كلاب الشوارع!!

موضوع: كلاب الشوارع!! الأحد سبتمبر 12, 2010 1:16 pm

لليوم الثانى على التوالى فى أيام عيد الفطر المبارك، شهد اشتباكات عنيفة بالعصى والشوم بين أفراد أمن الحدائق العامة وخاصة حديقة الفسطاط بمحافظة القاهرة وعدد كبير من الشباب بسبب التحرشات الجماعية بالبنات.

رغم التحرشات الجماعية بالبنات والتى رصدتها "اليوم السابع" أمس إلا أن ما وقع اليوم كان أكثر خطورة خاصة مع وجود عدد كبير من العائلات وأولياء الأمور، وهو الأمر الذى أصاب الجميع بالسخط والغضب العارم.

بدأت حالة السخط من أفراد الأمن الذين هاجموا الشباب المتحرشين بالعصى والشوم والاحزمة رغم كثرة عددهم قائلين لهم: "حرام عليكم هو انتم ملكوش إخوات بنات"، أما أولياء الأمور الذين أعلن الكثير منهم مقاطعة الحديقة فقالوا "خلاص يا ابنى مبقاش فى أمن ولا أمان فى الحديقة بسبب شوية العيال البيئة والصيع اللى محدش عارف يلمهم ولا يربيهم" مهددين بتقديم بلاغات جماعية ضد مسئولى الحدائق لما وصفوه بالتقصير والإهمال فى حماية بناتهن.

ومع تكرار حالات التحرش بشكل جماعى وكثيف فى ثانى أيام العيد بحديقة الفسطاط أمس، إلا أن مسئولى الحديقة لم يوفروا الإجراءات الأمنية الكافية لمنع وحماية الفتيات من التحرش.

فرغم قلة عدد الزائرين وكثرة التحرشات والتى وصلت لعشر حالات من الهجوم الجماعى على البنات خلال ساعة زمنية فقط أمس والتى كانت تتطلب التحرك السريع من مسئولى الحديقة لمنع ذلك ولكن ما حدث اليوم وسط تضاعف أعداد الزائرين مقارنة بأمس وتضاعف التحرشات بشكل أبشع يعبر عن مدى غياب المسئولين عن الحديقة.

وفى نهاية الجولة لمتابعة احتفالات المصريين بالعيد فى الحدائق والمنتزهات العامة والتى شهدت إقبالا كثيفا مقارنة بأمس، إلا أن مظاهر الاحتفالات أفسدتها، حيث تعاطى الشباب للسجائر والشيشة فى الحدائق- حسب قول عدد من الزائرين- رغم حظرها ومنعها بقانون 145 لسنة 2007 الخاص بحظر التدخين الذى بدأ تطبيقه أمس فى الأماكن العامة من اليوم الجمعة الموافق 10 سبتمبر الحالى، فى كل من المستشفيات والمدارس والجامعات والمواصلات العامة، والمصالح الحكومية، ومراكز الشباب والأندية الرياضية، فى جميع محافظات الجمهورية.

ففى حديقة أحمد عرابى بجوار أرقى مناطق مصر "الدقى والمهندسين" كانت الاحتفالات متمثلة فى ركوب الحمار والجمل والكارو والحنطور والخيل" وسط حالة فرحة بين الزائرين، فيما شهدت القناطر الخيرية إقبالا كثيفا من زائرى مختلف المحافظات رقص بعضهم على أغانى الدى جى والبعض الآخر بركوب الدراجات والتوك والتوك والجمال والخيل. أما على كورنيش النيل فاحتفل المصريون مع الأجانب بركوب المراكب النيلية.

انا مش هحط صور المجرمين دول لانها مقززة بما فيه الكفاية
بس اللي عايز يشوفها براحته
ع العموم هي جايبة عدد قليل من البنات يمكن اقل من14 15 سنة
وعيال أصغر منهم يجي ب5سنين!!!!
وفي كمان شباب داعر وفاسد أكبر منهم
سوري ع الكلمة دي بس ماينفعش اوصفهم بأقل من كده
الكارثة بقي ان البنات دول لبسهم عادي جدا
وحتي لو كان مش ملتزم ده مش مبرر لاي كلب
انه يعتدي عليهم
هو خلاص الرجل ده بقي ايه؟!!
حيوان؟دايما في حالة استثارة!! اي انثي قدامه تبقي فريسة
ده الحيوانات نفسها ما بتعملش كده
خلاص التحرش ده بقي سلو بلدنا
ولا محجبة ولا حتي منقبة بتسلم منه
صحيح المصريين اهما!!
انا مش قادرة اتكلم أكتر من كده
انا تعبت نفسيا من البلد دي
كفاية قذارة بقي

امممممممممممم
واضح ان الحيوانات كترة فى البلد

مرسى ياجميل على الخبر

شكرا يا نونا

حسبى الله و نعم الوكيل
ربنا ينتقم منهم
تسلمى عالخبر يا قمر

منورة يا بوسي

زائر

لو موجود فى مصر زى ما موجود هنا
هيئه الامر بالمعروف والنهي عن المنكر
البلد هتنضف بجد
بس للاسف بلدنا خربت من زمان
شكرا ليكي على الاخبار دى

معاك حق يا محمد
انا اسمع عن الهيئة دى
بس المشكلة ان الشباب معادوش حاسين انهم بيعملوا حاجة غلط
بقى الموضوع ده عادى بالنسبالهم
بيحللوه لنفسهم لانهم مش لاقيين اللى بيحاسبهم
حسبى الله ونعم الوكيل
وبجد شكرا يا شوشو على اخبارك المفيدة

لا حول ولا قوة الا بالله
انا بس عاوزه اعرف احنا فييييييييييييين؟

محمد
رغم اعتراضي علي بعض افعال الهيئة دي
بس ع الاقل في وجودها كانت كل الكلاب دي
اتلمت

هبة
فعلا المشكلة انهم مش شايفين
ان في سلوكهم حاجة غلط
خاصة لما بيشوفوا سلبية الضحايانفسهم وسلبية الامن والناس اللي في الشارع
انا مش عارفة هنفضل
كده لحد امتي

فراولاية
مش عارفة
بس اللي اعرفه ان ده لايمكن يكون بلد مسلم

زائر

نو كومنت وربنا

بجد شعب همجى

نورتي التوبيك يا دودا
ودي اقل كلمة تتقال

» صور كلاب ملونه بالوان طيف الندى
» تفاصيل "إقامة الحد" على لصوص بولاق الدكرور.. المئات ربطوا أحدهم فى موتوسيكل وطافوا به الشوارع حتى مات.. وقطعوا يد آخر وفقأوا عين ثالث.. والأهالى: جعلناهم عبرة بعد انتشار السرقة بالإكراه
» خاص.. استقبال رائع للاسماعيلي في الجزائر ولافتات الترحيب تزين الشوارع
» لعبة سباق العربيات فى الشوارع الاوروبية Street Racer Europe
» اطلاق أسماء شهداء ثورة 25 يناير على الشوارع التى يقطنون بها