قصه مشرف رايح يخطب هههههههه

تعالوا نشوف قصة مشرف منتدىرايح يخطب

كان المشرف مرتبط بموعد مع العروس وأهلها
ليتقدم إليها ولكنه لم يشأ إغلاق المنتدى لمدة ساعة هى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقة للمنزل راكبا التاكسى

بمجرد وصوله إلى العروس سأل عن أقرب فيشة كهرباء لأن الشحن شارف
على الإنتهاء

والد العروس: أهلا يابنى ... ....إزيك !!

المشرف(وهو مشغول بلوحة مفاتيح اللابتوب): أهلا بيك يا عمى >> من اولها

أنا يشرفنى إنى أطلب إيد بنتك مها .....موافق ولا لأ.؟!!!!

تبادل كلا من والد العروس ووالدتها وأخيها نظرات الدهشه

والد العروس(مستغربا): حضرتك بتكلمنى ولا بتكلم حد على الإنترنت >> خخخخخخخخ

المشرف(مازال منشغلا بلوحة المفاتيح): لا يا عمى أنا بكلمك إنت هو معقوله
أتكلم مع حد غيرك وأنا قدام حضرتك!!!

والدة العروس: طب يابنى طالما بتكلمنا بصلنا طيب

المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!! هههههههه

إقترب الولد الصغير(8سنوات) من العريس مبهورا بـ اللاب توب (الجهاز المحمول) وهو يقول

الصبى: عمو .....هو الجهاز دة فيه ألعاب كتير زى الأتارى الى عندى؟!!

العريس(مازال منشغلا بجهازه): أيوه يا حبيبى وأحلى من الى عندك كمان

الصبى: طيب ممكن ألعب شويه .. ...عشان خاطرى يا عمو

(هنا فقط رفع العريس عينه من على جهازه لأول مرة وتوقف عن الكتابه
وهو يوشوش فى أذن الصبى)
العريس: لو خليت أبوك يوافق عليا هلعبك كتير قوى

طار الصبى فرحا وهو يقول
بابا بابا أنا موافق إن عمو يتجوز أختى الكبيرة أبله مها.!!!!
ثم إلتفت إلى العريس وهو يقول
ألف مبروك يا عمو ...

الوالد(صارخا): أمشى ياد خش ذاكر . .... مبقاش إلا إنت يا أبو سعبوله الى هتوافق ومتوافقشى >>

(مشى الولد باكيا ولم يهتم به العريس وقد عاد إلى جهازه منشغلا)

الوالد: إنت يا حبيبى إنت كمان .....إنت إيه حكايتك ؟

العريس: حكاية إيه يا عمى .....أنا معنديش حكايات إنت عندك؟!!! >>

الوالد(بضجر): إنت جاى تهزر >>

(لم يعره العريس أى إهتمام وقد ظهر مشغولا بموضوع ما على جهازه)

فإقتربت الأم من الوالد وتكلمت هامستا

الأم: إلا قولى يا حاج .....هو الجدع دهـ بيعمل إيه على البتاع الى معاه دهـ ....
.وإزاى بيكلمنا وهو بيحرك إديه الإثنين على الزراير دى كلها.؟ >>

الوالد: والله معرفشى يا تفيده... يظهر والله أعلم إنه بيكتب الكلام الى
بيقوله لنا فيطلع من بقه!!!!!!! >> ههههههههه

الأم: يا ندامتى !!!..... معقولة دى يا حاج ؟!! >>
الأب:طبعا يا تفيدة معقولة ماهو إحنا فى عصر التكنولوبيا !!!
إنتى مش شفتى إزاى كان ملهوف على أى فيشة كهربا أول ما جيه لأن
الشحن بتاع الكلام بتاعه كان هيخلص.! >>
الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟!!!! >> قووويه
الأم: طب يا خويا لازم لو وافقت عليه نشترى للبت كرتونة حجارة قلم
عشان تبقى عاملة حسابها فى أى وقت!!! >> [
الأب(صارخا): هو أنا معقولة أوافق على الآلة دى .....ليه من قلة الرجالة يعنى هههههههههههه

العريس: حضرتك بتكلمنى يا عمى

الأب: لأ يا حبيبى أنا بكلم تفيده >> يصرف
العريس: تفيدة مين ؟

(دخلت العروسة فى هذه اللحظة مكسوفة وهى تنظر إلى الأرض
وبيدها أكواب العصير ولكنها لم تلاحظ فيشة الكهرباء فإنقلبت
على وجهها أرضا وإنفصلت الفيشة )

العريس(صارخا): إيه الى هببتيه دهـ .....إنتى إزاى تفصلى الجهاز!!

الأم(بصوت خافت): يا حلاوه .....أهو بيتكلم من غير كهربا أهو يا حاج << [
الأب(بصوت خافت): ماهو كان شحن على الآخر يا تفيده .....افهمى بقى <<
ثم إلتفت إلى العريس قائلا

الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!!
ده بدل ما تساعدها إنها تقوم وتودها بكلمتين بعد ما فيشتك الهباب دى وقعتها

العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!

