شحاتة ولاعبو المنتخب استقبلوا شيكابالا بالأحضان

جلسة لتصفية الأجواء بعد العشاء..


شحاتة ولاعبو المنتخب استقبلوا شيكابالا بالأحضان






شيكابالا








شهد حضور محمود عبد الرازق شيكابالا إلى تدريب المنتخب مساء اليوم
إذابته الجليد بينه وبين حسن شحاتة المدير الفنى للمنتخب الوطنى، حيث حرص
عمرو الجناينى عضو مجلس إدارة الزمالك السابق على اصطحاب اللاعب إلى معسكر
المنتخب، وقد دخل شيكابالا على الفريق قبل لحظات من الدخول إلى تناول
العشاء، واستقبل شحاتة اللاعب بترحاب شديد، وأكد شيكابالا احترامه للجهاز
المعاون وزملائه بالمنتخب الوطنى.

الجهاز المعاون واللاعبون استقبلوا شيكابالا بالترحاب والأحضان وقام عبد
الواحد السيد حارس مرمى الزمالك باصطحاب شيكابالا إلى تناول العشاء مع
اللاعبين، بينما جلس الجناينى مع الجهاز الفنى.


وهناك جلسة بعد العشاء ستجمع الجهاز الفنى مع شيكابالا لإنهاء الأزمة تماما وفتح صفحة جديدة مع اللاعب.

ربنا يهديه بجد
جمهور الاهلى غلط جامد لما شتموه بوالدته وهى متوفيه ومكنش ينفع يشتموه بوالدته لان كدا حرام بجد
وهو برضه غلط جامد لما رفع الحذاء فى وش الجمهور لان دى مش اول مره يعملها والمفرود يتعاقب جامد علشان هو مش لاعب صغير هو دولى ولعب ماتشات كتيره مع المنتخب
وربنا يوفقه مع المنتخب مع زملائه ونصعد بطوله افريقيا
مصلحه المنتخب اهم من كل حاجه
شكرا ليكي على الخبر الجميل

يياااارب واكييد مصلحه مصر فوووق كل شئ
بس مش لااازم يتعاقب ولا حاجه
شكرااا للمرور الجميل

يعنى لاعب رافع جزمته فى وش الجمهور
انتى شايفه انه مينفعش يتعاقب؟
يبقى اى لاعب يتشتم بقي يرفع جزمته ويعمل حركات تانيه والدنيا تمشي زى الفل بقا وخلاص
لازم اليغلط يتعاقب وكمان ده مش اول غلطه منه قبل كدا عملها مينفعش كل مره نعديها
وجمهور الاهلى ياما اتعاقب وجمهرو الزمالك برضه من حرمانهم من دخول الاستاد فى مباريات وغرامات ماليه على النادى
يبقى لازم اللاعب يتعاقب لو كان اهلاوى عمل كدا كنت هقول كدا برضه مش علشان هو زملكاوى

طبعا لازم يتعاقب
دي اسمها قله إحترام منه يعني حركه مش حلوه ومش ليها لزمه تتعمل
هما بيلعبو ولا بيتخانقو‏!‏
أينكان اللي حصل لازم يكون في إحترام وتقدير للناس

شكرا ياجميل ع التوبيك

صح كدا
وبعدين انتو مدرسين المستقبل المفرود تقولوا يتعاقب ونص
ال مش لازم بتعاقب ال هههههههههههههه اصلها كوسه هى

ههههههههههههههه
لأ مش كوسه ولا جاجه بس انت شكلك عايزها تولع
ومدام انت عايزه يتعاقب يبقي نشيله من الكوره خالص ونخليه يسجل عندنا في المنتدي ونقوله اللي انت عايز تعمله فيه وهو يتصرف معاك
ههههههههه
مش انت اللي مصمم تبهدله قابل بقي

