً بباب بيته سأل حفيدته ..

الجد : مين ده ؟
آية ( فى تلعثم ) : ده .... ده .... ده أ/ حاتم ياجدى ..
الجد ( فى غضب ) : مين يعنى وجاى معاكى لحد هنا بتاع ايه ؟
آية : طيب ياجدى ندخل الاول وهقولك على كل حاجة ..

فتح الجد الباب على مصراعيه وهو فى قمة غضبه وتوجه إلى ركنة الضيوف جلس بها .. وتبعته آية وحاتم فى صمتٍ وخوف .. نعم خوف .. فرغم كبر ذلك الرجل فمازال به شخصيةٌ صعيبةٌ للغاية ... جلس الجد واستمر الاثنان واقفان .. لم يستطيعا الجلوس دون إعطائهما الإذن من صاحب البيت ..

الجد ( دون أن ينظر لهما ) : مين ده ؟!!!!!
آية : هقولك على كل حاجة ياجدو .. اللى حصل ان الأستاذ كان مسافر زيى فى قطر الصعيد حتى كان راكب فى الكرسى اللى قدامى هو وصاحبه ...
الجد ( فى تساؤل ) : استنى هنا .. انتى مش قلتى أجلتى سفرك .. دلوقتى بقى الأستاذ كان معاكى فى القطر اللى سافرتى فيه .. يعنى ايه بقى الكلام ده ؟!
آية : ياجدى انا فعلا كنت جاية بس كان معايا واحدة صاحبتى اتعرفت عليها فى القطر رايحة أسوان فسافرت معاها اقضى يومين ..
الجد ( الذى قام فجأة من مجلسه فى غضبٍ عارم ) : بتقولى ايه ياآية ..

وما إن نطق الجد بتلك الجملة إلا وتبعها صفعةٌ قوية على وجه آية .. ومستعداً لضربها الصفعة الثانية وإذا بحاتم يسرع وممسكاً بيد الجد .. قائلاً له ..

حاتم : إهدى ياحاج ..
الجد : أهدى ايه ياجدع انت .. سافرت تقضيلها يومين مع واحدة فى اتعرفت عليها فى قطر وبقالها اسبوع ان مكانش أكتر .. ثم تعالى هنا انت كمان .. انت كان دورك ايه معاهم .. هو انت كنت بتقضى اليومين دول معاهم ..
حاتم ( فى تلعثم وكذب ) : آآآآ .. لا ياحاج انا مكنتش بقضى يومين .. بس اللى حصل انى كنت مسافر انا كمان أسوان فى شغل وكان معايا أيمن صاحبى .. والآنسة حفيدة حضرتك حصلت لها حادثة هناك والاسبوع اللى حضرتك بتقول عليه كانت فيه فى المستشفى .. وحاولت صاحبتها اللى اتعرفت عليها فى القطر تخليها تكلمك بس الآنسة مريضيتش عشان متقلقلكش ..
الجد : انت ياجدع انت شايفنى دق عصافير .. يعنى صاحبتها مريضيتش تخليها تكلمنى تقوم انت اللى تسافر معاها وتجيبها لحد هنا .. وانتى ازاى ياست هانم توافقى ان راجل غريب عنك يوصلك لحد بيت جدك وكمان فى الصعيد .. انتى فاكرة انها خلطبيطة زى بتوع القاهرة اللى ملهمش اخلاق ولا عادات وتقاليد ..
حاتم : لا ياحاج مين قال .. احنا عندنا عادات وتقاليد .. انا وصلتها عشان حفيدتك حصلت لها حادثة لو حضرتك اخدت بالك من كلامى .. ولسة خارجة من المستشفى وسافرنا على طول اول ما خرجت وجيبتها لحد هنا عشان متتعبش فى الطريق وتكون لوحدها ساعتها يمكن متلاقيش اللى يساعدها .. وعموما ياحاج حفيدتك انسانة محترمة ومسمحتش لحد يتعدى حدوده معاها .. وعشان كدة انا طالب ايدك منها ..
الجد : طالب ايه .. انت جاى هنا عشان تهزر ياجدع انت ..
حاتم : والله ابدا ياحاج انا بقالى كام يوم بفكر فى الموضوع ده .. انا حتى مقلتش لآية عليه عشان موترهاش .. وقررت اوصلها لما تقوم بالسلامة من الحادثة دى واجيبهالك سليمة واطلب ايدك منها واستأذنك اى حد يسألك مين اللى كان مع آية قولهم خطيبها ..
الجد : ليه بقى ان شاء الله .. وهى الهانم وافقت من غير ما تاخد رأيى ؟
حاتم ( فى ذكاء حاد ) : توافق ازاى وهى متعرفش الموضوع ..
الجد : بت ياآية .. بصيلى فى عينى كدة ..

تحاول آية النظر فى عينى الجد والتظاهر بعدم معرفة طلب حاتم حتى لا تزيد الطين بلة وتنجح فى محاولتها فيأمرها جدها بالذهاب إلى حجرتها .. ويلتف جهة حاتم قائلاً ..

الجد : تعالى ورايا ..
حاتم ( فى ارتياح ) : تحت أمرك ياحاج ..

يجلس الجد مع حاتم خارج المنزل حتى لا تسمع آية حديثهما ..

الجد : تعرف ايه عن آية ؟
حاتم : اعرف انها انسانة كويسة ومحترمة ومتربية كويس ..
الجد : بس كدة ؟
حاتم : عرفنى حضرتك ياحاج الاكتر من كدة ..
الجد : ولما انت متعرفش عنها اكتر من كدة بتتقدملها ازاى ؟
حاتم : مهو ياحاج لما اتقدملها هعرف كل ظروفها واللا انت كان يرضيك انى اكلمها فى القطر فى أمور شخصية زى دى ؟
الجد : ممممممممممم .. بص بقى .. آية يتيمة .. امها وابوها ميتين .. امها تبقى بنتى الله يرحمها .. ماتت من سنة وابوها الله يرحمه مات من زمان اوى .. كانت آية عندها 4 سنين .. البنت دى اللى طلعت بيها من الدنيا .. مع ان عندى رجالة .. خيلانها .. لكن ملهمش لازمة .. ومبيسألوش عنى ... ومعنديش استعداد حد يجى يتجوز آية ويبعدها عنى .. انا ممكن اقتله ..
حاتم : انا عايزك تطمن ياحاج انا عمرى ما همنع عنك حفيدتك ابدا .. بس هى توافق ..
الجد : وفى حاجة كمان ..
حاتم : أؤمر ياحاج ..
الجد : أهلك هما اللى لازم يجوا ويطلبوها منى .. لازم اعرفلك أهل ..
حاتم : طبعا ياحاج .. انتو بس توافقوا وفى ظرف يومين هتلاقوهم عندك ..
الجد : استنى هنا .. هطلع اخد رأيها ..
حاتم : خد راحتك ياحاج ..

يتوجه الجد إلى حجرة آية فى منزله الكبير ويدخل عليها دون طرق الباب ويجدها جالسة فى حزن ..

الجد : زعلانة ليه ياآية ..
آية ( فى شبه بكاء ) : لا مش زعلانة ياآية ..
الجد : انا عارف .. عشان ضربتك قدام الجدع ده .. معلش حقك علية .. انا كمان دمى فار لما لقيت راجل غريب بيوصلك لحد هنا وقدام الناس .. وانتى عارفة السمعة والشرف ياآية ..
آية : انا اسفة ياجدى انا الغلطانة .. ومكنش لازم اوافق على انه يوصلنى ..
الجد : المهم .. الراجل طالب ايدك .. اقوله ايه ..
آية : انت ايه رأيك ياجدى ..
الجد : اسمعى يابنتى .. انا مش هعيشلك كتير .. انا راجل كبرت وعجزت وخلاص نهايتى قريبة وانا عايز اطمن عليكى .. وافقى ياآية .. شكله جدع طيب وابن حلال ومحترم .. واسمعى كلامى انا راجل كبير وافهم فى نوعيات الناس .. ولو مكنتش فهمت نوعية الراجل ده ايه كنت طردته من البيت على طول .. لكن واضح انه راجل محترم وعاقل وكلامه موزون وذكى جداً .. انا عارف انه كذب علية فى حاجات كتيرة عشان يدارى الغلط اللى انتو وقعتوا فيه هقولك عليها بس بعد ما يمشى .. ها يابنتى .. اقول للجدع ده ايه ؟!
آية ( فى خجل ) : اللى تشوفه ياجدى ..

ينهض الجد مقبلاً رأسها ويشعر بسعادة كبيرة قائلاً لها ..

الجد : على بركة الله .. مبروك يابنتى .. ربنا يتمملك على خير ..

خرج الجد من الحجرة ولم تتمالك آية نفسها من البكاء فلقد شعرت بفرحةٍ كبيرة .. إذن فلقد أوفى حاتم بوعده تجاهها ولم يهينها أو يجرحها مثل وائل .. وقامت توضأت وصلت ركعتين شكر لله عز وجل ..

وعلى الجانب الآخر .. يصل الجد إلى مكان مجلس حاتم .. ويجلس ويقول له ..

الجد : تقدر تجيب أهلك امتى يابنى ؟
حاتم ( فى فرح ) : بجد ياحاج .. يعنى هى وافقت .. ده انا ابات النهاردة فى الشارع واخليهم يجوا بكرة ..
الجد : لا متباتش فى الشارع .. ياللا روح بيتك ويوم الجمعة الجاية تشرفونا ان شاء الله ..
حاتم : بس الجمعة ده بعيد اوووووووووى ياحاج .. مش بيقولوا خير البر عاجله ..
الجد : يابنى الصبر .. كله بأوان .. ياللا امشى عشان تلحق ترجع قبل الضلمة .. وخد رقمى عشان تكلمنى انت واهلك اول ما توصل او بكرة الصبح لما تكون وصلت وارتحت ..
حاتم : عنية ياحاج ..

ياترى ماذا سيحدث بين حاتم وأهله فى موضوع زيجته تلك ..؟!!

الحلقة ( 20 )

ركب حاتم القطار دون أن يدرى أن هناك بعض المشكلات التى ستعرقله .. ولكن وقبل أن نتطرق فيما حدث مع حاتم وعائلته سنتطرق أولاً فى ذلك الحوار الذى دار بين الجد وحفيدته ..

دخل الجد إلى حجرة حفيدته ليجدها فارشةً سجادة الصلاة وتصلى وترفع إصبعها السبابة أثناء التشهد ... فانتظر قليلاً حتى انتهت آية من صلاتها وقبل أن ترفع يديها متضرعةً إلى الله تشكوه وتدعوه فتحدث الجد معها قائلاً ..
الجد : تقبل الله ..
آية : منا ومنكم ياجدى ..
الجد : فاضية نتكلم شوية ؟َ
آية : طبعا ياجدى .. انا تحت أمرك ..
الجد : الله يابنتى .. شوفى بقى ياآية انا متناقشتش مع حاتم لما قال الحكاية المفقوسة بتاعة القطر والحادثة ..
آية ( مقاطعةٌ له ) : والله ياجدى ما كدب انا فعلا عرفت حاتم فى القطر وفعلا عملت حادثة ..
الجد : استنى بس الله يهديكى .. انا مبقولش انها كدب .. انا بقول ان حاتم خبى حاجات مرضيش يقولها لانه كان عارف انها هتجيب مشاكل أكتر .. هو خوف منه عليكى بس اللى نسيه ان شعرى شايب ولونه أبيض .. يعنى انا فاهم انه مقالش الحقيقة كاملة ..
آية ( ف خوف ) : يعنى ايه ياجدى ؟
الجد : اتعرفتوا فى القطر انتى وهو صاحبتك اللى بتقولى عليها وصاحبه اللى قال عليه .. اتفقتوا تروحوا أسوان ومعرفش ايه اللى طلع الفكرة دى فى دماغكم .. وحصلت هناك الحادثة وطبعا مقضيتوش الوقت ده لانك قضتيه فى المستشفى .. مفهمتيش حاجة من الكلام ده ياآية ؟!!!!
آية : .......................
الجد : طيب هقولك انا .. مفهمتيش ان تعارفك على شاب غريب فى القطر ميصحش وحرام .. مفهمتيش معنى انك تقضى يومين معاه ان ده عيب اوى وميصحش لبنت متربية وبرده حرام .. مفهمتيش ان الحادثة دى تذكرة من ربنا ليكى عشان تفوقى ومتقعيش فى غلط أكتر من كدة ..
آية : ياجدى انت عارفنى .. انا عمرى ما كنت هعمل الغلط اللى حضرتك بتتكلم عليه ده ..
الجد : أيوة انا عارفك بس الشيطان شاطر .. ومفروض كنتى تحطى فى بالك ان الواد ده ممكن يطلع مش كويس ساعتها بقى نصرخ ونلطم ونقول ياريتنا ..
آية : عندك حق ياجدى انا فعلا غلطانة ومكنش ينفع اعمل كدة ..
الجد : يعنى فعلا ده معناه زى ما انا ما فهمت ان حاتم وصاحبه مراحوش عشان خاطر شغل ولكن راحوا معاكو تتفسحوا وزى ما برده فهمت انك عارفة ان حاتم جاى معاكى هنا عشان يتقدملك ويطلبك منى .. صح ياآية ؟!
آية ( فى خجلٍ شديد ) : صح ياجدى ..
الجد : طب بالنسبة بقى لصاحبتك هل هى ملهاش أب يوعيها ويقولها ان اللى هى عملته غلط وحرام .. قبل ما تنطقى انا عارف انه أبوها أكيد ميعرفش حاجة من اللى حصل وانها مش هتقوله ... بس هى وافقت ازاى ؟ معندهاش عقل ؟ معندهاش دين ؟
آية : ياجدى .. فاطمة اصلا كانت رايحة تسلم ورق فى فرع الشركة اللى بتشتغل فيها فى أسوان وصاحب حاتم برده عرفها فى القطر وحبها واتصل بأبوها وهو فى القطر وخطبها منه فى التليفون وزمانه راح اتقدملها رسمى فى بيتهم .. ومن بعد ما أيمن طلب ايدها من ابوها فكر انه يروح يوصلها لأسوان عشان متبقاش لوحدها فى محافظة تانية ويبقى يرجعها وكله بعلم أبوها .. لكن لو مكنش ابوها عرف طبعا ياجدى كان هيعمل زيك وهيضايق زيك ..
الجد : حلو اوى .. يعنى مش انا لوحدى اللى راجل دقة قديمة واعرف فى الاصول والصح والغلط والحلال والحرام .. يعنى ابوها كمان لو مكنش عرف من الاول كان ممكن يجيب خبرها وانا عراف ان ابوها نفسه اضايق لما عرف ان أيمن راح وصلها وأكيد هيكلمها فى كدة .. وانى اجيب خبرك واقطع رقبتك ده اللى كان مفروض اعمله انا لما لقيتك جاية وجايبالى معاكى راجل غريب .. كل اللى حصل من ساعة ما اتعرفتى عليه لحد ما جيبتيه معاكى فى بيتى ده صح ؟! ده يرضى ربنا ؟ ده هيخلى الناس تسكت ؟
آية ( فى خجل ) : عندك حق ياجدى .. انا اسفة ياجدى انا مش عارفة ازاى مفكرتش فى كل ده ...
الجد : انتى موافقة على حاتم واللا لأ ؟
آية : ايوة ياجدى انا موافقة عليه ..
الجد : عارفة انا قلت ايه للناس اللى شافوه معاكى جاى لحد هنا ؟
آية : قلت ايه ياجدى ؟
الجد : قلت انه جوزك .. وانه جابك هنا تقعدى معايا كام يوم عشان هو مسافر فى شغل .. انا كدبت عليهم آه لكن مقدرتش اخلى سمعتك تبقى فى الطين .. غلطتك كبيرة اه ولازم تداوى ومكنش قدامى الا الحل ده ..
آية ( وقد انفطرت فى البكاء ) : انا اسفة ياجدى ..

احتضها جدها فى حنانِ شديد قائلاً لها ..

الجد : انا مش عايزك تتأسفى .. انا عايزك تعرفى ان غلطتك دى كان ممكن توقعك فى مصايب ملهاش حل .. واحنا هنا فى الصعيد .. يعنى شبه غلطة زى دى تجيب رقبتك .. بصى ياحبيبتى انتى من لحمى ومن دمى وانا خايف عليكى .. ان كان على الناس يتفلقوا ويغوروا طالما انا معاكى بس انا مش ضامن عمرى ومش عايز اسيبك ليهم ينهشوا فيكى وانتى ملكيش حد من بعد منى يحافظ عليكى .. فوقى ياآية لنفسك ولتصرفاتك .. ارجعى لربنا وارجعى لعقلك وفكرى مع نفسك اللى انتى عملتيه كان ممكن يوصلك لإيه ياحبيبتى ..
آية ( فى ندمٍ وبكاء ) : عندك حق ياجدى انا الغلطانة .. حقك علية ياجدى ..
الجد : عارفة ليه متكلمتش مع حاتم واقوله انه كدب علية ؟
آية : ليه ؟
الجد : عشان لما جيت اضربك القلم التانى هو مسكها .. كانت اول مرة احس بخوفه عليكى .. ولما لقيته بيدارى الحقيقة الىلى حصلت عرفت انه لسة خايف عليكى .. عشان كدة مطولتش معاه فى الكلام ولا عاتبته ولا هعاتبه .. انا بقولك انتى كدة عشان بس تعرفى ان سنى ده متربى فيه خبرات السنين اللى فاتت ..
آية : بجد ياجدى انا اسفة اوى ..
الجد : خلاص بقى متتأسفيش وياللا قومى اغسلى وشك وصلى ركعتين لربنا واستغفريه وادعيله ان اول خطواتك مع حاتم تكون برضاه ..
آية : حاضر ياجدى ..
الجد : انا نازل على القهوة .. بعد ما تصلى وتقرى قرآن نامى شوية وعلى ما تصحى اكون حضرتلك أحلى عشا ..
آية : تسلملى ياجدو .........

