رساله مهمه ( سيبوا الاطفال تحلم )

السلام عليكم ورحمه الله وبركاته

ازيكم يا احلى اخوات واصحاب فى الدنيا

دى اول مره اكتب فى قسم الكليه
بس دا علشان الموضوع دا خاص برساله الكليه

ومهمتنا كمعلمين المستقبل

الفكره دى بجد جميله واتمنى انكم تنفذوها معايا

طبعا فينا كتير
هينزلوا ميدانى السنادى

الفكره ببساطه
هى اننا نخلق حوار مع التلاميذ فى المدرسه ونعرف احلامهم وايه معنى النهضه
بالنسبه ليهم

من خلال سؤال بسيط فى اول حصه
واللى غالبا بتبقى تعارف بين المعلم والتلميذ

يعنى هنقولهم

بتحلموا بايه؟

ايه معنى النهضه بالنسبه ليهم ؟

يا ترى عاوزين ايه يكون موجود فى 2030؟

اسئله سهله بس كبيره
ياترى انتم حاسين من الاسئله دى ايه

المهم

هنطلب من التلاميذ انهم يفكروا فى الاسئله دى ويكتبوا احلامهم

ويختاروا حلم واحد ليهم

ويتبوا ازاى هيقدروا يحققوه وينفذوا الحلم دا

وفى نهايه كل حصه نحاول نناقش حلم واحد مهم مع الاطفال

اكيد بكدا هنقدر نسمعهم ونستفيد منهم
ونعرف افكارهم
ومشاكلهم

وهنخلق حوار بينا وبينهم عشان نقلل الفجوه بينا وبينهم

انا كدا عرضت الفكره

يارب اكون قدرت اوصلها ليكم

وتكون عجبتكم بجد
وتحاولوا تنفذوها بجد
لانها امانه

بجد التوبك عجبنى جدا جدا

و ان شاء الله هنفذة السنة دى

تسلمى يا دودو

ميرسى جدا جدا

والله عندك حق زي مايكون بتقرأي افكاري انا نفسي التعليم يكون كدي بس هنعمل ايه رساله مهمه ( سيبوا الاطفال تحلم ) Icon_redface

انا عن نفسي كان نفسي حد يسألني السؤال ده كان زماني دخلت حاجه بحبها
اّاّسف علي التطويل

بصى يا دودو

انا مش هعقدك لا سمح الله

اولا الصدفة بقى الحلوة فى التوبيك ان انا فى سنة تالتة كنت فى مدرسة اسمها النهضة هههههههه

تعرفى مين يا بنتى ده انتى هتشوفى اشكال فى المدارس غريبة ولا هتعرفى تتفاهمى مع طالب واحد ربنا يسهلك وتعرفى تدخلى فصل يكون طيب مع انى معتقدش يعنى

انا قضيت سنين فى التربية العملى دى مكنتش بدخل فصل واحد الحمد لله
بسبب اللى كان بيحصل فى الفصول والهرجلة

ربنا معاكم

بجد جميلة بس كل الى انتى تخطيطى لية وانتى قاعدة فى البيت ممكن متعمليش منة حاجة خالص فى الفصل لان ممكن طالب واحد يسألك سؤال يغير طريقة تفكيرك بدل مكنتى عاوزة تشرحيها بطريقة حلوة هو اداكى طريقة احسن ممكن تشرحى بيها (فتح ليكى طريق اخر) ودايما حاولو تدخلوا مع الاساتذة الكبار فى المدرسة وحاولوا تتناقشوا فى الطرق التعليمية واتناقشوا مع الموجة وقولوا لة اية هى عيوبنا ومميزاتنا مع ملاحظة مهما كان الرد الى ممكن تسمعية من الموجهة مش هيعجبك تقبلية وانتى ساكتة ومش كل حاجة هو ممكن يكون عارفها تكون صح ممكن يتعلم منك بس زوقيا لو هو غلط انا مقلوش ان دة غلط لانة اكبر منى لازم احترم وجهة نظرة وهو بيحاول يفدنى لان دة انا كنت بشوفة كان فى ناس تضايق اوى لما الموجة ينقدهم بس هو اعلم منى ومنك والموجة دة كان مدرس على والدى وكنت بشوف طريقة كلامهم كنت بضايق لانى كنت بحط والدى فى الصورة لو حد عاملة كدة ممكن اضربة لانها احيانا تصل الى السفاهة فما بالك بمدرس كان والدى بيحترمة ويقولة استاذ وبعد لما تتخرجوا هتعرفوا ان اكتر حاجة فدتكم فى الكلية هى التربية العملى هتفتكرى اول مرة تدخلى تشرحى واخر مرة فى رابعة وهيكون هناك فرق كبير هتحسى بية مع انك مش هتحسى بية فى الدراسة لاكن شىء ممتع التربية العملى بس انا عاوز اعرض موضوع لو المشرفين يوفقونى فية ان يثبت موضوع عن التربية العملى يناقش المواقف الى ممكن تحصل فى الفصل وكيفية التعامل معها او لو حد اتعرض لموقف يحكى علية ويقول خبرتة واية الى حصل دى هتبقى اول مرة على اى منتدى وكل خبرة الى بعدى هيعرفها تبقى السبب انا بس لازم مراقبة على الموضوع مشددة لعدم تطاول اى شخص بأى كلمات انا اسف على الاطالة بس بناقش فكرة واحب الكل يؤيدنى فيها