هههههههههههههههههههههههههههههههههههههههههه
والله شيكابالا لاعب حلو وموهوب بس تصرفاته هتخليه ميكملش
ابراهيم سعيد لما طلع الناس كلها قالت هيبقى لاعب عالمى وفعلا كان لاعب مكسر الدنيا
وهو الدمر نفسه بنفسه بمشاكله مع كل الناس والانديه وتصرفاته السيئه
فياريت بجد شيكابالا يفوق ويركز فى الملعب ويبعد عن الجمهور علشان ميبقاش مصيره زى لاعيبه كتير اعتزلوا وهما فوق العشرين

ربنا يهديهم كلهم ويوفقهم
ميرسيya raby مره تانيه ع التوبيك

والله اللى عمله كان رد فعل من اللى سمعه من الجماهير بتاعتكم
فهو ماجااش عمل كدة من نفسه

وصدقووونى لوو كااان حد تانى غير شيكابالا كااان كلامكم اكيييد هيبقى غير كده
الكل متغاااظ منه مش عارفه ليييه

وهى فعلا هتبقى كوسه لو هو اتعاقب ما يعتبرووووه زى اللى عمله بركات وابو تريكه

وبعدييين خلاااص يااا جماعه الحكايه دى خلصت وهو مش هيتعاقب
انتوا عايزينه يتوقف بس عشااان يريحكم على راى جوزيه بتاعكم

فى الاخر ربنا يهدى الجمييع

شكرااا ليييك ياا محمد -- شكلك متحمس اوووى للاهلى --
شكراا ليك يا دودو

ولو مصريين ان هو يتعاااقب
خلاص ماشى ممكن يفرضوا عليه غرامه ماليه نص جنيه
بس مش يتوقف ماشى اكيد الكل موافق

لا حاسبي
انتى هتقارنى شيكابالا بابو تريكه وبركات المحترمين
ابو تريكه وبركات من صغرهم عندهم اهالى متربيين صح والحمد لله طلعوا محترمين جدا ومتديين
شيكابالا متربي طول عمره فى الشارع سورى يعنى وهو ده الفرق ان واحد يتربي مع اهله وواحد يتربي فى الشارع
وبعدين بالنسبه للحقد سبحان الله يعنى الاهلاوى هيحقد على الزملكاويه فى ايه يا حسره
دا انتو الشاغلين بالكو على طول بالاهلى لانه صاحب الانجازات والبطولات كفايه عندنا 106 بطوله انتو عدد بطولاتكو فى التاريخ كله متجيش ربع بطولات الاهلى يبقى مين الحاقد هنا
الحمد لله انى اهلاوى بجد ورافعين راسنا وهنفضل ناخد بطولات وانجازات رغم انف الحاقدين

وشكرا ليكي يا ياربي على ردك الجميل

يا سلاام هو عشان اسمر شوية تقول عليه متربى فى الشاارع
وبعدين هو دلوقتى احسن واشهر من اللى انت بتقول عليهم دوول
ع العموم ده اللى انا شايفاه
كفايه ان هو هداف الدورى
وبعدين انتو كلوا شويه تقولوا عندنا وعندنا ماتتكلموا فى الحاضر
انت ماشفتش اخر موسم لجوزيه معاكم كان عامل ازاى
خرجتوا من الكاس ومن بطوله افريقيا والسوبر وخدتوا الدورى بالعافيه
يبقى جايبنه يهبب ايه تااانى