كان هذا هو الحوار الذى دار بين الجد وحفيدته .. وظلت آية تفكر كثيراً .. ماذا فعلت بنفسها .. وكيف أغضبت ربها بهذا الشكل .. كيف هذا الحب الوليد قد أعماها عن الله وهو الذى أنعم عليها به لتنسى جراحها القديمة .. إنها ليست صغيرة لتقع فى ذلك الخطأ .. هل جرحها مع وائل هو الذى أنساها الله .. كيف وقد أتعبها الله ليرضيها فى النهاية برجلٍ خلوقٌ ويستحقها .. وكيف أخطأ حاتم فى ذلك أيضاً .. هل جرح الاثنين جعلهما يعميان عن رضاء الله .. كانت غلطة منهما ولن تتكرر .. حتى وإن لم يكن بينهما نصيب .. هكذا قررت آية ..

على الجانب الآخر وبعد أن رجع حاتم إلى بيته كانت الساعة تخطت الواحدة ليلاً .. ووجدا والديه فى نومٍ عميق .. نام هو الآخر وبملابسه .. وذلك من تعبه .. وقرر الحديث معهما فى الصباح الباكر .. ومر الليل وقد نام حاتم من إرهاق الأيام السابقة .. وما إن ظهر الصباح وشعر به حاتم حتى انتفض من سريره وهرول ناحية الصالون ليجد والده كعادته ممسكاً بالجريدة مهتماً بقراءتها .. فيسرع للجلوس بجانبه .. وبادئاً بالحديث ..

حاتم : صباح الخير لأحلى أب فى الدنيا ..
الأب : صباح النور يا......... ايه ياواد ده .. شعرك واقف كدة ليه .. الله انت نمت بهدومك واللا ايه .. ثم خد هنا .. انت جيت امتى اصلا ؟!
حاتم : جيت بالليل ياوالدى العزيز .. وجيت تعبان فنمت بهدومى وطبعا لما اصحى لازم يكون شعرى واقف .. انا جيت اصبح عليك ياحبيبى انت ..
الأب : ياواد يامكار .. هات من الاخر .. عايز ايه . عايز فلوس ؟
حاتم : يابابا ياحبيبى قلت لك كتير ان مرتبى مكفينى الحمد لله ومش محتاج اى فلوس ثم انت عارف انى بحب اعتمد على نفسى ..
الأب : طب ياسيدى .. ها عايز ايه بقى ..
حاتم : هى ماما فين الأول ؟
الأب : ما انت عارف انها بتحب لما تصحى تنزل تمشى شوية عشان تخس ..
حاتم : يوووووووه ... صح انا كنت نسيت الموضوع ده .. بس برده كويس انها مش موجودة .. كنت عايزك فى موضوع مهم جداااااااااااااا ..
الأب ( فى فرح وتوسل ) : يبقى نويت تتجوز .. صح ياواد .. الله يخليك فرحنى ياحاتم ..
حاتم ( فى انبساطٍ تام ) : يافاهمنى انت ياوالدى العزيز ..
الأب ( وقد شعر براحة البال ) : اخيررررررررررررررا .. طب قولى التفاصيل بسرعة هى مين دى ومنين واصلها وفصلها وعرفتها فييييييييين ...
حاتم : هقولك على كل حاجة ياوالدى بس هقوم اخد دش وجايلك حالاااااااااااا ..
الأب : عندك حق قوم خد دش وسرح شعرك عشان نفسى تتفتح للبنوتة اللى اخيرا علمتك الادب وفتحت نفسك للجواز ..
حاتم : هههههههههههههههه .. والله ياوالدى أحلى بنوتة .. استنى بس 10 دقايق وراجعلك ..
الأب : ماشى ياسيدى ..

الحلقة ( 21 )

خرج حاتم من الحمام بعد أن أخذ دشاً ساخناً أراح جسده من ذلك الإرهاق الشديد ومشط شعره وارتدى ملابسه وخرج لوالده الذى كان ينتظر أحر من الجمر .. وما إن رآه والده حتى صاح فيه فى مرح ..

الأب : ايه ياواد انت نص ساعة فى الحمام .. شكلك بقالك اسبوع من يوم ما سافرت مستحمتش ..
حاتم : ههههههههههههههههه .. الله بقى ياوالدى مش لازم اقولك الموضوع على نضافة ..
الأب : طب ياللا بقى انجز وقول قبل أمك ما تيجى وساعتها هى هتاخدك تعرف التفاصيل وانا هبقى عامل زى الاطرش فى الزفة ..
حاتم : هههههههههههههههههه سلامتك يابابا من الطرش .. بص بقى ياسيدى ...

قصَّ حاتم على والده الحكاية كلها منذ أول لحظة تعرف فيها على آية وحتى لقائه مع جدها .. وكان والده فرحاً للغاية ..

الأب : الله ياواد ياحاتم .. حكايتك دى عاملة زى بتوع الأفلام .. روميو وجولييت واللا ايه ؟
حاتم : يابابا روميو وجوليت ايه بس .. احنا حاتم وآية ..
الأب : طب ياحبيبى الف مليون مبروك وياترى هنروح نزورهم امتى ..
حاتم : لما تيجى ماما نعرفها الموضوع ونكلمه فى التليفون وناخد منه معاد على يوم الجمعة الجاية ..
الأب : ماشى ياسيدى وماله .. لما تيجى ماما ..

وما هى إلا لحظة واحدة وإذ بالأم تفتح باب الشقة لتعلن عن وصولها إلى المنزل .. فيسرع ناحيتها حاتم وتفتح أمه ذراعيها معلنةٌ له عن اشتياقها الشديد لقرة عينيها ..

الأم ( فى شوق ) : ياحبيبى يابنى .. وحشتنى اوى ..
حاتم : وانتى كمان ياأمى وحشتينى اوى ..
الأب : ايه ياستى اشحال لو مكنتيش بوستيه قبل ما تنزلى تمشى ..
حاتم ( فى تعجب ) : ايه ده بجد ؟
الأم : انا شميت ريحتك ياحبيبى دخلت اوضتك لقيتك نايم قلبى رقص من فرحته بوستك ونزلت ..
حاتم ( مقبلاً يديها ) : ربنا يخليكى لية ياأمى ..
الأب : وجايبلك مفاجأة جميلة اوى اوى اوى .
الأم : ايه ياحبيبى .. اترقيت ؟
حاتم : ههههههههههههه اترقى تانى ياماما .. ما انا لسة مترقى قريب ..
الأم : اومال ايه ياحبيبى ؟
الأب : جابلك عروسة ..
الأم ( فى صدمة ) : ايه ؟
حاتم : عروسة حلوة اوى ياماما وبنت ناس وطيبة وانا حبيتها اوى اوى ياماما .. وعايزك انتى وبابا تسافروا معايا نتقدملها رسمى ..
الأم ( فى غضب ) : ودى مين بقى ان شاء الله وعرفتها منين ؟
حاتم : اقعدى بس ياست الحبايب وانا ححكيلك على كل حاجة ..

جلست الأم وهى غاضبةٌ جداً وبدأ حاتم فى قص حكايته مع آية للمرة الثانية والتى لو ظل يقصها مليون مرة ما كان ملَّ أبداً .. سمعت الأم القصة وهى تحترق وتستشيط غضباً .. فقامت صارخةً فيه ..

الأم : بقى سيادتك جايبلنا واحدة من الشارع ياسى حاتم ..
حاتم ( فى تعجب ) : شارع ؟ شارع ايه بس ياماما .. دى من بيت أصيل ومن الصعيد وانا قابلت جدها ..
الأم ( فى غضبٍ عارم) : لا والله وهو يعنى جدها كل أهلها ..
حاتم : يعنى ايه ..
الأم : فين خيلانها واعمامها .. هنكلم مين يعنى .. هنكلم واحد مالوش لازمة ..
حاتم : جدها هو كبيرها وخيلانها وأعمامها فى دنيا لوحدهم ومش حابين يتدخلولها فى أى موضوع واساسا بيتهربوا منها ومش عايزين يختلطوا بيها ..
الأم ( فى سخرية ) : ياسلام .. لا والله فعلا البنت مسكينة .. ( ثم فى غضب وصرامة ) : اسمع هنا مفيش جواز من البنت دى .. والموضوع غير قابل للمناقشة .. فاهم ..

ترحل الأم من المكان دون أن تترك لهم سبباً واضحاً لرفضها بل تركت لهم غموض وحيرةٍ شديدة .. نظر حاتم إلى والده ولكن الأب لم يجد حرفاً ليقوله فنهض من مقعده وتوجه إلى حجرته وأغلق الباب ورائع وبدأ فى الحديث مع زوجته ..

الأب : فى ايه ياأم حاتم .. انتى رافضة ليه ..
الأم ( فى غضب ) : انت عايزنى اوافق على بنت من الشارع قرايبها رافضينها ومش طايقينها .. ايه ان شاء الله مفروض تصعب علية عشان ابوها وامها ميتين .. ثم ايه جدها ده .. يعنى ايه كبيرها .. يعنى نلغى وجود اعمامها وخيلانها ونتكلم مع راجل عجوز مش هتلاقيه مركز فى اى حاجة فى الدنيا .. ثم كمان راح يوصلها هناك فى الصعيد والحكاية رسيت على قلم على خدها بدل ما يقتلها .. لا سلامة خدها ياسيدى ..
الأب : انتى فى ايه .. هو عشان خيلانها واعمامها باعوها يبقى خلاص نرميها هى كمان ما تفوقى بقى وكفاية كلام أهبل مالوش معنى ولا قيمة ,,
الأم ( صارخةً ) : انا كلامى أهبل مالوش معنى ولا قيمة ..
الأب : انا اصلا عارف انتى رافضة ليه وبتقولى اى كلام وخلاص .. لكن اسمعى اللى ابنى رايدها هى دى اللى هياخدها .. ومتفكريش نهائى فى بنت اختك .. ابنك اصلا مش طايقها .. حطى عقلك فى راسك واعرفى خلاصك ياست هانم ..

تركها زوجها وخرج من الحجرة وهو يعرف ما يدور برأس زوجته .. حيث كانت فى اليوم السابق تتحدث معه فى ضرورة زواج ابنها وأنها تريد له من تسعده .. ومنذ قديم الأزل وهو يعلم أنها تريدها لابنة اختها ..

إذن فماذا سيحدث مع تلك الأم ..

الحلقة ( 22 )

لم يفهم حاتم سبب رفض أمه وازدادت حيرته عندما خرج والده من الحجرة وعلامة الغضب والثورة على وجهه وإمساكه مرةً أخرى لجريدة الصباح مركزاً بصره على مكان واحد ففهم حاتم أن والده لا يقرأ وإنما هو يفكر .. إذن فالأمر كبير عند أمه .. لن يقف صامتاً هكذا وإنما يجب عليه الحديث معها وفى هدوء حتى لا تعند أمه معه وحتى يفهم منها ما سبب رفضها .. دخل حاتم إلى حجرة أمه بعد أن طرق الباب وأذنت له بالدخول ..

حاتم : ايه بقى ياست الحبايب .. مالك كدة مكشرة ليه ؟

الأم : انا مش مكشرة ولا حاجة .. انا عادية اهو ..

حاتم ( فى مرح ) : علية برده .. انا ابنك يعنى انا عاجنك وخابزك ..

الأم ( فى عبوس ) : انت عايز ايه دلوقتى ياحاتم ؟

حاتم : ياأمى انا عايز اسأل سؤال واحد ومحتاج اعرف اجابة ليه ..

الأم : ايه هو السؤال بقى ؟

حاتم : ليه مش عيزانى اتجوز آية ياماما ؟

الأم : زى ما قلت لك دى واحدة من الشارع .. متناسبكش ..

حاتم : ازاى ياماما من الشارع وهى عندها أعمام وخيلان وجدها ربنا يديه الصحة وطول العمر .. كل ده وفى نظرك من الشارع واللا اكمنها يتيمة ووالدها ووالدتها ميتين هيكون ده سبب للرفض ..

الأم : لا مش عشان ابوها وامها ميتين .. وانت بنفسك قلت سبب الرفض من شوية ..

حاتم ( فى استنكار ) : انا ياماما قلت سبب الاستنكار ؟ ازاى ده حصل ؟

الأم : والله بقى لما تقول ان أعمامها وخيلانها مش عايزين يختلطوا بيها ولا يعرفوها يبقى معنى كلامك ان ملهاش أهل وملهاش كبير .. وكدة تبقى من الشارع ..

حاتم ( فى غضب ) : لا حول ولا قوة إلا بالله .. ايه ياماما حكايتك .. هو ايه اللى من الشارع من الشارع من الشارع .. بتكررى الكلمة ليه بس .. طيب نفترض كلامك صح من ناحية اعمامها وخيلانها طب جدها ده مش كبيرها برده ..

الأم ( فى غضبٍ أكبر ) : انت عايز تقولى ان جدها اللى مخطى السبعين هيبقى فاكر اسمه واللا دارى بالدنيا واللا فاكر مين آية أصلاً .. انت اهبل واللا ايه ..

حاتم ( بضيق من كلمة أهبل ) : لا ياماما جدها زى الفل وذاكرته حديد وتمام .. وراجل ذكى جدا وأصيل ..

الأم : جدها مهوش راجل ياسعادة البيه ..

حاتم ( فى صدمةٍ ) : انتى بتقولى ايه .. وازاى تغلطى فيه الغلط ده .. عيب ياأمى السن له احترامه ..

الأم ( بغضب ) : اسمع هنا مش انت اللى هتعرفنى العيب لانى انا عرفاه كويس جدا .. ده لو كان راجل مكنش رسى عقابها منه مجرد قلم .. ياسلام على حنيته .. انت مش بتقول انه راجل صعيدى .. الصعيدى يابيه فى الامور دى يقوم جايب رقبة البنت مش يديها قلم على وشها ..

حاتم : هو انتى يعنى هترتاحى لو الناس قتلت بعضها عشان نظام عقاب غلط × غلط وربنا ميرضاش بيه .. الله أعلم عمل فيها ايه بعد انا ما مشيت من عندهم اصلا ..

الأم : متوجعش دماغى ولا تتعب قلبك معايا .. انا قلت لأ يعنى لأ ..

حاتم ( فى إصرار ) : طيب بصى ياماما انا مش عايزك تزعلى منى فى اللى هعمله ..

الأم ( فى تساؤل وعند ) : وانت هتعمل ايه بقى ياأستاذ حاتم وعارف انه هيزعلنى ؟

حاتم : هكلم جدها انا وبابا النهاردة ودلوقتى كمان وهنحدد معاه معاد وهنروح نتقدم رسمى لآية .. من هنا لحد يوم الزيارة تكونى راجعتى نفسك وفكرتى كويس وتكونى اتأكدتى انى مصمم على آية لإن فعلا سعادتى معاها هى وعمرى ما ارتحت لواحدة وحبيتها زى ما حصل مع آية ..

الأم : قصدك ايه ياسى حاتم .. هتخرج عن طوعى وتعمل حاجة انا مش موافقاك عليها .. تفتكر انت كدة ممكن تخلينى اوافق .. لا ياحبيبى فوقلى هنا انا ممكن اجيب عاليها واطيها واخلى رقبتك اقل من السمسمة قدامها وقدام جدها اللى انت طالعلى بيه السما ..

حاتم ( فى غضبٍ عارم ) : فى ايه ياماما .. انتى جرالك ايه انتى مكنتتيش كدة .. ليه ده كله ؟ هو انا هتجوز واحدة مش محترمة، هى ذنبها ان أهلها بعدوا عنها، فى ايه ياماما .. قوليلى انتى ايه مزعلك وانا ادوايكى منه لكن تحرمينى من آية ومتوافقيش ومن غير سبب مقنع اهو ده اللى مستحيل فعلاً ..

الأم : يعنى انت مصمم ياحاتم ؟

حاتم : جدا ياماما .. وعشان تصدقى انا هخرج من اوضتك وهتصل بجدها انا وبابا وهنتفق معاه على معاد نروحلهم فيه ..

الأم ( فى عندٍ كبير ) : وماله ياحاتم اعمل ما بدالك .. اعمل اللى انت عايزه وانا عمرى ما هوافق .. ومش هروح معاكم المعاد ده وابقى ورينى بقى هتمشى ازاى من غيرى ومن غير موافقتى ..