تسلملي يادودو ع التوبيك الرائع ده

اولا باشكرك يا دودو بجد فكرتك ممتازة بس للاسف مش هتنفع للمدرسة اللى انا فيها

لاسباب: اولها : اننا كـ طلبة تربية عملى التلاميذ الايام دى منقدرش نكلمهم

لانهم فى غنى عننا مش محتاجين كلامنا

وغير اننا مش بنقدر نديهم حصصهم الاساسية

هينفع نكلمهم فى احلامهم؟

ثانيا : بسبب الشقاوة واللى بنشوفه من بعض التلاميذ

اكيد هنكون حابين الوقت يجرى عشان نرجع بيوتنا

وخاصة اننا بنآخد حصص احتياطية وبنتعب فيها جداااا

لمجرد اننا نخلى الفصل يسكت

انا مش عاوزة احبط فكرتك

بس انا باتكلم عن واقع انا عشته وهاعيشة السنة دى برضه رساله مهمه ( سيبوا الاطفال تحلم ) Icon_sad

و مش عارفه هل موجود عندكم والا عندى انا بس ؟

تسلمى يا دودو وكان نفسى فعلا استفيد واقدر اطبق الفكرة دى السنة دى بس ماظنش

ممكن اطبقها بس مش هيكون فى التربية العملى

هيكون مع اى اطفال او تلاميذ اعرفهم

وعن فكرة مصطفى المصرى

فكرة ممتازة وانا على استعداد اشارك معاكم فيها باذن الله

انا اسف على الكلام الاتى انا بعرض وجهة نظر ولا اقصد الاساءة
لو لاحظنا المنتدى هنلاقى ان اكتر المواضيع الى ليها مشاركات ومشاهدات فارغة المحتوى لا تهدف لشىء مش الكل طبعا لاكن اغلبية المنتدى مواضيع فارغة ولما فكرة حلوة بتعرض بلاقى اقبال شديد من المشرفين بيحيوا الفكرة (جميلة جدا ستنفذ فى اقرب وقت) وافكار تستحق انها تنفذ فورا مش اقرب وقت ولم تنفذ حتى الان فكرة علمية واحدة تستحق النظر اليها
انا لو دخلت المنتدى ولم اجد مواضيع فارغة هحول نظرى للمواضيع الاخرى ممكن موضوع يفدنى لاكن طالما توجد مواضيع ممتلئة بالكلام لاكنها قرعة(ذى البطيخة) ممكن ادخل وتضيع وقتى كل شخص حر فى اختيار كيفية ادارة وقتة لاكن لو كان اسم المنتدى منتدى طلاب كلية التربية اظن انه يبقى من شأن كل شخص داخل الكلية بس لية منطبقش الافكار الجديدة على طول مع احترامى للمشرفين معملوش حاجة للمنتدى اتمنى انهم يعرضوا موضوع يقولوا على كل شىء اتعمل ينسب اليهم من افكار جميلة تنفذ قريبا انا مش بتكلم على الفكرة بتاعتى انا بتكلم بصفة عامة