الأب: دهـ جيل إيه دهـ.....هو جاى لينا منين دهـ ..!!!!؟ >>

العروسة: من النت يا بابا.....من النت

الأم: الله يقطع النت والى شغالين فى النت !
يا رب تيجى عاصفة تسومانى على النت والى فيه!!!!! <<
الأب:ممكن بقى يابنى تقفل المخروب دهـ وتكلمنا شويه >>

العريس: خلاص يا عمى ... المساعد بتاعى جه بدالى دلوقتى

إلتفت الجميع حولهم يبحثون عن ذلك المساعد فضحك الموديراتور

العريس (ضاحكا): لأ يا جماعة أنا اقصد إن المساعد بتاعى أخذ مكانى
فى الشغل دلوقتى يعنى أنا دلوقتى جاهز لأى إستفسار لمدة ربع ساعة

الأب: لا حول ولا قوة إلا بالله .....طيب يابنى طالما مش فاضى ليه حددت المعاد دهـ
مش كنت تحدد معاد تكون فاضى فيه .؟

العريس: يا عمى خير البر عاجله >>

الأب: طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!

العريس: أنا اسمى موديراتور ...دة الإسم المستعار! >>

قامت الأم تحوم حول العريس وتنظر إلى يديه تبحث عن شىء ماء .. ثم مسكت يده فجأةوهى تقول
ممكن تشمر إيدك يا عريس الهنا

العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكم >>

الأب:ليه قالولك إننا عندنا كوليرا !!! >>

العريس: لأ يا عمى أصل أنا قاعد ليل نهار فى غرفتى المكيفة
الصحية فلما بروح أى داهيه تانية لازم أطعّم هههههههههه

الأب(بصوت منخفض): داهية لما تخدك يا شيخ!!! >>

صرخت الأم( وهى تمسك بيده اليمين وترفعها عاليا): يعنى مافيش صليب
إمال إيه موديراتور دهـ ؟ إنت يهودى؟‍‍‍‍‍‍‍‍‍!!!!

ضحكت العروسة وهى تقول: لا يا ماما دهـ النيك نيم بتاعه ههههههههه

الأم: ال إيه يا ضنايا؟‍‍؟؟ خخخخخ

العريس: خلاص يا جماعة .....أنا إسمى سعيد وعندى 25 سنة يعنى تأبيده !!!
معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مشرف عام على منتدى الفقر حشمه

نظر الأب إلى المشرف وملابسه البسيطة غير المتناسقة وهو يقول
سيماهم على وجوههم ‍‍‍‍!!!‍‍‍‍ << محش قوي [
العروسة(مبتسمة): بجد إنت المشرف بتاع الفقر حشمه .....
ده أنا مشتركة فيه من 5 شهور

العريس: ما شاء الله....بس إنتى مش ملتزمه بقوانين المنتدى
ولابسة كويس وعايشة فى عيشة آخر أبهه

العروسة: أنا عملت كده عشان عارفه إن فيه عريس جاى يخطبنى

الأب: إنت يابنى عاوزها تلبس إيه .....هدوم مقطعة

العريس: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍! << مشرف عاصي
الأب: ومين قالك إنى وافقت عليك أصلا >>

العروسة: ومتوافقشى ليه يا بابا دهـ حتى الموديراتور أكيد هيخلينى مميزة فى المنتدى
مش كدة برضه يا موديراتور خخخخخخخخخخ

العريس: طبعا وهعينك معانا من المشرفين على قسم لوحدك >> يسلك الامور

العروسة(بسعاده): بجد..... هتعينى مشرفة على قسم لوحدى

العريس: طبعا وهديكى أسهل وأحسن قسم فى المنتدى

العروسة(فرحانه): هييييه .....هتدينى قسم إيه ؟

العريس: الشكاوى!!! << وربي مشرف صايع
العروسة (صارخه)
: لا أرجوك .....كله إلا الشكاوى

هز العريس كتفيه وهو يقول
خلاص نفتح قسم للوفيات وأعينك مشرفه عليه >> صايع وبقووووه
الأب: يا ترى خلصتوا ولا لسة >>

نظر العريس فى ساعته وهو يقول: أنا فعلا وقتى قرب ينتهى
لأن المساعد بتاعى عنده ميعاد مهم ولازم أدخل مكانه

الأب: أنا مش موافق على الجوازة دى

العروسة: ليه يا بابا دهـ انا.....

قاطعها الأب صارخا : اخرصى يا بت إنتى وروحى ذاكرى لأخوكى

خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعالى إتجوز بنتى .....
لكن طول ما إنت فى الفقر حشمه دهـ مالكشى عرايس عندى
فاهمنى ..؟

العريس: خلاص يا عمى براحتك .....بس إذا كان منتدى الفقر حشمه
هو الى مزعلك أنا ممكن أسيبه

الأب(فرحا): بجد يابنى .....طيب سيبه هو فعلا الى مزعلنى
لو سيبته أنا هسيبلك بنتى بدون أى كلام >>
شكره العريس ثم جاء إليه فى اليوم التالى ومعه نفس اللابتوب وهو يقول
أنا سيبت الفقر حشمة من إمبارح وإشتركت فى منتدى تانى اسمه ...

اللاجــئـيـن << خخخخخخخخ

سقط الأب على الأرض ميتا وصرخت الأم وبكت العروسة وأخيها الصغير >> اهىء اهىء
بينما جلس العريس فى غرفة الصالون يتابع منتداه الجديد

محدش يزعل من المشرفين

ههههههههههههههههه

MOUDY SAKR كتب:

العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكم


انا هسيب الاشراف خلاص

ربنا يسامحك يا تونتى