| التربية العملى وخبرات متعددة ......... | |
|
+9alostaz حماده shahysta sandy mony همس القلب MR..SEMSEM DoDo 2009 مصطفى المصرى 13 مشترك |
|
كاتب الموضوع | رسالة |
---|
مصطفى المصرى عضو سوبر
عدد المساهمات : 225 العمر : 35 المزاج : تمام الدوله : المهنه : الهوايه : النقاط : 53432
| موضوع: التربية العملى وخبرات متعددة ......... الإثنين سبتمبر 14, 2009 4:37 pm | |
| انا بعرض الموضوع دة علشان كل شخص يتكلم عن التربية العملى *ما هى المواقف التى مررت بها و كيفية التصرف بها؟ *ما الذى استفدتة من التربية العملى؟ *او اعرض اى مشكلة قابلتك فى التربية العملى ومش عارف ليها حل ممكن اى حد يساعد ويرد عليك سواء كانت كمادة علمية او موقف تربوى *موقف احد الزملاء عجبك تصرفة مع اى موقف داخل الفصل اعرضة هنا انا واضع هذا الموضوع حتى يستفيد بة من سيأتى بعدك ويدرس يعنى لو كل واحد قال موقف واتصرف فية بحكمة هنلاقى بعد سنة 50 موقف وكيفية الرد والتصرف لو وضعت فى هذا الموقف الكل هيستفيد وياريت الموقف يعرض منظم وكيفية التصرف فية بالتفصيل دة هيساعد طلبة كتير بعد كدة فى الكلية
(علم ينتفع بة) | |
|
| |
???? زائر
| موضوع: رد: التربية العملى وخبرات متعددة ......... الثلاثاء سبتمبر 15, 2009 11:51 am | |
| انا بشكرك يا مصطفى على فكرتك الروعه دى وطبعا كل واحد فينا اتعرض لمواقف كتيره اوى فى اللى قدرنا نحلها بنفسنا او بالاستعانه بالاستاذه طبعا او الموجه وفى الى اتصرفنا فيه بشكل تلقائى وعجبنا تصرفنا دا واحيانا بعد ما الموقف بيعدى بنلاقى ان التصرف مكنش سليم اوى ولو كنا عملنا كذا كان هيبقى احسن يعنى الخلاصه اننا من المواقف الل بنتعرض ليها يناخد خبره اكتر عشان كدا فعلا لو كل واحد عرض موقف اتعرض له والتصرف السليم للموقف اكيد الكل هيستفيد من موقف التانى وهياخد خبره انا هبدأ اعرض مواقف اترعضنا ليها انا وزمايلى ان شاء الله قريب جدااا وان شاء الله يكون فى تفاعل يارب بين الاعضاء كلهم لان معضظمنا نزل السنه اللى فاتت يا نزل بقاله سنتين ( الخريجين ) يا بقى لسه هينزل السنه دى ودا المطلوب طبعا انهم يبقوا داخلين ومعاهم خبره تم تثبيت التوبيك ونقله لقسم الكليه تحياتى Dodda
|
|
| |
DoDo 2009 مشرفه اقسام الحب
عدد المساهمات : 14430 العمر : 34 المهنه : النقاط : 70199
| موضوع: رد: التربية العملى وخبرات متعددة ......... الأربعاء سبتمبر 16, 2009 3:26 am | |
| اولا بشكرك يا مصطفى على الفكره الجميله دى وطبعا هتكون مفيده لكل اللى هيجوا بعد كدا طبعا حصلت مواقف كتير معايا فى التربيه العملى وللاسف انا اتصرفت بشكل عصبى جدا جدا وندمت على تصرفى دا بس فى الاخر اتصالحت مع الطلاب وبقا فى بينا احترام متبادل لدرجه ان واليه امر طالب جت تشكرنى وتشوفنى فى المدرسه انا كنت بتعامل مع سنه خمسه ابتدائى وبجد السن دا كان عاوز معامله تانيه غير اللى كنت بعاملهم بيها بس ان شاء الله كل دا هيتغير السنه دى اسفه على التطويل شكرا مره تانيه لعرضك الفكره يا مصطفى
| |
|
| |
MR..SEMSEM مشرف قسم العجائب والغرائب
عدد المساهمات : 4187 العمر : 35 المزاج : الحمد لله المهنه : النقاط : 59829