انا باعتذر اولا لدودو اننا هنخرج عن موضوعها

ولكن الافكار اللى بتُعرض مينفعش احنا اللى نروح نعملها لانها مش افكارنا

ممكن اتخاذ خطوات ايجابية بعرض الافكار فى موضوعات خاصة بيها مش مجرد اقتراحات

وفكرتك يا مصطفى ممكن تعمل توبيك واكيد هيكون فيه تفاعل

واحنا موجودين ولكن اتخذوا الخطوة انكم تعرضوها على الكل فى موضوعات فى اماكنها

المناسبة

ولو تستحق التثبيت وفيها افادة للكل هتتثبت باذن الله

واحنا اكيد عاوزين منتدانا يكون افضل منتدى بأفكار بناءة وهادفة

انا معاكم ان شاء اللة فى التنفيذ

اولا بشكر كل اللى دخل التوبيك وعجبته الفكره

ثانيا يا جماعه اللى بيقول مش هينفع يتنفذ او صعب عشان شقاوه الاطفال
دول اطفال وانا جربتها فعلا
لو انك وقفتى طالب مشاغب وقلتيله
هدفك ايه فى الحياه هيسكت

وصدقونى هيفكر فى اجابه السؤال لحد الحصه اللى بعدها وهيناقشك فيها

وهتكسبوا طالب

اما بالنسبه لفكرتك يا مصطفى فهيا جميله جدا

حاول تعملها توبيك واكيد هتلاقى فى تفاعل زى ما رحيق قالت
وان شاء الله يتثبت

ونستفيد منه كلنا يعنى محدش هيكره انه يعرف تجارب الاخرين فى الفصول ويستفيد منها

ابدا بالخطوه الاولى واعرض فكرتك فى توبيك
ولو ملقتش اهتمام ساعتها يبقى فى كلام تانى وليك الحق فى اللى بتقوله

شكرا لكل اللى هينفذوا الفكره

واللى متردد وحاسس انها مش هتنفع حاولو بجد
مش هتخسروا حاجه

اسفه لانى طولت عليكم

دودو احب اشكرك على الفكرة بجد حلوة اوى
لاننا زى ماقلتى هنكسب الطلاب ونكسب حبهم كمان
واكيد المدرس مش مجرد حد بيشرح وخلاص
لا دة اسمة معلم يعنى بيعهلم الطلاب المواد وكمان الاخلاق
ولازم نحس بيهم وباحلامهم وكمان مشاكلهم
لكن فى مشكلة ان السنة اللى فاتت كنت فى مدرسة اعدادى
والسن دة بيحب المناقشة جدااا بس المشكلة وقت الحصة كانت عندنا
فى المدرسة نص ساعة بس يعنى مش بلحق اخلص الدرس كمان
لان المدرسة فترتين فبكدة مش بعرف حتى اتصاحب عليهم
ولا يبقى فى نقاش
بس الفكرة حلوة اوى ولو وقت الحصة السنة دى
زاد اكيد هنفذها تسلمى يا دودو

ومصطفى فكرتك حلوة اوى ونزلها توبيك
واحنا معاك
سورى طولت عليكوا

زائر

طيب يا جماعه انا الوقتى بطلب من مصطفى انه يعمل توبيك وفيه فكرته دى وانا هثبتهوله ان شاء الله
عشان الكل يشارك

تسلمى يا دودو يا عسل
توبيك جميل جدا
ومهم جدا
اهم حاجه يكون فيه تلاقى زهنى
ونفسى بين الطلاب والمدرس
ويارب يتنفذ وتكون الظروف
سامحه اننا ننفذه

شكرااااااا

بلتو
belto

شكرا ليكى جدا على الاهتمام بالموضوع وانتى دايما بالمرصاد لكلامى يا دودو بس انا مبتكلمش على الموضوع بتاعى انا بس.
فى اقتراحات جميلة اوى انا شايف انها تفيدنى جدا وانا متشكر ليكى يا DoDo 2009
لان انتى الى عرضتى الفكرة مش انا وكلامك جميل بس لسة علية بدرى فى مصر تقبلى مرورى

زائر

والله يا دودو انتى عندك حق
ودا اللى المفروض ان اى مدرس مش تربيه عملى ان الكل يعمله
عشان نقرب الطلاب مننا
وبكدا نكسب ثقتهم وحبهم ودا بيخلى عمليه الفهم والشرح ابسط

