زمان******* دلوقتى

ليه ؟؟
ليه كل حاجة اتغيرت ؟؟
من جوانا ومن برانا اتغيرت ؟؟
ليه كل شئ للاسف اتغير للاسوء ؟؟
ليه مبئاش في حاجة حلوة ؟؟

زمان كانت القلوب صافيه وجميله
دلوقتي بئت القلوب خاينه وضعيفه

زمان كان الوقت بخيره وبنحس بقيمته
دلوقتي بئي الوقت بيعدي في لمح البصر

زمان كان في جيره واخوه وصداقه
دلوقتي مفيش غير خداع وبعد ومرار

زمان اللقمه كان ليها طعم ومذاق خاص
دلوقتي الملح زي السكر مفيش اي فرق

زمان كان في رحمه وتراحم وود
دلوقتي كله يقول ،، مشـــــــــا غل

زمان كنا بنراعي شعور بعض ونخاف علي بعض
دلوقتي عرفنا يعني ايه جرح و ذل

زمان كان القرش بيعمل 100 حاجة
دلوقتي القرش ميسواش حاجة

زمان كان الاب ليه احترامه ووقاره
دلوقتي الاب يا عيني عليه

زمان كبير السن كان علي الراس
دلوقتي كبير السن في اي دار مسنين واشحن

زمان كان الطريق فاضي وجميل وهادي
دلوقتي الدنيا زحمة وخنقه وعربيات اكتر من البشر

واهي دنيـــــــــــــــــا