سلطة السيزر..عندنا ف البيت

طبعا كلانا عارفين ان السلطة والشوربة اهم حاجتين على سفرة رمضان عشان كدة

هنقدم انواع كتير منهم وهنبدأ ب...........................
سلطة السيزر
أنا باعرف ناس كتير بتروح محلات مخصوص علشان تاكل سلطة السيزر، بالرغم من إنك لو عملتيها في البيت مش هتاخد منك وقت خالص، وكمان مش هتكلّفك كتير؛ لأن مكوناتها بسيطة جداً...

المقادير:

خس كابوتشا
عصير ليمونة
معلقة مستردة
ملح وفلفل
زيت زيتون
زيت ذرة أو زيت عباد الشمس
قطعتين أنشوجة
شريحة توست محمص
بيضة مسلوقة
جبنة بارميزان
4/1 كوب كريمة

الطريقة:
1- أول حاجة هقطع الخس في طبق وعلى فكرة هقطع الخس بإيدي علشان أحافظ على الفيتامينات اللي فيه.

2- بعد كده هعمل الصوص الخاص بالسلطة وهو عبارة عن "خل + زيت ذرة أو زيت عباد الشمس + زيت زيتون + معلقة مستردة + عصير الليمون + الملح + جبنة بارميزان" وهضربهم مع بعض في الخلاط.. وبعد كده هضيف عليهم ربع كوب كريمة وهضربهم مع بعض مرة كمان.

3- بعد كده نحط الصوص المضروب في الخلاط على الخس المتقطع وفي الآخر نحط عليهم شرائح الأنشوجة والبيض المسلوق وعيش التوست المحمص... وبالهنا وشفا

تسلمى اجمل ساندى

والطريقة سهلة

نحاول نجربها ان شاء الله

» سلطة السيزر
» النور قاطع عندنا النهارده
» •(-•♥ سلطة الزبادي ♥•-)•
» سلطة الطحينة
» سلطة الفو اكه