عندما يميل قلبك لشخص في المنتدى

مراااحب بالجميع ..

عندما نتابع موضوع لشخص ما ويعجبنا طرحه وفكره

عندما نرى فكره واتجاهه من خلال كتابته ..عندما تتبين لنا اخلاقه من مواضيعه وردوده ...

اشخاص لانعرفهم ..

لم نراهم ..

ولم نسمع اصواتهم ..

لم نحاورهم الا امام الملأ..

قرأنا حروفهم ..فلامست فينا حقيقه لم نكن ندركها ..

ننتظر اقلامهم بشغف كي نرد عليها بشفافيه

لسنا ضعفاء ولكن قلوبنا لامست قلما فأنجذب له ..

حينها فقط يصبح القلم سلاح يغزو حياه الطرف الاخر ..

حين يخفق القلب لقلم شخص ....

حين ينبض القلب بحب قلم

هل ممكن ان نميل للقلم ؟

وهل من الممكن نميل للشخص بسبب قلمه ؟

هل من الممكن أن نصل إلى درجة الافتتان بالفكر او الأسلوب ؟

وهل يتحول الاحترام والاعجاب الى انجذاب؟؟

متى تخرج المشاعر عن السيطرة ؟

ما السبب في ذلك ؟؟

وهل هذا خطأ ؟؟

في انتظاركم

الموضوع للمناقشه!!!

والله ممكن يكون كلامك صح وحقيقى بس انا مش متفقه معاك انى ممكن احب او اميل لشخص بالسرعه دى لازم اتكلم معاه اولا وادرس شخصيته واعرفه بجد وبعدين احبه وبالتالى اوافق انى ارتبط بيه طول حياتى تقبل مرورى

زائر

هو بيحصل لان كل حاجه ممكنه

بس انا عن نفسى مستحيل احب حد مشفتوش
لازم اشوفه واعرفه وبعد كده الحب بيجى
لكن ان احب حد معرفش عنه حاجه صعب وخيالى شويه
بس مش مسستحيل
مرسى للتوبيك

النجمه كتب:

والله ممكن يكون كلامك صح وحقيقى بس انا مش متفقه معاك انى ممكن احب او اميل لشخص بالسرعه دى لازم اتكلم معاه اولا وادرس شخصيته واعرفه بجد وبعدين احبه وبالتالى اوافق انى ارتبط بيه طول حياتى تقبل مرورى

مرسى لمروك يا نجمة وانا متفق معاكى تماما

dodda كتب:

مرسى لمروك المتواضع يا دودا وبجد نورتى التوبيك

ممكن تبقى منجدذب ليه ونفسك تشوفه مقولناش اننا نحبه بدرجة كبيرة ممكن الحب اللى حبيته فيه ده تبقى محتاج انك تراه وتتكلم معاه علشان تكتمل زاوية الحب بداخل قلبك وفى ناس فى المنتدى صحيح اول ما بشوف اسمه على التوبيك بدخل اشوف الموضوع من غير ما اقرأ الاسم من برة لان بيبقى خلاص اتعودت انه مميز

شكرا حبيب قلبى على الموضوع

والله يا حلم
الانجذاب للناس من طريقة كتابتها
وردودها وكده
شئ وارد جدا فى العالم المنتديات
بس انت مينفعش ابدا تحب حد من بعيد لبعيد كده
ومن غير ما تشوفه
ولا تعرف هو عايش ازاى
وبيفكر ازاى

علاقة الحب بتحتاج انها تتطور شوية عن كلام ع السايت او رد على توبيك

ممكن تعجب بيه ولما تعرفه عن قرب تحبه بعد كده

ممكن جدا يحصل

ثانكس حلم ع التوبيك وطرح الفكرة للنقاش

موضوع حساس اوى

بس عايز اقول ان علاقة الحب اكبر واعقد من كدا بكتير

وان كانت ابسط حاجه ممكن تحصل للانسان

انه يحب !! .. سهل صح

نفسى الناس تنسى موضوع حب الرسايل والايميلات والمنتديات

مبيحصلشى ولا ينفع يحصل ويستمر الا فى حالات نادره

اها ممكن عضو او عضوه فى المنتدى يعجبنى مشاركاته

او طريقة تفكيره اللى ظاهره فى مشاركاته دى

بس دا معناه ايه ولا حاجه .. وجودنا فى المنتدى للاستفاده والمشاركه بالاراء

الموضوع رغم حساسيته الا انه جميل

شكرا على التوبيك

انا اعتقد اننا اه ممكن نعجب بطريقة شخص ما

واسلوبه فى الكتابه والتفكير لدرجه تخلينا نتابع

جميع موضوعاته

لكن يتحول الاعجاب ده لحب معتقدش

ميرسى مجرد حلم على التوبيك الهايل ده

انا مش معاك خالص
انا مقدرش احب حد محبوش
انما ممكن ارتاحله
ميرسى على التوبيك يا مجرد حلم

التوبيك كويس جدا

بس اللى بتقوله ده مستحيل

انا ممكن يعجبنى اسلوب حد
طريقه الكتابه
الاحساس

لكن ان ده يبقى اعجاب بالشخص نفسه او حب
لا لا لا لا لا لا

انا عشان احب واحده وارتبط بيها بقيه حياتى
لازم اتكلم معاها واعرفها كويس واشوف ايه فيها ممكن يميزها عن كل اللى حواليها
العمليه مش بالسهوله دى

مرسى لمروكم جميعا وان شاء الله انتظروا المزيد

» عندما يخفق قلبك لشخص بالمنتدى ماذا تفعل.؟
» من قلبي ....الى ..... قلبك ؟؟؟؟؟
» ما هو شعورك عندما تقول سرك لشخص وينشره بين الناس؟؟؟؟؟؟؟؟؟؟؟؟؟؟؟؟؟؟؟؟؟
» تعلمت عندما كنت طفلا .. وأكتشفت عندما كبرت
» اى القلوب قلبك ؟؟؟؟؟؟؟؟؟؟؟؟؟؟