وانا جاي النهارده........

تذكير بمساهمة فاتح الموضوع :

الفكره دي يا شباب انا مقتبسه من برنامج تلفزيوني يعرض علي احدي القنوات الفضائيه انا فكرت احور الفكره دي واجيب فكره زيها الكلام اللي هانتكلم فيه هو اي حاجه وكل حاجه غريبه او غير مالوفه صادفتها وانت جاي للمنتدي ايا كنت فين في الشارع في البيت اي ظاهره غريبه وهنتناقش فيها مع بعض يلا مستني الحاجات دي ومستني رد الشباب عليها بس ياريت تكون فعلا من الواقع

إزيكم كلكم

انا من عندى مفيش جديد لانى مرحتش الكليه

بس انا عايزه اعرف ازاى نخلى السيجنتشر يبان؟؟

انا لما بحطه بعمل سجل واعرض

ومع ذلك مش بيبان اعمل اى طيب؟

ادخلي علي البروفايل بتاعك يا ست البنات
هتلاقي جنب كلمة التوقيع
حاجه اسمها تفصيلات
خشي عليها وهتلاقي في الاخر كدا
تشغيل التوقيع اعملي له نعم وبعد كدا سجل

وحشتنى يا احلى اعضاء
انا وانا جاية النهاردة نزلت اتمشى انا واختى واحنا راجعين لقيت ايه
لقيت زفة عربيات والشباب بقى قاعدين يعملوا كدة انتوا عارفين طبعا انا اقصد ايه
تقريبا بيسموها باين تخميسات وكانوا هيخبطوا اختى والبيبى اللى فى بطنها بس الحمد لله ربنا ستر
بس خلاص[

ويلكم باك يا هبه
واهلا بيكي تاني علي التوبيك
وياريت مش تغيبي تاني كدا
وانا جاي النهارده يا شباب والله مش عارف في ايه الناس بتعاملني وحش يا جدعان
انا عمر ماحد عمل معايا كدا قبل كدا
طبعا انتوا مش فاهمين الهطل اللي انا بقوله وتصدقوا بالله ولا انا
يالا ربنا يكرم الجميع ويعديني بسلام من الليله دي
والله ليكوا حق تستغربوا لان انا مش عارف هما الناس بتعمل معايا ليه كدا
يالا مستنيكوا تقولوا عملتوا ايه وايه اللي حصلكم وانتوا جايين
سلام يا بنات ويا شباب

معلش يا هبه ربنا ستر

الناس والله بقت بتعمل فعلا حاجات غريبه

ربنا يهدى

انا بأه بصراحه النهارده

مفيش جديد

غي انى رحت ورجعت من الجامعه وراحه انام اهو دلوقتى

وان الزمالك فاز 3\ 1

الحمد لله

3/1 ولا 3/2
مش عارفة المهم الف مبروك
وانا جايالكوا النهاردة كنت مرعوبة لانى بعد شوية هنزل ولأول مرة اعطى درس
ادعولى يا احلى اخوات ربنا يوفقنى

يارب يوفقكك
في مجال عملك قادر يا كريم
بس الغله فيفتي فيفتي
واياكي تنسي
وانا جاي النهارده رحت اتفرج علي منتخب الكليه
للسله وكان قدامنا فرقة اداب دمياط
بس طبعا فريق الكليه كسب الحمد لله
10/7
ويالا ربنا يكرم الجميع
سلاااااااااااااااااااااااام

اكيد يا محمد 50% انا و50% انت
بس ساعتها ربنا يستر ومعرفش اوصلك
هههههههههههههههههههههههههههههه
مبروك لمنتخب السلة لكليتنا وبالتوفيق دايما

والله واحشني كلكم وعلشان انتوا بطلتوا تخشوا علي التوبيك
فقلت اقول انا بقي ومش لازم حد يرد عليا سيبوني اكلم نفسي
المهم و انا جاي النهارده كنت في المدرسه طبعا تربيه عملي المهم وانا واقف بشرح
واحد يقوم قايلي بعد اذنك هاروح الحمام
اقوله اتفضل
وكل تلات دقايق الباب يخبط
افتح الاقيه عيل من الفصل وكل شويه الباب يخبط
لحاد مازهقت وكنت هاخلع الباب والله النهارده كل البيبان كانت معنداني
ويالا ربنا يكرم الجميع
ومستني الباقي يقوله حصل ايه النهارده
يالا ربنا يوفققكم يارب

