استفتاء عن اتحاد الطلاب.........

عايز أعرف رأى الناس عن اتحاد طلاب الكليه

كل واحد يقول رايه بصراحه

وبصفتى واحد من القدامى فى الاتحاد بقول اننا مش هنزعل من رأى حد

والله يا عمى انا مش شايف ان الاتحاد عمل اى حاجة تعود بالنفع ولا ليه اى نشاط ياريت توضح ليه نشاطاته ومهامه اللى عملها للطلبه
شايف انى فى استهتار وعدم تشجيع الطلبة
محدش يزعل منى انا بحب الصراحة

بصراحة بجد ..لاني ليا اصحاب في الاتحاد .. فانا عارفة اد ايه هما تعبوا جدااااااااااااااا

في اسبوع شباب الجامعات ... و هما بيحاولوا علي قد مايقدروا انهم يعملوا حاجات كويسة زي

الرحلات مثلا ( دة كفاية ترابيزة البنج يا جماعة ) ..و مافتكرش ان فيه حد من الطلبة راح

لحد منهم يسال ع حاجة و هما معبرهوش مثلا .... لكن دة مش معناه ان الاتحاد مافيهوش سلبيات

طبعا ...... بس برضه هما ناس كويسين بجد ..

بتقولك بنج ورحلات

ههههههه هو ده النشاط
نتكلم بعقلانية اكتر مفيش اى نشاط لاتحاد تربية العملى ولا فكرى ولا تنفيذى فى حاجات كتير ممكن الاتحاد يثبت بيها وجوده بشده زى ما فى كليات كتير فى قلب الجامعة

ده الاتحاد بتاعنا فى النايم انا بعتقد انه يتلغى احسن

أولا : ألف شكر ليكى يا ايمي انك رديتى أو قلتى كلام كويس فى حقنا
ثانيا : شغلنا مش رحلات وبنج أو بلياردو بس
احنا بنعمل ندوات كتير جدا وكنا عاملين الجمعه اللى فاتت يوم لليتيم وكانت حفله كبيرة جدا ومفيش اى حد كلف خاطره انه يحضر

كمان كان طالع عنينا فى اسبوع شباب الجامعات

بنعمل مثابقات ثقافيه وفنيه ومفيش اى حد بيشارك غير ناس قليله جدا

عملنا دورة كرة قدم من 3 أسابيع

فيه دورة كرة يد ومفيش فرق اتقدمت
عمانا مسابقات عن الابحاث ومفيش غير أفراد قليلين اللى بيشاركوا
بنحاول على قد ما نقدر نحل مشكله اى حد
بندفع المصاريف لناس كتير جدا
وبنشترى الكتب لناس كتير
واللى عنده مشكله فى جدول او اى حاجه بتتحل

الناس اللى مش بتيجى نعمل ايه؟

احنا مش مطلوب مننا نروح لكل واحد نقوله شارك

ولا ليه ياعم بلال؟؟؟؟؟

عموما فرصه سعيدة جدا وانا عمرى مازعلت من حد

شكرا جدا ياخالد وبجد انت حد محترم وابقى سعيد لو بقينا صحاب

بالنسبه للاتحاد عندكم فيه امكانيات ماديه عاليه جدا عندكم
ده غير ان الطلبه بتشارك
وانا خالد ربيع رئيس الاتحاد حبيبى
واعرف الجيار كمان
عموما فرصه سعيده بجد

شكرا يا أخ مازن على المشاركه أولا

ثانيا : احنا عمرنا ماعملنا حاجه مش محترمه أو دنيئه زى ماحضرتك بتقول
ثالثا : للعلم احنا مابنعملش اجتماعات فى خير الله ولو فيه مؤتمر مابيبقاش بمزاجنا

رابعا : وده الاهم احنا مابناخدش من الكليه فلوس عشان نوفرها

المنتدى منور بيك انت ياباشا وانا بجد اتمنى يكون ليا صاحب محترم زيك

انا طبعاااااااااااااااااااااااااا لما قلت الرحلات مكانش قصدي ان دة النشاط الوحيد يا اخ بلال ....

انا قلت انهم تعبوا جدااااا في اسبوع شباب الجامعات و فعلا هما عملوا حفلة في يوم اليتيم ...

ولو حضرتك اتكرمت و رحت سالت هما بيعملوا ايه هتعرف انهم مش نايمين .. و انهم من

افضل الناس اللي في الكلية ....

سورى جدا جدا يا صقر المقصود مش انت خالص
لازم تعرف اننى يهمنى مصلحة الكلية والطلبة
انا بشوف ناس كتير بتعانى من نظام الكلية ومش بلاقى حد يقف جمبهم
ارجو انكم حتى تدورا فى الشؤون عنهم واللى عامل ابحاث اجتماعية وغيرهم

انتم مجموعة كويسة محدش يقدر ينكر
متزعلش منى يا مان
ارجو تقبل اعتذارى

هو احنا دايما كده....لما حد يسألنا عن رأينا لازم نقول السلبيات الاول ونكبر الموضوع واول مايوضح وجهة نظره ونلاقيه كويس نرجع نعتذر ونقول كلام كويس
المفروض نكون موضوعيين فى رأينا ونقول الحقيقة اللة بنشوفها وبس
انا رأيى ان اعضاء الاتحاد فيهم ناس كويسين جدا ونفسهم فعلا يعملوا حاجة كويسة
وسمعت كذا مرة ان الموظفين اللى معاهم احيانا بيعطلوا لهم شغل كتير
وبرضه مش هنكر ان فى ناس من الاعضاء الاتحاد فيهم حتة تفاهة