حاتم ( فى غيظ ) : متعنديش ياماما ده انا ابنك الوحيد والمفروض يهمك سعادتى ..

الأم : مهو انا مش موافقة عشان خاطر سعادتك ..

حاتم : عارفة ياماما لو كانت من ملجأ وملهاش شهادة ميلاد كمان برده هتجوزها .. مش مجرد عم وخال مات فيهم ضميرهم وسابوها تتخبط فى الدنيا وناسها ..

الأم ( فى صراخ ) : بقى كدة ياحاتم .. اطلع برة .. دلوقتى ..

يخرج حاتم من الحجرة وهو غاضباً جداً ويجلس بجانب والده متسائلاً ..

حاتم : انا مش فاهم هى مالها .. هو فى ايه يابابا هى ماما مالها ومش موافقة ليه وليه مصرة انها بنت من الشارع ..

الأب : انا عارف أمك .. عنيدة وبس .. بص انت خدها بالراحة ومرة فى مرة حتلين ..

حاتم : ما انا حاولت معاها يابابا وكلمتها بهدوء لكن برده مفيش فايدة .. ثم انا خلاص قلت لها انى انا وحضرتك هنكلم جد آية دلوقتى عشان نتفق معاه على معاد ..

الأب ( فى اهتمام وقلق ) : وهى قالت لك ايه ؟

حاتم : برده مش موافقة ومش هتروح معانا الزيارة دى .. تخيل يابابا قالت لى هجيب عاليها واطيها .. انا مش فاهم هى وصلت للكلام ده ليه .. حصل ايه لده كله .. ماما غريبة اوى النهاردة .. بس انا برده مش هيأس وهفضل وياها للاخر وهفضل وراها لحد هى ما توافق .. وهتوافق .. مهما اخدنا من وقت ..

الأب : يابنى انت مقتنع اننا نروح من غير امك .. طب وهنقول ايه بقى لجدها .. هنقوله امك مجتش ليه ..

حاتم : بص يابابا لو فضلت مش مقتنعة انها تيجى نقولهم انها مثلا تعبانة وانها هتيجى يوم الخطوبة وعلى يوم الخطوبة تكون ان شاء الله اقتنعت ..

الأب ( فى رفض ) : لا لا يابنى بص انا موافقك على آية جداً لكن ميصحش نروح من غير امك .. احنا هنكلم جد البنت دلوقتى ومن هنا لحد يوم الزيارة يكون حلها ربنا ..

حاتم : ماشى يابابا .. انا موافق .. بس ياللا بقى نكلمه عشان نتفق معاه على معاد زمانه قال علية مش قد كلمتى ..

الأب ( فى مرح ) : اه ياواد ياعفريت خايف هو برده اللى يقول عنك كدة واللا آية ..

حاتم : هههههههههههههههه بصراحة الاتنين يابابا .. ثوانى بقى هطلبه ..

يمسك حاتم بهاتفه المحمول ويتصل بجد آية وفى ثوانٍ يجده يرد عليه ..

حاتم : السلام عليكم ياحاج .. ازيك عامل ايه ؟

الجد : أهلا ياحاتم .. ازيك انت يابنى ..

حاتم : الحمد لله تمام .. انا اسف انى اتأخرت فى الاتصال .. أصل امبارح وصلت متأخر ولقيت أمى وأبويا نايمين و......

الجد : مفهوم يابنى انا كنت عارف ان ده هيحصل وكان لازم تستريح وكل شئ بأوان يابنى المهم هما كويسين الحمد لله ..

حاتم : اه ياحاج الحمد لله كويسين اوى ..

الجد : وياترى موافقين على الموضوع ؟

حاتم ( فى تردد ) : طبعا ياحاج موافقين ده حتى والدى جنبى اهو وعايز يكلم حضرتك عشان يحدد معاك معاد ..

الجد : وماله يابنى وماله .. يامرحب بيه ..

حاتم : ثوانى اهو معاك ..

الأب : السلام عليكم ورحمة الله وبركاته ..

الجد : عليكم السلام ورحمة الله وبركاته .. اهلا اهلا .. يامرحب بيك ..

الأب : مرحبتين بيك ياحاج .. انا سعيد جدا بمعرفة حضرتك ويارب تكون معرفة خير ..

الجد : ان شاء الله .. كله بإرادة ربنا ..

الأب : ونعم بالله ياحاج .. انا عايز احدد مع حضرتك معاد عشان نتكلم فى موضوع حاتم وآية .. يناسبك امتى ياحاج ؟

الجد : يوم الجمعة حلو اوى .. مناسب ليكو ؟

الأب : طبعا ياحاج مناسب جداً ..

الجد : جميل .. يبقى معادنا ان شاء الله يوم الجمعة بس اعملوا حسابكم هتتغدوا معانا ..

الأب : ياسلام ياحاج ياريت والله .. ده انا نفسى اكل من أكل الصعيد ..

الجد : اهلا بيكم يابنى ..

الأب : اهلا بيك ياحاج ..

الجد : بس بص يابنى عشان بس منتعبش والدة حاتم .. ممكن تيجوا انتو الأول وهى ان شاء الله تيجى بعد الاتفاق ولو انى والله نفسى تيجى عشان تتعرف على آية بس برده السفر هيبقى تعب عليها ثم كمان هتبقى قعدة رجالة واتفاق رجالة .. صح واللا انا غلطان ؟

الأب ( يزفر فى ارتياح ) : طبعا ياحاج كلامك صح جدا .. احنا تحت أمرك .. تأمرنى بحاجة ياحاج ..

الجد : الأمر لله يابنى .. معادنا ان شاء الله يوم الجمعة ..

الأب : ان شاء الله ياحاج .. سلام عليكم ..

الجد : عليكم السلام ورحمة الله وبركاته .. مع الف سلامة يابنى ..

يغلق والد حاتم الخط فى ارتياح .. قائلاً لابنه ..

الأب : فعلا جدها ده انسان طيب اوى ..

حاتم ( فى سعادةٍ ) : اه والله يابابا طيب جدا .. برغم شدته لكن طيب اوى ..

الجد : بس الحمد لله يابنى اهى جت من عنده ..

حاتم : هى ايه يابابا ؟

الأب : قالى مفيش داعى نتعب والدتك فى السفر وتبقى تيجى يوم الخطوبة لان برده الاتفاق هيكون بين الرجالة وهو عنده حق بصراحة .. والدتك هتقعد فى وسط رجالة ازاى ..

حاتم ( فى راحةٍ ) : بجد يابابا .. طب ده شئ كويس جداً .. الحمد لله ادينا هناخد وقتنا لحد ماما ما توافق ان شاء الله ..

الأب : لا ياحبيبى .. لازم من هنا ليوم الجمعة امك تكون لانت ووافقت لان واحنا هناك لازم تكلم عروستك بنفسها تهنيها وتتعرف عليها .. الموضوع لسة صعب ..

حاتم : عندك حق يابابا .. وانا اللى كنت فاكر انـ............

قطع صوت حديثهما الأم وهى تقول ..

الأم : خلاص اتكلمتوا ؟؟ اترحتوا ؟؟ ارتحت كدة ياسى حاتم .. خلاص خرجت عن طوعى وهتعمل حاجة انا مش راضية عنها .. طيب ياحاتم ياأنا ياالبنت دى ..

غادرت الأم المكان وإذ بحاتم ينظر إلى والده بنظرةٍ حزنٍ وحيرة .. ويتساءل .. ما العمل مع أمه .. كيف يستطيع إقناعها بزواجه من آية ...

ليه كدا بس

الحلقة ( 23 )

يطرق الفرح باب فاطمة .. تلك الفتاة التى عندما صبرت أعطاها الله من فضله رجلاً خلوقاً طيب القلب .. دق قلبهما فى آنٍ واحد ووعدها أيمن فأوفى بوعده .. وها هو الآن فى منزلها مع والدته جالساً مع والدها والمنزل يحوطه الفرح والسعادة ..

والد فاطمة : أهلا بيك ياأيمن .. اهلا بيك ياحبيبى .. مشرفنا والله انت ووالدتك .. اهلا بيكى ياحاجة ..
أيمن / والدته : أهلاً بحضرتك ..
والد فاطمة : والله انا بجد ياأيمن ارتحتلك جداً من يوم ما كلمتنى وعشان كدة ارتحت وانت معاها فى أسوان .. كنت متأكد انك راجل والحمد لله ان ظنى فيك فى محله ..
أيمن : والله ياعمى ده شئ يفرحنى جداً .. أهم حاجة الراحة النفسية والانطباع المبدأى .. ده بيتبنى عليه حاجات كتيرة لانه اساس سليم لعلاقة ترضى ربنا وترضى الجميع ..
والد فاطمة : طبعا ياأيمن طبعاً ياحبيبى .. وانت ياحبيبى بتشتغل ايه ؟
أيمن : انا ياعمى محاسب قانونى فى شركة بترول مقرها فى المهندسين ..

ثم أخرج أيمن من جيبه كارت به عنوان الشركة التى يعمل بها ..

أيمن : وادى ياعمى عنوان الشركة عشان تسأل براحتك ..
والد فاطمة ( فى ارتياح ) : ولو انى مرتاحلك بس برده الأصول متزعلش ولازم اسأل عنك .. واللا ايه رأيك ياحاجة ؟
والدة أيمن : طبعا ياحاج عندك حق .. خد راحتك وخد وقتك ..
والد فاطمة : الله يكرمك ياحاجة ..
والدة أيمن : ممكن طلب ياحاج ..
والد فاطمة : طبعا اتفضلى ..
والدة أيمن : ممكن أشوف فاطمة ..
والد فاطمة : طبعا .. ثوانى هندهالك ..
والدة أيمن : بص ياحاج لو هتضايق انا ممكن ادخلها فى اوضتها منعاً بس للحرج ..
والد فاطمة : بالعكس ياحاجة من حقك انك تشوفيها .. ثوانى هخلى أمها تناديلها ..

يذهب الأب لبرهة من الوقت ويطلب من زوجته مناداة ابنته فاطمة .. وتأتى زوجته وفاطمة لمكان المجلس .. وتراها والدة أيمن فيقشعر بدنها وتصيبها راحةً جهة فاطمة .. فقالت دون وعى ..

والدة أيمن : تبارك الخلاَّق فيما خلق .. اللهم صل على النبى .. أمورة اوى ياحبيبتى .. ربنا يحميكى يارب ..
فاطمة ( فى خجل ) : متشكرة اوى ياطنط ..
والدة أيمن : لا طنط إيه .. تقوليلى ماما على طول .. ثم تنظر إلى والدة فاطمة قائلةً : ان مكنش ده يضايقك ياحبيبتى ..
والدة فاطمة : ابدا ياحاجة ميضايقنيش ما انتى برده أمها وهى بنتك وتحت طوعك ان شاء الله ..
والدة أيمن ( وهى موجهة حديثها إلى أيمن ) : ربنا يجعلها من حدك ومن نصيبك يابنى .. بجد بنت مريحة وأمورة اوى .. ربنا يهنيكو يارب ويتمملكو على خير ..
والد فاطمة : انا شايف ان فى راحة وقبول ..
أيمن : طبعا ياعمى الحمد لله ..
والد فاطمة : وانتى يافاطمة ؟ مرتاحة يابنتى ؟
فاطمة : ...................
والد فاطمة : على خيرة الله .. نتكلم بقى فى التفاصيل ونتفق ..
أيمن : انا موافق ياعمى على أى حاجة حضرتك عايزها .. ومش هعترض على اى طلبات ولا اى شروط ..
والد فاطمة : ياحبيبى الجواز مفيهوش شروط .. ده اتفاق ..
أيمن : عندك حق ياعمى بس انا برده مستعد لأى حاجة ..
والد فاطمة : وانا متوسم فيك الرجولة .. ومتقلقش مش هنتقل عليك فى الاتفاق ياسيدى .. واللا ايه ياأم فاطمة ؟
والدة فاطمة : طبعا .. احنا ناس عاملة حساب ظروف الشباب ومقدراها وراضيين بالقليل .. المهم عندنا ان جوز بنتنا يصونها ويحترمها ويراعى فيها ربنا ..
أيمن : انتو بس توافقوا وانا اشيلها فى عنية العمر كله ..
والد فاطمة : يامسهل الحال يارب .. بسم الله الرحمن الرحيم .......

فى مجلس ذلك الارتباط اتفق والد فاطمة مع أيمن على كل شئ وكان عن تراضٍ بين الطرفين .. واتفقا كذلك على ميعاد الخطوبة وقرأ الجميع الفاتحة .. وبعد الانتهاء من قراءة الفاتحة أطلقت كلٍ من والدة فاطمة ووالدة أيمن زغاريد طويلة جدا وكثيرة جداً .. وأعلنوا للجميع خبر خطوبة فاطمة السعيد بصوت زغاريدهما تلك ..

وبعد أن غادر أيمن ووالدته منزل فاطمة إذ بوالدة فاطمة تختلى بها فى حجرتها لإعطائها بعض النصائح التى تجعلها سعيدة فى حياتها مع زوجها وحماتها ..

والدة فاطمة : بصى يافطومة .. واضح ان حماتك ست طيبة وعشرية وهترتاحى معاها جداً .. بس اسمعى منى انا لما اتجوزت لابوكى كنت بعامل امه ازاى .. ومتستغربيش لان امى علمتنى اتعامل ازاى معاها وانا كنت مبسوطة بكدة ..
فاطمة : كنتى بتتعاملى معاها ازاى ياماما ؟ا ..
والدة فاطمة : كنت بقعد تحت رجلها واشوف طلباتها عن طيب خاطر .. وعمرى ما اشتكيت منها حتى لما كان بيحصل مشاكل بينى وبينها مكنتش بقول لابنها عشان مشيلوش من أمه وفى نفس الوقت مكترش من مشاكله وهمومه، اهو بقى كفاية عليه مشاكل وتعب شغله .. وهى فى الاول اللى كانت بتشتكى لكن لما لقيتنى مش بشتكى ومش بتكلم احترمتنى وحبتنى وعاملتنى زى بنتها .. كنت بشيلها فوق راسى وكأنها فعلا أمى اللى ولدتنى وربتنى .. وده كمان عشان خاطر جوزى .. أبوكى كان بيعشق امه الله يرحمها ومكنش يقبل عليها كلمة وحتى لو كنت اشتكيت منها كان هيقولى معلش اصبرى او كان ممكن يغلطنى وخصوصا انها هى اللى كانت بتحكيله .. بس برده الشهادة لله الست مكنتش بتكدب فى اى حاجة .. بس عشان امه فكان بيجى فى صفها ومش معنى كدة انه ظلمنى .. وانا احترمت فيه بره بأمه وقلت اللى مالوش خير فى أهله مش هيبقاله خير فية ومش هطمنله وكمان كنت حبة يعامل أهلى بمنتهى الاحترام لان كان ببساطة لو كنت عاملتها وحش او حتى اقل الاضرار اشتكيت منها كل شوية كان ممكن يعامل أهلى وحش وطبعا كرامة أهلى عندى فوق اوى وهو بصراحة عمره مع غلط فيهم ابدا وكان بيعاملهم بالحسنى وكانوا هما كمان بيحبوه اوى .. واطمنتله وعرفت انى هبقى معاه سعيدة ومبسوطة .. وده اللى حصل .. شوفتى فى مرة خناقة قامت بينى وبينه ولمينا علينا الدنيا او سيبت البيت وغضبت روحت عند أهلى ؟
فاطمة : لا ياماما ..
والدة فاطمة : عشان انا وبابا كان مهما يحصل بينا من مشاكل كنا بنحلها بهدوء وما بينا ومكناش بندخل بينا اى حد غريب ولا حتى أهلى ولا أهله .. الخلاصة ياحبيبتى .. 1 – شيلى حماتك فى عينك واعتبريها زى أمك .. 2 – اوعى مهما يحصل زمن مشاكل تشتكى لجوزك ابدا واصبرى عليها .. 3 – متدخليش بينكو اى حد غريب او قريب .. فهمتينى يافطومة ..
فاطمة ( مبتسمة ) : ايوة ياماما فهمتك ..
والدة فاطمة : طيب الحمد لله .. قومى بقى اتوضى وصلى استخارة ونامى ..
فاطمة : حاضر ياماما ..
والدة فاطمة : ياللا ياروح ماما ياعروستى انتى .. تصبحى على خير ..
فاطمة : وانتى من أهله ياحبيبتى ..

وبالفعل قامت فاطمة وتوضأت وقبل ان تصلى فإذا بأبيها يدخل عليها قائلاً ..

والد فاطمة : مش هعطلك .. انا عارف ان ماما اديتلك نصايح حلوة هى مشيت عليها من ساعة اما اتجوزنا .. انا هسألك سؤال وهسمع اجابته وهى من كلمة واحدة وهخرج على طول ..
فاطمة : اتفضل يابابا ..
والد فاطمة : مرتاحة لأيمن يافاطمة ..
فاطمة : ايوة ..
والد فاطمة ( فى سعادة ) : بس كدة خلاص .. ربنا يوفقك ياحبيبتى ويتمملك على خير ..