ههههههه

انا بأه رجعت من الكليه ع الساعه 2 ونص كده الحمد لله قبل مالى حصل حصل

بس فضلت وقفه فى البلكونه اتفرج ع الشتا والتلج والبرق واسمع الرعد

كان يوم جميل اوى والله

والحته على اول شارعنا بقت بحيره هههههههه

والميه دخلت المحلات وحاجه فظيييعه وانا واختى عمالين نتفرج ونضحك

ورحت اتغديت وجيت فتحت بسـ كده

ازيكوا كلكوااااا

وحشتووووووووونى اووووى
انا بقى وانا جايه النهارده جيت من المنصورة وبعدين الجو مطر واخدت الشتا كله فوق راسي
بس كنت فرحااااااااااانه اووووى بجد
وجيت سلمت على اللى فى البيت وقعدت على طوووووووول عالمنتدى عشان اسلم عليكوا

هههههه

لا بس لما نزل التلج كان صعب اوى

المهم وانتى كمان وحشتينا خااالص

وانا جيالكوا النهاردة كنت عاوزة اجيلكوا امبارح علشان اقولكوا
ان امبارح كان من اسعد ايام حياتى روحت الكلية وشوفت اعضاء كتير اوى
مكنتش اتخيلهم خالص واولهم الاستاذ حورس وكان تقريبا لابس ازرق
وكمان شوفت مارو وصعبة المنال ومونى وفرولاية وهمسه حنين
وكمان ميدو وبيبو وناس كتيييييييييييييييييييييييييييييييير اوى
بس احسن حاجة ان شوفت ناس هما مشافونيش
وبعدها طلعت على فطومة واتغديت هناك وبعدين روحت وزعلت ان اليوم خلص
بس ان شاء الله هروح تانى قريب اوى واكرر اليوم الجميل ده

طب تصدقي بالله انا زعلت منك بقي يا هبه
والله انا اول واحد كنت عاوز اشوفك لان انت اختي الكبيره
بس بالله عليكي لو نزلتي تاني ابقي قولي وتعالي ليا وقوليلي
انا نفسي اشوفك وانا يعني هه قربت اعرف الاعضاء التانيين
بس يالله كله علي الله وربنا يكرمنا
وطبعا انا امبارح نسيت اقول حصلي ايه علشان الجهاز كان بايظ بس الحمد لله
اصلح انا بقي يوم الشتا كان يوم اسسسسسسسسسسسسسسسسسود لان انا قعدت اشيل الميه اللي كانت في المساقط عندنا في البيت بالسفنجه والله وطلع عيني علشان المساقط كلها سيراميك
بس الحمد لله عدي علي خير
وربنا يكرمنا يارب ويكرم الجميع وسمعوني احلي شعا لمواد
احنا مواد اجتماعيه
دماغنا ميه ميه
عقلنا مكلفينو
بكيزر وفينو
ههههههههههههههههههههههههههههههههههههههه
سلام يا احلي اعضاء

احنا مواد اجتماعيه
دماغنا ميه ميه
عقلنا مكلفينو
بكيزر وفينو

ههههههههههههههههههههه
حلوة اووووووووووووي والله
ضحكتني كتير
طب مفيش حته
صغيرة كده للعربي

لا احنا مواد بنالف لينا بس
كل واحد يالف عند بيته
هو احنا نتعب وانتوا تيجوا تاكلو علي الجاهز
ههههههههههههههههههههههههه
عيوني يا هبه
انتي تامري بس وانا مش هانفز
ههههههههههههههههه خدي دي
عربي قسم حديد
شبابه شباب جديد
لو كان فيه زينا
يجوا يا خدوا من عندنا

هههههههههههههههههه
والله حلوة اوووووووووووي
واحلى ما فيها طبعا انها من تأليفك
تسلم

على فكرة بقى انا كنت ماشية مع مارو وانت بصيت عليا
بس انا طبعا اتحرج انى اجى اتكلم معاك
بس انا متأكدة انك شوفتنى وعموما لما اجى اخد ورقى هعرفكوا
لانى والله عاوزة اتعرف عليكوا كلكوا

