انا طالب ايد بنتك ..

-منور يا ابنى

- ده نورك يا عمى

- اشرب النعناع اللى انت عاوزه

- ميرسى

- كنت عاوزنى فى ايه بأه؟

- يا عمى انا يسعدنى ويشرفنى انى اتقدم واطلب ايد بنتك سوسو

- والله يا عصام يبنى ده انا اتشرف بس انا معرفش حاجه عنك

- ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى

- يعنى اسال عليك فى الاماكن دى؟

- طبعا وانا معروف جدا هناك و data مبتكذبش اسال بس عن سكوربيون

- مين؟

- سكوربيون ........ انا.... ده مفيش حد على النت ميعرفنيش

- طب يبنى شغلتك ايه؟

- يا عمى انا web designer

-أيوه يعنى بتشتغل ايه؟

- بصمم مواقع على الانترنت

- والله كويس جدا كمبيوتر يعنى

- تقدر تقول كده

- طيب حلو اوى مهندس كمبيوتر شغلانه مشرفه طب ماقلتش ليه كده من الاول؟

- اصلى مش مهندس اصلا انا دكتور اسنان

- الله ............ .طب ما علينا بتشتغل فين؟

- على الكمبيوتر بتاعى

- ايوه يعنى فى شركة ايه؟

- لا تبع نفسى

- وماله الشغل الحر مفيش احسن منه طيب شركتك فين ولا فاتح محل؟

- لا فى البيت عندى عادى

- طيب بتقبض كام؟

- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته

- طب اخر موقع اخدت فيه كام؟

- لا اخر موقع ده كان لواحد صاحبى عملتهوله مجامله

- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟

- اه طبعا عندى

- ايوه .......... عندك ايه؟

- جروب القلج اليوم يا عمى

- ده ايه ده بأه ان شاء الله؟

- ده برده على النت بس عندى فيه دلوقتى اكترمن 500 عضو يا عمى

- ما شاء الله طب والعضو بيدفع كام عضويه فى السنه بأه؟

- لا مش بيدفعوا ده انا اللى نفسى ادى الناس فلوس عشان تشترك

- لا حول ولا قوة الا بالله طب ليه يبنى الغرامه دى وعامله ليه؟

- منا هكسب من الاعلانات يا عمى انت مش معايا ولا ايه؟

- حلو اوى الجروب بتاعك ده يشيل كام اعلان؟
- ممكن لحد عشرين

- طب وبعت الواحد بكام؟

- لا لسه محدش اعلن عندى والله

- طب يبنى عايش منين ولا بتصرف منين ولا حتى هتعيش بنتى منين؟

- منين ايه بس يا عمى ده انا معايا فيزا محدش فى مصر عاملها

- يبنى فيزا ايه بس بقولك هتجيب فلوس منين؟

- من شغلتى والمواقع اللى انا بعملها

- وهى فين دى؟

- منا مديلك لسته بيها هنستعبط؟

- لا يبنى انا مجوزش بنتى لواحد شغلته فى الهوا كده

- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس......

- وله

- نعم

- انت عارف لو غمضت عينى وفتحتها ولقيتك قدامى هعمل فيك ايه؟

- ايه؟

- امشى اخرج بره يلة

-
ادى يا ست سوسو جايبالى واحد نصاب والله لاكسرلك الكمبيوتر اللى انتى
قاعدالى عليه ليل نهار ده وهتتجوزى الواد حسن النجار اهو واد كسيب واحنا
عارفين دكانه فين وبيكسب كام وعايش منين..........ال صاحب جروب ال عيال
نصابه ولا تييييييييييييييت

هههههههههههههههههه جاااااااااااااااااامد

تسلم مسيو

هههههههههههههههههههه
اوعى تعمل زيه
يسلمو بدر

ولاد تيبببيبببت
ههههههههههههههه
لا جاااامده
تسلم

...ال صاحب جروب ال عيال
نصابه ولا تييييييييييييييت

ههههههههه
تسلم يا صاحبي

تسلمولى يا جماعة

ههههههههههههههههههههههههههههههههه

لا جااااااااااااامد
وجاى ف الحته بتاعتك اهو

ملكش حجه
هههههههههههههههههههههههههههههه

تسلم يا محمد

» طالب ذكى ودكتور
» طالب لمض حبتين...
» اجوبة طالب رايق جدا
» ^_^ دعاء طالب الرياضيات ^_^
» طالب رخم ف الكليه ع زميلته!!!!!