فى ايه فى الكلية

بيتهىء لى كلنا ملاحظين حالة الملل المخيمة على الطلاب

لا عايزين نحضر محاضرات ولانكتب ورا الدكاترة ولانشرح حتى فى التربية العملى

وكأن امتحانات الترم الاول قتلت العزيمة جوانا وحب التعليم

بقى الواحد بينزل الكلية عشان يغير جو ويشوف أصحابه ويفضفض بكلمتين ويطلع من جو البيت الممل وخلاص

والغريبة نروح من بدرى واحنا ناوين نحضر كل المحاضرات واليوم فى الاخر يصفى على نص محاضرة

واللى انا ملاحظاه وبستغربله ان حتى الدحيحة اللى بيقعدوا قدام ما بيحضروش

هل ده شعور بيسيطر على طلاب أخر سنة ولا كل الناس كدة دلوقتى

حد يقولى ايه اللى بيحصل؟

انا ممكن اقولك ايه اللى بيحصل يا ساندى ..... ان معظمنا لسه نتيجته ما ظهرتش .... وطبعا مش هقولك على حالة التوتر اللى الواحد عايش فيها ..... فممكن ان الناس مستنية تتطمن على نتيجتها الأول وبعدين تفكر بعد كده تحضر المحاضرات ولا لأ..... ثانيا ومعظمنا برضه مالوش نشاط يشترك فيه يشغلله وقت فراغه زى مثلا ( المسرح - الجوالة - المسابقات الثقافية - الانشطة الرياضية باختلاف انواعها - الاسر والجماعات زى : جماعة اصدقاء البيئة - جماعة اصدقاء بنك الدم - وايضا ممكن نضيف للانشطة الرحلات بمختلف انواعها ) فالواحد منا لازم يشغل وقت فراغه ما يقضيهاش وخلاص فى اى حاجة .... وعلى فكرة وتجربتى الشخصية واحنا هنروح بعيد ليه انا كنت كده فى سنة من السنين لما ابتديت اشترك فى الانشطة دى لقيت نفسى مقبل بدرجة فظيعة على حضور المحاضرات ...... وانا حاسس انى كده طولت عليكى فى الشرح وارجو بجد ان اكون افدتك بحاجة وانا فى الخدمة دائما فى اى استفسار خاص بالكلية او ادارتها Cool

انا بالرغم انى حاسه بالملل مبسبش محاضرات
انا بجد مليش فى التزويغ من المحاضرات
بس انت عندك حق بس لازم نعمل اللى علينا

هو فعلا حوار النتيجة له تاثير على كتير مننا
ومعاكى حق فى حالة الملل المسيطرة على الشباب فى الكلية
وحالة خمول وكسل كمان

بس هى فترة وهتعدى
الترم قصير
والناس لازم تشد بسرعة
لازم نعمل اللى علينا
ربنا معانا كلنا

» اية رايكم فى اللى بيحصل فى الكلية
» هام لكل طلاب الكلية ...............
» النظام السياسى فى الكلية
» حد رايح الكلية قريب ؟؟؟؟؟؟؟ طلب
» كلنا مع فريق الكلية