طيب خلاص انا هاعتبر دا وعد منك
بس صدقيني لو انتي نزلتي وانا مش شفتك والله بجد هازعل وممكن مش اكلمك تاني
يالله هه
وانا جاي النهارده بقي
كنت قاعد في صلاة الجمعه والامام شغال قاعد يخطب وفجاه
يجي عيل صغير يقولي ازيك يا استاذ انت مش فاكرني انا احمد
بصراحه انا اتحرجت ومش كنت عارف ارد عليه ولا اسكت المهم
قلتله اقعد واسكت بس بصوت واطي شويه المهم الواد شكله زعل وراح قعد مكانه تاني
يالا ربنا يكرم الجميع ويكرمنا
والسلام عليكم ورحمة الله وبركاته

وانا جاي النهارده
كنت في الكليه فطبعا انا بعشق حاجه اسمها البينج بونج
بس مش بتاع وزه لا بتاعي انا اللي هو طرابيزه ومضربين وكوره بلاستيك
المهم انا لسه بعد ماطلعت من المحاضره رايح العب
فلسه بلعب قامت الكوه مكسوره
ودا اللي حصل ولمينا الطرابيزه وقلت يالا ل واحد يلعب عند بيته
بس انا مستغرب من حاجه وخايف تكون الاداره مجمده الصيد بتاعي بس هاتجمده ليه دلوقتي انا المفروض ابقي عضو مؤسس انا عديت 1000 مساهمه
يالا ربنا يكرم الجميع ويكرمنا يارب
وسمعوني احلي شعار لقسمنا قسم مواد اجتماعيه

سالخير

وانا جايه النهارده اوف كنت قرفانه
جيت بيتنا لقيتهم بردو رخمين
قعدت عالمنتدى لقيتهم اييييييه؟ مالقيتش حد اصلا ليه مش عارفه
المهم دخلت اكتب مع نفسي وبعدين هامشي اهو
يلا باى

اييييييييه ده

يالى هنااااااااااااااااااااا انتوا فييييييييين

طيب وانا جايه النهارده كان عندنا ضيوف ومشيوا خلاااص
وبعد لما مشيوا دخلت المنتدى وجيت اشوفكوا مالقتش حد
لــــــــــــــــــــــــــــــــيه بقى
موووش عارفه
يلا باى بقى وابقوا ادخلوا هاااااااااااااااا انا بقولكوا اهو
خافو منى

حبايبى الحلوين وحشتونى اوى
انا وعدتك يا محمد انى اقولك قبل لما اجى المنصورة
ان شاء الله انا هاجى يوم الاتنين واحب اشوف كل الاعضاء

منوره طبعا التوبيك يا بيرو
والله انا مش عارف التوبيك دا من غيركوا يا بنات كان مشي ازاي
بجد وحشانا يا بيرو اوي

اما انتي يا هبه بقي
فا انتي وحشااااااااااااااااااااااااني موووووت
لانك مش بتدخلي المنتدي الا زيارات
وبعدين انا بشكرك بجد علشان انتي صدقتي بوعدك ليا
وانا ان شاء الله في انتظارك يوم الاثنين انا ضامن نفسي ان شاء الله اني جاي
اما الاعضاء القطاقيط التانيين مش عارف ابقي اساليهم انتي بقي
المهم وانا جاي النهارده بقيت قاعد الف في الكليه بدور علي حد معين كدا بس للاسف مش لقيته
ومحدش يسال مين الحد دا علشان الحدق هو الي يفهمها قبل ما تطير
يالا سلام يا احلي اعضاء في المنتدي

ههههههههههههههههههههههههههه
كنت ترنله على الموبايل يا حورس
انت لسة متبع الطرق التقليدية دى
عموما ربنا يهنيك ويسعدك يا احسن اخ
وتلبس البدلة الجميلة دى بس فى مناسبة تانية
انت عارفها بقى والكل عارفينها Wink

» وانا جاي النهارده........(ارجو التثبيت)
» النهارده 11 سبتمبر.......
» يا ترى عيد ميلاد مين النهارده؟؟؟؟؟
» النور قاطع عندنا النهارده
» الالش ع المحله تاريخي النهارده