| موضوع: رد: التربية العملى وخبرات متعددة ......... الأربعاء سبتمبر 16, 2009 11:19 am | |
| انا حابب اقلك حاجة واحدة بس يا مصطفى انا اكتشفت اننا مش بنستفيد حاجة من كليتنا غير التربية العملى لاننا مش هناخد منها غير الخبرات وسواء انك هتدى دروس او هتتعين توظيف حكومى او خاااااااااااااااص هتلاقى انك مش هتستفيد غير من العملى بس تسلملنا يا غالى على عرض مثل هذا الموضوووووووع سمسم | |
|
| |
همس القلب مشرفة قسم الخريجين
عدد المساهمات : 5358 العمر : 34 المزاج : ن أبكــي علــى طيبتــي،فهى نــادرة كالمعــجزات،بل سافــرح،فهــي ليست ضعفــا،بــل كبريــاء حتــى الممــات الدوله : المهنه : الهوايه : النقاط : 59228
| موضوع: رد: التربية العملى وخبرات متعددة ......... الأربعاء سبتمبر 16, 2009 11:35 am | |
| [size=24]بجد موضوع فعلا مفيد ويمكن الاهم انه مفيد لغيرنا ومرسى ليك بص هو اهم حاجة فعلا اكتشفتها ايام التربية العملى ان النجاح هو حب الطلبة ليك يعنى مفيش حد بيدخل الفصل وهو مش جاهز لكن الاهم كيفية الالقاء والاستجابة ولاننا بنتعامل مع اطفال ورد فعلهم بيكون ناتج عن حبهم فلازم يتوفر الحب وبجد هقول لكم حاجة حب الاطفال صادق جدا انا الترم الاول كنت اخدت سنه 4 ودخلت فصل 5 بنات الفصل راحوا للموجه وعيطوا عشان ادخل لهم الترم التانى فنصيحتى للكل حبوا من تتعاملون معهم اكيد ساعتها الكل هيستفيد واسفة ع الاطالة...[/size] | |
|
| |
مصطفى المصرى عضو سوبر
عدد المساهمات : 225 العمر : 35 المزاج : تمام الدوله : المهنه : الهوايه : النقاط : 53432
| موضوع: رد: التربية العملى وخبرات متعددة ......... الأربعاء سبتمبر 16, 2009 4:55 pm | |
| بجد انا بشكر كل الى ردوا وبفرح لانهم من تعبيرهم فى الكلام باين انهم فرحانين (مشروع مدرس ناجح ) دة هو هدفى واتمنى من الى ردوا دودا ودودو وسمسم وهمس انهم يقولوا اية الموقف الى حصل معاهم وانا عارف ان اى كلمة حلوة من موجة او مدرس او ولى امر بتفرح وتحسسك بذاتك بس اية الموقف الى حصل وانا بصراحة مش عارف ابدا منين كلامى بس احب ابدا من لحظة دخول المدرس الفصل ودى اهم لحظة اما ان تعطى فكرة سليمة للطلبة او ياخذون عنك انطباع اخر لاكن ما العمل. معظم الى بيدخلوا الفصل اول مرة بيبقى مشدود وعاوز يفرض سيطرتة على الفصل ليثبت انة مدرس ناجح ممكن اة تسيطر لاكن مش على طول (الطالب ذكى ويحب يتذاكى لو لاحظ انت بتتنرفز من اية كل شوية هيحب ينرفزك) لاكن لو اعطتهم انطباع اننى اريد معاملتهم كما كنت اتمنى ان يعاملى مدرسى وانا فى مثل سنهم فدة شىء هيفتكروك بية على طول طول حياتهم واظن ان فى مواقف كتير من اساتذة درسوا لنا مش ناسينها طيب انا عاوز يبقى الشعور دة عند كل مدرس انة عاوز يترك اثر فى الطالب وقول الكلام دة للطلبة صدقنى هيحترموك كأخ مش مرعب وماسك عصاية الوزارة الى احنا شغلين فيها اسمها وزارة التربية والتعليم فى اسم الوزارة اية الى جة الاول 1-التربية قبل 2-التعليم يعنى انا رايح اربى قبل معلم ودايما اول حصة يبقى الاسلوب فيها منوع من اسلوب التسامحى والاسلوب التسلطى مش لازم اهزر مع الطلبة كتير علشان يحبونى لاكن لازم اضع حد للسلوك مع الطالب فى الكلمات واول حصة حاول متخدهاش كلها شرح حاول تاخد معظمها ان انت تتعرف على الطلبة تقول اسمك واسم الاساتذة الاخرين وحاول متخدش كل كلمة من الطالب وتعلق عليها ويجب التعامل مع اكثر عدد من الطلاب واعرض افكار بسيطة عن موضوع الدرس لاكن دة كلة فى اول حصة ياريت الكل يتفاعل ويقول تعليقة علشان الطلبة تستفيد والى شايف ان انا غلط يناقش مش لازم كل كلامى يبقى صح وانا هتعلم منكم بردة | |
