السلام عليكم ورحمة الله وبركاته ..
ازيكم يا شباب .. عاملين ايه ..
دايما مواضيعنا بتبقى سؤال عن حاجه فى المجتمع .. ظاهرة جديده .. يعنى ..
حاجات زى كده ..
انا النهارده .. عايز اسألكم إيه رأيكم فى الجو العام .. ؟؟؟
بمعنى ..
رأيكم فى كل حاجه بتحصل حوالينا .. ؟؟ برضه مش فاهمين ..
طيب مثال بسيط ..
لما نيجي نتفرج على برنامج زى " القاهرة اليوم " والكلام اللى بيقولوا والتخبيط اللى بيخبطه فى الحكومه ..
وعمرو أديب كل يوم يطل علينا نفس الطله ومفيش مشكله ..
وبعدين نسمع عن واحد غلبان يا عينى منطقش .. راح المعتقل من غير تهمة ..
ساعتها مش من حقى اقول ان عمرو أديب مزقوق من الحكومه ع الشعب ؟؟
ولا هو مسنود عشان كده بيتكلم ومش بيهمه ؟
ما هو لو مسنود عشان كده بيتكلم دى مصيبه تانيه ..
معنى كده ان البلد اللى مسنود فيها يعمل اللى هو
عايزه ان شالله يغلط فى الحكومه !؟
بعيداً عن عمرو أديب ..
لما شوبير ومرتضى منصور يهزأو بعض ويشتموا بعض ع الهوا .. ده يتسمى إيه ؟؟
هيا البلد مبقاش فيها غير شوبير ومرتضى ؟؟؟
بحس ان الناس دى بتشتغلنا كده ..
يعنى بحس ان البلد كلها متفقين علينا وبيعملوا علينا تمثليات عشان يعيشونا فى جو إثاره يقوموا يلبخونا عن اللى بيحصل فعلاً فى البلد ..
يا ترى انتوا إيه رأيكم فى الجو العام ؟؟؟