رأيك فى دكاترة قسم اللغة العربية (كن إيجابيا وشارك)

[ندعوك للتسجيل في المنتدى أو التعريف بنفسك لمعاينة هذه الصورة]

أهلاً بيكم شباب قسم اللغة العربيه

الموضوع دا عايزين نناقش فيه وبصراحه أرائنا فى دكاترة القسم

بس ياريت تكون مناقشه هادفه ولا تخلو من احترامنا لأساتذتنا الكرام

يعنى عايزين يكون النقد هادف وبناء ..

وياريت كل واحد فينا يكلمنا عن الأساتذه اللى درسوا ليه عبر المراحل المختلفه

ونذكر على سبيل المثال

أسماء دكاتره شرحهم ممتع وحببونا فى الماده

دكاترة لن ننساهم

دكاترة تحب تنصحهم ؟؟ هتقولهم ايه ؟؟

دكاترة غير منصفين فى توزيع الدرجات

دكاترة ينقصهم جانب ما ؟؟ تربوى أو علمى ؟؟

دكاترة أثروا كتير فى شخصيتك بالايجاب أو السلب .؟؟

دكاترة امتحاناتهم مميزه سهله أو العكس ..؟؟

وهكذا

أتمنى التفاعل من الجميع .. واستخدام صيغ وأساليب مهذبه

فى الحديث عن أساتذتنا ..

وشكراً

وأنا بقول نبدأ بدكتور درس لمعظمنا

ودايما بيدرس لينا كل سنه

وهو الدكتور /

محمد عبد المقصود

بصى يا سيدى بالرغم انى قسم انجليزى لكن هديلك راييى

انا معجب جدا بالدكتور ابراهيم قنديل
والدكتور عبد الرحمن الوصيفى وهو متحمس جدا لنزار قبانى

ويااااااااسلام على الدكتور ابو الفضل واحمد النقيب والدكتور عبد الرحمن الجمل

بجد دكاترة محترمييين جدا ربنا يبارك فيهم

الموضوع فعلا اكتر من رائع يا ساهر وهيكون ليه فائدة كبيرة جدا

انا عن نفسى صراحة اقول أن
دكتور محمد عبد المقصود دكتور عظيم بالفعل ويقدر الطلبة والاهالى ومجهودنا جميعا ويحب الطلبة ويصادقهم كأولاده تماما ولا احد يلجأ اليه الا ويسارع بمساعدته واخر الترم يهدئ الطالب ويقول له افضل الكلام ويبسط المادة جدا ويعطى افضل الدرجات
بصراحة انا اشهد ان اخر محاضرة قالها علنى اما جميع الطلبة ابنائى طلبة اساسى عربى اذا كان منكم من اخطأ فى حقى فأنا اسامحه واذا كنت قد أخطأت فى حق احد منكم فليسامحنى واتمنى لكم التوفيق والنجاح من عند الله تعالى
وبصراحة كمان عمره ما وعد وعد وخلفه ابدا ودايما كان بينجحنا جميعا

مهما تكلمت فى حق هذا الرجل العظيم لا تستطيع حروف لوحة مفاتيحى ان تعبر عن فضل هذا الفاضل علينا
انى اشكره جدا على فضله علينا
اتمنى له دوام الصحة والعافية فى نفسه وفى اولاده

اتمنى قبول كلماتى
شكرا جدا

الدكتور /محمد عبد المقصود
من الدكاترة فعلا محترمين مهذب
مادته العلمية متميز فعلا فيها
سواء النحو او العروض
بجد حضور المحاضرة بتاعته ممتعه ومفيدة جدا
افضل دكتور على الاطلاق ف توصيل المعلومة للطلبة
وفعلا كلام بلال كله حقيقى
اتمنى له دوام الصحة والعافية والتوفيق له ولاسرته

وبجد توبيك مميز فعلا يا ساهر
ميرسى جدا

الدكتور عبد المقصود دكتور محترم جدا وانا باحترمه ودكتور فعلا اخلاق والله

الدكتور محمد من أعظم الدكاترة الموجودين فى جامعات مصر كلها
أسلوب شرحه ممتع وبسيط وسهل جداً ويحببك فى المادة التعليمية
وطريقة تعامله مع الطلبه بمنتهى السلسة والتواضع ويشعر بنا وبما نحس به

من الاخر وبصراحه بقول ان الدكتور ده

فاااااااهم يعنى ايه طالب جامعى
وهو بيدينى السنادى مع انه عمل موقف زعل
منه الدفعة ولكن انا بقول الدكتور دا عنده حق
بس المعملة مش بالطريقة دى
انا والله بحبه وبحترمه وبجد نفسى
يدينى كل المواد Exclamation

الدكتور محمدعبد المقصود بحد من اادكاتره القليلين اتحدى وجود طالب يختلف عليه
ويارب يباركله

هايل يا شباب الموضوع نجح وان شاء الله هنغير موضوع النقاش على كل دكتور كل 4 ايام ان شاء الله بس لو اتأخرنا يبقى بسبب الامتحانات بقى
اشكركم وياريت نستمر وتابع

الدكتور عبد المقصود وبدون مجاملة فعلا دكتور يستحق مننا كل التقدير والاحترام بجد موضوع هايل يا ساهر