|
| |
???? زائر
| موضوع: رد: التربية العملى وخبرات متعددة ......... الخميس سبتمبر 17, 2009 8:56 am | |
| انا بصراحه اول يوم ليا فى العملى كنت خلاص هموت قبل ما ادخل الفصل لاننا بندخل لاعدادى وكدا وناس كبار فاهمين برده انا كنت خايفه من المواجهه جداا وبصراحه نبره صوتى كانت فيها خوف ظاهر جدااا ودا كانت اول حاجه غلط انا عملتها لان دا ادى انطباع بالضعف قدام الطلبه بس كان غصب عنى اتعملت بقى ان المفروض ان يكون فى ثقه فى النفس طبعا وان اكون قد ان اقف قدام فصل وان اقدر اسيطر بس بالهدوء برده لان من خوفى كان صوتى ضغيف ومش واصل بجد كان موقف محرج ليا جدااا بس بصراحه مع تانى مره خلاص اتعودت وكانت سنه جميله جدااا وفى اخر يوم بجد الطلبه كانوا زعلاين واحنا اكتر دا بالنسبه لاول يوم واستنونى مع مواقف تانيه بقى
|
|
| |
مصطفى المصرى عضو سوبر
عدد المساهمات : 225 العمر : 35 المزاج : تمام الدوله : المهنه : الهوايه : النقاط : 53432
| موضوع: رد: التربية العملى وخبرات متعددة ......... الخميس سبتمبر 17, 2009 2:16 pm | |
| سؤال للطلبة اية الى يحصل لو دخلت فصل مش عارف تتعامل معاة بشتى الطرق او اية الطرق الى استخدمها بعيدا عن الضرب؟ | |
|
| |
MR..SEMSEM مشرف قسم العجائب والغرائب
عدد المساهمات : 4187 العمر : 35 المزاج : الحمد لله المهنه : النقاط : 59829
| موضوع: رد: التربية العملى وخبرات متعددة ......... الخميس سبتمبر 17, 2009 8:22 pm | |
| انا دخلت فصل لسنة خامسة ابتدائى وكانت الحصة احتياطى وكان يومها فى لجنة فى المدرسة واللجنة دى جاية تدى الجودة للمدرسة المهم الفصل دة مزعج جدا وانا مش هقول انى مش عصبى لا انا بتنرفز بسرعة جدا كمان انا حاولت يومها انى مضربش حد وفعلا الحمد لله حاولت انى اعاملهم كاصحابى واخواتى الصغيرين والطريقة طلعت ناجحة جدا جدا جدا جدا لابعد ما تتصورون بس بجد والله حتى فى الدروووس الطريقة دى ناجحة انك تحسس الطالب اللى قدامك انك اخوة وصاحبة مش مدرس بيفرض علية منهج بس مش تصاحبة لدرجة اننا نسيب بقى الحصة ومنهجنا ونقعد نقضيها هزار فى لعب ديت الطريقة اللى كنت جربتها ونجحت جدااااااا موضوعك راائع يا مصطفى وشيق جدا وانا حابب المناقشة فية جداااااااااا | |
|
| |
مصطفى المصرى عضو سوبر
عدد المساهمات : 225 العمر : 35 المزاج : تمام الدوله : المهنه : الهوايه : النقاط : 53432
| موضوع: رد: التربية العملى وخبرات متعددة ......... الجمعة سبتمبر 18, 2009 4:34 pm | |
| منورنى يا سمسم وليا الشرف بمعرفتك انا مش عاوز موقف واحد بس ممكن استخدمة قول انت ممكن تعمل اية تانى ممكن يشد انتباة الطلاب لدرجة الصمت و التلهف لمعرفة ما ستفعلة يا جماعة مش لازم موقف واحد قول الى انت ممكن تعملة اية او اية الطرق الى ممكن استخدمها ممكن الطلاب مشاغبين جدا لدرجة انهم مش عاوزين يصاحبوا المدرس ها هنعمل اية | |