يقبل رأسها ويغادر حجرة ابنته .. وتفترش فاطمة سجادة الصلاة وتبدأ بخشوعٍ تام فى الصلاة .. وتدعو الله بالتوفيق وأن يقدر لها الخير ويرضيها به .. وقبل أن تنام اتصلت بصديقتها التى عرفتها منذ أيام والتى أحبتها حباً كبيراً ..

فاطمة : ألوووووووووووو .. يويوووووووووو ..
آية : يامساء الفل يافطومة ..
فاطمة : والله بجد وحشانى اوووووى ..
آية : وانتى كمان يافاطمة والله .. طمنينى عملتو ايه ؟
فاطمة : الحمد لله ياستى اتفقنا والخطوبة بعد اسبوعين ..
آية : الف مبرووووووووووووووووووك ... ربنا يتمملك على خير ياااااااااااارب ..
فاطمة : يارب ياقمر .. وانتى عملتى ايه .. حاتم كلم جدك تانى ؟
آية : ايوة يافاطمة كلم جدى هو وأبوه وهيجو يوم الجمعة الجاية يتفقوا معاه على كل حاجة ..
فاطمة ( فى سعادة ) : ياحبيبتى الف مبرووووووووك ..
آية : الله يبارك فيكى ياحبيبتى ..
فاطمة : ياللا بقى قومى نامى كدة ياقمر وهبقى اكلمك بكرة ..
آية : ماشى ياحبيبتى .. تصبحى على خير ..
فاطمة : وانتى من اهله ياقمر ..

نامت فاطمة وهى سعيدة وابتسامتها على شفتيها .. على النقيض من آية فهى تشعر بانقباض قلبها ..
ترى ماذا سيحدث فى أمر حاتم وآية ...

الحلقة ( 24 )

أمسك الجد بهاتفه واتصل بابنه الكبير ويدعى أحمد ..

أحمد : السلام عليكم ورحمة الله وبركاته .. ازيك يابابا ..
الجد : كويس انك فاكر ان لسة ليك أب ..
أحمد : يابابا الدنيا مشاغل ..
الجد : فعلا الدنيا مشاغل لدرجة انك مش فاضى تكلم ابوك مرة فى الاسبوع وبتكلمه لما هو يتصل بيك ..
أحمد : يابابا سامحنى انا فعلا الدنيا والشغل والعيال والمسئولية وخدانى ..
الجد : انا مش متصل بيك عشان اسمع الكلمتين الفارغين دول ما انا بسمعهم كل مرة .. بقولك ايه تعلالى يوم الجمعة ضرورى ..
أحمد : ليه يابابا فى حاجة واللا ايه ؟
الجد : اه فى .. آية بنت أختك الله يرحمها جالها عريس .. وجاى هو وابوه يوم الجمعة عشان نتفق على كل حاجة .. ولازم انت واخواتك تكونوا موجودين .. وعموما انا هقفل معاك وهتصل ببقية اخواتك عشان يجوا .. ولو انى شاكك انكوا فاكرين مين آية دى ..
أحمد : بس يابابا انا يوم الجمعة ده يوم اجازتى الوحيد هقضيه فى سفر رايح جاى ..
الجد : بسيطة، خد اجازة يوم الخميس من شغلك وتسافر فيه وابقى روح السبت الصبح ..
أحمد : ازاى بس يابابا اخد اجازة ..
الجد ( فى غضب ) : هى كلمة واحدة هتيجى يعنى هتيجى .. ومتقلقش اوى كدة مش هنطلب منك فلوس فى جهاز البنت .. ميراثها من امها موجود والحمد لله ... ولو مجتش أقسم برب العزة لاكون متبرى منك وملكش فى ذمتى تعريفة .. مع السلامة ..

يغلق الجد الخط دون سماع الرد من ابنه ويغتاظ الابن جداً وينادى على زوجته وتدعى رضوى ليتحدث معه فى هذا الأمر .. ويحكى لها تلك المكالمة التليفونية التى أغضبته كثيراً ..

رضوى : طب ما تروح ياأحمد .. ايه المشكلة لما تروح يعنى ..
أحمد : انتى اتهبلتى ده انا مصدقت اخلص من آية ومشاكلها ..
رضوى : وانت من امتى كنت بتدخل فى مشاكلها عشان ما تصدق تبعد عنها ..
أحمد : انتى معايا واللا معاهم ..
رضوى : انا مع الحق ياأحمد .. انت هتروح تحضر الاتفاق مع ابوك .. لازم الناس يعرفوا ان ليها أهل ومش مقطوعة من شجرة عشان محدش يفكر مرة يهينها طول حياتها .. لازم انت واخواتك تكونوا حاضرين عشان تحموها، محدش عارف الناس دول كويسين واللا لا .. واهى قعدة ياسيدى ومش هتتكلف فيها حاجة واعمل خير من ناحية البنت دى فى حياتك عشان يعودلك بالخير فيما بعد .. ومهما كان دى من لحمك ومن دمك ازاى متحضرلهاش يوم زى ده ..
أحمد : مش لازم المحاضرة دى كلها ياست رضوى .. خلاص رايح لما نشوف اخرتها ايه مع آية ومشاكلها ...
رضوى : هو الجواز بقى مشكلة دلوقتى ياأحمد ..
أحمد : يوووووه بقى يارضوى .. انتى دايما تقفيلى على الواحدة .. انا هنام .. تصبحى على خير ..

رغم انتهاء الحوار بينهما بغضبٍ من أحمد إلا أن رضوى قد ابتسمت فى قرارة نفسها فهى تحب آية بشدة وتعتبرها مثل ابنتها ولكن أحمد هو من يمنعها عنها وعن أبنائه .. فتدعو له بالهداية جهة ابنه أخته اليتيمة ..

وعلى الجانب الآخر كان الجد قد اتصل بابنيه محمد وخالد للحضور وأيضاً هددهما بنفس تهديده لأحمد .. وسيذهب الجميع يوم الجمعة للجلوس مع العريس ووالده ..

لم تهدأ والدة حاتم أمام قرار حاتم النهائى بالزواج من تلك الفتاة التى تدعى آية والتى كرهتها دون أن تراها .. فذهبت إلى بيت أختها فى اليوم التالى فى الصباح الباكر .. فهى تعرف أن أختها تستيقظ فى باكراً .. ولكن تعجبت أختها من تلك الزيارة المفاجئة والمبكرة ..

عفاف : فى ايه ياعواطف ؟ ايه اللى جابك بدرى كدة .. هو حصل حاجة مع فاروق جوزك واللا ايه ؟
عواطف ( فى سرعة ) : مروة فين .. السنيورة بنتك فين ..
عفاف : نايمة ياعواطف .. هتكون فين يعنى فى الساعة دى ..
عواطف : اسمعى بقى .. بنتك دى لازم تتنحرر شوية مينفعش البرود اللى هى فيه ده ..
عفاف ( فى قلق ) : قلقتينى على فكرة ياعواطف .. فى ايه ومالها بنتى وتتنحرر ازاى يعنى ..
عواطف : حاتم هتيجوز واحدة غير السنيورة اللى نايمة جوة ..
عفاف ( ضاربة على صدرها ) : ياخبر اسود .. ازاى ده ..
عواطف : اهو ده اللى حصل .. والهانم اللى نايمة جوة نايمة على ودانها و500 مرة قلت لها اتنحررى من ناحيته وهى عاملة فيها مكسوفة وبتقولى هو اللى يتكلم .. اهو مش هيتكلم وهيروح لغيرها .. خليها بقى تفرح واللا تخبط راسها فى اقربها حيطة زى ما انا خبطها ..
عفاف : قصدك ايه .. انتى وافقتى على الجوازة دى ؟
عواطف : انا هديت الدنيا على دماغهم واتخانقت مع حاتم وفاروق .. لكن فاورق موافق حاتم وحاتم مصمم ..
عفاف : طب واحنا نعمل ايه ياعواطف .. ما خلاص اتنين على واحد يكسبوا ..
عواطف : انا قلت لك 100 مرة، مروة وحاتم لازم يتجوزوا .. اوعى كدة هقوم اصحى الهانم اللى نايمة ومش حسة ان فى كارثة ..
تذهب عواطف ( والدة حاتم ) إلى حجرة مروة ابنة أختها وتفتح عليها الباب دون طرق وفى عصبيةِ شديدة .. وتيقظها بعصبيةِ شديدة أيضاً ...
عواطف : قومى ياست هانم .. قومى ياشيخة جتك الهم ..
مروة ( فى انزعاج ) : فى ايه ؟ فى ايه .... بسم الله ..
عواطف : بتسمى على ايه .. شوفتى عفريت يختى ..
مروة : فى ايه ياخالتو .. فى حد يصحى حد كدة .. رعبتينى والله ياخالتو ..
عواطف : لا والله يعنى بتحسى ياست مروة ..
مروة : لا حول ولا قوة إلا بالله .. فى ايه ياخالتو بس ايه اللى مزعلك على الصبح ؟
عواطف : حاتم يختى هيخطب ..
مروة : طب ما يخطب ياخالتو وانا مالى .. ربنا يهنيه ..
عواطف : انتى هتشلينى يابت .. احنا مش كنا اتفقنا انك انتى اللى هتتجوزى حاتم ..
مروة : مين اللى اتفقنا دول ياخالتو .. انا متفقتش مع حد .. حد سألنى موافقة واللا لأ .. لا طبعا محدش سأل .. انتى وماما اللى اتكلمتوا وانتو اللى خططتوا ونسيتوا ان فى طرفين تانيين مفروض يتاخد رأيهم ..
عواطف : قومى يابت اغسلى وشك عشان اعرف اتكلم معاكى ..
مروة : يعنى لما اغسل وشى هغير كلامى .. مهو هو ياخالتو .. نفس ردى .. خالتو بقولك ايه ..
عواطف ( فى غيظ ) : قولى ياست مروة هانم .. قولى ياسنيورة ..
مروة : من غير بس تريأة .. بصى كبرى دماغك .. لو كان فى حاجة من ناحية حاتم لية كان قالك مروة .. لكن ده محصلش ومش حيحصل لانه خلاص لقى اللى تسعده ومليت عليه حياته .. اروح بقى افرض نفسى عليه واقوله لا انا وسيبك من التانية .. مستحيل ياخالتو .. انتى خالتى حبيبتى وبحبك وبحترمك وحاتم اخويا وبحبه كأخ ولو حتى بحبه أكتر من أخ مش هفرض نفسى عليه .. لان ببساطة كرامتى عندى فوق اى حب وفوق اى صلة قرابة ياخالتو ...
عواطف : هو ده رأيك يامروة .. خلاص بترمينى وبتبعينى عشان كرامتك والكلام الفارغ ده ..
مروة : ده مش كلام فارغ ياخالتو .. هل انتى تقدرى تستغنى عن كرامتك لما ماما تهينك جوة بيتها عشان هى اختك ؟
عواطف : ...............
مروة : سكتى يعنى موفقانى فى كلامى .. اهو انا كدة ياخالتو .. مش هفقد كرامتى عشان خاطر انتى خالتى وعيزانى ابقى لابنك اللى اساسا مبيفكرش فية ... ثم مبتسمةٌ .. ربنا يهنيه ياخالتو ويسعده ويتممله على خير مع اللى اختارها قلبه ..
عواطف : انا ماشية .. سلام ..

تخرج عواطف من الحجرة فى غضب وترحل عن المنزل كله فتقوم مروة من سريرها وتغلق بابها بالمفتاح .. وتجلس على سريرها .. باكيةً بشدة وقلبها متألمٌ .. وامتلأ فى لحظةٍ بالأوجاع والحزن والقهر ..

فحاتم ..

هو ..

حب عمرها...

[ندعوك للتسجيل في المنتدى أو التعريف بنفسك لمعاينة هذه الصورة]

22 مكرره
انتى بتضحكى عليا
ماشي ماشي

الحلقة ( 25 )

تعرف عفاف أن ابنتها تحب حاتم .. فقلبها يشعر بذلك فمروة لم تصارحها بحبها له أبداً .. ولذلك خافت أن تدخل مع أختها عواطف إلى الحجرة حتى لا ترى الحزن فى عينى ابنتها .. فحاولت عفاف دخول حجرة مروة ولكنها تجده مغلقاً فتطرق الباب عليها وبعد دقيقتين فتحت مروة باب حجرتها وإذ بعينيها منتفختان .. فيينفطر قلبها عليها .. تماسكت عفاف وتصنعت المرح أمام ابنتها ..

عفاف : الجميل عينه مالها ؟
مروة ( محاولة الابتسام ) : صباح الفل ياماما ..
عفاف : صباح الحب ياعيون ماما .. معلش ياحبيبتى ان خالتك صحيتك بدرى اوى كدة ..
مروة : عادى ياماما مفيش مشاكل ..
عفاف ( فى تردد ) : هو ..... هو ايه ... الكلام اللى دار بينكم ؟
مروة : ما انتى عارفة ياماما .. اكيد سمعتى ..
عفاف ( بحزن ) : لا ياحبيبتى انا مرضيتش ادخل وقلت اخليكم لوحدكم ..
مروة : طب وانتى زعلانة اوى كدة ليه .. قالت اللى انا كنت متوقعاه وقلتهولك قبل كدة وانتى مقتنعتيش بكلامى .. قالت ان حاتم هيتجوز واحدة حبها .. الغريبة ياماما انها بتقولى اتنحرر هههههههههههههههه .. مش فاهمة بصراحة اتنحرر اعمل ايه .. الحمد لله انها مش حماتى انا .. الله يكون بقى فى عون التانية بصراحة يعنى ههههههههههههههههههه ..
عفاف : .......................
مروة ( متصنعة المرح ) : ايه ياماما انتى زعلتى واللا ايه .. انا بهزر ..
عفاف ( بحزن ) : عارفة يامروة انك بتحاولى تهزرى وتدارى عنى وجعك ..
مروة : هههههههههههههههه وجع ايه ياماما هو انا عندى مغص .. ياست الكل حاتم بالنسبة لى أخ .. وانا بصراحة ياماما بقى مكنتش موافقة على اتفاقك معاها على جوازى منه .. افرضى بحب واحد تانى يعنى كنتى عملتى ايه معاها بقى بعد كدة .. كنتى هتقوليلها معلش انا لحست كلامى معاكى عشان البنت طلعت بتحب واللا كنتى بقى هتجوزينى حاتم بالعافية .. الحمد لله اهى جت منه ياست الكل وياللا بقى ربنا يهنيه ويسعده ياااااااااااااارب ..
عفاف : خرجى اللى جواكى يامروة لو فضلتى تكتمى هتقعى منى .. وانا معنديش استعداد اشوفك قدامى بتنهارى واقعد ساكتة ..
مروة : ياحبيبتى انا كدة فى بطبيعتى جدا جدا جدا .. واطمنى ياست الحبايب علية ..
عفاف : اومال عينك مورمة ليه يامروة ؟
مروة : ياماما انتى نفسك بديتى الكلام بأنك بتقوليلى معلش خالتك صحيتك بدرى .. انا صحيت فى غير معادى يعنى مخدتش كفايتى فى النوم .. عايزة انام ياناااااااااااااس .. أسمع بقية الجيران يعنى عشان تصدقينى انى عايزة انااااااام ..
عفاف : خلاص خلاص .. كملى نومك وانا كمان هروح اريح شوية .. حسة انى تعبت شوية ..
مروة : سلامتك ياست الكل ..

تخرج عفاف من حجرة ابنتها واضعة يديها على قلبها .. فهى تشعر أن هناك بعض النغزات فيه فهى تتألم لأجل ابنتها .. تعلم أن ابنتها كدبت عليها لتريحها وتعلم أن ابنتها الآن فى قمة ألمها وستتصنع النوم لتختلى بدمعاتها وحدها .. فمروة ورثت منها التماسك أمام الجميع والبكاء مع نفسها .. بالفعل تخاف عليها من الانهيار .. وتتساءل فى نفسها ماذا تخبئ لكى الأيام يامروة ..
عفاف ( فى سرها ) : ياترى الايام مخبياك ايه يابنتى ..

