لازم نتغير بجد يا شبااااااااااااااب...

السلام عليكم ورحمة الله وبركاته
بعد الحمد لله والصلاة على الحبيب المجتبى
ثم اما بعد؛
حملة
(هنتغير بجد)
للشباب
&
الفتايات

هدفها من اسمها هنتغير بجد
سياستها تحبيب الشباب فى الاسلام
شعارها هندخل الجنة سوا

و الحلقة عباره عن حوار بين اتنين
+الاول وهو اللى هيغيرنا بجد
=والتانى وهو الشاب او الفتاه
يعنى انا وانت
ورجاء من كل قارئ
يقول رأيه بصراحة
وانا مش هزعل
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا ...
(المقدمة)
+السلام عليكم
=وعليكم السلام
+عامل ايه ؟
=تمام
+ومع ربك عامل ايه؟
=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..
+طب وانت ايه اللى بعدك عن ربنا؟
=ان اى واحد يقولى لازم علاقتك
مع ربنا تكون 10من10
او0من10
+يعنى ايه؟
=يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
+وانت عجبك حالك مع ربنا ؟
=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..
+تعرف انك كده قانط من رحمة الله
القنوط من رحمة الله اصلا من الكبائر
=طب اعمل ايه؟؟!
+ان مصدق ربنا فى كل كلامه ..
=طبعا من غير تفكير
+ممكن تسمع الايه دى
=اتفضل ..
+قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
+انت مش حاسس ان الايه دى
بتكلمك انت
=حاسس
+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار
=انا ما قلتش كده
+امال ايه؟
=انا قصدى من السهل ان اعمل اى عمل وربنا يمسح كل ذنوبى
+انت ماتعرفش مين هو الله
=انا عارف
+ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
=عارف والله
+امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه
____________
=قصدك ايه من المثال ده
+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
=والله انت غيرت تفكيرى
خالص
اهم حاجه
تيقن نفسيا ان ربنا هيغفرلك
ولا يبالى
+يلا سلام
=قول السلام عليكم احسن
+انت صح
+السلام عليكم
=وعليكم السلام ورحمة الله وبركاته

منقوووووول للافاده

ثق فى الله

]دة اصل الموضوع الثقة فى الله

جزاك الله خيرا

تمام يا سمسم عندك حق

نورت التوبيك بمرورك

لما الحقيقه تتقال بنهرب منها بس لو واجهنا وسمعنا و استفدنا من بعضنا وخلينا
المنتدى ده طريه عشان يغيرنا للاحسن بجد هنكون احسن

خلى كل واحد عنده فكره كويسه زى اميره يعرضها علينا لو كانت فى صالحنا
بجد موضوع حلو
واحنا اللى هنصلح نفسنا مش عيزين نضيع وقت اكتر من اللى فات
العمر مش مضمون

شكرا يا اميره
بجد هاااااااايل
عيزين افكار تمكنا من الاصلاح فى نفسنا

ولك جزيل الشكر

اشكرك يا وينتر على كلامك الجميل ده

كم اسعدنى مرورك الغالى
ربنا يجعلنا خير واصلاح لبعض

زائر

جزاكى الله كل خير بجد
عن كل حرف
تسلمى

شكرا شكرا بجد
انا بحب اوي الافكار اللي بتخاطب الشباب بانواعهم
واللي بتقرب كمان من ربنا .. ياريت كل الشباب يقروه
.. انا بقترح عليكي ياريت تغيّري العنوان بحيث يبقي جذّاب
والكل يتشد عشان يدخل يقراه .. بس شكراا

» تيجو بينا نفهم وبعدها نتغير
» لازم هتضحك
» نكت جااااااااااااامده لازم تقروها
» نكت جااااااااااااامده لازم تقروها
» لازم تعيط بقا.........