|
| |
MR..SEMSEM مشرف قسم العجائب والغرائب
عدد المساهمات : 4187 العمر : 35 المزاج : الحمد لله المهنه : النقاط : 59829
| موضوع: رد: التربية العملى وخبرات متعددة ......... الجمعة سبتمبر 25, 2009 10:23 pm | |
| بص يا مصطفى احنا بصفة عامة بنحب نحكى ونسمع حواديت دا دة الشعب المصرى باكملة كدة مش انا او انتا بس والاطفال او حتى اللى فى الاعدادى دايما يحب يسمع خبراتك انتا فى الحيااااة ازاى مثلا موقف بينك وبين واحد صاحبك وانتم فى رحلة موقف هزار حركة نريقة او حتى مقلب انتا عملتة او اتعمل فيك كل ديت طرررررررق بتشد انتباههم ليك بس الحواديت والحاجات دى انتا تقدر تستخدمها بعد الحصة لكن تاثيرها بيمتد للناحية التعليمية بمعنى انهم بيتشدوا ليك وبيهتموا بيك كمدرس قدامهم بعد كدة وانا جربت ديت ونجحت جدااااااا جداااااااااااااا جداااااااااااااااااااااا ودة موقف من المواقف تسلم لمناقشتك الجميلة يا درش | |
|
| |
???? زائر
| موضوع: رد: التربية العملى وخبرات متعددة ......... السبت سبتمبر 26, 2009 8:38 am | |
| انا هحكى موقف كان حصلى انا وونتر ومونى وواحده معانا كمان كنا احنا الاربعه بندخل فصل واحد ( مجموعه واحده ) المهم الموقف دا انا معرفتش اتصرف فيه ولحد الوقتى مش عارفه اعمل ايه لو اتكرر الوقتى احنا دخلنا الفصل وبعدين فى طالبه كانت عايزه تنزل وكدا ( w.c ) طبعا انا مقدرش اقولها لا متنزليش المهم نزلت وكدا يادوب خمس دقايق ولقيت الوكيله جايباها وبتقولى بطريقه وحشه جداا ( قدام الفصل ) ليا ولاصحابى انتوا ازاى تنزلوها انا جايباها من فصل فاضى وبتتكلم فى التليفون وكدا وبصراحه كان طريقه الوكيله وحشه لدرجه انها جرحت كرامتنا قدام الفصل طيب انا غلطت فى ايه ليه مش بيحافظوا على كرامتنا قدام الفصل يعنى احنا برده فى مقام مدرس هى شايفانا عيال زى الطلبه اللى قاعدين فى الفصل وبيعاملونا بنفس الاسلوب وطبعا دا ميستبعدتش ان البنت طبعا غلطانه بس انا هفرق ازاى بس بين الطالبه اللى بتكذب واللى مش بتكذب هو انا كمان هنزل وراها الموضوع معقد شويه وبصراحه معرفتش اشرح يومها اعصابى اتشدت خالص فمش عارفه ايه كان التصرف الصح اللى المفروض اعمله ساعتها اسفه للاطاله
عدل سابقا من قبل dodda في السبت سبتمبر 26, 2009 1:28 pm عدل 1 مرات |
|
| |
mony عضو مؤسس
عدد المساهمات : 2327 العمر : 34 المزاج : GoOoOoOod الدوله : المهنه : الهوايه : النقاط : 57144
| موضوع: رد: التربية العملى وخبرات متعددة ......... السبت سبتمبر 26, 2009 1:25 pm | |
| فعلا يا دودا كان موقف صعب اووووووووى وشكلنا قدام الطلبة كان مش كويس خالص طيب ازاى هيحترمونا واللى حوالينا اصلا مش محسسينهم بقيمتنا فكرتينى يا دودا ربنا يستر ومش يتكرر الموقف السنة دى | |
|
| |
sandy عضو ذهبي
عدد المساهمات : 1384 العمر : 35 المزاج : يارب لك الحمد كما ينبغى لجلال وجهك وعظيم سلطانك الدوله : المهنه : الهوايه : النقاط : 56987
| موضوع: رد: التربية العملى وخبرات متعددة ......... الأحد سبتمبر 27, 2009 9:10 am | |
| الفكرة عجبانى اوى ...........
