رسالة من نونو .....

رسالة من نونو

أنا نونو ..

نونو قوي .. لسه في بطن مامتي ..

بس حبيت أرغي شوية .. أصلى قاعد هنا لوحدي ..

صحيح آخر دلع .. بس برضه نفسي اتكلم ..

كمان ماما مدوخاني معاها .. طول النهار محسساني إني في الملاهي .. طالعة نازلة مش بترتاح ولا بتريحني ..

من شغلها .. لشغل البيت .. لأخواتي .. طول النهار كده ..

وأخواتي بقى .. طول النهار دوشة وشقاوة .. وماما تصرخ فيهم علشان يسكتوا .. علشان يقعدوا يذاكرولهم كلمتين .. بس هما دايمًا مش بيسمعوا الكلام .. ويقولولها ما هو مفيش فايدة من المذاكرة دي ..

ما أخونا الكبير أهو .. طلع عينه في الثانوية العامة .. وجاب مجموع كبير .. وما دخلش بيه كلية كويسة ..

وفي الآخر قاعد لا شغلة ولا مشغلة ..

أما بابا بقى .. فطول النهار يزعق ويتخانق مع ماما .. ويشتكي من الأسعار اللي بقت نار .. والزحمة في الشارع .. وقسوة الناس وجشعهم .. وطابور العيش اللي ما بيخلصش .. والفواتير اللي بقت نار .. ميه وكهربا وغاز وتليفون .. والنظافة اللي بندفعها ومابنشوفهاش .. حراااااااااااام ..

وكمان الكوسة اللي في الشغل .. بتطلع عينه ومش بياخد حقه ومديره هو اللي ياخد مجهوده .. والنفسنة بين زمايله .. وحاجة عجب ..

كل ده وأنا سامعهم وساكت ..

وخالي كمان .. عاوز يخطب حبيبته .. بس ما باليد حيلة .. خالي شغل وجيوبه مفلسة .. ولا عارف يجيب شبكة ولا شقة ولا عفش .. ولا حتى دبلة فضة ..

وأهل العروسة محكمين رأيهم .. شقة 100 متر وعلى النيل .. وشبكة بكام ألف جنيه .. اعذروني لسه مابعرفش أعد .. ويكتب مؤخر كبير قوي .. وكمان لازم يجيب تامر حسني يغني في الفرح ..

وهما كمان عمالين يجيبوا في فرش وسجاد وستاير وصيني وحاجات ليها العجب .. معظمها بيتحط كده من غير لازمة ..

وعمي اللي بيجي يشكي لبابا همه .. أصل ولاد الحرام نصبوا عليه وأخدوا تحويشة العمر .. وعشموه بالسفر .. أتاريهم يقصدوا سفرهم هما .. هما اللي أخدوا فلوسه وسافروا ..

بس أحلى حاجة بقى تيتة وجدو .. دول اللي زي العسل .. وعاوز أنزلهم مخصوص .. مدلعين أخواتي على الآخر .. بونبوني وحلويات ولعب وحواديت .. آآآآآآآآآخر دلع ..

بس تيتة طول النهار تهزأ البنات بتوع الفيديو كليب .. وتقول مياصة وقلة أدب .. مفيش حياء ولا تربية .. ولا حتى صوت حلو يصبرنا .. مفيش غير تنطيط ورقص ومياعة وبس .. وشباب مايصين ولا تفرقهم عن البنات .. وبيتكلموا كلام عجب .. لغة مش فهماها .. وبيشربوا بانجو وسجاير ولا بيهمهم .. وطول النهار صايعين في الشوارع .. معقول دول ليهم أهل ..

جدو بقى زعلان قوي .. كل يوم يرجع من الجامع متضايق .. بيقول الناس بطلت تصلي .. معقولة دي !!

والواد المجرم ابن الجيران بيزعق لأبوه عيني عينك كده .. والبت اللي تستاهل الضرب بتبجح في أمها .. عيال آخر زمن ..

