مبارك يدخل فى غيبوبة كاملة

قالت صحيفة "الوسط" البحرينية أمس، السبت، إن الحالة الصحية
للرئيس السابق محمد حسنى مبارك

تدهورت فى الساعات القليلة الماضية. وذكرت
الصحيفة نقلا عن مصادر قالت إنها "مقربة من مبارك"

، إنه فى حالة غيبوبة
كاملة.

وأشارت الصحيفة إلى أن الناحية الصحية لمبارك تدهورت أمس الأول أيضا،

حيث
تعرض للإغماء مرتين أثناء تسجيل خطابه الذى فوض فيه صلاحياته لنائبه عمر
سليمان.

ــــــــــــــــــــــــــــــــــــــــــــــــــــــــــــــــــــ

مهما كان ومهما عمل دا انسان واب وجد
مش يستحق الاهانه

كنا بنطالب بكرامتنا بس مش خدنا بالنا اننا بنقضى على كرامته

ربنا يشفيه يارب

ربنا يشفيه يا رب

تسلمى ع الخبر يا دودو

يارب

تسلمى يا قمر على المرور

ربنـــــــــــــــــــا يتم شفاه على خير ويتولاه برحمته
اللهم آمين

ربنا يشفيه يا رب
و يسامحه و يغفر له

ربنا يشفيه
بجد الله يصبرو ع الاهانه اللى اتعرض لها
تسلمى يادودو ع الخبر

ربنا يشفيه يارب

تسلموا يا بنات
نورتونى

ربنا يشفية مهما كان بردوا
ده كان ريسنا ويما حمانا من حجات كتير
كفاية ان احنا قعدين 30 سنة من غير حروب
ومتسنوش طابا اللي مكنش حد هيقدر يرجعها

مهما كان ده ابونا وريسنا ولازم نقدروا
وندعيله بالشفا

زائر

ربنا يشفيه يارب ويقوم بالسلامه لينا
علشان يتحاكم وكل انسان اخطا لازم يتحاكم
وطابا الرجعها بعد ربنا سبحانه وتعالي الابطال المصريين الجنود مش مبارك بس

kHoOkHa كتب:: ربنا يشفية مهما كان بردوا
ده كان ريسنا ويما حمانا من حجات كتير
كفاية ان احنا قعدين 30 سنة من غير حروب
ومتسنوش طابا اللي مكنش حد هيقدر يرجعها

مهما كان ده ابونا وريسنا ولازم نقدروا
وندعيله بالشفا

اكيد طبعا يا خوخه
ومهما كان فهو انسان واخطىء بس المشكله اننا افتكرناله الوحش بس

ربنا يشفيه يارب
لاهله ولولاده واحفاده

تسلمى على المرور والرد

Mohamed Osama كتب:: ربنا يشفيه يارب ويقوم بالسلامه لينا
علشان يتحاكم وكل انسان اخطا لازم يتحاكم
وطابا الرجعها بعد ربنا سبحانه وتعالي الابطال المصريين الجنود مش مبارك بس

على كدا بقى لازم نحاسب نفسنا احنا كمان لاننا كنا ساكتين كل السنين اللى فاتت
كنا بنساير الموجه وبنقول كبر ونفض
لازم احنا كمان نتحاسب مش كدا يا محمد ولا ايه
وطابا رجعت بالمعاهدات اللى عمالها بعد الحرب
وهو كان من الابطال بردوا اللى كانوا ف الحرب
لازم نفكر بعقلنا شويه
بس احنا لما بنحب برنفع الناس للسما ولما بنكره بنزل سابع ارض
لو كان لازم يتحاسب فلازم كلنا نتحاس
اللى سرقوا دول سرقوا لاننا سكتنا وبقى كل واحد ف حاله

المهم
ربنا يشفيه وميمتش بسبب الناس اللى كانت بتشتمه وتهزئه
واللى بيعملوله صور بالفوتوشوب بجد لو اتعملت لاى حد يموت فيها
والنكت اللى بتطلع عليه حاجه تبكى

ميرسى على المرور يا محمد
ويارب تكون بتدعيله بجد

بجد كلامك عجبني اووووي يا دودو
وهو ده اللي المفروض يتقال
وبجد ربنا يشفية لانه عمل علشانا بردوا حجات كتير
ان يمكن صغيرة ومعشتش ده
بس من اللي بيتحكيلي بقدر اميز لوكان فعلا كويس اوي
ده فعلا حرامي و نصاب و و و

ومش هو السبب السبب الناس اللي وثق فيهم ومطلعوش اهل للثقة دي
واقربهم ابنه جمال بيه
بجد حرام انا اكيد كان نفسي يمشي ونعيش في رخاء زي مبتقولوا
بس عمري مكنت اتمني انه يمشي بالطريقة ولا بالاهانة دي
وبجد ربنا يشفية ويقومة بالسلامة لانوا لو جرالوا حاجة هيبقي كلنا
مسؤلين عنها
ربــــــــنـــــــا يشفيه

معاكى يا خوخه

من حقنا نقول رائينا وتعبر عنه اكيد
بس من غير اهانه او شماته ف اى حد
مهما كان عمره او مركزه

انا مش كنت عاوزاه يستمر ف الحكم ومع الثوره جدااااااااااااااااااااااااااااا

بس مش مع اى اهانه او نكت او صور تهينه

ربنا يشفيه يا رب

يااااااارب يا فامبير

نورتى التوبيك

زائر

يا دودو مين القالك اننا جايين نتكلم دلوقتى ومتكلمناش من زمان
احنا بنتكلم من زمان وكل حد يتكلم بياخد على قفاه ويتسجن وويتعذب علشان خاطر مبارك بيه
انام الناس دلوقتى زهقت مش قادره تستحمل جابو اخرهم بقا مش معقوله هنفضل نتذل ونتهان طول عمرنا لازم ييجى وقت والمظلوم ياخد حقه من الظالم
ولكل ظالم نهايه ومبارك نهايته قربت خلاص
وانا والله بدعيله من قلبي ان ربنا يشفيه ويقومه بالسلامه هو أخطا وكل انسان بيخطأ وخطأ مبارك كبير اوى بس هنرجع ونقول احنا شعب عاطفى وطيب اوى اوى يعنى وبنسامح وربنا هو المسامح

» شارون يعود لمنزله بعد 4 سنوات "غيبوبة"
» فرانس 24 : وفاة الرئيس التونسي السابق بن علي بعد دخوله فى غيبوبة لمدة يومي
» مباراة مصر و الجزائر كاملة من maxxxxx
» الأربعون النووية كاملة بالصوت mp3
» غرفة كاملة من الشيكولاته؟اتفرج وخد ليك حته