فعلا كان يوم العملى امتع يوم ف الكلية بس المشكلة الكبيرة لو انا اللى هشرح..فى الاعدادى طبعا الدرس بيخلص بسرعة كنت بلعبهم العاب انجليزى....وكل مرة لعبة جديدة لدرجة اننا مرة خلصنا الحصة ف الشرح .البنات كانوا عايزينا ناخد الحصة اللى بعدنا نلعبهم فيها ............فى رابعة الموضوع اختلف لأننا كنا بندرس لولاد ثانوى......... هكملوكم مرة تانية ...سلالالالااام (تشويق يعنى) | |
|
| |
shahysta عضو مميز
عدد المساهمات : 213 العمر : 35 المزاج : عادى الدوله : المهنه : الهوايه : النقاط : 53148
| موضوع: رد: التربية العملى وخبرات متعددة ......... الأحد سبتمبر 27, 2009 6:09 pm | |
| بصراحة موضوع جديد ومش هقول على المواقف اللى حصلتلى لانها اكيد حصلت ليكو كلكو بس ممكن اقول ان التربية العملى مش افادة وبس دى خبرة بنكتسبها واكيد الخبرة دى بتبان من خلال ممارسة العمل فبالتالى المدرس او الاستاذ بيقدر يثبت جدرتو ومكانتو من خلال مستوى الخبرة اللى حصل عليها وشكرا | |
|
| |
sandy عضو ذهبي
عدد المساهمات : 1384 العمر : 35 المزاج : يارب لك الحمد كما ينبغى لجلال وجهك وعظيم سلطانك الدوله : المهنه : الهوايه : النقاط : 56987
| موضوع: رد: التربية العملى وخبرات متعددة ......... الأحد سبتمبر 27, 2009 6:12 pm | |
| اهلا بالقمر نورتى يا شوشو
مش تدخلى ع منتدى الترحيب والتهانى الأول يا قمر | |
|
| |
shahysta عضو مميز
عدد المساهمات : 213 العمر : 35 المزاج : عادى الدوله : المهنه : الهوايه : النقاط : 53148
| موضوع: رد: التربية العملى وخبرات متعددة ......... الأحد سبتمبر 27, 2009 6:15 pm | |
| اهلا بيك بس انا مش عارفة واول مرة ادخل المنتدى | |
|
| |
حماده عضو جديد
عدد المساهمات : 19 العمر : 32 المزاج : زى العسل الدوله : المهنه : الهوايه : النقاط : 52949
| موضوع: رد: التربية العملى وخبرات متعددة ......... الأحد سبتمبر 27, 2009 8:21 pm | |
| بجد ياجماعه ربنا معاكم فى موضوع التربيه العملى وصدقونى انا لسه فى تانيه تربيه ومش عارف هاخد عملى السنه دى ولالا بس اكيد ف دماغى لو حصل ...كذا هعمل ايه وكده بجد احنا الصغيرين فى الكليه يعنى هنستفيد من ده وياريت مش تبخلوا علينا بالخبرة ف المواقف وكده ربنا يوفقكم ويكون معكم بجد | |
|
| |
mony عضو مؤسس
عدد المساهمات : 2327 العمر : 34 المزاج : GoOoOoOod الدوله : المهنه : الهوايه : النقاط : 57144
| موضوع: رد: التربية العملى وخبرات متعددة ......... الإثنين سبتمبر 28, 2009 3:14 am | |
| اهلا بيكى يا شهيستا انتى وحمادة منورين المنتدى اكيد وانت يا حمادة التربية العملى بتبقى فى سنة تالتة ورابعة بس يعنى لسالك سنة واكيد التربية العملى كلها خبرات مش بتبان الا مع الممارسة وربنا معانا ويوفقنا جميعا | |
|
| |
MR..SEMSEM مشرف قسم العجائب والغرائب
عدد المساهمات : 4187 العمر : 35 المزاج : الحمد لله المهنه : النقاط : 59829