بس دا فى الخيال شويه

لان طبعا مش كل الطلاب زى بعضها
فى فى كل مكان الحلو والوحش
وطبعا الشخصيات الوحشه دى بتبوظ اى حاجه احنا مرتبين ليها
ياريت اكون قدرت اوصل كلامى
يعنى الحصه وقتها بسيط
عما نقدر نتحكم فى الشخصيات اللى بتسبب المشاكل بيكون نصها ضاع
يعنى مش بنلحق وطبعا غير نفسه المدرس بعد المشاكل اللى بيتعرض ليها
بسبب بعض الطلاب
واكيد معظمنا اتعرض لمواقف من دى كتير

ياريت اكون قدرت اوصل فكرتى

اسمحولى اقول حاجه
ممكن تقولوا عليا خياليه
او متفائله زياده عن اللزوم
بس احنا لو حطينا حواجز وعقبات قدامنا قبل ما نعمل اى خطوه يبقى مش هنعمل حاجه خااالص
ما هو اكيد فى طلاب مش هقول وحشين
بس سالبين
وممكن يبوظوا الفكره بس لو حاولنا اكيد هننجح

مره بعد مره اكيد الطلاب الايجابين واللى هيتقبلوا الفكره هيغلبوا الطلاب التانين

وبعدين انا قلت هناخد بس الحصه الاولى بتاعت التعارف اللى مش بنشرح فيها
نعرض عليهم الاسئله ونشوف ايه اللى هيحصل

ول كان فى تفاعل
يبقى نناقش احلامهم وافكارهم فى اخر خمس دقايق

حتى دا ممكن يكون سبب يخليهم ينتبهو للدرس لانهم هيبقوا عاوزين يشوفوا احلامهم

يارب اكون قدرت اشيل شويه من الجانب الاسود فى الموضوع

معلش بطول عليكم

وميرسى بجد لكل اللى هيحاول ينفذ الفكره

شكرا ليكم جميعا

والله يا دودو دة اسلوب تربوى جميل جدا وممكن نحسن التعليم بدة وافكار حلوة وتنفيذها مش صعب
طيب تعرفى ان فى رمضان فى مدرسة عملت يوم للفطار فى المدرسة الطلاب معظمهم جة وقعدوا مع المدرسين وتناقشوا وهزروا مع اولياء الامور ودة بيحبب الطالب فى المدرسة اكتر ودة شىء فرحنى جدا ان فى مدرسة بتعمل كدة والمدرسة دى بيطلع منها اوائل الجمهورية فى جميع المراحل ودة يثبت مدى صحة الحاجات الى انتى بتقولى عليها ان دة هيحسن من التعليم ويفيد بدليل المدرسة والطلاب الى فيها والطالب بيحب يروح المدرسة لانهم عاملين نشاطات مختلفة طول العام الدراسى انتى نظرتك حلوة للاسلوب التربوى بس مين الى ممكن يطبق الكلام دة هل المدرسة بتعطى الصلاحيات للكلام دة او بتيسر الامور للمدرس والتعليم فى مصر حقيقتا متخلف هى ثقافة عند المدرسين واولياء الامور

ميرسى ليك يا مصطفى
بس بالنسبه لسؤالك مين اللى هيحقق دا

احنا
مش احنا مدرسين
مش احنا اصحاب رساله

هنتعب وممكن مش هنلاقى قبول بس لو عرضنا افكارنا بطريقه مقبوله وجميله

اكيد اكيد هتلاقى قبول عند الناس

اما بقى بالنسبه للصلاحيات
احنا اللى بنعمل القوانين ومدام مش بنخالف القانون ومش بنعمل حاجه غلط يبقى فيها ايه

وبالنسبه ان التعليم متخلف
فخالينا متفاقلين ونقول بكره يتقدم

طالما انا وانتم وكل المدرسين ناوين يطوره ويقدموه ويحققوا نفسهم

عارفه انكم بتقولوا انى متفاقله زياده عن اللزوم وخياليه جدا
بس بجد دا اللى انا حاسه بيه

طالما احنا عاوزين نتقدم طيب ما احنا اللى هنقدم البلد دى
مش حد غيرنا بس احنا اللى نبدا بالخطوه الاولى
مش نستنى حد تانى هو اللى يقدمهالنا

» .. أشيـــــــــــاء ( لا ) تحلم بها !!!!!
» اشياء (لا) تحلم بهااا
» هل تحلم أن تمتلك قسم اسطوانات اسلامية؟
» معلومات مهمه
» معلومات مهمه عن السكر ؟؟؟؟؟!!!!!!!