# يقال إن87%من الشعب المصرى ساخطون على الحكومة المصرية ... ما تعليقك ؟
ميدوــ ال 13% الباقيين معاهم جنسيات أخرى .
تقرير :45% من الشعب المصرى مصابون بمرض السكر ما تعليقك ؟
على ــ آدى اللى خدناه من" الحلوانى " اللى بنى مصر .
# ما أهم مظاهر الفهلوة عند المصريين ؟
امير ــ انهم يشكون فى الشحات ولا يشكون فى النصاب .
بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا .... ماذا تتوقع لجماهير الأخير ؟
بى كلوزرــ أتوقع أن نقرأ قريبا أخبارا عن زملكاوية المهجر .
# ليه الحزب الوطنى بيعمل اعلانات لنفسه مع ان البلد كلها بتاعته ؟
حورس ــ زى ما شبكة الأوربت بتعمل اعلانات لنفسها على شاشة الأوربت .
# ما الفرق الأهم بين مصر وأمريكا ؟
ميدو ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .
# ما أهم قاعدة موجودة فى مصر ؟
على ــ ان مفيش قاعدة لأى حاجة
# ما وجه الشبه بين السد العالى وقانون الطوارىء ؟
اميرــ الأثنان مصدر " للكهرباء!!!" .
# لماذا يطلق المصريون على زوجاتهم لقب " الحكومة "؟
بى كلوزرــ لصعوبة تغييرها مهما تسببت فى كوارث .
# أين يمكنك أن تلاحظ سوء نية المصريين ؟
حورس ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .
# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ميدو ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.
# امتى بتحس ان البلد حلوة ؟
على ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)
# امتى هناكل جوافة من انتاج مزارع توشكى ؟
اميرــ لما نلاقى المشمش!!!!!
# ما العلاقة بين عصام الحضرى وسمن روابى ؟
بى كلوزرــ الطعم فلاحى وتحدى .
# هل لك أقارب استشهدوا فى الحرب ؟
حورس ــ لأ عندى أقارب استشهدوا فى السلام ..... " السلام 98" .
# 60 % من الرجال المصريين يشخرون وهم نائمون ...... ما تعليقك ؟
ميدو :Dــ ال 40 % الباقيين بيشخُرووا وهما صاحيين .
# ما تعليقك على أن المصريين لا يتحدون الا لما يكون المنتخب بيلعب ؟
على ــ الاستاد هو الحل !
# ما الدليل على أن مصر بلد الامان ؟
امير ــ الدليل ان الواحد بيتردد كتير قبل ما يدخل أى قسم شرطة .
# ايه الكلمة اللى ما بتحبش تسمعها وانت فى أوضة العمليات ؟
بى كلوزر ــ يا خسارة .
# ما الفرق بين الزوجة المصرية والزوجة اللبنانية ؟
حورس ــ 0 4 كيلو جرام على الأقل .
# بماذا ستجيب كمصرى عند سؤالك عن عمرك فيما أفنيته بعد عمر طويل ؟
ميدوــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .
# من المستفيد من الزحام الذى يسيطر على شوارع القاهرة ؟
على :Dــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .
المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .
المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .
## ليه بيقدموا الساعة ساعة عندنا فى الصيف ؟
أمير ــ علشان مصر تتقدم بينا .
## ايه اكتر حاجة بتجمعنا كمصريين ؟
بى كلوزر ــ حبنا للكابتن ابوتريكة .
ــ حبنا لأبو تريكة بيخلينا ندعى له من قلوبنا يارب يخف يارب يلحق ماتش المنتخب يارب أبوتريكة ينزل دلوقتى ، ما أظنش ان فيه حد فينا دعى لمصر بأى حاجة من زمان .
ــ حبنا لأبو تريكة خلانا نصفق له ونقف وراه لما رفع فانلة عليها " تعاطفا مع غزة " ، لكن لما الغزاوية دخلوا عندنا شوف بأه .
ــ حبنا لأبو تريكة خلا معظمنا يمشى فى الشارع لابس تى شيرتات عليها رقم 22 ، حد فيكم فكر يعلق علم مصر فى البلكونة عنده ؟ .
### لماذا يقال عن الشعب المصرى انه شعب فوضوى ؟
حورس ــ علشان بيكره " النظام .
موضوع: حوار مصرى جدا (بنت ضد ولد) 
الخميس مارس 17, 2011 6:29 pm