| موضوع: رد: التربية العملى وخبرات متعددة ......... الإثنين سبتمبر 28, 2009 4:21 am | |
| انا عاوز اعلق على موضوع غادة ومونى وهوا ان احنا فعلا لما بيحصلنا حاجة فى التربية العملى مش بنلاقى لينا اى حق ولا بيبقى لينا بالمعنى الاصح دهر يحمينا من اى حاجة وبنبقى الحيطة المايلة اللى فى المدرسة يعنى موقف زى بتاع غادة دة انا لو مكانها كنت شتمت الوكيلة دى وبما اننا انا والرجالة اللى معايا بلطجنا فى المدرسة اللى احنا فيها من اول اسبوع وعملنا مشاكل ف الحمد لله محدش بيقدر يقلنا ادخل الفصل او متدخلش وموقف دودة دة صعب فعلا بس الوكيلة ديت غبييييية جدا جدا
| |
|
| |
مصطفى المصرى عضو سوبر
عدد المساهمات : 225 العمر : 35 المزاج : تمام الدوله : المهنه : الهوايه : النقاط : 53432
| موضوع: رد: التربية العملى وخبرات متعددة ......... الخميس أكتوبر 01, 2009 12:39 am | |
| بجد انا سعيد بالمواقف الى بتقال والمشاكل الى بتقابلنا وبالنسبة للموقف الى حصل مع دودا انا شايف انة خطأ ان انتى توافقى لطالب بالذهاب فى حصتك لاى مكان خارج حجرة الدراسة وانتى تربية عملى انا مليش اى سلطة فى المدرسة وعارف ان موقف الوكيلة وحش وكان لازم الموجة يدخل وهو الى يرد على الوكيلة كان ممكن تتصرفى وانتى فى المدرسة ان انتى تنزلى واحدة منكم معاها كنتى تفاديتى دة هتقولى طيب لما اتخرج واتعين اعمل اية دة يفرق لان هيبقى ليكى سلطة والبنت هيبقى لها حدود فى التعامل معاكى والوكيلة هتحترمك اكتر وبعدين حصة المدرسة يوم متبقى كبيرة بتبقى ساعة الا ربع يعنى عادى لاى شخص يتحمل الا لو كان مش قادر نزلى معاة طالب تانى تكونى عارفاة وعارفة ان هو هيطلع على طول مش هيتأخر ومش كل المدارس ذى بعضها يعنى افجر مدارس هى مدارس المنصورة فى معاملة البنات او الصبيان وحاولى تتفادى المشاكل وفى حركة جميلة ممكن تعمليها وانتى عملى ان انتى تخلى الموجة يدخل الفصل ويقول ان انتى معاكى درجات اعمال السنة وان انتى الى هترصديها فى الدفتر _قدامهم بس وانتى ممعكيش حاجة اصلا بس الموجة بيكون ذكى لو عمل كدة لان هيعطى انطباع عند الطالب ان ليكى سلطة فى المدرسة والغياب يفضل معاكى لاخر الحصة لان ممكن تستخدمية فى الحالة دى او اى طالب تانى راح فى اى مكان ومرجعش يتسجل غياب ومتخفيش تسجلى حد لو المدير جالك بنفسة وقلك اشطبية من الغياب اعطيلة الورقة وقولى انا مش مسؤالة اتفضل انت اشطبة انا راقبت فى امتحان دين فى الاعدادى والكل كان عاين الكتب فى الدرج فقلت الى هيغش هسحب ورقتة والله فى اول 10 دقائق كان الورق كلة معايا مفيش طالب معاة ورقة واحدة المدير دخلى وقالى وزع الورق قلتلة اتفضل انا كنت براقب وهم كانوا بيغشوا وانا مش هوزع حاجة عاوز توزعها اتفضل وزعها حضرتك وانا مش مسؤل انا سلمت لحضرتك الورق قالى خلاص وزعق للطلبة ومخدوش الورق وكنت تربية عملى | |
|
| |
???? زائر
| |
| |
alostaz عضو ذهبي
