ياترى هتطلبى أيه من العريس جاوبى بصراحه

انا معنديش غير 18 سنه و بقول اين هو الواحد بيصعب عليه نفسه و هو ف الجامعه ولا وهو بيتمشي على النيل مع الاصدقاء او احد الاقارب و يقول امتى هيجيلنا يوم

احب اعقب اولا على موضوعك ككل
الانسان لازم يبقي قنوع و يفكر ف اللى اقل منه و اللى ربنا مديله كتير يدي للى معاه قليل لان ربنا ادانا علشان نديله عشان منتكبرش و نفتكر دايما اننا معانا و غيرنا معاهوش و ان الايه ممكن تتقلب

موضوع العريس بقي

نتفق على حاجه
مفيش بنت مستعدة تعيش ف مستوي اقل من اللى كانت عايشه فيه ف بيت اهلها و هى دى القاعده و غير كده هو شذوذ القاعدة و ان اضطرت لده و استحملته مش هتكون سعيده لانها الحياه اللى عاشتها ف بيت اهلها و اتعودت عليها اكتر من عشرين سنه هي بالنسبة ليها اقل ما يمكن

و نتفق على حاجه كمان ان الجواز مش صفقة ولا بيعه اللى يدفع اكتر يشيل بس دا بردوا معناه ان الواحد تتجوز واحد يجوعها و يشردها

و نتفق كمان ان المفروض ان ينفق كل ذو سعة من سعته و ان ربنا مش بيكلف حد اكتر من طاقته و بالتالى مش مفروض احنا نكلف حد اكتر من طاقته

اولا
انا بتمني ارتبط بانسان ابني معاه حياتنا سوا ميهمنيش ف جيبه كام بس مؤكد انى مش هتجوزه و اجيبله عيال قبل ما احس ان العلاقة دي فيها امان مادى و تفاهم متبادل
ثانيا
الفلوس بتروح و بتيجي الانسان هو الل بيعمل الفلوس مش الفلوس هى اللى بتعمل الانسان و اقرب نموذج على دا الحريق اللى حصل ف مصانع جهينه من شهر تقريبا و خسر 350 مليون!!!!!!!!!
و بالتالى اهم حاجه الدين و الاخلاق لا دين لوحده ينفع و لا اخلاق لوحدها كفايه
ثالثا
فى ناس بتفرض على الخاطب يجيب شبكة بسعر معين و فى جوزات مش بتمشي بسبب الاختلاف على دا
بالنسبه ليا ولاهلى اللى هما امى و ابويا و اختى احنا شايفين ان الشبكة دي هدية من العريس للعروسه و محدش بيقول لحد هاتلى هديه ما بالكم لما حد يقولى هاتلى هديه شكلها كذا و سعرها كذا والا خلاص
انا عن نفسي هرضي بدبله اثبت بيها حالة انى مخطوبة او متجوزة و لو خطيبي حب يهاديني بحاجه كمان هقوله يجيبها هو وانا مكنش معاه
ثالثا
الفستان انا عايزه اصمم فستان احلامى و زي ما تمنه يجي ميهمنيش
و الفرح فرح احلامى سر مش هقول لحد عليه بس ممكن لو حصل ا بقي اعزمكم بس ان حصل يعني هيكون غير تقليدي بالمرة
رابعا
الشقة
الشقة طبيعي يبقي فيها اوضتين نوم على الاقل و صاله معقوله و مطبخ و حمام مساحتهم معقوله و اوضه للاستقبال
و اهم حاجه انها تكون ف مكان محترم من حيث ان الواحد ميبقاش عايش ف مكان مليان حراميه و حشاشين و مسجلين خطر و مشبوهين و يكونوا جيران سوء بيعملوا دوشه و قلق و بيشاكلوا نفسهم و بيتفننوا فى ايذاء الناس و الواحد ميبقاش قاعد ف بيته امن سالم يسمع الفاظ مش تمام
يعني نختار الجار قبل الدار عشان البيئة لما تكون كويسه تكون مناسبة لتنشئة اولادي فيها


شوفتى انا طيبة ازاى هاتيلي عريس بقي

بجد منورني ياجماعه وتسلمو ع ردودكم الجميله ده

وربنا يوفقكم جميعا وتاخدو الي بتحبوهم