مساء الخير ...

مساء الخير على كل اصحابي الجداد انا سعيدة انكوا هتكونوا زملاء ليا انا دي اول سنة ليا في تربية وخايفة اوي عايزة اعرف رأيكوا فيها وتعرفوني عليها اكتر وتقولولي ايه رأيكوا أحول لجامعة تانية ولا ايه ياريت تعتبروني اخت ليكوا وتساعدوني

ميرسي بجد منور بأصحابه بس ممكن تعرفني بالكلية

elbrincessa كتب:

ميرسي بجد منور بأصحابه بس ممكن تعرفني بالكلية

انا مش معاكو فى الكليه فى كلية تجارة بس ان شاء الله زمايلك الفى المنتدي يفيدوكى

ميرسي بجد للي ردوا عليا
انا معرفش اي حاجة في اي حاجة عن الكلية دي ابدا ومعرفش اقسامها ولا اي حاجة خالص ده انا يالصدفة عرفت انها 4 سنين فعلشان كده بطلب منكم تعرفوني

اهلا بيكى يا قمر نوتى المنتدى و نورتى الكلية كمان
هى الكلية فعلا اربع سنين ده العادى لو اساسى بيبقى خمس سنين تقريبا
متقلقيش اول ما تدخلى الكلية هتلاقى اللى يساعدك و كل حاجة هتبقى واضحة و سهلة متقلقيش
بس انتى قسم ايه يا قمر ؟و اساسى ولا عام؟عرفينا علشان نقدر نفيدك
منورة يا قمر و كل سنة و انتى طيبة

ميرسي يا بوسي باجميل انا مش عارفة والله انا ايه ولا قسم ايه ولا اعرف حاجة خالص طب ممكن تقوليلي اعرف ازاي ؟؟

ميرسي ليكوا كلكوا بجد وربنا يخليكوا ليا ونكون دايما زملاء
علشان انا جاية من بره مصر وهما رفعوا تنسيق اللي جاييب من بره علشان يدخلوهم جامعات خاصة شكلهم هيقعدوني لوحدي في الكلية