الدكتور محمد عبد المقصود دكتور كويس وطيب وبيشرح بضمير وبيحس بينا وبيكرمنا في الدرجات لكن عقله ساعات بحس انه صغير نادر يعني

يعني مثلا السنة دي عندنا مادتين نختار منهم وهم فلسفة اسلاميه للنفيب وجماليه ليه هو وشبانه ومعظمنا اختار النقيب فهو زعل وقلب علينا و قال لشبانه كمان يقلب علينا
وكمان ساعات يزعل مننا في حاجات صغيرة خصوصا في اخر محاضرة مش عارفه ايه حبه في زعل اخر محاضرة
بس الحق يقال هو من الدكاترة الكويسين جدا في القسم

أستاذنا ومعلمنا الفاضل بجد هذا الأستاذ الفاضل أب لنا ومعلم أيضا بمعني الكلمة زاده الله علما يارب وهو متواضع جدا وأحبه في الله جدا متميز جدا في مادته العلمية ويبسطها بكل الطرق علي الطالب ويقدر رأي طالبه تشعر بالتعامل الحسن والتقدير العظيم منه للطالب ولأسرته وفهمه وتقديره لمشاكل الحياة فهو فعلا حبيب الملايين في قسم اللغة العربية .

ساهر حبيبي شكرا جدا علي الموضوع الهايل ده وربنا يخليك لنا حبيبي

فعلا كلامكم كلكم صح والجميع مايقدرش يختلف على ان الدكتور محمد عبد المقصود من أكتر الدكاترة احتراما فى كليتنا دى بالاضافة للدكتور محمد عطوة والدكتور عبد الرحمن الوصيفى

أنا شاكر ليكم كلكم على الاراء الجميله دى

ودا اللى توقعته وانا بختار اسم الدكتور محمد عبد المقصود

وانا رأيى

ان الدكتور محمد انسان عبقرى جدا .. هو عارف الطالب عايز ايه من الكليه .. فبيحترم الطالب ورغباته .. اما بالنسبه للمادة بتاعته فهو على علم بكل تفاصيل مادته .. بيشرح باسلوب سهل ممتنع محدش غيره يعرف يشرح بيه

يعنى مثلا فى المحاضره الاخيره وهو بيشرح قال مفيش حد غير محمد عبد المقصود يعرف يشرح الجزئيه دى بالشكل دا

انا مشفتش خالص انه غرور لانه فعلا كان حقيقه .. وتربويا استفدت منه كتير جدا .. وحياتيا استفدت اكتر

ربنا يكرمه يارب ويخليه لينا وللاجيال الجايه باذن الله

دكاترة لن أنساهم :

الدكتور / محمد الزيات (رحمه الله)

الدكتور / محمد موسى

بجد الدكتور محمد عبدالمقصود اكتر دكتور فعلا في الكليه يقدر يفهم كل الطلبه الي قاعدين فعلا الدفعه كلها بتتطلع فاهمه المحاضره كلها اسلوب جميل جدا وطريقه مفيش ابسط من كده عشان الكل يفهم واسلوب في التعامل راقي جدا وبيضحك ويهزر وبتبقي محاضره لذيذه جدا والحمد له بينجح وبيدي تقديرات ودايما بيخلينا متفائلين من الناحيه دي

بجد دكتور محترم جدا ومتمكن من الماده العلميه اوي ومش هايتكرر تاني في كليه تربيه

السلام عليكم بصراحة الموضوع رائع جداالدكتور محمدعبدالمقصود من أكترالدكاترة المحترمين حرصاعلى مصلحة الطلبة وبجد بنحترمه جدا وبالتوفيق إن شاء الله

شكرا ليكم يا شباب

الدكتور محمد كمان بيريحنا كتير فى المنهج

وبنبقى رايحين الامتحان مش خايفين وحاسين اننا ناجحين

ورغم كدا بنبقى قبلها مذاكرين ومذاكره جامده كمان

ودا زى ما قولت بيدل على ذكاء الدكتور محمد عبد المقصود

عندك حق يا ساهر فعلا الدكتور محمد موسى كان دكتور كويس جدا جدا جدا

دكتور أكثر من رائع وهو محترم جدا وموضوع رائع ياساهر.

متيجى نغير

شكرا على المتابعه يا شباب

والاراء الصريحه والجميله دى

وكنا ناويين نغير فعلا النهرده بالليل

ونختار الدكتور /

محمود يوسف

أكيد درس لمعظمنا مادة معاجم و عروض

بص يا ساهر مش محمود يوسف ده لسه جديد

ع العموم لو هو اللي في بالي فاكيد هو دكتور محترم جدا جدا جدا
هو اصلا خال واحدة صحبتي معانا في الدفعه وانا متعملتش معاه الا مرة واحدة بس بجد حبيته فيها لانه شخصية محترمه جدا

دكتور بجد يا ساهر محترم وشصية جديرة بالاحترام بجد عارف يعنى اية طالب وتحس فعلا انه بينزل لمستوى الطلبة والطلبة عنده كلها واحد بجد دكتور متواضح وربنا يزيده كمان

» مكتبة علوم اللغة العربية وآدابها
» مكتبة علوم اللغة العربية
» ايه رايكم فى اللغة العربية ياخريجى المستقبل
» 200 ملف بور بوينت لحبايبى قسم اللغة العربية كوسائل تعليمية
» معجم قواعد اللغة العربية (بلال وبس)