كرامه المدرس بقت من حصص التاريخ

[size=24]كرامة المدرس اللي بقت من حصص التاريخ..!

[img]

لما كنا زمان طلبة في مدرسة بنباقادن الثانوية بمنطقة الحلمية الجديدة كان عندنا أساتذة لما نشوف الواحد منهم ماشي في الشارع واحنا بنلعب كورة أو بنتسكع شوية. كنا علي طول نستخبي منهم أو نمشي بأدب ونقدم لهم التحية واحنا حاطين راسنا في الأرض. مين فينا كان يقدر يرفع عينه في عين المدرس..!
وأنا افتكرت أيامنا في الدراسة لما رحت أزور صديق ساكن بجوار مدرسة الحلمية الثانوية للبنات وشفت اللي بيحصل بعد خروج الطلبة في مدارس المنطقة بنات وصبيان. بيبقي المكان كله مولد وهيصة وقلة أدب من كل نوع. كلام ولمس وضرب وشد وجذب. وآه يا ويله يا سواد ليله اللي يتدخل ويقول يا واد عيب. يا بنت اختشي.. هاتسمع وتشوف اللي عمرك ما سمعته ولا شفته.
وفي المولد ده هاتلاقي عيال صغيرين 12 و13 سنة راكبين موتوسيكلات وحاجات كده بتجري بسرعة بتلات عجلات وعاملين رعب وإرهاب وبيخطفوا شنط البنات وياريت علي الخطف وبس. دا كمان بيعاكسوهم وهم راكبين الموتوسيكلات. وشوفوا انتم بقي التحرش بالموتوسيكل يبقي شكله إيه وازاي وفين..!
وعمرك في المولد ده ماهاتلاقي مدرس أو مدرسة خارجين ينظموا خروج الطلاب أو يراقبوا سلوكهم. لأن كل مدرس بياخد له ساتر علشان يستخبي من الطلبة ويروح بيته في أمان وسلام بدل ما ياخد له طوبة أو شلوط من طالب مستنيه بره..!
فاللي بيحصل للمدرسين دلوقت من الطلاب مهين ومؤلم ومخجل. والأستاذ ما بيقدرش يعمل حاجة لأنه بيخاف من الطلبة والتشهير به وباللي جابوه في الصحافة وفي الفضائيات. وفي الجرجرة لأقسام الشرطة وسين وجيم. وكمان الوزارة دلوقت عمرها ما بتقف جنب المدرس وتحميه. وكل يوم الوزارة تقول للمدرس ممنوع الضرب في المدارس. ممنوع العنف.. وممنوع وممنوع وممنوع لغاية ما المدرس قال لنفسه وأنا مالي.. هم عاوزين كده. التعليم خلاص باظ. مادام مفيش احترام ولا هيبة ولا تقدير للمعلم يبقي هايعلم مين وليه..!
وإحنا مش بنقول يا مدرس اضرب ولا بنطالب بعودة الضرب للمدارس. لكن المدرس لازم يكون له حماية وحصانة. وكلمة المدرس لازم تكون مسموعة وأعلي من كلمة التلميذ. وبلاش حكاية تشجيع كل ولي أمر المدرس ضرب ابنه بالمسطرة انه يروح يعمل له محضر في قسم الشرطة.. كفاية بهدلة وتشهير بالمدرسين وإلا هاييجي يوم الطلبة هي اللي هاتضرب المدرسين والمدرسين يروحوا يعملوا لهم محاضر في الأقسام. وهاييجي يوم زي ما بدأ يحصل الطلبة ترقص والمدرسين تصقف والناظر أو المدير يطبل....!
ويا وزير التعليم. رجع للمدرس احترامه وقيمته وبلاش تصريحات من النوع اللي بيخلي الناس تفتكر إن المدرس ده شغال عندهم ويسمع كلامهم وبس.. دا الأستاذ ده حاجة كبيرة قوي. ويمكن يكون هو أهم حجر في بناء المجتمع إلا إذا كان المجتمع كله دلوقت مبني من الرمل بس" border="0" alt=""/>[/img]..!

[/size]

اة والله كلامك حكم يا توتنى

موضوع هايل وفى انتظار المزيد يا زى القمر

اه فعلا يا تونتى

وزاره التربيه والتعليم هى الوزاره الوحيده اللى مبتحميش موظفيها

ودا انا سمعته من مدير المدرسه اللى انا فيها

توبيك جامد يا جميل مستنين اللى جاى

ميرسي للمرور وبعدين مجرد حلم كل شويه زى القمر
شكرا للمرور

الله كلامك صح مشكور وتقبل مرورى

والله كلامك حقيقى
فعلا كنا بنعمل كدا
موشوع جميل يا تونتى
مشكوووووووووورة

موضوع مهم جدا ويا تونتى بجد تسلمى

زائر

فعلا والله كلام ميه ميه

ميرسى ليكى

شكرا ياجماعه والله اسعدنى مروركم

[size=24]عندك حق موضوع متميز بس يااااااااارب يرجع للمدرسيين قيمتهم تااااااااااانى[/size]

موضوع مهم وفى وقته ياتنتن

ميرسى على التوبيك ياقمر

على فكرة بقى كل واحد فينا هو اللى يعمل لنفسه مكانة جوة فصله ومدرسته
وكمان بره المدرسة
شخصيتك ...احترامك لذاتك وللغير.....مادتك القوية اللى بتعرضها واسلوبك

معظم مدرسين الزمن ده مستهترين فى كل حاجة

توبيك حلو ....ايوة كده ياتونة ارفعى رأس بيولوجى

عندك حق والله ياتونتى
تسلمى ياقمر

[size=29]ميرسي ليكوا يادنن انتى وهمس[/size]

اه والله معاكي حق
توبيك تحفه

ميرسي يا جماعه على المرور
تقبلوا تحياتى

» طالب يرد على المدرس بالاغانى
» المدرس يسا ل والطالب يجيب
» نحن المتحكمين في مستوي المدرس لحد ما
» المدرس يسال و الطالب يجاوب باغنية
» الإفراج عن المدرس المتهم بتعذيب أطفال "حضانة زفتى"