بس أكتر حاجة بتوترني بقى هي نشرة الأخبار .. اللي بابا وجدو بيصمموا يسمعوها كل يوم .. كلها ضرب وقتل وحوادث .. وسرقة ونهب .. ولا فيه مرة خبر عدل .. حاجة تغيظ ..

أنا هنا بقى شاري دماغي .. باكل وأشرب ببلاش .. ولا بدفع إيجار ولا ميه ولا نور .. ولا برمي زبالة في الشارع .. وكمان معنديش مذاكرة ولا شايل هم شغل .. ولا عاوز أتجوز واحدة تطلع عيني وعين اللي جابوني لحد ما أتجوزها .. وبعدين أبقى زي بابا وجدو وخالو وعمو ..

تقتكروا بعد كل اللي بسمعه ده .. أجي الدنيا ليه !! أجيب نفس منين !!

مش أنا هنا أحسن برضه !!

وللا انتوا إيه رأيكم ؟!

ارجو انت تكون اعجبتكم

منقول

هههههههههههههههههههههههههههه جامده جدا وبصراحه عنده الحق النونو ده واعي اوي ههههههههه اومال لما ينزل الدنيا

ميرسي بجد

Miss Dody كتب:: هههههههههههههههههههههههههههه جامده جدا وبصراحه عنده الحق النونو ده واعي اوي ههههههههه اومال لما ينزل الدنيا

ميرسي بجد

ههههههه
اسعدنى مرورك

زائر

انا كنت زيه لما كنت فى بطن امى
بس جابونى جابونى ما باليد حيله
هههههههههههههههههههههههههههه
شكرا ليك
موضوع جميل

والله عسل
هههههههههههههههههههههههههههههههههههههههه
تسلم ايدك

محمد اسامه

فرولايه
سعيد بمروركم نورتونى

زائر

ههههههههههههههههههههه

عسل اوى التوبيك دا
تسلم ايديك بجد

Miss Dodda كتب:: ههههههههههههههههههههه

عسل اوى التوبيك دا
تسلم ايديك بجد

نورتينى مشكورة

ههههههههههههههه
لا بجد عنده حق كان يفضل احسن مش يجى
تسلم ايدك

مونـى كتب:: [center]ههههههههههههههه
لا بجد عنده حق كان يفضل احسن مش يجى
تسلم ايدك

ههههههههههههههه
منورة والله العظيم
متشكر يا امانى

[/center]

هههههههههههههههههههههههه
توبيك جامد والله
تسلم إيدك

شكرا لمرورك الجميل

بجد عسوله خالص
بس شكله هيطلع شاطر وهيعرف ياخد حقه من الدنيا كويس هههههههه
تسلم بجد ع التوبيك الجامد دا

هههههههههههههههههههههههههههه
لالاعسوووووووووووووووووووول بجد
تسلم ايدك

ما شاء الله
بجد نونو زي القمر

رسالة من نونو ..... 197303

وعنده حق في ( مش أنا هنا أحسن برضه !! )

بجد تسلم ايدك يا حنفي

والله نونو زى العسل
بس مش هينفع يقعد جوه كتير
انزل واحنا هنلعب معاك
وملكشى دعوه بلدوشه اللى فى بيتكم دى

ههههههههههههههه
دا متعقد ياعينى من قبل ميجى
ههههههههههههههههههه
توبيك جميل
تسلم

هههههههههههههههههههههههههههههههههههه
ده هيطلع طفل كمبله
هههههههههههههههههههههههه
تسلمي

هههههههههههههههههه
شكراااااااااا لمروركم العطر

» رسالة إليك أنت .. رسالة إلى طالب يستعد للإمتحانات
» SuperEmailSender4.11ارسال اكتر من 200 رسالة فى وقت واحد و 50,000 رسالة فى الساعة
» فيل نونو سبحان الله
» بدء تصوير الجزء الثانى من عائلة "نونو"
» رسالة هههههههههههههههههه