بحبك يا مصر

بَحِبِّكْ يامصرْ

بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .

بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .

وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .

فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .

ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .

فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

بحبِّكْ .. بحبِّكْ ..بحبك يا مصر

تسلمى

مش انتى بس كلنا بنعشق تراب مصر

اجمل بلد فى الدنيا

بلد الرجالة اللى علموا العالم كلة معنى الحياة
معنى الحرية

روووووعه يا هوبه
تسلم ايدك يا جميل

امير الرومانسيه كتب:: روووووعه يا هوبه
تسلم ايدك يا جميل

مرسى يا امير
نورت التوبيكـ

MR..SEMSEM كتب:: تسلمى

مش انتى بس كلنا بنعشق تراب مصر

اجمل بلد فى الدنيا

بلد الرجالة اللى علموا العالم كلة معنى الحياة
معنى الحرية

نورت التوبيكـ

جمييله اوى ياهبه
تسلم ايديكى ياقمر

dodo55 كتب:: جمييله اوى ياهبه
تسلم ايديكى ياقمر

مرسى يا حبيبتى نورتينى

شكرااااااا يا هبه

مصرى للنخااع

AlySnIDeR كتب:: شكرااااااا يا هبه

مصرى للنخااع

نورت التوبيكـ

فى أرضِكْ يحِسْ الغريبْ إنُّه مصرى ..

كلام جميل تسلمي

احمد محسن كتب:

فى أرضِكْ يحِسْ الغريبْ إنُّه مصرى ..

كلام جميل تسلمي

مرسى نورت التوبيكـ

زائر

ميرسى بجد
اووووووووووووى

Miss Dodda كتب:: ميرسى بجد
اووووووووووووى

ميرسى ليكى انتى يا قمرى نورتى التوبيك

» حصريا كليب ايساف وبشري من فيلم الحكاية فيها منة - بحبك بحبك ماستر كوالتي على اكتر من سرفر
» بحبك وبس...............
» حبيبى --بحبك
» بحبك يا زوبه!!!!!
» كلمه بحبك

***بحبك يا مصر***

بحبك يا مصر