وعلى الجهة الأخرى من مصر .. فى سوهاج .. فى بيت الجد .. الحاج مدبولى .. ينادى الجد على حفيدته ليتحدث معها قليلاً ..
الجد : آية ياحبيبتى .. انا كلمت أعمامك محسن وحسين وطارق ..
آية : ومش هيجو طبعا ..
الجد : اهو اتحججوا طبعا بظروفهم وانهم مش فاضيين وكمان بيباركولنا على الخطوبة السعيدة ..
آية : كمان مش هيجوا يوم الخطوبة .. ياسلام على صلة الرحم ..
الجد : سيبك انتى ياآية مش المهم انا عندك واللا هما اللى يهموكى ..
تحتضن آية جدها وقائلةً وهى فى حضنه ..
آية : ياجدى انا عمرى ما بحس بالأمان مع حد إلا معاك .. انا مش محتاجة حد فى حياتى إلا انت .. ولا أعمام ولا خيلان .. انت الوحيد ياجدى اللى بحبه .. انت الوحيد اللى واقف جنبى وهما بايعنى من زمان ومش بيحبونى .. تفتكر ممكن احب حد مش بيحبنى ولا حابب يعرفنى ..
الجد : ياآية انا مش حابب تفترقى عنهم .. انا مسيرى اموت وهتبقى لوحدك ..
آية : بعيد الشر عنك ياأحلى جد فى الدنيا .. وياجدى انت عارف ان محدش فيهم حيحمينى عن طيب خاطر الا حضرتك .. اذا وافقوا يساعدونى .. ياجدى انا مش هنسالهم انهم رفضوا يبعتوا بنت من بناتهم تبات معايا بعد ما ماما ماتت الله يرحمها سواء من عند أعمامى أو أخوالى .. بحجة انهم ميحبوش بنتهم تبات برة .. طب خدونى معاكو ابات انا معاكو لانى خايفة ابات لوحدى وبمنتهى السهولة بيقولولى مش هترتاحى الا فى بيتك يا ( بنتى ) .. كلمة بنتى وقتها ضحكتنى .. لو كنت بنتهم مكنوش رمونى .. حقك علية ياجدى انى بقول الكلام ده بس دى الحقيقة .. انا مش محتاجة حد منهم انا مش عايزة غيرك انت .. وعلى رأى شيرين : مش عايزة غيرك انت والله بحبك انت والحب كله انت وانت الناس كلهاااااااا ..
الجد : هههههههههههه اه ياعفريتة .. ابقى غنى الاغنية بقى لحاتم يوم فرحكم ..
آية ( فى خجلٍ شديد ) : جدو .. الله بقى ..
الجد : ههههههههههه .. اتكسفتى ياآية .. ماشى ياستى ..
آية : انا هقوم بقى أحضر الغدا ..
الجد : ماشى .. واعملى حسابك يوم الخميس هجيبلك شوية ستات يساعدوكى فى الاكل اللى حنحضروا للناس اللى جايين يوم الجمعة ..
آية : هو انت هتغديهم ياجدو ..
الجد : اومال يجوا من سفر على شاى وقهوة وخلاص واللا ايه .. احنا مش بخلا ياآية ..
آية ( مبتسمة ) : انت أبو الكرم كله ياحاج مدبولى ..
الجد : طب ياللا قومى فزى حضريلنا الغدا بسرعة ..
آية : عنية ..

وبعد حوالى ساعة كانت آية تجلس مع جدها يتناولان طعامهما وكانت آية ساهمةً .. فيلاحظ جدها تلك الحالة .. فيسألها ما بها ..

الجد : ايه ياآية مالك ؟
آية : والله ياجدى ما انا عارفة .. قلبى مقبوض اوى ..
الجد : من ناحية ايه ياآية ؟
آية : تفتكر ياجدى هيجوا يوم الجمعة واللا مش هيجوا ؟
الجد : بصى انا مش هقولك اللى جابك لحد هنا واتكلم فى جواز يبقى جد .. ومش حقولك لما رجع القاهرة واتكلم فى التليفون يبقى جد .. بس تفتكرى لو كان بيلعب كان خلى ابوه يكلمنى فى التليفون ويتفق معايا على معاد .. هو ممكن يلعب ببنات الناس وأهل بنات الناس لكن تفتكرى انه هيلعب بأبوه هو كمان ..
آية : انت مش فاهمنى ياجدى .. انا واثقة ان حاتم جد وهيجى .. بس تفتكر اهله موافقين ..
الجد : ابوه موافق ..
آية : وأمه ؟
الجد : توقعى انها متكونش موافقة .. لانها مكلمتنيش هى كمان وحتى مسمعتلهاش حس ..
آية ( فى خوف ) : وافرض فعلا مش موافقة ياجدى .. هنعمل ايه ؟
الجد : مش بإيدينا ياآية نعمل حاجة .. العمل عمل ربنا . وفى إيد حاتم انه يتصرف ..
آية : ربنا يستر ياجدى ..
الجد ( فى تفاؤل ) : تفائلوا بالله خيراً تجدوه ياآية .. وانا متفائل بربنا ومتوسم الخير فى حاتم ..
آية ( مبتسمة ) : وانا بحب فيك تفاؤلك ياجدى .. ربنا يخليك لية يارب ..
الجد : ويخليكى لية ياحبيبتى ... ياللا كلى بقى الاكل برد ..

أما فى منزل حاتم كان جالساً فى يأس وحزن فى شرفة حجرته .. فدخل عليه والده مبتسماً ..
فاروق : ايه ياعم الحزن اللى ماليك ده ..
حاتم : لا انا مش حزين ولا حاجة يابابا ..
فاورق : لا طبعا زعلان هو انا مش عارفك واللا ايه .. بس اصبر على رزقك .. فرجه قريب ان شاء الله ..
حاتم : والله غصب عنى يابابا انا مش هقدر اتجوز من غير رضا ماما ..

يأتيهما صوت عواطف فى خشونة ..

عواطف : وماما موافقة ياحاتم

الحلقة ( 26 )

حاتم : انتى بتقولى ايه ياماما .. بجد انتى وافقتى ..

عواطف : ايوة وافقت خلاص .. وهروح معاكم يوم الجمعة ..

فاروق : لا مينفعش تيجى يوم الجمعة ..

عواطف ( بعصبية ) : ليه بقى ان شاء الله ؟

فاروق : لان القعدة كلها رجالة .. هتروحى تقعدى هناك مع مين ..

عواطف ( فى تحدٍ ) : هروح اشوف عروسة حاتم ..

فاروق : انتى فاكرة نفسك راحة مكان فى القاهرة .. ده الصعيد ياعواطف .. يعنى عادات وتقاليد تانية غير بتاعتنا ..

عواطف : كمان مش عايزين تاخدونى معاكم ؟

حاتم ( بفرحة ) : ياماما ياحبيبتى مين بس اللى قال ... الموضوع كله ان القعدة كلها رجالة وميصحش تقعدى مع رجالة .. بس اوعدك الزيارة الجاية هاخدك معايا تشوفيها وتتعرفى عليها براحتك خاااااالص ..

عواطف : ماشى ياحاتم .. اللى يريحكم .. عن إذنكم هروح ارتاح شوية ..

فاروق : استنى ياعواطف جاى معاكى .. ثم هامساً لحاتم : مبروك ياواد ..

يغادر فاروق مع زوجته وما إن يدخلا الحجرة فيغلق الباب .. متسائلاً ..

فاروق : غيرتى رأيك ليه ياأم حاتم ؟

عواطف ( فى غضب ) : اهو اغيرته وخلاص مش لازم تسأل ..

فاروق : ازاى يعنى مش لازم أسأل .. لازم طبعا اعرف ايه سبب التغيير المفاجئ ده ..

عواطف : يييييييييييييه .. ايه يافاروق بقى ارحمنى من أسئلتك دى اهو وافقت وخلاص ..

فاروق : انتى روحتى لاختك ؟

عواطف : ايوة روحت ..

فاروق : وبعدين ..

عواطف ( فى انهيار ) : وبعدين ان مروة سمعتنى كلام زى السم ..

فاروق :ازاى يعنى .. قالتلك ايه ؟

حكت عواطف لزوجها ذلك الحوار الذى دار بينها وبين مروة .. ثم تقول وهى تبكى ..

عواطف : خلاص عرفت حصل ايه وقالت لى ايه ..

فاروق : البنت مقالتش حاجة غلط او زى السم .. البت كان كلامها عين العقل ..

عواطف : انت كمان بتقول كدة ..

فاروق : ياعواطف ازاى تهون عليكى منظر البنت وكرامتها قدام شاب حتى لو كان الشاب ده ابنك ؟ مفروض انتى اللى تحافظى عليها مش تفرطى فيها ..

عواطف : انا بفرط فى كرامة بنت أختى يافاروق ..

فاروق : بصى بلاش نتكلم كتير .. خلاص بنتك اختك اللى انتى كنتى عايزة حاتم يتجوزها اهى قالت لك مبروك وربنا يهنيه .. يبقى ادى لآية فرصة اتعرفى عليها وشوفيها .. مش يمكن تحبيها ياستى ..

عواطف : ماشى يافاروق .. ماشى .. ربنا يسهل ..

فاروق : ربنا يهديكى ياحبيبتى .. انا هريح بقى شوية ..

عواطف : ماشى يافاروق ..

تفكر عواطف كثيراً فيما أغضبها وفى ابنة أختها الذى خذلتها .. تلك الفتاة التى اعتقدت أنها موافقة على الزواج من حاتم ولكنها لم تكن موافقة .. إذن لماذا تركتهم يتفقان على أمر زواجها من حاتم ..

ولكنها لا تعلم أن مروة بها من الجراح ما يجعلها تنهار بالفعل كما قالت أمها .. فعلى الجانب الآخر تجلس مروة على سريرها ممسكةً بصورة حاتم .. تلك الصورة الوحيدة التى تمتلكها له .. كان صغيراً حينذاك لم يتعدى العشر سنوات عندما أعطاها الصورة .. وكانت هى فى الثامنة من عمرها .. فتذكرت ذلك الحوار الرائع الطفولى الذى دار بينهما ..

حاتم : رومىىىىىىىىىى ...

مروة : انا اسمى مروة مش رومى .. رومى دى اللى خالتوا بتأكلهالك ..

حاتم : ههههههههههههه .. اما يارومى لقيت صورة لية فى الالبوم بس حلوة اوى .. تشوفيها ؟

مروة : ايوة عايزة اشوفها .. هى فين ؟

حاتم : طب هاتى حتة شيكولاتة من اللى معاكى وانا اوريكى الصورة .. واللا اقولك هاتى الشيكولاتة كلها وانا اديكى الصورة ليكى ..

مروة : لا الشيكولاتة دى بتاعتى ومش حديك منها .. هات بقى اشوف الصورة ..

حاتم : وانا مش هوريكى الصورة الا لما اخد حتة ..

مروة ( متفكرة ) : خلاص خدها كلها وهات الصورة ...

جلست مروة تضحك عندما تذكرت ذلك اليوم .. بل ضحكت أكثر عندما تذكرت أن حاتم أخذ علقة ساخنة من أمه عندما اكتشفت عدم وجود الصورة بالألبوم وعندما سألته عنها قال لها أنها ضاعت منه ولم يرتض إخبارها بأنها أعطاها لمروة .. حينذاك بدأ حب حاتم يتسرب إلى قلب تلك الطفلة الصغيرة واعتبرته أحب أن تظل الصورة معها وانتظرت سنوات عديدة يصارحها فيها بحبه لها ولكنه لم يفعل .. كم كانت بلهاء لذلك التخيل .. كم أضاعت عمرها فى ذلك التخيل ..

ها هى الآن تخطت الثلاثون من عمرها .. منتظرةٌ كلمة من حاتم .. ضاع عمرها فى الانتظار فهو سيتزوج أخرى ..

وتذكرت ذلك اليوم الذى طلب مقابلتها وأخبرها أنه يحب فتاة تدعى عبير .. تحملت آلامها وذهبت لبيتها وسقطت مغشياً عليها ... أفاقتها والدتها وهى قلقة وباكية وتسألها ما بها .. فترد بأنها شعرت بهبوطٍ حاد ويبدو أنها جائعة .. منذ ذلك الوقت وقد علمت أنها أخت لحاتم ليس أكثر ..

ظلت تضحك على أمها وخالتها عندما كانا يتفقان على أمر زواجها من حاتم وتقول ياليتكما تعلمان ما الأمر حتى تتوقفان عن اتفاقاتكما الفاشلة .. وظلت على حب حاتم ولم تستطع نسيانه .. والآن تأتى خالتها لتبث لها خبر زواجه من أخرى وأيضاً تريد منها أن تتحرك جهته .. ماذا تفعل تلك المسكينة .. هل تصارحه بحبها الكامن بقلبها أم تجبره على الزواج بمن لا يحب هو ..

تذرف الدموع وهى تسأل نفسها متى تستطيع نسيانه .. وهل ستستطيع نسيان من أحبت لأكثر من عشرين عاماً .. هل ستستمر فى حبه وهو لغيرها .. إلى متى سيظل وجع حبها ملازماً لها ..

مرت الأيام وجاء يوم الجمعة وسافر حاتم ووالده فى الصباح الباكر ووصلا بعد انتهاء الصلاة .. دخلا المسجد أولاً ليصليا صلاة الظهر ثم سارا فى طريقهما إلى بيت آية.. وعندما وصلا، وجدا الجد وثلاثة من الرجال جالسين فى ردهة البيت .. فاستقبلهما على أحسن ما يكون من الاستقبال .. وبدأ فى الحديث ..

الجد : اهلا اهلا .. نورتوا سوهاج والله ..

فاروق : ده نور حضرتك ياحاج .. ربنا يكرمك يارب ..

الجد : الله يخليك .. ازيك ياحاتم عامل ايه ياحبيبى ..

حاتم : الحمد لله ياجدى .. انا بخير طول ما حضرتك بخير وراضى عنى ..

الجد : انت راجل .. وانا برضى عن الرجالة ..

وينظر الجد إلى ابنائه الثلاثة نظرة ذات معنى .. هما يفهمونها جيداً .. فيبدأ الابن الكبير وهو أحمد بالحديث ..

أحمد : اهلا ياأستاذ حاتم .. أهلا ياحاج .. نورتوا البلد ..

حاتم / فاروق : اهلا بيك .. شكرا لحضرتك ..

الجد : اعرفكم على خيلان آية .. ده أحمد الكبير وهو الوسطانى محمد والصغير ده يبقى خالد ..

حاتم / فاروق : اهلا بيكم .. فرصة سعيدة جدا ..

الثلاثة : احنا الاسعد ..

الجد : تشربوا الشاى الاول وبعد كدة نتكلم ..

وما هى إلا لحظات لتأتى سيدة ملتحفة ولا يظهر منها غير عينيها وأنفها وذقنها وقدمت لهم الشاى .. وبدأ الاتفاق ..

كان الجد يعتقد بأن أبنائه سيعرقلون الاتفاق وسيعقدونه ولكن لم يحدث .. فهم يريدون إنهاء الاتفاق سريعاً حتى يرجعون جميعاً إلى بيوتهم وإلى أسرتهم .. وبالفعل انتهى الاتفاق وتمت قراءة الفاتحة واتفقوا على ميعاد الخطوبة وبل واتفقوا على أن تكون الخطوبة فى القاهرة وسيسافر الجد مع آية قبل الخطوبة بيومين للتحضير لها ... وتم ضيافة حاتم ووالده على أتم وجه .. ورجع حاتم ووالده إلى القاهرة ليبثان خبر الخطوبة السعيد .. فكان أول من اتصل بها حاتم هى مروة ابنة خالته ..

يرن هاتف مروة باستمرار وهى تعلم من يتصل بها ولكنها باكية ومختنقة الصوت .. ولا تستطيع الرد .. ولكنها قاومت حزنها ورددت على حاتم ..

مروة ( فى مرح ) : الوووووووووووو .. ازيك ياعرررررررررريس ..

حاتم ( ضاحكاً ) : ايه ده ايه ده هى ماما قالت لك واللا ايه ؟

مروة : تفتكر يعنى خالتو بتخبى عننا حاجة .. طبعا قالت .. زيك بالظبط ..

حاتم : ههههههههههههه ... ماشى ياستى .. ياللا بقى استعدى ..

مروة ( وقلبها مضطرب ) : استعد لإيه ؟

حاتم : الخطوبة بعد 15 يوم .. يعنى يوم الجمعة اللى بعد الجاية ..

مروة ( وقلبها ينزف من الألم ومحاولة التصنع بالفرح ) : وااااااااااااااو ... مليون مبروك .. لو كنت اعرف ازغرد كنت عملتها ياحتوم ..

حاتم : انا عارف انك اول واحدة هتفرحيلى .. ده انتى حتى فرحتيلى اكتر من أمى ...

مروة : الصبر على ماما .. هى بس خايفة للعروسة تاخدك منها ..

حاتم : وانتى عرفانى يامروة قد ايه بحب ماما ..

مروة : وانت بقى ياعريس حضرت نفسك ..

حاتم : انا محضر كل حاجة .. بقولك ايه ..

مروة : قول ياعم ..

حاتم : آية وجدها هينزلوا قبل ميعاد الخطوبة بيومين تلاتة عشان نجيب الشبكة وتختار الفستان .. والجاتوهات والحاجات الساقعة والذى منه .. ممكن اطلب منك طلب يارومى ..

مروة : اطلب ياحتوم بس من غير رومى دى .. ياعم بحس انى بتاكل ..

حاتم : ههههههههههههه .. بصى يارومى ممكن تنزلى معاها وتختارى معاها الفستان والشبكة ..

مروة : ليه ومامتها واخواتها فين ..

حاتم : مامتها متوفية وبابا كمان .. وملهاش اخوات .. ومحدش من قرايبها من الاخر كدة هيعبرها .. انا ماليش غيرك يارومى .. بلييييييييييز ..

مروة : ماشى ياعم هى بس تيجى وانا هخليها أجمل عروسة ..

حاتم : تسلميلى ياحبيبتى يااااااااااااارب ..

مروة : اه يانصاب .. انا برده اللى حبيبتك واللا المزززة ..

