مين افضل دكتور فى القسم ؟؟؟؟؟؟

وانا اول واحده هجاوب

مين افضل دكتور عندك ؟؟
دكتور جابر
مين افضل دكنوره ؟؟
دكتوره امل ودكتوره سميه
الدكتور الى بتحبى حضور محاضرته؟؟
دكتور احمد النقيب ودكتور احمد ابو الفضل
هما مش من القسم بس بيدونا
الدكتور الى مش ممكن تحضريلو؟؟
مفيش دكتور مش بحبه لدرجة انى مش ممكن احضرلو
بس فى محاضرات مش ممكن احضرها عشان الماده
الدكتور الى حببك فى مادته ؟؟
دكتور جابر حتى لو الماده رخمه وانا بذاكر افتكر المحاضره
فتمشى بقى
الدكتور الى بسببه كرهتى الماده ؟؟؟
مفيش حد انا ممكن اكره الماده بسببها مش بسبب الدكتور
اكتر ماده شايفه انك استفادتى منها ؟؟؟
اى ماده خاصه بالقسم
التربوى والعام والحاجات دى ملهاش اى لزمه بيقرفونا بيها وخلاص
اى المواد الى ملهاش لزمه ؟؟؟
اى ماده بره التخصص بتعنا
ماذا يمثل لكى دكتور جابر طلبه ؟؟؟
بحس انه زى بابا بالظبط واكتر شخص حببنا فى القسم وبيحسسنا اناا افضل ناس ومحاضرته فى منتهى الروعه ومحترم جداااااا
شخصيه جميله والله اوىىىىىىى
وماذا يمثل لقسم رياض الاطفال من وجهة نظرك ؟؟؟
رياض اطفال يعنى دكتور جابر طلبه
ربنا يكرمو يارب ويحقق كل الى بيتمناه للكليه دى

انا طبعا مش رياض اطفال بس احب اقول ان الرد السابق رد دبلوماسي ممتاز
واحب اقول عن الدكتور جابر انه دكتور ممتاز يكفي انه اول عميد لرياض اطفال المنصورة تقبلي مروري

مين افضل دكتور عندك ؟؟
دكتور جابر

مين تفضل دكنوره ؟؟
امل القداح

الدكتور الى بتحبى حضور محاضرته؟؟
ابو الفضل و محمد الزيني وعبد الرحمن الجمل
يني اللي بيدرسوا عربي ودين

الدكتور الى مش ممكن تحضريلو؟؟
ده صعب لان الغياب ماسكنا من ايدينا اللي بتوجعنا لكن ع اد ما اقدر اضيع محاضرات ف كل ماده

الدكتور الى حببك فى مادته ؟؟
دكتورة هانم


الدكتور الى بسببه كرهتى الماده ؟؟؟
مفيش لان العيب بيبقي مني اني مش بذاكر وبكبر
ممكن نقول خوف من الدكتور وتقديراتة لكن مش من المادة

اكتر ماده شايفه انك استفادتى منها ؟؟؟

كل ماده فيها حاجة بتستفيدي منها

اى المواد الى ملهاش لزمه ؟؟؟
تكنولوجيا التعليم

ماذا يمثل لكى دكتور جابر طلبه ؟؟؟وماذا يمثل لقسم رياض الاطفال من وجهة نظرك ؟؟؟
رجل عظيم يسعي وراء طموحاتة وكتير من احلامه اتمني اكملها معاه باي شكل
لولا هذا الرجل ما عرفت جامعة المنصورة قسم رياض اطفال

على فكره يا جماعه انا رياض اطفال بس متخرجه بقالى خمس سنين بس بجد اكتر دكتور كانت كل الدفعه بتكرهوا هو دكتور جابر وانا مستغربه جدا من الردود الحقيقه بس على كلامكه كده يبقى اكيد غير من منهجه فى التعامل وبقى بيواكب العصر-بس اكتر دكتوره طبعا حكايه دكتوره سميه