الأهلي يقبل استقالة البدري

قبلت لجنة الكرة بالنادي الأهلي برئاسة رئيسه حسن حمدي استقالة حسام البدري من رئاسة الجهاز الفني للفريق.
وأعلنت اللجنة صباح الأثنين قبول استقالة البدري وجهازه المعاون بالكامل
والتي نقلها للجنة هادي خشبة مدير الكرة.
وتقدم البدري باستقالته عقب أول هزيمة للفريق في الدوري الممتاز في ضيافة الإسماعيلي مساء الأحد بثلاثة أهداف مقابل هدف.
وشهدت المباراة هتافات جماعية للجماهير الحمراء قائلة "كفاية يا بدري" والتي جاءت عقب توديع الفريق لدوري أبطال إفريقيا من نصف نهائي البطولة.
وشهد اجتماع لجنة الكرة خلافا بين أعضائها وسط رفض جبهة لقبول الاستقالة لأنها جاءت وسط الموسم.
وتأتي استقالة البدري قبل أربعين يوما من مواجهة الزمالك الغريم التقليدي للأحمر والذي يتصدر قمة الدوري برصيد 24 نقطة بفارق ست نقاط عن الأهلي الذي يملك مباراتين مؤجلتين.
واختتمت لجنة الكرة اجتماعها على العودة مساء الأثنين لبحث الأسماء المطروحة لخلافة البدري ومعاونيه وإذا ما كان النادي سيعتمد على مدرب وطني حتى نهاية الموسم أو يتعاقد مع مدير فني أجنبي لفترة أطول.
وعلم منتدى تربية أن من الأسماء المطروحة لخلافة البدري مختار مختار المدير الفني للمصري ونظيره في الجونة أنور سلامة، كما طرح اسم محمد رمضان مديرا للكرة.

Thanks no more girls

زائر

احسن واحد هو انور سلامه شخصيه قويه ويقدر يتحكم فى الفريق
شكرا ليك على الخبر
وبالتوفيق للبدري فى اى مكان تانى غير الاهلى

شكرا ع الخبر
بس المشكله في التوقيت
صعب جدا

الخيرة فيما اختاره الله
بالتوفيق للأهلى الفترة الجاية
ونقدر ناخد الدورى

زائر

اهو تم تعيين الكابتن زيزو
عبد العزيز عبد الشافى لحين انتهاء الدور الاول
وسيد عبد الحفيظ مدير للكوره
وشكلنا مش هناخد نقطه واحده فى بقيت ماتشات الدور دهـ
ربنا يستر

لاعيبة الاهلى مكانتش حابة كابتن حسام البدرى
هى دى كانت المشكلة
وكدة ولا كدة هو شهر وهييجى مدرب اجنبى

زائر

والله حسام البدري مكنش وحش اوى
لو شوفنا السنه الفاتت ختم الدوري قبلها ب4 اسابيع
وكسبنا الزمالك 3_1 بهدلناهم فى ارضيه الملعب
بس هو السنادى مش موفق وحظه وحش وناس كتير حذروه انه يغير طريقه 4_4_2 لان وائل جمعه واحمد السيد بطيء جدا ومش متعودين عليها وهو مصمم وادينا كل ماتش بيدخل فينا اجوان من اخطاء غريبه
ربنا يستر وناخد الدروي السنادى اصل الزملكاويه لما كسبو المصرى فرحوا فرحه هيستريه زى ما يكونا اخدو الدوري
امال لو اخدو الدوري هيعملو ايه دول هينتحروا من الفرحه
اهو يخففو عدد سكان الشعب المصرى
هههههههههههههههههههههههههههههه

ماشي يا حماده
بس الزمالك السنه دي شكل تاني
والاهلي برضه شكل تاني

زائر

ههههههههههههههه بس الدورى للاهلى كالعاده ان شاء الله
كل سنه يقولو الزمالك له شيكل تانى ههههههه وبنلاقيه بيخسر
بس بصراحه مع حسام حسن له فعلا شكل تانى بس ياريت يستمر علشان نشوف كوره حلوه فى مصر
لانى انا كأهلاوى زهقت من كتر البطولات والدوري العمالين بناخده كل سنه عاوزين نشوف تغيير بقا
نفسي اشوف الزمالك بينافس بس على الدوري نفسي

» استقالة مختار مختار .. وأنباء عن تولي البدري تدريب المصري
» جوزيه يدافع عن البدري ويؤكد: لم أتفاوض من أجل العودة لتدريب الأهلي
» البدري: أبو تريكة مكسب الأهلي من مباراة الاتحاد
» المريخ يطلب ملاقاة الأهلي وديا بوساطة من البدري
» البدري: تعبت عشر سنوات من اجل جماهير الأهلي وسأظل أحبهم