حاتم : والله يارومى ربنا عالم بمعزتك عندى .. وهى طبعا حتتى الشمال ..

مروة : طيب ياللا ياابو حتتك الشمال، سيبنى بقى عايزة انام وخلينا على اتصال لحد ما تيجى ..

حاتم : ماشى يارومى .. تصبحى على خير ..

مروة : وانت من أهله ..

وما إن أغلقت مروة الهاتف حتى دفنت رأسها فى سريرها وأطلقت من الآهات والدموع الكثير .. كانت تعتقد أن لا يوجد من يسمعها ويشعر بها .. ولكن اعتقادها خاطئ فأمها كانت واقفة وراء الباب وسمعت المكالمة وسمعت آهاتها بل وتبلل وجهها بدموع ابنتها ... يالكِ من مسكينة يامروة ..

الحلقة ( 27 )

أغلق حاتم الهاتف وظل يحلم بيوم خطبته على آية .. لم يكن مصدقاً لموافقة والدته على زواجه من آية وقد استعجب كثيراً على موافقتها على الزواج .. واستعجب أكثر من زيارة أمه لخالته وإخبارهما بخطبة حاتم .. ولكنه لم يفكر فى ذلك السؤال فموافقة أمه أسعدته كثيراً .. فدخلت عليه والدته قائلةً ..

عواطف : ابوك قالى انكو حددتو معاد الخطوبة ..
حاتم : ايوة ياأمى .. حددناها يوم الجمعة اللى بعد الجاية ..
عواطف : اه ما انا عارفة .. وياترى بقى وهى ملهاش حد كدة هتنزل لوحدها تجيب الفستان وتتفق على لوازم الخطوبة واللا هتلبس جيبة وبلوزة وتعملوها سكيتى ..
حاتم ( بصبر ) : لا ياماما مش هنعملها سكيتى ولا هتلبس جيبة وبلوزة ولا هتنزل لوحدها .. مروة هتنزل معاها ..
عواطف : مروة ؟!!!! مروة مين ؟
حاتم : مروة مين ايه ياماما .. مروة بنت خالتى ..
عواطف : بقى كدة .. طيب ده شئ كويس جدا .. انا كنت فاكرة هتقولى خيلانها واللا اعمامها هيخلوا واحدة من بناتهم تنزل معاها .. لكن طلعت واحدة من عندنا احنا اللى هتنزل معاها ..
حاتم : من عندنا او من عندها مش مشكلة المهم انها متنزلش لوحدها .. ومروة رحبت جدا لما انا كلمتها وطلبت منها كدة وهتنزل معاها لما تيجى آية من سوهاج ..
عواطف : اه .. طيب ربنا يتمم على خير ..
حاتم : يارب ياماما يارب ..

تهم الأم بمغادرة حجرة ابنها ولكنه يستوقفها قائلاً ..

حاتم : إلا ياماما صحيح .. انتى قلتى لمروة امتى انى هخطب ؟ النهاردة لما سافرنا واللا قبلها ؟
عواطف ( فى تلعثم ) : ها .... ايوة ايوة .. النهاردة بعد ما سافرتوا .. بتسأل ليه ..
حاتم : اول حاجة مروة قالتهالى فى التليفون لما اتصلت بيها ازيك ياعريس .. فاستنتجت انك قلتيلهم بس امتى بقى هو ده كان السؤال ..
عواطف : وهو يعنى يفرق معاك قلت لها النهاردة واللا امبارح ..
حاتم : لا ياأمى بس سؤال جه فى بالى وخلاص .. ياللا اعتبرينى مقلتوش .. تصبحى على خير ..
عواطف ( بغيظ ) : وانت من أهله ..

وفى حجرة آية نجدها ممسكة بهاتفها المحمول وتتحدث مع فاطمة ..

فاطمة : خلاص يايويو حددتوا الحمد لله ..
آية : ايوة يافطومة حددنا هتبقى يوم الخميس اللى بعد الجاى ..
فاطمة : ايه ده هيبقى بعد يوم خطوبتى بيومين ..
آية : اه فعلا .. ايه ده يعنى مش هعرف احضر يوم خطوبتك واللا ايه ..
فاطمة : لا ياحبيبتى هتحضرى حتى لو نص ساعة .. بس لازم تيجى حتى بابا وماما عايزين يشوفوكى ...
آية : طيب خلاص انا هاجى ان شاء الله ..
فاطمة : بجد انا فرحنالك اوى يايويو زى ما فرحانة لنفسى بالظبط ..
آية : بس مكدبش عليكى يافاطمة انا قلبى مقبوض ..
فاطمة : ليه ياآية ؟
آية : خايفة من أم حاتم .. ولا اتصلت قبل ما يجوا ولا لغاية دلوقتى حتى تباركلى فى التليفون او تحاول تتعرف علية ..
فاطمة : يافاطمة متحطيش فى دماغك .. مسيرك تشوفيها انتى متصربعة على ايه ..
آية : ربنا يستر ..
فاطمة : لا متحطيش فى بالك هى تلاقيها بس مشغولة حبتين واللا حاجة ..
آية : طيب .. ياللا انا هقفل بقى .. تصبحى على خير ..
فاطمة : وانتى من أهله .. اه آية آية .. قفلتى ..
آية : لا لسة .. ايه فى ايه ؟
فاطمة : انا اتفقت مع واحدة حتمكيجنى فى البيت ايه رأيك تجيلك يوم خطوبتك بدل ما تتهرى تدوير .. ومتقلقيش هى شاطرة اوى .. عملت لبنت خالتى وكانت زى القمر ..
آية : ماشى اتفقى معاها واى مبلغ انا جاهزة ..
فاطمة : يابت ياصاحبة البنكنوت انتى ...
آية : ههههههههههههه .. مش اوى كله من جيب جدى حبيبى ...
فاطمة : ههههههههههه .. ربنا يخليهولك يارب .. ياللا سلام بقى ..
آية : سلام يافطومة ..

وصلا آية وجدها إلى القاهرة يوم الثلاثاء صباحاً واستقبلهما حاتم فى المحطة ووصلهما إلى المنزل واتفق مع آية ان ابنة خالته ستلازمها فى اليومين القادمين لتجهيزها بما ستحتاجه وسعدت آية بذلك فهى لا تجد من تحتاجها فى تلك الأمور .. وما هى إلا نصف ساعة حتى اتصلت بها مروة ..
آية : السلام عليكم ورحمة الله وبركاته ..
مروة : وعليكم السلام ورحمة الله وبركاته ..
آية : مين معايا ؟
مروة : انا مروة بنت خالة حاتم .. خطيبك ..
آية : اه اهلا وسهلا ازيك يامروة ..
مروة : الحمد لله .. ازيك انتى ياقمر .. مبروك الخطوبة ..
آية : الله يبارك فيكى ياحبيبتى .. عقبالك يارب ..
مروة : يارب يختى يارب .. المهم ياقمر فاضية امتى عشان ننزل نشوف الفساتين ؟
آية : من دلوقتى لو حبة ..
مروة : هههههههههههههه حرام عليكى ده انتى لسة جاية من سوهاج .. اسمعى انتى ارتاحى وننزل بعد المغرب .. اتفقنا ..
آية : اصل انا هشترى فستانين .. وعايزة انزل حتى لو بعد ساعتين مش هينفع استنى للمغرب ..
مروة : فستانين ؟ ليه .. انتى هتغيرى فى الخطوبة ..
آية : لا مش هغير ولا حاجة .. ده فستان للخطوبة وفستان احضر بيه خطوبة واحدة صاحبتى وصاحب حاتم ..
مروة : اه تقصدى خطوبة أيمن وفاطمة ..
آية : ايوة مظبوط .. واضح ان حاتم بيقولك على كل حاجة ..
مروة : اه اخوات بقى ومتربيين مع بعض ..
آية : ربنا يخليكو لبعض .. طيب ها ننزل بدرى شوية ..
مروة : ماشى ياقمر .. تحبى أجيلك واللا نتقابل فى منطقة وسط ؟
آية : انا مش عايزة اتعبك وتيجى لحد عندى لاما تيجى وتتغدى معايا وبعد كدة نبقى ننزل ..
مروة ( بمرح ) : خلاص نتقابل فى منطقة وسط .. اصل ماما مش بترضى اتغدى برة خالص ..
آية : هههههههههههههه .. طيب نتقابل الساعة 3 فى وسط البلد .. مثلا قدام طلعت حرب مول ..
مروة : تمام .. خلاص معادنا هناك الساعة 3 ان شاء الله .. ياللا سلام ياقمر ..
آية : سلام ياحبيبتى ..

ومرة أخرى وبعد نبرة المرح والفرح فى صوت مروة أمام آية تبدأ نوبة بكاءها .. فهذا ما يريحها ..

وبالفعل تقابلا آية ومروة أمام المول ودخلا محلات كثيرة واشتريا فستانين رقيقين ثم جلسا فى كافتيريا للراحة ثم المغادرة إلى بيتهما .. ولكن دار بينهما حوارٌ ..

آية : بجد انا مش عارفة اشكرك ازاى على وقوفك جنبى ..
مروة : ياحبيتى انتى تؤمرى .. اللى بيحبهم حاتم انا كمان بحبهم ..
آية : وانا كمان حبيتك .. واضح انك طيبة اوى اوى ..
مروة : تسلمى ياحبيبتى ..
آية : كنت عايزة اسألك سؤال شخصى .. ينفع ؟
مروة : طبعا ينفع، اسألى ..
آية : انتى متجوزتيش ليه لحد دلوقتى ..
مروة : ببساطة مش لاقية واحد مناسب لية .. الايام دى معظم الشباب بتستهبل .. خلينى لحد ربنا ما يكرمنى بابن الحلال اللى ميكونش بيستهبل ..
آية : ههههههههههههههه .. يارب ياحبيبتى .. صحيح انتى هتيجى معانا خطوبة أيمن وفاطمة ..
مروة : ايوة هاجى طبعا .. أيمن ده صديقى الصدوق ..
آية : اه مهو حاتم قالى .. على الاقل اروح هناك وانا عارفة تلاتة .. العريس والعروسة وانتى ..
مروة : نسيتى حاتم ..
آية : هههههههههههه .. هو ده يتنسى برده ..

تضحك الاثنتان ثم ينهضا للمغادرة .. وكعادة مروة تصل إلى حجرتها وتبدأ فى نوبة البكاء ..

ينفطر قلب أمها عليها ولم تعد تطيق التحمل فتطرق باب حجرتها تريد الدخول لها وهى حزينة ولكنها ترسم ملامح الفرح على وجهها .. وتبث لها خبر من نوعٍ آخر ..

عفاف : حبيبة ماما ممكن تفتحى ..
مروة ( فى توتر ) : ايوة ياماما حالا .. ثوانى بس ..
وما هى إلا الحظات وتفتح مروة الباب لأمها معلنة عيناها عن تورم وبكاء ..
عفاف : تانى عنيكى مورمة يامروة واللا برده هتقولى من قلة النوم ..
مروة : لا ياماما ده من كتر اللف على المحلات .. تعبت اوى ..
عفاف : سلامتك ياحبيبتى .. وعملتوا ايه ؟ لقيتوا فستان واللا لسة ..
مروة : ايوة ياماما لقينا فستان شيك اوى ورقيق اوى اوى لما هتشوفيه يوم الخطوبة هيعجبك اوى ..
عفاف : زوقك ؟
مروة : انا وآية شاورنا عليه اول ما جت عينا عليه ..
عفاف : ربنا يسهلها ويتملها على خير ..
مروة : يارب ياماما .. ويسعد كل الناس ..
عفاف : مكنتش اعرف انك طيبة اوى يامروة .. ومن طيبتك دى هقولك على خبر حلو ..
مروة : خبر ياماما ؟
عفاف : جالك عريس ..
مروة : لا ياماما انا مش بفكر فى الجواز دلوقتى ..
عفاف : اومال هتفكرى امتى انتى يابنتى عندك 31 سنة .. هتفكرى امتى بس ..
مروة : ماما لو سمحتى كفاية كلام فى الموضوع ده ..
عفاف ( فى عصبية ) : اسمعى بقى اللى انتى كنتى مستنياه خلاص راح لغيرك ولازم تشوفى نفسك ..
مروة ( فى عصبيةِ أشد ) : تقصدى ايه بقى ياماما ..
عفاف : انتى عارفة انا اقصد ايه ..
مروة ( فى حدة ) : ماما لو سمحتى انا قلت لك 100 مرة ان اللى فى دماغك ده غلط × غلط .. كفاية بقى متتكلميش تانى فى الموضوع ده ..
عفاف : ومين اللى بيعيط كل يوم بالليل .. مش انتى برده واللا حد غيرك معاكى فى الاوضة ؟
مروة : ............
عفاف : كفاية يامروة تضغطى على نفسك وتعملى نفسك مش همك واللا الموضوع مش فى دماغك .. انتى قدرتى تخبى على خالتك وتمثلى دور الفرحة على حاتم ونزلتى بنية صادقة مع آية وجيبتى معاها حاجتها .. لكن عمرك ما تقدرى تمثلى علية يامروة .. انا أمك ..
مروة ( فى بكاء ) : كفاية ياماما أرجوكى ..
عفاف : ماشى يامروة مش هتكلم تانى فى الموضوع ده بس لو سمحتى تدى فرصة لنفسك وتقعدى مع العريس ده ولو مرتاحتيش ياستى ابقى ارفضيه ..
مروة : طيب ياماما هبقى اقولك ردى يوم السبت يكون يوم حاتم عدى واكون فضيت ..
عفاف : ماشى يامروة اللى يريحك .. انا هسيبك ترتاحى وياريت متفكريش فى اى حاجة تألمك كتير ..

تترك عفاف ابنتها التى تعلم أن أمها على حق فى كل كلمة .. ولكن ما باليد حيلة .. ماذا تفعل فى ذلك الحب وهى لا تملك التحكم فى قلبها وإبعاد الحب عنه ..

الحلقة ( 28 )

فى ظهر يوم الأربعاء ذهبت مروة مع آية وجدها وحاتم ووالدته لشراء الشبكة .. وكانت أول مرة ترى والدة حاتم خطيبته آية .. لم تنكر بينها وبين نفسها أنها جميلة ولكنها كابرت ورفضت الاعتراف بذلك أمام الجميع أو حتى أمام ابنها وكانت تعاملها بجفاءٍ تام .. ففى محل الذهب الكائن بمنطقة المهندسين وهو محل كبير ولديه أفخم الكوليهات .. حدث الآتى ..

حاتم : لو سمحت انا عايز كل أقطم الكوليهات اللى عندك ..
الموظف : تحت أمرك يافندم ..
الجد : وهو لازم ياحبيبى طقم .. هات شبكة عادية وخلاص ..
حاتم : ياجدى لازم اجيب لآية أحسن حاجة .. ومتقلقش الجيب عمراااااااان ..
الجد ( مبتسماً ) : ربنا يعمره دايما ياحبيبى بالحلال ..

يأتى الموظف بجميع أقطم الكوليهات لحاتم ويشاهد الجميع تلك الأطقم الفاخرة .. فتختار آية طقماً رقيقاً وإذ بوالدة حاتم وهى تفهم فى الذهب وتعرف أسعاره تختار طقماً أقل فى السعر وليس برقة الطقم الذى اختارته آية ..

عواطف : الطقم ده أحسن ..
حاتم : اللى يعجب آية .. ايه اللى يعجبك ياآية .. اللى اخترتيه فى الاول واللا اللى ماما قالت عليه ..
آية : اللى قالت عليه ماما حلو ..
مروة : لا ياآية بتاعك انتى أشيك وأرق وأقيم ..
عواطف : يعنى اختيارى وحش ياست مروة ..
مروة : لا طبعا ياخالتو اختيارك زى الفل بس بصراحة بتاع آية أرق ..
آية : مش مشكلة يامروة اللى قالت عليه ماما حلو وعجبنى .. نجيبه ..
الجد : انا مع آية فى كلامها .. اللى اختارته والدة حاتم حلو ..
حاتم : خلاص نجيب الطقمين ..

يضحك الأربعة – الجد وحاتم وآية ومروة – ولكن والدته لا تضحك .. ولكنها قالت ..

عواطف : ليه يعنى .. هو كتر فلوس واللا ايه ؟
الجد : نعم ؟!
حاتم ( هامساً لأمه ) : لو سمحتى ياماما خلى آية تختار اللى هى عيزاه ولو سمحتى كملى فرحتى وعامليها كويس .. دى يتيمة .. ثم بصوتٍ عالى لجد آية : هى فاكرة انى مش معايا فلوس كفاية ياجدى بس خلاص انا أكدتلها ان معايا ..
الجد : فعلا ؟ ماشى يابنى .. ربنا يزيدك ويرزقك ..
عواطف ( فى غيظ ) : ياسلام على القلب الحنين .. ها ياآية اخترتى ايه ..
آية : اللى انتى عيزاه ياماما ...
عواطف ( فى انتصار ) : ايوة كدة .. الطقم اللى انا اخترته أحلى بكتير ..
آية : اللى تشوفيه ياماما انا موافقة عليه ..
الجد : خلاص على بركة الله .. مبروك عليكم ..
آية وحاتم : الله يبارك فيك ياجدى ..

