رساله من محمد علاء مبارك

رساله من محمد علاء مبارك الي امه وجده حسني مبارك
ازيك يامامي وحشتيني قوي انتي وبابي واخويا الصغير وجدو وتيتة وعمو جمال وكل اصحابي . مصر كلها وحشتني

يامامي يوم 25 يناير صحابي في الجنة نادولي وقالولي تعالي بسرعة يامحمد في
ناس من بلدك دخلو الجنة قولتلهم مصريين! قالو ايوة دول شهداء كمان
يامحمد...

جريت بسرعه معاهم اشوف الشهداء اللي من بلدي واسلم عليهم وافتخر بيهم وكل
يوم بيجي شهداء تانيين ولما كثرو قوي يامامي وذادوا ووصلوا اكتر من 300
شهيد قلت لصحابي وانا فرحان عارفين دا اكيد جدو بيقود مصر في حرب تانية
علي اسرائيل او اعدء تانيين

روحت يامامي وقعدت معاهم علشان يحكولي عن جدو القائد واللي بيعملة واسمع
بطولاتهم ولما سألتهم هي مصر بتحارب مين وانتو استشهدتواازاي وفين ؟؟؟؟
وجدو كرمكم قبل ماتيجوا الجنة !!! بصوا لبعض ومحدش رد !!!

سألت تاني ردوا عليا مين قتلكوا ؟؟؟؟؟

واتقتلتوا برصاص اسرائيل ولا مين ؟؟؟؟؟

وجدو عمل اية في اللي قتلكوا! ولما بكيت لاول مرة لان الجنة مافيهاش حزين
قالولي لا مش اسرائيل دة رصاص مصري يامحمد حراس جدك يامحمد هما اللي قتلونا

لقتني مش فاهم حاجة صرخت وقلت مش عاوز اسمع حاجة وجريت ورحت قعدت لوحدي
لكن الشهداء جم وقالولي متبكيش يامحمد انت ملكش ذنب وخدوني في حضنهم
وطبطبوا عليا حسيت بدفا حضنك يامامي وهما بيضموني في صدرهم

رفعت راسي وقلتلهم انتو طيبين قوي.... قالولي مش احنا بس اللي طيبين دة كل المصرين طيبين

يامامي انا مش هاسأل حصل اية ولا عاوز اسمع حاجة لكن قولي لجدو انا مش
اغلي من اي واحد منهم عند ممتو وزي ماحسيتي يوم ما انا مت اوصفيلة كل ام
حاسة بأية دلوقت وقوليلة انتي لاني انا مخاصمة.... ازاي هان علية كل الناس
دي ومعملش حاجة لللي قتلهم

قوليلة لازم يبرد قلوب الامهات والابهات دا الابن غالي وانتي عارفة يامامي
ويابابي قولو لجدو انة خلاص مبقاش ينفع يبقي رئيسها بعد اللي حصل

جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرلة

اوعي يابابي اخويا الصغير ياكل ويعيش ويتربي بمال مش من حقة وفية مصرين كتير مش لاقيين.

ساعتها تبقي كتبت عليا افارق اخويا دنيا واخرة لانة لازم يتربي بمال حلال
عشان اقابلة يوم في الجنةوقول لجدو وتيتة وعمو جمال وطنط خديجة ان الجنة
حلوة قوي احلي من اي حاجة ولا اي مليارات مش حلال تستاهل يضحوا بالجنة
عشانها دا ربنا بيسأل عن كل جنية كسبتة ازاي وصرفتة في ايه

والسلام عليكم ياعيلتي اللي بحبها

بجد حاجه تقطع القلب نفسي اعرف اللي كاتبها جاله قلب ازاي
والله كــــــــــلام صــعـــب

بجد حاجة توجع
تسلم ايديكـ

اه فعلا والله يا نور
تسلمى ونورتينى والله

على فكره يا ميدو

المفروض مندخلش الموضوع بحاجه تانيه

منجبش سيره الاموات
لو مامته شافت الكلام دا
احنا كدا بنلعب بمشاعرها

الرساله انا قريتها ع الفيس بوك قبل كدا بس
اتمنيت انها مش تتنشر
لانها صعبه بجد

وحرام علينا نكلم على طفل مات
ونوقع عيلته ف بعض

القصه دى بالنسبه ليا لعب بمشاعر مامته
مش اى حاجه تانيه

كلام مؤثر فعلا

تسلم ايدك

عندك حق يا دودو
بس ميدو مش قصدة حاجة
هو عاوز يوصلنا رساله من تنزيلة للتوبيك مش اكتر
وانا فهمت رسالتك يا ميدو
شكرااااااااااااااااااااااااا

انا عارفه يا ايارا والله

مش قصدى حاجه انا قولت

رائيى ف الكلام بس

لا بجد توبيك صعب اووى
ثاانكس ميدو

» حصريا وفاة محمد علاء مبارك بالصور
» شريهان ترفض الحديث عن علاقتها مع علاء مبارك
» لو اتاك مارد مصباح علاء الدين ماذا ستطلب منه؟
» صحيفة جزائرية تهاجم علاء مبارك وتتهمة بالمراهقة....
» مقر إقامة الرئيس المتنحى محمد حسنى مبارك فى شرم الشيخ