شكرا لكل اسرة منتدى تربية

السلام عليكم ورحمة الله

بعد الشكر اللى احب اوجهه لكل الاعضاء بمنتدى تربية

انا بعلن انسحابى من المنتدى لانى بجد محبش اكون فى مكان

كله بيشك فى كله وكان مبقاش فيه ثقة خالص

وزى مايكون مفيش الا انا اللى بكتب وكله مراقب مواضيعى ومن غير دليل اى واحد يدخل يقولى منقول

مش عارف ادخل اكتب الحاجة واقول بعدها والله العظيم اقول الحق ه بقلمى ياجماعة عشان الناس تصدق

اخر موقف حصل بتاع الاستاذ حورس اللى دخل بدون مبرر او دليل ويقولى منقول كمان عاوزنى زى ماانا مشترك على الفيس باكونت اشترك على المنتدى بنفس لاسم عشان ميبقاش منقول
وكمان يقولى انت متعرفنيش فى الشعر هو احنا بنكتب قرآن عادى جدا

انا بشكر كل اعضاء المنتدى على مقابلتهم اللطيفة بس قبل ماامشى احب اوجه نصيحة

للاستاذ حورس مهما بلغت من علم حاول انك متقللش من اى حد بيكتب سواء كان مبتدأ او بارع
لان الانسان لايولد عالم

شكرا ليكم

علي فكره الاستاذ حورس ماقالش ان انت ناقله
مصدرش مني ان قولت باللفظ ان انت ناقله
وماتببرش انسحابك من المنتدي بموقف الاستاذ حورس
يعني ايه هانسحب علشان كله بيشك ف كله والكلام دا احنا كلنا هنا اخوات
واظن ان انا قولتلك ان فيه ناس بتنقل وتقول باسمي
واعتذرتلك ودا موجود ف التوبيك عندك
ازاي بقي انا بقوللك منقول واعتذرلك ازاي

السلام عليكم
علاء لو انت زعلت مني كمان عشان سئلتك من قبل عشان الخاطرة الثانية فانا بعتذر

انا كان لازم اقوم بواجبي لقيت الموضوع مكرر فكان لازم اسئل

بتمنى ترجع عن قرارك يا علاء احنا هنا كلنا خوات

انا اسفة لو ضايقتك ولو في اي حد زعلك انا بعتذرلك باسمه

خليك معنا يا علاء ولو قصرنا سامحنا احنا مش وحشين كدة دة سوء تفاهم بس

مرة اخرى انا اسفة

زائر

سلوان كتب:: السلام عليكم
علاء لو انت زعلت مني كمان عشان سئلتك من قبل عشان الخاطرة الثانية فانا بعتذر

انا كان لازم اقوم بواجبي لقيت الموضوع مكرر فكان لازم اسئل

بتمنى ترجع عن قرارك يا علاء احنا هنا كلنا خوات

انا اسفة لو ضايقتك ولو في اي حد زعلك انا بعتذرلك باسمه

خليك معنا يا علاء ولو قصرنا سامحنا احنا مش وحشين كدة دة سوء تفاهم بس

مرة اخرى انا اسفة

يا جماعه حصل خير

مفيش حاجه مستاهله
ومش من اول مشكله تعلن انسحابك
يعنى مش دا الحل
ممكن سوء تفاهم وحورس حد محترم وممكن ميقصدش المعنى اللى وصلك دا
وهو وضح كلامه
يلا يا جماعه مش هنقف لبعض على الواحده
احنا كلنا اخوات

هو فى ايه يا جماعه

محصلش حاجه لكل ده

انتوا الاتنين كبار فى كلامكم واشعاركم

مش معقول تقفوا قصاد بعض كده

احنا كلنا اخوات ومش بنزعل من بعض

حورس وضح وجهة نظره عشان بيضايق من الكلام المنقول وان حد ينسبه لنفسه

ولو هو اتسرع فى الحكم عليك فدخل واعتذرلك يا علاء

وهو مش قصد حاجه بالمعنى اللى وصلك

وبعدين المفروض نشوف تنافس فى الاشعار بينكم مش تقفوا قصاد بعض كده

أشعاركم هى اللى هتعبر وانتوا الاتنين ماشاء الله عليكم ربنا يزيدكم موهبه كمان وكمان

خيركم من يبدأ بالسلام

مين اللى هيسلم على التانى الاول ويقوله خلاص الموضوع انتهى

واننا اخوات ومفيش اى حاجه مستاهله لكل ده

انا داخل اسلم علي علاء مش علشان امير طلب لا والله
علشان بس دا سوء فهم من الكلام اللي اتقال
وكل اللي انا اضايقت منه فعلا ان فيه ناس بتنسب كلام منقول لنفسها
مش اكتر والله
انا مش بحب النفاق دي حاجه وبحب كل حاجه تبقي واضحه
وانت راجل شاعر بجد احترمت كلامك جدا وبجد انت موهوب برده ف شعرك
والحمد لله ان فيه ناس بتكتب شعر زيك كدا
وانا مستعد لاحياء منتدي الشعر علي المنتدي نعمل زي جلسات شعر او مناظرات
نطلع فيها موهبتنا
والموضوع دا كان معمول ف توبيك مثبت للعضوه بيو كان اسمه احكي يا شهرزاد علي منتدي الشعر
ارجو ان علاء مايكونش زعلان مني
وشعارنا ف منتدانا يا برنس
الداخل مولود والخارج.......................
شكرا ليك يا استاذنا كتير وارجو انك تقبل اسفي

حصل خير ياجماعة وانا والله من غير اى حاجة مش زعلان من حد خالص انا بس مش بحب المشاكل او اشوف اى مشكلة وكمان سببى فقلت انسحب بهدوء وانا بحترم كل الناس الموجودة هنا كلنا اخوات طبعا ومفيش اى حاجة حصلت
ومفيش داعى لاعتذار حورس احنا اخوات ومفيش حاجة حصلت
وبشكر طبعا الاستاذة سلوان اخت كبيرة وانا مش زعلان والله ده حقك طبعا بما انك مشرفة على القسم ده وانا مكنتش اقصد حضرتك خالص ومفيش اى حاجة وانا والله شرف كبير ليا انى اكون فى وسط الاسرة الجميلة دى وربنا يوفقنا جميعا
وعادى مفيش مشاكل خالص وياريت حكاية مسابقات الشعر دى على الاقل تنمى مواهب الناس اكيد فيه مواهب كتير موجودة يشرفنى اتنافس معاهم وانا بقولها انا اقل الناس موهبة وانا عادى خالص ياجماعة مفيش اى حاجة وبما انى اتعلمت عمرى مااخون لغتى وانقل واقول بقلمى
شكرا ليكم وانا مستمر ان شاء الله وحصل خير

زائر

هو دا الكلام
كويس اوووووووووووووووووووووووووووووى كداا
شطار
ههههههههههههههههه
معلش يا جماعه بجد انا اسفه ان مش بدخل كتير بس وربنا معاي ظروفى الخاصه
سامحونى وطبعا المنتدى فى ايديكوا
وانتوا اهل وثقه بيه
يعنى اى حاجه مكرره اكتبى كداا جواها
معلش يا جماعه مش عايزين نبوظ المنتدى
شكرا اوووووووى

» صور اعضاء منتدى تربية المنصورررررة
» خريطة منتدى تربية المنصورة
» اداب الحوار فى منتدى تربية المنصورة
» .... أغنية " تحلى الحياة " By Be Closer على منتدى تربية
» حصريا أغنية ملك روحى لمحمود الشيمى على منتدى تربية