رعب الامتحان يا ترى مين السبب

السلام عليكم ورحمة الله وبركاته

ابتدت فترة الامتحانات واعلنت حالة الطوارىء ف كل بيت قى حد بيمتحن حتى لو كان فى اولى ابتدائى

الى بيمتحنوهم وهما واقفين ومعااااااك لغاية ما يخلصوا تعليمهم وطبعاااا اصعب مرحلة بتبقى الثانوية

العامة لانها بتبقى مصيرية وبتحدد مستقبل الطالب او الطالبة عشان كدا بنحطهم فى العناية المركزة

ضغط عصبى ونفسى وتوتر وحاجة ما يعلم بيها الا ربنا

والسؤال الى بيطرح نفسه دلوقتى حالة الرعب والتوتر الى بيعيشها نسبة كبيرة من الطلاب مين

السبب فيها الاسرة ولا المجتمع ولا هو الى جايبه لنفسه

انا من رأيى ان كلهم اشتركو ا فى الجريمة الى كان ضحيتها الطالب ................

الاسرة او اولياااااااء الامور بالضغط الرهيب الى بيعملو على ولادهم تلاقيهم بيقولولك تلفزيون ازاى دا انت امتحاناتك كمان اسبوعين كمبيوتر اه يا راااااايق وامتحاناتك كمان

اسبوعين دا على اساس ان هو مش عارف ان امتحاناتو قربت اكيد يعنى مفيش حد ميعرفش مصلحته
بس فيه ناس بتتكاسل ممكن ننصحهم مرة اتنين وبس بلااااااش الزن على الودان وكل شوية قوم زاكر قوم زاكر




وبالنسبة للأقارب والجيران مع بداية شهر 5 بيبرمجو نفسهم على السؤال المعتاد

ازيك عامل ايه امتحاناتك امتى وخلصت امتحانات ولا لسة طب حليت كويس والنتيجة هتطلع امتى ....الخ اه ربنا يوفقك يا ابنى / يا بنتى

اكيد طبعا ان هما يسألوا دامش غلط لازم برضو يطمنوا ممكن نعتبروا نوع من المشاركة الوجدانية

او اتعودوا على كدا


ووسائل الاعلام والى بيعملوا ما شاء الله فترة الامتحان(خاصة الثانوية العامة ) عندهم بتبقى موسم زى بالظبط الجزارين فى العيد بس دلوقتى انفلونزا الخنازير شغلتهم او يمكن لسة الامتحانات مبتدتش

او ممكن اصلاااا يكون الطالب او الطالبة هو الى جايبه لنفسه عدم ثقة فى النفس مثلاااااا يبقى داخل

الامتحان وشايل معاه 100 ملزمة و20 كتاب مع انو ممكن يكون مذاكر كويس بس ايه لازمة كل التوتر دا قبل الامتحان معرفش


وفى حاجة كمان بتغيظنى وهى اولياء الامور الى تلاقيهم مستنيييين ابنهم او بنتهم على باب المستشفى قصدى المدرسة ومستنييييين لما يخلصو العملية قصدى الامتحان ورايحييين جايين
يارب ولد يارب بنت برضو معرفش لييييييييه


بلاااااااش التوتر دا لانو ممكن يكون اهم اسباب الفشل او على الاقل التقصير فى الامتحان
بس كل الكلام دا ميمنعش ان فى طلاب بيقدروا يحافظوا على هدوئهم فى وقت الامتحان وتلاقى الناس الى حوليه اياًَََ كانوا اخواته زمايله ....الخ يبتدوأ يسألوا ازاى يعنى انت مش هتمتحن ولا اييييييه لازم تخاف وتتوتر
يعنى من الآخر كدا أقصد ان فى اجماع على السلوك دا مع انه غلط

ويلا سلاااااااام بئا عشان عندى امتحانات كمان يومين ربنا يستر