 | هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 604x453 والحجم 39 كيلوبايت . |
نور عقلك ده معايا شويه
وخطط لعبادتك
...
اشمعنى كل شىء بتخططله فى حياتك؟
الا عباداتك وطاعاتك وقربك من ربك؟
فيها ايه لما تحط ساعه فى ساعات يومك الطويله
عشان تسبح فيها؟
يا سيدى مش بعد كل صلاه ساعه
عارفين مشغولياتك
وزع الساعه دى على كل الصلوات
ولو 10 دقايق بعد كل صلاه
اعد على سجادتك وسبح فيهم
اجمع كده معايا الصلوات المفروضه
لو جمعت الدقايق بتاعتها
هتصليها فى اد ايه فى اليوم كله؟
والله ما هيكملوا ساعه ونص
فى 24 ساعه يا بشر
باقى ال 24 ساعه بقى فين؟
ليه متفكرش تعمل ولو يوم فى الاسبوع برنامج خاص
ببر الوالدين مثلا؟
روح اعد معاهم
ودهم
عارفه انك معاهم فى بيت واحد
بس بذمتك بتكلمهم؟
بدردش معاهم؟
بتعد تقولهم يا ترى وانت صغيرين ادى كنتوا بتعملوا ايه؟
فاتحهم فى موضوعات وخد رأيهم
اشمعنى اصحابك بتعد معاهم بالساعات ومش بتزهق
وتقول يا سلام الاعده الحلوة بتخلص بسرعه
يا سلام؟
اومال الاعده مع والديك ايه؟
اعده حلوة وكمان فيا حسنااااااااات
يا سيدى كمان خصص يوم
تصل رحمك
أهلك دول اللى مش بتشوفهم الا فى المناسبات
اتصل حتى بيهم
صل رحمك بأى سبيل
ايه رأيك كمان تطيل جلوسك فى المسجد شويه؟
بعد كل صلاه
بدل ما بتتسابق وانت طالع
احسن حد ياخد الحذاء بتاعك
اعد شويه فى المسجد
اقرا حبه قرآن
امسك المكنسه
واكنس المسجد
دى ليها اجر كبير اخى
اذا كان احنا اخواتك بنعمل كده
انت مش هتعمل كده؟
وانتى ممكن تعدى على سجاده صلاتك شويه؟
اعدى سبحى
مش هيتحرق لاء الاكل
والا ما يفوتك المسلسل
ايه المشكله
مشيها اكل
اعدى شويه كده واركزى على سجادتك
اعدى اقرى وردك اليومى
وسبحى الله شويه
واستحضرى عظمته
سبحانه وتعالى
ممكن تقولي انت لو قريت كل يوم جزء هياخد ايه؟
نص ساعه من وقتك؟
بخلان على ربك بيها؟
ايه رأيك تمسك ورقه وقلم
مش عيب
خطط يومك بيهم
لحد ما تتعود وتقطع الورقه دى
اكتب بعد
بعد الفجر هخصص وقت الدعاء بس
بعد الظهر هخصص وقت للتسبيح
بعد العصر هخصص وقت لوردى اليومى
بعد المغرب هخصص وقتى للتسبيح بردو
وبعد العشاء اجهز نفسى لقيام الليل
على فكره كلامى ده مش معناه ان يومى كله عباده
لاء بنعمل كل اللى نفسنا فيه بردو
وهتلاقى بركه فى الوقت
وهتلاقى سعاده فى كل يومك
لانك ذكرت ربنا فى كل اوقاتك
ما هو اشمعنى رمضان بتسخر نفسك فيه للعباده بس؟
رب رمضان هو رب كل الشهور
اخوانى واخواتى فى الله
ها
مين هيمسك الورقه والقلم؟
ويخطط لعبادته
موضوع: ◙✿ نور عقلك ده معايا شويه ✿◙ 
الأربعاء فبراير 02, 2011 4:41 pm