ازاى تعرف المصرى من بين خمسين واحد؟

زائر

بسم الله الرحمن الرحيم

- أنتا تعرف حد أسمو المصرى

ده بنى أدم من بلد أسمها مصر و بيقولو عليها أم الدنيا

- طب المصرى ده شكلو عامل أزاى :

زى الناس العاديين بالظبط

- طب انا أتعرف عليه من وسط الناس أزاى :

يووووووووه أنتا وجعت دماغى .

انا هأولك شويه مواصفات مش هتلاقيها غير عندو و بكده هتعرف تفرقو عن بقيه الناس

المصري هو اللّي :

ممكن يعدي التلاتين ولسه عايش مع أمه وأبوه وماعندهومش مشكلة

بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره ماإستخدمها

بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

لو ربنا كرمة و أشترى عربية جديدة فورا بيركب للكراسي فرش

طبعا غير الموبيل لازم يركبله وش جديد

لسه بيخلط بين أغنية بوس الواوا والواوا أح ، وبيفتكرهم أغنية واحدة

بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

سرقوا منه العربية بس مشكلته هي المايتي زينجر

بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

على فكره انا كمان مصريه و أفتخر أنى مصريه

بس ده واقع مش كده

فعلا دا الوقع
وهوا دا الشعب المصرى فعلا
موضوع جميل يا غاده

زائر

Admin كتب:: فعلا دا الوقع
وهوا دا الشعب المصرى فعلا
موضوع جميل يا غاده

يبقى انت اكيد اكيد فى مصر :lol!: نورت التوبيك بجد

شور لازم تفتخرى
وكلنا لازم نفتخر
بالرغم من الواقع يكاد يكون مؤلم
او هو مؤلم فعلا
بس نأمل نغيره فى اقرب فرصة
ميرسى ليكى

زائر

pure spirit كتب:: شور لازم تفتخرى
وكلنا لازم نفتخر
بالرغم من الواقع يكاد يكون مؤلم
او هو مؤلم فعلا
بس نأمل نغيره فى اقرب فرصة
ميرسى ليكى

عندك حق نورتينى بجد ياقمر

ههههههههههههههههههههه
عادات بقي تقولى ايه
ميرسي على التوبيك

زائر

Etr_el sa7ab كتب:: ههههههههههههههههههههه
عادات بقي تقولى ايه
ميرسي على التوبيك

ههههههههههه
منوره يا جميل

ههههههههه جميل اوى تسلمى يا دودا

والله احنا زى الفل يا جماعه بس الظروف هى اللى وحشه قووى
بكره اكيد احسن ان شاء الله
هايل التوبيك

زائر

لولا

زمالك
منورنى بجد

هو موضوع هايل والله يادودا

وانا بفتخر زيك بالظبط ان انا مصريه

بس برده مش كل المصرين بيعملوا كده

ميرسى يادودا على التوبيك

زائر

thotho كتب:: هو موضوع هايل والله يادودا

وانا بفتخر زيك بالظبط ان انا مصريه

بس برده مش كل المصرين بيعملوا كده

ميرسى يادودا على التوبيك

منوره يا جميل

هههههههههه هو ده واقعنا
ومش هتغير عشان دي عادات
بس عادات لذيذه والله
تحيا مصر ميرسي يا دودا ع التوبيك الهايل ده

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

يا بنتى بيقولوا حينزل عليها عرض وجنيهات دهب
وعربيات هامر و و و
ههههههههه
نايس توبيك دودا

بجد توبيك حلو اوى وفعلا دى عادات المصريين بس هنعمل ايه واهم حاجه فى المصريين طبعا
يقف يتكلم على الباب نص ساعة بعد إنتهاء الزيارة والسلام
مش لازم يودعه
نايس توبيك .يسلمووووووووووووا

زائر

هههههههههههههههههههههههههههههههههه
بجد تعليقاتكوا احلى من التوبي
جامد
تيلموا للرد الهايل ده

» ازاى تعرف انك فى مصر؟؟؟
» ازاى تعرف انك فى فرح مصرى
» ازاى تعرف ان الفرح ده فرح شاب مصرى
» ازاى تعرف انك فى فيلم عربى؟
» ازاى تعرف الساعة كام ؟؟ وانت ما معك ساعة !!!!