يتنحى حاتم بآية جانباً قائلاً لها ..

حاتم : آية اختارى اللى انتى عيزاه ..
آية : ما انا خلاص اخترت اهو ياحاتم ..
حاتم : لا ياآية .. انتى مرضتييش تكسفى ماما ووافقتى على اللى هى عيزاه .. وانا بقولك اهو اختارى اللى انتى عيزاه وملكيش دعوة بحد المهم اللى يعجبك انتى لانها حاجتك انتى مش حاجة غيرك ..
آية : والله ياحاتم الطقم اللى ماما اختارته حلو وعجبنى .. وياللا بقى عشان متزعلش هى من الكلام الجانبى ده ..
حاتم ( فى تساؤل ) : متأكدة ياآية ..
آية : طبعا ياحاتم ..
حاتم : طيب على بركة الله .. الف مبروك ياحبيبتى ..
آية ( فى خجل ) : الله يبارك فيك ياحاتم ..

ويرجعان مرة أخرى إلى والدة حاتم ومروة .. ويطلبان من الموظف شراء ذلك الطقم .. وتتبقى الدبلة ...

حاتم : عايزين بقى نشوف الدبل ..
عواطف : اه هاتهم اشوفهم عندى هنا ..
حاتم ( هامساً لوالدته ) : يتهيألى ياماما المرادى يكون اختيار آية .. كفاية عليكى الطقم اللى انتى صممتى عليه وأحرجتى آية عشان تاخده ..
عواطف : بقى كدة ياحاتم .. اعمل ما بدالك انا الغلطانة انى جيت ..
الجد : فى حاجة ياجماعة واللا ايه ؟
عواطف ( بجفاء ) : لا مفيش .. انا بكلم ابنى مظنش ان فى مانع ..
الجد : لا طبعا مفيش مانع .. انا اسف ..

يبتعد الجد عن حاتم ووالدته فينظر حاتم إلى والدته نظرةً نارية قائلاً لها ..

حاتم : كلامى معاك هيكون فى البيت ..

ينتهى الجميع من الاختيار والشراء ويغادر الجميع إلى منزله ليلحقون بتجهيز أنفسهم لخطوبة أيمن وفاطمة ..

وصل الجميع إلى حفلة خطوبة أيمن وفاطمة .. وهى حفلةٌ عائليةٌ فى بيت فاطمة .. يحضرها الأسرتين وبعضٌ من العائلة وصديقة فاطمة المقربة فقط وهى آية .. وكذلك الأمر بالنسبة لأيمن وصديقه المقرب حاتم وابنة خالته مروة .. وكان حاتم يتوسط الفتاتين – آية ومروة – وكان ثلاثتهم من أسعد ما يكون بذلك اليوم ..

وقفت آية بجانب فاطمة أثناء تلبيسها الشبكة والزغاريد تتوالى فى الحفلة وكذلك بعض الأناشيد الدينية .. فحفلة الخطوبة كانت اسلامية .. وسعد الجميع وأصبحت فاطمة رسمياً حبيبة أيمن وخطيبته ..

وفى الحفل كان من ضمن الشباب من عائلة أيمن الحاضرين شاب يدعى أمجد .. رأى مروة فوقف بجانبها وكل مكان تذهب إليها يلاحقها فيه .. فلاحظت مروة ولكنها لم تبالى به .. حتى جاء الوقت التى وقفت فيه مروة وحدها فجاء إليها ومحاولاً التحدث معها ..

أمجد : السلام عليكم ..
مروة ( ناظرةٌ له فى تساؤل ) : عليكم السلام ..
أمجد : انا أمجد ..
مروة ( فى لا مبالاة ) : أهلا .. اى خدمة ؟
أمجد : كنت حابب أتعرف عليكى ..
مروة : انا مش حبة تتعرف علية .. عن إذنك ..

تتركه مروة وتذهب لتقف مع آية وحاتم .. كانت آية قد لاحظت ذلك الشاب ومحاولته التحدث مع مروة ..

آية : ماله ده ؟
مروة : مجنون بعيد عنك ..
آية ( فى تعجب ) : مجنون .. ازاى ده ؟
مروة : سيبك منه دى جاى يستهبل فاستهبلت انا وخليته فانلة ..
آية : هههههههههههههههههه فانلة يامفترية .. ثم فى خجل : انا اسفة ..
مروة : اسفة على ايه ؟
آية : يعنى انى قلت لك مفترية ..
مروة : بكرة لما تعرفينى كويس هتعرفى انى اعرف افرق بين الهزار والجد .. وهتعرفى انى بحب الهزار .. هزرى براحتك على الاخررررررر ..
آية : ربنا يخليكى يامروة .. بجد انتى ونعم الاخت ..

انتهت خطوبة أيمن وفاطمة وقبل مغادرته نظر إلى خطيبته فاطمة قائلاً لها ..

أيمن : دلوقتى هقولك بحبك غصب عنك ..
فاطمة : الله بقى ياأيمن .. متكسفنيش ..
أيمن : اكسفك ايه يافطومة ده انا بحبك وبعبر عن مشاعرى ..
فاطمة : لا برده متقولش الكلمة دى قبل الجواز ..
أيمن : موافق .. واهو الجواز بعد 6 شهور وحهريكى بحبك وحب ..
فاطمة ( فى خجل ) : وبعدين معاك ..
أيمن : حكلمك لما اوصل البيت .. اوعى تنامى ..
فاطمة : ماشى ياحبيبى ...
أيمن : الله .. اجمل كلمة سمعتها من يوم ما اتولدت ..
فاطمة : طيب ياللا عشان عمو وطنط مستنيينك تحت .. متخليهومش واقفين كتير ..
أيمن : طيب ماشى .. سلام .. حكلمك لما اوصل ..
فاطمة : مستنياك .. سلام ..

يصل الجميع إلى منزله .. وعند دخول مروة إلى منزلها .. تجد أمها منتظرة وصولها على أحر من الجمر وقلقةً عليها .. فتقول لها بعنف ..

عفاف : ممكن اعرف موبايلك مقفول ليه ..
مروة ( فى مرح ) : ياحبيتى انا سيباه هنا لانى ملحقتش اشحنه وفصل شحن، وقبل ما انزل لو تفتكرى يعنى قلت لك ياماما ابقى حطى موبايلى فى الشحن ..
عفاف ( فى خجل ) : اه صح .. افتكرت .. بس برده اتأخرتى يامروة ..
مروة : ياحبيتى هى كانت عشوة، دى كانت حفلة خطوبة .. خطوبة يانااااااااااس ..
عفاف : هههههههههههههه .. طب ياللا عشان احضرلك انا العشوة ..
مروة : انتى أكلتى ؟
عفاف : ايوة أكلت مع أبوكى عشان كمان معاد دوايا ..
مروة : وبصراحة انا كمان أكلت فى الخطوبة .. مهو كانوا عاملين أكل كتييييييييييير ..
عفاف : طب ياختى روحى خدى شاور ونامى ..
مروة : تصبحى على خير يامزة ..
عفاف : وانتى من أهله ياحبيبة المزة ..

دخلت مروة حجرتها وإذ بالألم والبكاء يعودان إليها مرةً أخرى .. كانت تتمنى كثيراً زواجها بمن يحب قلبها .. ولكنه أحب أخرى وسيتزوجها فى القريب العاجل .. تعود إليها حرقة القلب ويستسلم قلبها للأوجاع مرةً أخرى وتدمع عيناها وتدفن رأسها مرةً أخرى فى سريرها كاتمةً صوتها فى قول الآه .. يالكِ من مسكينة يامروة .. ماذا ينتظرك فى المستقبل .. ماذا ينتظرك ..!!

الحلقة ( 29 )

وصل حاتم إلى منزله فإذا به بجد والدته تنتظره أمام التلفاز ويظهر عليها الغضب .. فيلقى عليها تحية المساء ..

حاتم : مساء الخير ..
عواطف : مساء النور يابيه .. خلاص وصلت الهانم وجاى تنام طبعا ومش مهم تقعد مع أبوك وأمك ..
حاتم : ليه ؟ هو انا مس سألت بابا قبل ما انزل ان كنتو عايزين حاجة قالى لأ ..
عواطف : وهو يعنى مفيش غير ابوك اللى تسأله ..
حاتم : اصل امى من امبارح بتتهرب منى بالنوم .. ولما رجعت دلوقتى عايزة تدب معايا خناقة عشان أنسالها اللى هى عملته امبارح فى الناس ..
عواطف ( ببرود ) : وانا بقى عملت ايه ان شاء الله ..
حاتم : ابدا معملتيش حاجة خالص .. ولا أحرجتى آية وأجبرتيها على الطقم اللى انتى اخترتيه .. ولا أحرجتى جدها فى الكلام .. ولا قلبتى وشك علينا كلنا ونكدتى علينا فى يوم زى ده .. مع انك مفروض كنتى ترقعى الزغرودة مش تقلبيها علينا نكد وكأنى رايح اتدفن مش اتجوز ...
عواطف : وانت فاكر انك بجوازك منها مش حتدفن .. ثم عاجبك فيها ايه .. ولا شكل ولا منظر ولا اى حاجة عدلة فيها ..
حاتم : اشمعنى انتى بقى اللى رأيك مخالف مع ان سبحان الله كل اللى شافوها قالوا تبارك الخلاق فيما خلق .. وحتى ياماما لو فى نظرك مش حلوة فى نظرى انا حلوة وطيبة وقلبها أحلى قلب قابلته ..
عواطف ( فى انفعال ) : انت بتغيظنى ياواد انت ..
حاتم : لا ياحبيبتى مش بغيظك بس انتى اللى بتعملى حاجات نتيجتها فى الاخر بتغيظك انتى ..
عواطف : والله .. تقدر تقولى اشمعنى مروة اللى جيبتها تنقى الشبكة مع الهانم بتاعتك ..
حاتم : مروة اقرب واحدة فى قرايبنا ..
عواطف : والله ؟ واختك .. انت ولا اتصلت بيها ولا بلغتها ولا طلبت منها هى اللى تنزل معاك ..
حاتم : ومين قالك بقى .. انا اتصلت بأختى وبلغتها وهى اعتذرت انها تيجى لان لو حضرتك فاكرة متجوزة وعندها بيت وعندها 3 عيال فيهم توأم غير انها بتشتغل .. ولما اتصلت بيها باركتلى وحتيجى يوم الخطوبة عندنا من بدرى وتطلع من عندنا معانا على بيت آية .. ومروة طلبت منها انها تيجى عشان هى فاضية ولا عيال ولا جوز ولا خطيب ولا حبيب .. يتهيألى ياماما لو كنتى كلفتى خاطرك واتصلتى انتى بيها كانت هتقولك نفس كلامى .. لكن انتى عايزة تتخانقى وبس لانك بتحاولى تنسينى الطريقة اللى انتى اتكلمتى بيها مع الناس ..
عواطف : وانت بقى حتخسرنى عشان ناس غريبة ..
حاتم : اولا دول ناس مش غريبة دى خطيبتى وأهلها .. ثانيا عمرى فى حياتى ما حخسر أهلى عشان اى حد قريب واللا غريب .. ثالثا شيليها من دماغك بقى ياماما وحاولى تديها فرصة تتعامل معاكى ولو عاملتك وحش يبقى ليكى الحق لكن مش من اولها انتى اللى تعامليها وحش وتخوفيها منك .. مش حتحب تتعامل معاكى بعد كدة ويمكن توصل انها متحبش تزورك .. يبقى كدة حلو يعنى ؟!!
عواطف : عنها ما زارتنى وهو انا يعنى هنقص من غيرها ولا هزيد بيها .. دى ولا تسوى ..
حاتم ( فى حدة ) : ماما ... لو سمحتى متغلطيش فيها .. وافتكريلها انها محبتش تجيب مشاكل وتريحك لما انتى اخترتى شبكة قليلة زى اللى انتى أجبرتيها عليها لكن الظاهر انه مش فارق عندك ..
عواطف ( بتحدٍ ) : ولا تسوى دبلة سلك عندى ..
حاتم ( فى برود ) : بس تسوى عندى الدنيا وما فيها ..
عواطف ( فى انفعال ) : يعنى انت بتبديها علية ياحاتم ..

يأتيهما صوت والده ..

فاروق : عواطف .. فى ايه .. ما تهدى شوية .. على الاقل عدى اليومين دول وابقى اتخانقى براحتك ..
ثم ناظراً لحاتم ..
فاروق : حاتم .. ادخل انت نام .. تصبح على خير ..
حاتم : وانت من أهله يابابا ..

ينظر حاتم إلى والدته فى غضب ويأس .. ويغادر المكان إلى حجرته .. وبعد دخوله حجرته يلتفت الأب إلى زوجته قائلاً ..

فاروق : انتى فى ايه .. انتى مش هاين عليكى متنكديش عليه فى اليوم ده .. طب ياشيخة اصبرى عليه بكرة وابقى نكدى عليه بعد كدة .. ايه عيزاه يحضر وهو مبوظ فى وش خطيبته ووش الناس .. ياشيخة اتقى الله .. انتى ايه اللى جرالك انتى مكنتيش كدة ..
عواطف ( فى حزن ) : انا مش عايزة البنت دى ..
فاروق : ليه عملت لك ايه .. البنت فى منتهى الأدب والأخلاق .. ومعملتش حاجة تزعلك رغم انك غلطتى فى جدها وأجبرتيها على اختيارك انتى ومسيبتلهاش فرصة تختار .. ليه مش عيزاها .. فكرى وصدقينى هتلاقى نفسك غلط .. وانسى بقى اللى انتى حطاها فى دماغك .. اهى قالت لك مبروك وانه زى اخوها وبرده لسة مصممة .. ازاى ده بس .. بتفكرى ازاى ..
عواطف : انا مش فاهمة ايه اللى جرالها ..
فاروق : تانى ياعواطف .. يعنى كلامها وكلامى وارتباط حاتم ببنت حبها مش نافع معاكى .. انتى ايه مفيش فايدة معاكى فى الكلام .. ياستار يارب .. انا رايح انام تصبحى على خير ..

ويغادر فاروق سريعاً إلى حجرته تاركاً عواطف وحدها قائلةً فى سرها ..

عواطف : برده مش هرتاح الا لما الجوازة دى متمش ..

وأثناء حديثهما .. كان حاتم وحده فى حجرته يبدل ملابسه ويتحدث مع نفسه ويلوم نفسه على أسلوبه فى الحديث مع والدته ..

حاتم : وبعدين بقى ازاى اكلم ماما بالطريقة دى .. بس اعمل ايه هى اللى حطة آية فى دماغها معرفش ليه .. لو بس افهم دماغك ياماما واعرف انتى بتفكرى فى ايه .. بكرة الصبح حعتذرلها عشان ميصحش اتكلم معاها كدة وكمان عشان اضمن تعامل آية حلو بكرة ... ولو بكرة بس .. يارب بكرة يعدى على خير يارب ..

أما فى منزل آية فعندما تصل تجد جدها جالساً على المقعد وقد غفل فبدلت ملابسها بهدوءٍ شديد وحضرت العشاء .. ثم بدأت فى إيقاظه ..

آية : جدو .. جدو ..
الجد ( شبه نائماً ) : ها .. انتى جيتى ياآية .. ايه اللى اخرك بس يابنتى ؟
آية : ياجدو انا جيت من زمان حتى غيرت هدومى وحضرت العشا وجيت اصحيك عشان نتعشى سوا، بس اتأخرت فين دى، الساعة مجتش 11 .. هو انت مش شايف هدوم البيت اللى انا لبساها واللا ايه ..
الجد ( فاركاً فى عينيه ) : اه صح .. طيب ياللا نقوم نتعشى ..
آية : ياللا ياجدى ..
وأثناء تناولهما الطعام .. تحدث الجد قائلاً ..
الجد : ها وعملتوا ايه بقى فى الفرح .. كان حلو ؟
آية : اه ياجدى كان حلو اووووووى ياريتك كنت جيت معانا ..
الجد : يابنتى كفاية علية انك فرحتى .. ربنا يفرح أيامك كلها ..
آية : يارب ياجدو يارب .. وانت معايا ..
الجد : بعد ما نخلص عشا هنتكلم شوية صغيرة وتقومى تصلى عشان تلحقى تنامى بكرة عندك هم من أول اليوم ..
آية : خير ياجدى ..
الجد : كلى الاول وبعد ما تخلصى نتكلم ..
آية : ماشى ياجدو ..

تناولا الطعام فى عشر دقائق ونظفت آية السفرة من آثار العشاء وحضرت كوبين من الشاى باللبن .. وذهبت إلى جدها قائلةً ..