واول حاجة متأكدة منها ان طلبة تربية سلبيين جدا جدا جدا اجدا بس ده ممكن يكون لانهم مش لاقيين حاجة تلفت انتظارهم
الدعايا مثلا بتاعت الندوات والحاجات دى كلها مبتبقاش ظاهرة او حتى جذابة ومثيرة للانتباه لاء دى تقليدية جدا جدا جدا
محتاجين شوية انتشار اعلامى وغزو للطلبة باافكار جديدة وشكل جديد لدعايا
فاكر يا محمود شغل 90درجة؟ فاكر نظام الدعايا كان عامل ازاى ؟ كانت منتشرة فى كل مكان ...واظن انت عارف اهتمام الناس كان اد ايه وكمان حضور اساتذه من الكلية
لكن دعايا الاتحاد مركزة حولين مبنى رعاية الشباب ومعتقدش ان كل الكلية بتروح هناك
بس بجد انتم فيكم ناس محترمين قوى انت منهم انت ومحمدعبدالغنى
على فكرة انا اعرفك معرفة شخصية .........اتمنى انى اشوفكم اقوى اتحاد ويارب كلامى يتفهم صح ولو هو صح حاولوا تستفيدوا منه

منور المنتدىيا محمود

ميرسى ليكى ياهمس على ردك
وأكيد أكيد احنا بنتعلم وبناخد كلام الناس موضع اهتمام عشان نحاول نبقى صح
ومش عيب ابدا اننا يبقى فينا اخطاء
العيب اننا نشوف الاخطاء دى ومنعرفش او مانحاولش نصلحها

اولا احب اشكرك عن الموضوع ده لانه موضوع محتاج مناقشه
ثانيا معظم طلبة الكليه مش تعرف ايه نشاطات الاتحاد او ايه اللى
مطلوب منهم وده لانه مفيش دعايه كافيه عنكم وده المفروض يحصل
بداية السنه وعن النشاطات بتاعتكم فى كل مكان فى الكليه بس مش اكتر
وصدقنى احنا بيبقى عندنا مشاكل كتير مع الدكاتره وبنبقى مش عارفين
نروح لمين بس وبجد ميرسى بجد عن الموضوع وانا سعيده ان فى
حد فى المنتدى من اتحاد الكليه اهلا بيك يامحمود بجد منورنا

angel

ميرسى بجد على المشاركه والرد
وانا كمان سعيد جدا انى معاكم

بالنسبه لموضوع الدعايه
احنا اول السنه سواء السنه اللى فاتت او السنه دى عملنا دعايه كتير جدا
وكنا عاملين خيمه نستقبل فيها مشكلات الطلاب ده كان أول أسبوع فى الدراسه
وكانت فى مدخل الكليه يعنى مكان واضح

انا واجد من الناس لما كنت بروح أكلم ولد أعرض عليه يشارك معانا فى الاتحاد أو حتى ييجى
لو عنده مشاكل كان بيخاف يتكلم معانا عشان فاكرنا جهه غير شرعيه

والبنات
اى بنت كنت بروح اكلمها كانت بتفتكرنى بعاكس

والله بنحاول كتير جدا

واحنا بنحاول ان الناس تعرفنا واللى عنده مشكله احنا تحت امره
وافتكر ان اغلب الناس تعرفنى بس مفيش حد حاول يتكلم معايا

عندك حق الخيمه كانت موجوده بس مفيش حد عارف دى عشان ايه
وبجد الله يكون فى عونكم بقى من موضوع انك تروح تكلم حد ومحدش يسمعلك
بس حاولوا انكم تحلوا المشكله دى وكمان المفروض النشاطات تبقى زياده شويه
يعنى لو فى ندوه او حفله يبقى فى دعايه جامده قبلها بقتره عشان يبقى فى فرصه لكل الطلبه
انهم يعرفوا وتبقى دعايه فى كل مكان مش بس حول الرعايه
وبجد ميرسى لردك وربنا معاكم ولازم تتحملوا عشان دى مسئوليه

انا بجد مبسوط ان فيه ناس فاهمه كده زيك
وربنا يسهل ان شاء الله
والدعايه تبقى اكتر

على فكرة ياجماعه احنا مش بنزعل من حد

وانا لما عملت التوبيك ده كان عشان اعرف احنا ناقصنا ايه نكمله

او بنغلط فى ايه عشان نصلحه

والحمد لله طلع فيه ايجابيات

والسلبيات ان شاء الله تتحل

ان شاء الله ونتمى يكون اتحاد طلاب كلية تربيه
افضل اتحاد فى الجامعه وله نشاطاته المهمه
والمعروفه ونتمى التقدم دايما ليكم ولكل مجتهد نصيب

angle
ميرسى بجد على ذوقك ونتكنى تكونى فى الاتحاد السنه الجايه
انتى واى حد يحب يشارك او يعمل حاجه مفيده

تعرف انى اول ما دخلت الكليه كان نفسى اشترك فى اتحاد الطلبه
بس فى حد قالى انه بيشغل عن الدراسه وكده وانى ممكن مش احضر محاضرات
وانى لو فى حاجات مهمه فى الاتحاد ممكن اتاخر فى الكليه وكده ده خلانى اغير رايى
بس لسه الفكره بتراودنى والله اعلم ايه اللى هيحصل فى النهايه