وانا عارفه انى مش هخلص من الاهلاويه دوول

لا مش علشان اسمر نقول متربي فى الشارع ايه الجاب ده لده
من سلوكه وتصرفاته السيئه وحركاته بالايد قبل كدا ورفع الشوز بتاعه فى وش الجمهور
على فكره هو رفع الشوز فى وش جمهوره الهوا جمهور الزمالك قبل كدا لما كان بيتشتم منه يعنى مش جمهور الاهلى بس
وبعدين هو فعلا مقضي معظم تربيته فى الشارع ودى حقيقه والله مش حاجه من عندى
عندك لاعب زى حازم امام ثعلب الكره المصريه عمرك شوفتى اهلاوى شتمه بالعكس كان كل ماتش جمهور الاهلى بينادى عليه ويشجعه
والماتش الفات جمهور الالهى شجع عبد الواحد السيد لانه محترم
المحترم اهلا وسهلا يتشال فوق دماغنا انما المش محترم لازم ياخد فوق دماغه علشان يفوق ويحترم الناس بعد كدا
وشيكابالا مش بيعرف يمسك اعصابه وكل ماتش لازم يتشتم ويعمل حركات مش حلوه
وبعدين احنا خرجنا من بطوله افريقيا عادى الكوره مكسب وخساره احنا اخدنا بطوله افريقيا 3 مرات ورا بعض مش معقوله يعنى وم نرابع المستحيلات هنفضل ناخدها كل سنه زى الدروي كدا هههههههههههه
والكاس احنا خسرناه السنه الفاتت بركلات الجزاء وعوضنا بالسوبر بعدها
بصو بقا على الزمالك البقاله 8 سنين مش عارف ياخد بطوله حلق حوش ههههههههه

مش قولنا بلاش نتكلم فى الماضى
والله حرام عليك مش لازم تفكرنا كل شويه بان احنا ماخدناااش بطولات من زمان
ماتنسوش احنا واخديين الكاااس فى 2008--مش بطوله دى ولا ايه--
لما الاهلى طلع على ايد بترووول اسيوط وكاان جوزيه معاكم ساعتها

وعلى فكرة الفارق ست نقاااط كامليين ومعدش لكم مباريات مؤجله ولا حاجه
الاهلى له مباراة الكاس بس هى اللى مؤجله
وهتتلعب تقريبا فى 22 فبراير
بس فى الدورى لعب كله زى الزمالك
والظاهر ان جوزيه رجع عشان نكسب الاهلى معاااه
وبعديييين هتشوووووف كل ده اخر ابرييييييل
لما نكسبكم فى الدووور التانى ان شاء الله

انتو ماشفتووش نفسكم طايرررييين من الفرحه ازاى لما اتعادلتوا مع الزمالك بجلاله قدره

يااا عم رووووح اجررررى بلاااا اهلى بلااا بتااااع
مسييييرك تحووول زملكاااوى

ههههههههههههههه احول زملكاوى اهى دى اسمها كدبه ابريل
وبعدين الفرق سته نقاط مش مشكله لسه الدور التانى كله متعب لسه جاى يروق عليهم
مش علشان اتعادلتو معانا وهتموتوا من الفرحه يبقى خلاص اخدتو الدوري
لا والله وانا بحلف الزمالك مش هيطول الدوري السنادى وافتكرى كلامى ده لاننا الاهلاويه واثقين من لاعيبتنا عكس الزملكاويه كل مره يخرجوا من الاستاد محروقين دمهم
الاهلى لما بيهبط مستواه بيقدر يرجع بسرعه بيشترى لاعيبه بيعمل كل حاجه علشان يرجع تانى بسرعه
مش بيعد 8 سنين يعيط علشان بطوله يتيمه ههههههههههه ولما اخدتو بطوله كاس مصر كنتو هتموتوا مكنتوش مصدقين نفسكم امال لو اخدتو الدوري ( لا قدر الله ) يعنى هتعملو ايه دى ممكن ترتفع حالات الوفاة فيها من الفرحه ههههههههههههههههه
فى الاخر هنشوف مين الهيضحك اخيرا لما ناخد الدوري زى كل سنه كالعاده

لا والله كل شئ ممكن
ومتعب ايه ده اللى رااجع هو فاضيلكم كفايه عليه خطيبته
وعمرو ذكى راجع برضه جنب شيكابالا زى الاول

وفى اااالاخر ربنا يستر ويعملواا حاجه السنه دى

دى مناافسه شرييييفه جدااا اما نشوووف ايه اللى هيحصل

شكرااا ليك وسلاااامووو علييييكم

وعليكم السلام ورحمه الله وبركاته

ههههههههههه ممكن برضه

شكراا لمرورك