آية : ها ياجدو، خيييييييييير ..
الجد : انتى ايه رأيك فى الشبكة ؟!!!
آية : حلوة ياجدو ..
الجد : كانت عجباكى أكتر واللا اللى انتى اخترتيها ..
آية : طيب بص ياجدو عشان مكترش معاك فى الكلام وأتعب قلبك .. اللى كان عاجبنى هو اللى انا اخترته .. وانا وافقت على اللى والدة حاتم قالت عليه لكذا سبب .. اولا لو تفتكر من كام يوم انت قلت لى توقعى ان تكون امه مش موافقة وده اللى احنا شوفناه النهاردة .. ثانيا حبيت اريحها واقول ماشى على اختيارها عشان تغير رفضها من ناحيتى وعشان معملش مشاكل بينها وبين حاتم .. ثالثا الطقم فعلا حلو مش وحش يعنى .. ورغم انها غلطت فيك بس انا مرضيتش اتكلم وقلت شوية لما تلاقينا مبنغلطش فيها حتتأكد اننا ناس كويسين وهتغير معاملتها من ناحيتنا واللا انت عندك كلام تانى ياجدو ..
الجد ( مبتسماً ) : لا معنديش كلام تانى ياحبيبة جدو .. ربنا يكملك بعقلك ويوفقك ويتمملك على خير ..
آية : يااااااااارب ياجدو .. ياللا بقى اشرب كوبايتك وانا كمان هشرب كوبايتى قبل ما تبرد .. عشان كمان ألحق انام ..
الجد : ربنا يهنيكى ياآية وتبقى من أسعد الناس ..

يتسامر الجد مع حفيدته نصف ساعة ثم يستعد الاثنان للنوم .. نوماً هنيئاً لكم .. حاتم وآية والجد وفاطمة وأيمن .. و....... ونتمنى لكى يامروة نوماً هنيئاً ونتمنى لكى معرفة النوم ..

ولكن هيهات .. تلك الفتاة الطيبة القلب المتماسكة والقوية تتقلب فى سريرها مع دموعها .. تدعو الله أن يعينها فى حفلة الخطوبة .. وتدعو الله ألا تنقلب الحفلة إلى مكان عزاء فيها .. فهى تريد الفرح للجميع وحتى وإن احترق قلبها ولم يعرف طريقاً للفرح ..

اهو عشان متعيطيش

عدلتهم اهو

وكمان معتش غير الحلقه الاخيره

من

من

من

الجزء الاول

waaaaaaaaaaaaaaaaaaaaaait meeeeeeeeee

اهووووووو كدا بقي الشغل

الحلقة الأخيرة من الجزء الأول

جاء اليوم المنتظر .. تجمع القليل فى بيت آية .. فمن جاء : مروة وأمها وحاتم ووالده ووالدته وأيمن وفاطمة وأحمد خال آية الكبير وزوجته رضوى وابنته الكبرى أسماء وخالها محمد دون زوجته وأولاده وكذلك خالها حاتم جاء دون أسرته .. وأصدقاء حاتم وأيمن والبعض من جيران وجارات آية ..

وبرغم قلة عدد المعازيم إلا أن الفرحة كانت تطل من الجميع – ماعدا والدة حاتم – وكان الجد أكثر الفارحين فى تلك الحفلة .. فحفيدته ستستقر أخيراً فى كنف رجلٍ محترم وذو طيبة كبيرة وآمن عليها معه ..

كانت آية جميلةٌ جداً بتزويقها الهادئ الجذاب ولم تتخلى عن حجابها فى الخطوبة .. وكان لون فستانها رقيقاً جداً .. انبهر حاتم عندما رآها .. فلقد شعر أن الحياة عادت إليها وإليه من جديد وأنهما فى بداية حياةٍ جميلة ..

انتظر الجميع قدوم أم العريس – عواطف – بعلبة الشبكة وتفريجها للمعازيم .. ولكنها امرأة عنيدة جداً ظلت بداخل حجرة من الحجرات جالسة وممسكة بالعلبة بيديها فدخلت عليها مروة .. متسائلة ..

مروة : ايه ياخالتو ما ياللا بقى .. الناس مستنيين يشوفوا الشبكة ..
عواطف ( فى حدة ) : انتى يابت هتجننينى .. انتى بتستعبطى علية ..
مروة : واستعبط عليكى ليه ما الناس فعلا مستنيين أم العريس بالشبكة ..
عواطف : انتى يابت انتى مش سبق وفهمتينى انك بتحبى حاتم .. ازاى بقى جاية تفهمينى انه ميفرقش معاكى وقال بتتمنيله الخير ..
مروة ( فى تفكر ) : اه .. احنا بقى هنضيع وقت فى كلام مالوش لازمة يتقال ..

تجلس مروة على مقعد قريب من خالتها متفكرةً فى ردٌ نهائى على خالتها ..

مروة : شوفى بقى ياخالتو عشان واضح انك فهمتينى غلط .. وياريت ننهى الموضوع ده دلوقتى وفى دقيقتين عشان اولا منتكلمش فيه تانى وعشان ثانيا منتأخرش على الناس ..
عواطف : وهو ايه اللى انا فهمته غلط ياست البرنسيسة ..
مروة : من غير بس تريأة ياخالتو .. بصى ياحبيبتى هل انا سبق وقلت لك مباشرة انى بحب حاتم حب أكتر من الاخوات ؟ من غير ما تردى لا طبعا مقلتش كدة .. ولما – زى ما بتقولى – انى فهمتك انى بحب حاتم .. كنت اقصد من كدة ان الحب ده حب أخوى ولما قلتيلى خبر خطوبته قلت لك ربنا يهنيه ويسعده ومبروك عشان فعلا انا بحب حاتم زى اخويا واتمناله الخير والسعادة .. وحتى ياخالتو لو كنت بحبه حب تانى من اللى فى دماغك برده مكنتش حروح اتنحرر واظهرله لان اولا انا كرامتى فوق اوى وهو اللى لازم يبتدى مش انا، ثانيا هو اساسا مش بيحبنى الا زى اخته .. يعنى من الاخر ومن غير كلام كتير .. انا وحاتم اخوات وقريبين من بعض زى الاصحاب الانتيم .. سمعتى عنهم ياخالتو ..
عواطف : أنتيم ؟!!! هو ده اخر الكلام عندك ؟
مروة : طبعا ياقمر .. ياللا بقى عشان النا مستنية ..
تهم عواطف بالنهوض ولكنها سرعان ما قالت ..
عواطف : ماشى يامروة .. واعرفى انك انتى اللى خسرانة ابنى ومسيرك فى يوم حتندمى ..
مروة : ههههههههههههه ياللا ياخالتو مضحكنيش اكتر من كدة ..
تسير مروة مع خالتها قائلةً فى نفسها ..
مروة : والله ما انتى فاهمة حاجة ياخالتو ..

تخرج كلٍ من مروة وخالتها إلى حجرة الصالون الواسعة وتجدان الجميع فى انتظارهما .. فتهمس مروة إلى خالتها قائلة ..

مروة : عاجبك كدة ياخالتو ادينا هنضرب بسبب التأخير ..
عواطف : بس يابت انا مش نقصاكى ولا طيقاكى ..
مروة : ههههههههههه .. طب حتى ابتسمى .. بالله عليكى لتبتسمى ..

تتصنع عواطف الابتسامة وتسير فى اتجاه العروسين ولا تفكر فى تفريج الشبكة للمعازيم .. فتسرع مروة جهة خالتها منبهةً إياها إلى فعل تلك العادة .. وأثناء تفريج عواطف المعازيم شبكة آية فإذا بصوتٍ مألوفٍ يأتى من وراء مروة قائلاً ..

أمجد : انا شايف ان دى صدفة حلوة ..
تنتفض مروة فى مكانها ناظرةً إلى صاحب الصوت فتجده أمجد فتقول له فى حدة ..
مروة : ايه ياأستاذ .. فى حد يرعب حد كدة ؟
أمجد : انا اسف بس بجد انبسطت لما شوفتك تانى وكمان يومين ورا بعض ..
مروة ( فى تذكر ) : مرتين ؟ مش انت بتاع امبارح ؟
أمجد : ايوة انا .. اللى كسفتيه ومرضتيش تخليه يتعرف عليكى ..
مروة ( فى شراسة ) : أحسن ..
أمجد ( بتعجب ) : هو ايه اللى احسن ياآنسة مروة ..
مروة : كمان عرفت اسمى .. ايه الجمال ده .. احسن انى اكسفك لانى مش عيزاك فعلا تتعرف علية .. نهائى .. وكفاية بقى منظرك امبارح كان وحش اوى، حتوحشه تانى النهاردة واللا ايه ..
أمجد : وانتى خايفة لمنظرى يبقى وحش ..
مروة : لا خايفة امسك فى خناقك لانك بجد بجد يعنى بارد اوى .. اه بقولك ايه .. متبقاش تطقس علية عشان هتتعب نفسك .. اوووووف ..
أمجد : بس انا مصمم نتعرف ..
مروة ( بنفاذ صبر ) : ممممممممممممم .. طيب شايف العريس اللى فى الكوشة هناك ده ؟
أمجد : طبعا ده حاتم صاحبى وحبيب قلبى ..
مروة : انا ممكن بقى اخليه يبيع الصحوبية دى ويخسرك وده عشان انا بنت خالته يعنى انا اولى منك فى حياته .. لم الليلة بقى ..

ينبهر أمجد بطريقة مروة فى التعامل مع الغريب .. ويُصِّر أن تلك الفتاة يجب أن تكون له .. فسيفعل كل شئ لتكون مروة له ..

وأخيراً وبعد ذلك الحوار بين أمجد ومروة .. يبدأ العريس فى تلبيس عروسته الشبكة وسط فرحة الأهل وزغاريدهم ووسط دموع مروة بضياع قلبها ووسط حزن عواطف بضياع الأمل داخلها بعدم زواج حاتم من آية .. ولكنها وضعت خطة للتخلص من آية وخطة أخرى لزواج حاتم من مروة .. وبعد الانتهاء من ارتداء آية لشبكتها تزغرد الجارات وكذلك مروة التى أثبتت لخالتها فى تلك اللحظة أن حاتم بالفعل أخاها ليس أكثر .. ويبارك الجميع للعروسين متنميين لهما كل التوفيق والسعادة والهناء ..

ولكن والدتها .. عفاف .. تشعر بحرقة قلب ابنتها ويحترق قلبها لأجلها .. كيف يمكنها مساعدة ابنتها .. كيف يمكنها أن تُزَوِّج ابنتها لرجل وابنتها تحب آخر .. وأثناء حديث العقل معها يأتيها صوت رجل ..

أمجد : حضرتك والدة الانسة مروة ؟
عفاف : ايوة انا .. خير ؟
أمجد : انا يشرفنى اتقدم لها وكنت عايز معاد من حضرتك اجى البيت فيه واتقدم بشكل رسمى ..
عفاف : نعـــــــــــــم ..

تلاحظ آية وقوف أمجد بجانب والدة مروة ويتحدث معها ... وكادت أن تسأل مروة ما بال ذلك الرجل يلاحق مروة والآن والدتها ولكن يأتيها صوت حاتم ..

حاتم : مبروك لأجمل آية شوفتها فى حياتى ..
آية ( فى خجل ) : الله يبارك فيك ياحاتم ..
حاتم : الجميل كان بيبص على ايه ؟
آية : فى واحد واقف مع طنط مامة مروة ونفس الراجل ده كان واقف امبارح بيتكلم مع مروة ولما سألت مروة امبارح قالت لى واحد مجنون .. هو جنانه وصله هنا ازاى ؟
حاتم : هههههههههههه .. بصى ياستى الواحد ده يبقى أمجد صاحبى وشاف مروة امبارح وعجبته .. ودلوقتى بيكلم مامتها عشان يتقدم لمروة ..
آية : ايه ده هو لحق قالك ؟
حاتم : طبعا قالى من امبارح واحنا فى خطوبة أيمن اصلا ..
يأتيهما صوت أيمن قائلاً ..
أيمن : سامع حد بيجيب فى سيرتى ..
آية : ههههههههههههه لسة بنقول اسمك ياأيمن ..
أيمن : ليه بقى .. يارب بس يكون بالخير ..
فاطمة : اكيد طبعا بالخير ياأيمن مش برده بيحبوك ..
أيمن ( فى همس لفاطمة ) : هما بس اللى بيحبونى ..
فاطمة ( فى همس ) : ششششششششششش هيسمعوك ..
أيمن : ولا يهمنى اللى عايز يسمع يسمع .. المهم ياحاتم بتجيبوا سيرتى ليه بقى ؟
حاتم : آية اخدت بالها من أمجد واهتمامه بمروة فقلت لها عليه وانك عارف ..
أيمن : اااااااااه .. خلاص ماشى .. المهم بقى الف مليون مبروك ليكم ياعرسان .. بجد انتو تعبتوا قلبنا لحد ما اتخطبتوا ..
حاتم ( غامزاً ) : معلش بقى مش حاجة تيجى سهل زيك انت وفاطمة ياعم ..
أيمن : ياستير يارب انت بتحسدنا واللا ايه ياض انت ..
آية : هههههههههههه .. احلى صحوبية هى اللى بينكم دى .. ناقر ونقير ..
أيمن ( غامزاً ) : وأحلى حب هو اللى ما بين حاتم وآية .. برده ناقر ونقير ..
آية / حاتم : ههههههههههههههههههههههه ..
حاتم : ياللا يابنى روح خد خطيبتك واتشمسوا فى البلكونة شوية وخلونى بقى استفرد بخطيبتى شوية ..
فاطمة : بقى كدة ياسى حاتم .. ماشى ماشى .. ثم نتشمس بالليل ازاى بقى ..
حاتم : أيمن الله يكرمك ابقى فهم فاطمة اللغة بتاعتنا ..
أيمن : من عنية ياعريس ..

تتدخل فى الحديث ووالد والدة حاتم التى تبارك لهم فى غير نفس ..

عواطف : مبروك ..
فاورق ( فى سعادة ) : مبروك ياولاد .. الف مبروك ..
يحتضن حاتم والده .. ويقبل والده رأس آية قائلاً لها ..
فاورق : مبروك يابنتى .. ربنا يهنيكم يارب ..
آية : ربنا يكرمك ياعمى ..
فاورق : لا من هنا ورايح تقوليلى بابا ..
آية ( فى سعادة ) : حاضر يابابا ..

وعلى الجانب الآخر تبارك عواطف لابنها وهى عابسة ..

حاتم : ياماما عشان خاطرى فكى شوية دى خطوبتى، يرضيكى يعنى تزعلينى يوم خطوبتى ..
عواطف : اشمعنى انت زعلتنى وصممت عليها ..
حاتم : القلب وما يريد ياماما .. صدقينى كل ما تعرفى آية أكتر كل ما هتغيرى رأيك من ناحيتها وحتحبيها اووووى .. ياللا بقى عشان خاطرى باركيلها وانتى مبتسمة . عشان خاطرى انا ياماما ..
عواطف : ماشى ياحاتم ..
فتنتقل عواطف إلى جهة آية مباركةً لها ..
عواطف : مبروك ياآية ..
آية : الله يبارك فيكى ياماما ..

غادرت عواطف الكوشة ومعها فاروق .. فينظر حاتم إلى آية التى يجدها ساهمةً .. فيفهم ما بها فيقول لها ..

حاتم : متقلقيش ياحبيبتى مسيرها تحبك ..
آية : يارب ياحاتم تحبنى فعلا ..
ويفاجئهما الجد بوجوده أمامهما .. فلم يشعرا به عند قدومه إلا وهو واقفاً أمامهما ..
حاتم / آية : جدى ..
الجد : ايه اتخضيتوا ؟
حاتم : ابدا ياجدى انا بس مشوفتكش وانت جاى علينا ..
الجد : من الفرحة ياواد ياحاتم .. ربنا يفرح أيامكم ويحليها كمان وكمان ويبعد عنكم اى شر ..
آية : آمين يارب ..
الجد : خد بالك ياحاتم من آية .. دى دلوقتى ملهاش غيرك ..
حاتم : ربنا يخليك لينا ياجدى انت الكل فى الكل ..
الجد ( فى إصرار ) : اوعدى انك تاخد بالك منها وتسعدها طول حياتك ..
حاتم ( ناظراً إلى آية ) : دى فى عنية ياجدى ..

يبتسم الجد فى راحةٍ عندما يشعر ويصدق كلمات حاتم .. ويرتاح عندما يجد تلك السعادة التى فى عينيه .. ويسعد كثيراً عندما يرى تلك الفرحة الحقيقية فى عين آية .. ويدعوا الله بهداية والدة حاتم جهة آية .. فهو يريد أم حقيقية لها وليست حما .. ويتساءل : هل ستدوم سعادتك ياابنتى وأنا لست بجانبك ..

يرى الجد الجميع فى عينيه سعيداً وفرحاً بتلك الزيجة .. ويشعر بمن يهتم وبمن لا يهتم .. ويدعو الله بأن يتمم لآية فرحتها على خير ويحميها من شرور داخل كل نفس لا يعلمه إلا الله ..

تنظر له آية فى حبٍ وامتنان وقامت من مجلسها .. وعانقته أمام الجميع .. وكأنه العناق الأخير ..

نهاية سعيدة
يسلموووو سووشي

» الجزء الاول النمرود $بختنص
» كنوز من الصدقات الجارية الجزء الاول
» اهم العلامات في حياة اهم الشخصيات (الجزء الاول)
» لقاء ف القطاااااااااااار(الجزء الثاني)
» لتاريخ ببساطة (الدولة الايوبية)الجزء الاول