عدد المساهمات : 1483 العمر : 36 المزاج : الحمد لله الدوله : المهنه : الهوايه : النقاط : 54857
| موضوع: رد: التربية العملى وخبرات متعددة ......... الجمعة أكتوبر 02, 2009 7:21 pm | |
| الموضوع جميل واللة يا درش كان نفسى اكون معاكم فى الكلية واحكى مواقف المهم محدش رد على مشكلة دوددا انا رأيى ان الوكيلة هى اللى غلطت فى التعامل معاها وانتى مش غلطانة بس كنت عايزك بعد الحصة كلكم تروحو للوكيلة وتفهموها انتم عايزين طريقة التعامل معاكم ازاى وتفرضو وتبينو شخصيتكم بتهيألى الوكيلة مش هتكررها تانى سلام
| |
|
| |
???? زائر
| موضوع: رد: التربية العملى وخبرات متعددة ......... الثلاثاء أكتوبر 06, 2009 2:21 pm | |
| - alostaz كتب:
- الموضوع جميل واللة يا درش كان نفسى اكون معاكم فى الكلية واحكى مواقف المهم محدش رد على مشكلة دوددا
انا رأيى ان الوكيلة هى اللى غلطت فى التعامل معاها وانتى مش غلطانة بس كنت عايزك بعد الحصة كلكم تروحو للوكيلة وتفهموها انتم عايزين طريقة التعامل معاكم ازاى وتفرضو وتبينو شخصيتكم بتهيألى الوكيلة مش هتكررها تانى سلام
بجد دا رأى كوييس برده فعلا كان مفروض نتمسك بحقنا شويه ميرسى للرد |
|
| |
مصطفى المصرى عضو سوبر
عدد المساهمات : 225 العمر : 35 المزاج : تمام الدوله : المهنه : الهوايه : النقاط : 53432
| موضوع: رد: التربية العملى وخبرات متعددة ......... الأربعاء أكتوبر 07, 2009 11:50 pm | |
| انا بحترم رأى الاستاذ طبعا بس فى اوقات انا بيبقى معايا الحق بس لازم السياسة يعنى اتنازل عن الحق دة واحتفظ بية لنفسى بس مش علشانى انا علشان زمايلى ممكن لو كنتى كلمتيها بعد الموضوع دة فى يومها وانتى متنرفزة كنتى تغلطى وكانت حطتكم فى دماغها طول السنة بدل مكنتم تخرجوا الساعة 11 كانت قعدتكم لغاية 2 مع خروج المدرسة وقرفتكم ايام الامتحانات اة ممكن كنتى تكلميها بس بعد فترة وتعامل طالب التربية العملى دايما بياخد كل حاجة بصعوبة يعنى لو كنتى مدرسة كنتى تقبلتى كلامها اكتر دة حقها لاكن طالب التربية العملى بيبقى داخل عاوز يفرض اسلوبة فى التعامل على الكل حتى المدرسين الاكبر منة لازم اخذ الامور بتمعن اكتر وهدوء انا مش بتكلم على دودا انا بتكلم بصفة عامة الى انا شايفة وبعدين يا دودا الوكيلة غلطت فيكى ممكن كنتى تروحى لها وتكلميها بهدوء اكيد كانت هتحترمك اكتر فى موضوع تانى عاوز افتحة حاجة انا ملاحظها فى معظم الى بيخرجوا تربية عملى وهيا ان يكون زميل ليا بيشرح درس ويجى طالب تربية عملى مش الحصة بتاعتة قاعد فى الفصل معايا ويقوم يشرح علشان ممكن شاف ان انا مشرحتش الحتة دى كويس او عندة معلومة زيادة او انا غلط فى حاجة على السبورة وهو شافها وقام يقول يا جماعة الحتة دى غلط يعنى بمعنى ملخص طالب تربية عملى زميلى فى الفصل وتدخل فى الحصة بتاعتى سواء كان بالسلب او الايجاب اية رأيكم فية وانا تتصرفى هيكون اية فى الفصل وخارج الفصل ؟؟؟؟؟؟ | |
|
| |
| التربية العملى وخبرات متعددة ......... | |
|