لو لم اكن مصريا (يبقي اشطه اوي )

تذكير بمساهمة فاتح الموضوع :

.عشان
انت مصرى

عشان انت مصرى لازم تعانى


وتفقد كرامتك بكل المعانى


وتحرق فى دمك سنين مش ثوانى


واوعى تصدق كلام الاغانى


بتاع الحضاره وكانى ومانى


ده كله هجايص مايدخل ودانى


عشان انت مصرى العذاب بيناديك


بتبدا فى يومك حاجات بترازيك


فى نومك فى قومك تعكنن عليك


تضايقك ولسه العماص فى عينيك



فتلبس وتنزل وفيك اللى فيك



ورايح لشغلك حتحتاج مواصله


ادى المترو واقف وكهربته فاصله


وفى الميكروباص خناقه وحاصله


اوتوبيس فرامله عايزالها وصله


وتوك توك ده تايه ومحتاج لبوصله


بتوصل لشغلك بدم اتحرق


فى زحمه وكتمه وحر وعرق


رئيسك سايبلك كومه ورق


ده غير دمغه ضايعه وملف اتسرق


وفى كام مواطن عاملك قلق


بيشكى تقول له روح اندعق


وعركه وهوجه وشاى اندلق


ومخك خلاص من الصداع اتفلق


هترجع لبيتك ده لو كان فى بيت


هتوصل هتندم ياريتك ماجيت


مراتك بتصرخ خلاص استويت


عيالك بتطلب وهات كيت وكيت


تزعق تهاتى ياناس اتهريت


ولاحد سامعك مهما هاتيت


عشان انت مصرى وده للاسف


فلازم تاسى تعيش تتقرف


وكل الاساسى فى حياتك ترف


فتنسى الكرامه وتنسى الشرف


وتسرق وتنصب او تنحرف


ودمعك بيجرى وجرحك نزف
































xامتحان السفارة المصرية للحصول عل الجنسية

صباح الفل حبايبي الأعزاء

يشترط لدخول الامتحان ان المتقدم يكون معاه كل أدواته
اللازمة :


قلم رصاص – أستيكة (تحسباً للأخطاء الكتيرة) - اثبات شخصيتك
(تذكرة اوتوبيس – مفتاح الشقة – كارت تليفون مينا تل – عملة مصرية - أي
حاجة)


في حالة لو احتجت لورقة اجابة زيادة اطلب من المشرف مع
مراعاة عدم كتابة اسمك عليها (ما هي مش فارقة هتنجح هتنجح)




السؤال الأول:اختار من بين الأقواس الكلام الصح




- اللي بنى هرم خوفو............ .(طلعت مصطفى - المقاولون
العرب - مقاول أنفار - خوفو)





3- اللي بنى مصر كان في الأصل......( حلاق - نجار - تاجر
مخدرات - صلاح - حلواني)



4- البرنامج اللي بيجي ع القناة الأولى كل يوم الساعة 7.00
صباحاً ومحدش بيتفرج عليه برنامج..صباح الخير ............ (يا ماما - يا
بابا - يا خالو - يا ريس - يا مصر )





5 - مصر هى أمي نيلها جوا...........(عبي - بطني - رجلي -
جيبي - دمي )



6- رئيس مصر القادم السيد......(جمال مبارك - جمال مبارك –
و حياة أمك جمال مبارك - كل ما سبق )

بس اللي مخلينا نحب
مصر................... شعب مصر

بس انا شايفه ان بالرغم من المشاكل اللى بتواجهنا فى مصر
دلوقتى الا اننا مفروض منتبراش من كونا مصريين
لان لازم يبقى عندنا انتماء للوطن
وده بصراحه رأيى يا أحمد
والاختلاف فى الرأى
لا يفسد للود قضيه
بس التوبيك جميل
اوى تسلم ايديك

روعه جدااااااااااااااا هههههههههههههههههههه

بجد جامد اوي يا احمد وفعلا معاك حق

ههههههههههههههههههههههههههه توبيك جميل يا احمد ههههههههههه شعب مسكين وغلبان والله

موضوع هايل انا حاسس انه ينطبق على قاعدة زكريا

الله عليك يا أحمد والله توبيك أكتر من الرائع
تسلم ايديك