فصيلة دمك ايه؟؟؟؟؟؟؟؟؟ (1)

السلام عليكم
واحنا بنتبرع بالدم بياخدوا مننا الاول نقطتين
ويحطوهم على شريحة زجاج
ويحطو حاجة غريبة عليهم [ندعوك للتسجيل في المنتدى أو التعريف بنفسك لمعاينة هذه الصورة]
وبعدين يقومو قايلين
مبروك [ندعوك للتسجيل في المنتدى أو التعريف بنفسك لمعاينة هذه الصورة] فصيلة دمك A او B او Oاو AB
يعنى ايه بقى الكلام ده؟
اولا
فى جسيمات موجودة على سطح كريات الدم الحمراء الموجودة فى دمنا
اسمها antigen
ودى بتختلف من شخص للتانى وبتعتمد على الوراثة من الاب والام
وفى منها نوعين
نوع اسمه A ونوع اسمه B
لو الشخص عنده النوع A
يبقى فصيلة دمه A
وكذلك مع B
اما لو عنده الاتنين مع بعض يبقى فصيلة دمه AB
ولو مش عنده خالص يبقى O
حد هيسالنى ..
بتعرفو الكلام ده ازاى ؟؟ [ندعوك للتسجيل في المنتدى أو التعريف بنفسك لمعاينة هذه الصورة]
اقولك
عارف المقولة اللى بتقول : وبضدها تظهر الاشياء؟
اه عارف
احنا بقى بنجيب مادة مضادة خاصة بكل مادة من الاتنين اللى فوق A , B
اسمها antibody a والتانية اسمها antibody b
لو المادة A شافت المادة المضادة بتاعتها
تقوم خناقة عنيفة بينهم ويحصل حاجة اسمها تلزن او تجمع
وكرات الدم الحمرا تتجمع فى مكان واحد
ونفس الكلام مع B
وبناخد نقطتين دم نحطهم على الشريحة الزجاج
ونحط على النقطة الاولى ال anti body a
ونحط ع التانية ال antibody b
ونشوف اللى هيحصل
لو حصلت شكلة وتلزن مع ال antibody a
يبقى فصيلة الدم A
ونفس الكلام مع B
ولو حصلت شكلة مع الاتنين
يبقى الفصيلة AB
ولو محصلش شكل خالص
يبقى الفصيلة O [ندعوك للتسجيل في المنتدى أو التعريف بنفسك لمعاينة هذه الصورة]
وللحديث بقية
ان شاء الله نعرف مين الفصايل اللى تنفع تاخد من بعضها ومين متنفعش
وكمان نعرف يعنى ايه موجب وسالب اللى بتتقال مع الفصيلة
ونعرف ليه اصلا لازم نعرف فصيلة الدم

ميرسي على التوبيك
يلا زمان لو قادر بيعمل الحاجات دى

وانا فصيلتى b
موجب عشان لى احتجت ابقي اخد من اللى زى موافقين

شكرا على المعلومات يا جميل

بس انا معرفش فصيلة دى لغاية الوقتى والله
ههههههههههه

هايلة يا همس

شكرا على المعلومات القيمة يا همس بجد جميلة اوى

بلال كتب:: شكرا على المعلومات يا جميل

بس انا معرفش فصيلة دى لغاية الوقتى والله
ههههههههههه

هايلة يا همس

على فكرة مهم جدا انك تعرف فصيلة دمك
لا قدر الله ممكن تحتاجها بعد كده الامر ميسلمش برضه
نورت التوبيك

heba كتب:: شكرا على المعلومات القيمة يا همس بجد جميلة اوى

الشكر لله يا بيبيو
منورانى دايما والله
انتى فخر لبنات عربى

معلومات هايله والله
تسلم ايديك ع الطرح الهايل دا

تسلمى اجمل همس عالتوبيك والافادة منه

بس انا مش عارفة فصيلتى ايه؟

اما ابقى اعرفها بقه هابقى اكتبها باذن الله

منتظرين جديدك

انا بسراحة معرفشي فصيلة دمي اية
وسؤال هو احنا بناخد فصيلة الدم من الاب ولا الام
اصل بابا bموجب وماما o موجب
شكرااااااااااااااااااااااااا

[ندعوك للتسجيل في المنتدى أو التعريف بنفسك لمعاينة هذه الصورة] ميرسى يا همس على التوبيك الرائع ده وانا عن نفسى فصيلة دمى A positive
وبالنسبة لسؤال ايارا احنا بناخد فصائلل دمنا
من الاب والام هما الاتنين
وعلشان كده انتى اما O او B
اما بالنسبة للموجب والسالب فانتى موجب
لان السالب متنحى
وشكرا

ميرسى ياقمر ع التوبيك
انا بقى فصيلتى o موجب

تسلم ايدك يا همس على المعلومات
انا كمان معرفش فصيلتى ايه ؟
بس احتمال يكون
دمى زى السكر
ههههههههههههههههههههههههه

ثانكس هموووس

ثانكس ع المعلومات الحلوة دي يا قمر

بجد انا نفسى اعرف فصيله دمى نوعها ايه
انا حللت دم قبل كده ومعرفتش وعملت باسبورت وسافرت ومكنش مكتوب فيه فصيله دمى
انا مش عارفه اصلا اعرف فصيله دمى ازاى
مرسى ياجميل على التوبيك

» اعرف شخصيتك من فصيلة دمك ........ ادخل ومش هتندم..