تعرف ايه عن.......المنطق؟

تعرف إيه عن.. المنطق؟

تقريبا ده واحد من أشهر المشاهد في تاريخ المسرح المصري.. ولو دققت النظر فيه شوية هتكتشف إنه مش مشهد مسرحي كوميدي وبس.. لأ سيادتك.. ده تقريبا بيعبر عن حال شعب بحاله! مش مصدقنا وحاسس إن الكلام كبير؟
طيب تعال نشوف المشهد ونتكلم بعدها
*******
تدخل أستاذة عفت -سهير البابلي إلى داخل الفصل الذي يضم أكثر خمسة طلاب مشاغبين في المدرسة والذين يتزعمهم بهجت الأباصيري- عادل إمام، يشاكسها الطلاب ويضيقون عليها الخناق.. تحاول أن تسيطر على النظام داخل الفصل المعجون بمية عفاريت.. أخيرا تنجح في ذلك.. يجلس الطلاب في أماكنهم.. تمسك هي بالكتاب
تطلب من المشاكس الأكبر ذي اللسان الطويل مرسي الزناتي- سعيد صالح أن يقف حتى يجيب عن السؤال الصعب
تعرف إيه عن المنطق؟
لا يحتار الزناتي كثيرا في الإجابة، ولا يرهق نفسه للحظة واحدة في التفكير أو في ترتيب الأفكار أو حتى استدعاء أي معلومة، بسرعة الرصاصة يرد: هو إن الواحد يقع على الأرض مايحطش... منطق
يرتج المسرح كله بالضحك، وتمتلئ عيوننا بالدموع من كثرة الضحك، ويمسك أحدنا جانبه الأيمن متألما من عدم قدرته على أن يمنع نفسه من القهقهة بصوت عال
*******
طبعا المشهد كوميدي بالفعل.. وكل مرة الواحد بيشوفه بيضحك من قلبه رغم إنه تقريبا حافظه وعارف كل حرف بيتقال فيه
بس تعال نعمل حاجة مع بعض ممكن نسميها التفسير الماورائي للمشهد
ماتتخضش من الكلام المكلكع ده
كل ما هنالك إننا هنحاول نطلع من المشهد ده بدلالات ونتائج مختلفة عما هو ظاهر
يعني اللي ظاهر إن مرسي الزناتي دمه خفيف.. وإنه بيحاول يخرج من الموقف الصعب اللي اتحط فيه بفهلوة
لكن اللي في الباطن بقى حاجة تانية
*******
عد معانا..
مرسي الزناتي
بيحاول يفتي في الموضوع اللي ماعندهوش عنه أي فكرة خالص
مرسي الزناتي
لا يكتفي بكونه لا يعرف.. وإنما يجادل فيما يقوله وهو عارف إنه غلط أساسا
مرسي الزناتي
بيتكلم بثقة العالم، وبيقين العارف ببواطن الأمور، ويتحدث عن المنطق وكأنه أرسطو ذاته رغم أنه لا يعرف عن المنطق سوى أن الواحد من دول بيقع فمايحطش منطق
بل إن مرسي الزناتي في المشهد التالي -الذي لم نروِه لكن الكل في الأغلب يتذكره- سيسخر من أستاذة عفت –اللي المفترض يكون عندها المعلومة الصحيحة- ولما هيطلع على السبورة عشان يكتب ما ستمليه عليه من تعريف للمنطق
سيكتب كلمة من بطول وعرض السبورة حتى لا يكتب أي كلمات أخرى ولا يعرف المعنى الصحيح للـالمنطق، وكأنه كمان لا يكتفي بعدم معرفته بتفاصيل الموضوع الذي يتناقش فيه مع غيره وإنما يرفض حتى أن يسمع وجهة نظر الآخر ولا يعطي لهذا الآخر فرصة في أن يصحح المعلومات المغلوطة لديه
اللطيف بقى إن شخصية مرسي الزناتي خرجت من المسرح اللي كان بيعرض مسرحية مدرسة المشاغبين إلى مسرح أكبر بكتير هو -تقريبا- كل مساحة جمهورية مصر العربية
*******
في كل حتة بتروحها في مصر سيادتك تلاقي لك واحد مرسي الزناتي طالع في وشك
ودايما تلاقيه فاهم وعارف في كل حاجة
تكلمه عن مستقبل الحياة السياسية في مصر
شغّال
عن الوضع في الشرق الأوسط بعد حرب لبنان
شغّال
عن الأسباب التي جعلت فلافيو ينتفض ويجيب 3 أجوان في 5 أيام بعد ما قعد سنة كاملة مايجيبش ولا جون
برضه شغّال
يحكي لك عن أسباب نجاح محمد سعد في حصد الإيرادت
وأسباب تزايد نسبة الطلاق في مصر
أسباب تصادم القطارات في مصر
وتساقط أوراق الشجر في الخريف
وتفتح الزهور في الربيع
والسحابة السوداء
و... و... و
في كل حاجة تلاقيه واقف وفارد صدره وبيتكلم بثقة ومعرفة تجعلك تتساءل
هو ازاي الراجل ده ماخدش نوبل لغاية دلوقتي؟
*******
الكارثة إنه بيتكلم في كل الحاجات دي وهو أساسا ماعندهوش خلفية عن أي حاجة خالص
بس هو بيعتمد على الصوت العالي وبس.. وتلاقيه برضه بيسخر من آرائك ويرفض أن يسمعها.. فتتنرفز إنت.. فتزعق.. فيزعق.. هوب تقوم خناقة.. لأن مرسي الزناتي بيتكلم عن المنطق يا رجالة
صدقونا دي واحدة من أكبر المشاكل اللي بنواجهها رغم أنها قد تظهر للبعض وكأنها عادية أو تافهة
*******
المشكلة الكبرى
أن لا أحد يقرأ أو يهتم بأن يعرف معلومات صحيحة قبل أن يتكلم في أي موضوع.. مافيش أي أساس عنده من المعرفة ومع ذلك بيتكلم ويقول ويبعبع
بس بذمتك كده -عيب تكذب- كنت كام مرة مرسي الزناتي؟
*******
كام مرة؟
دخلت في حوار ونقاش تقول فيه أحلى كلام وإنت أصلا ماتعرفش الناس بتتكلم عن إيه أساسا؟
كام مرة؟
قلت رأيك في قضية علمية بحتة وأنت تنظر إلى السماء لتتأمل النجوم المتلألئة وكأنك أينشتين بعث من قبره من جديد، وأنت أصلا ماتعرفش عن الذرّة سوى أنها كوز ذرة
كام مرة؟
تكلمت في السياسة وكأنك محمد حسنين هيكل وتناقشت في جذور القضية الفلسطينية ومشاكلها وأنت أصلا ماتعرفش إن فلسطين محتلة من سنة 1948
*******
احنا لا ندعو إلى أن تنخرس عن الكلام وماتحطش منطق! بل بالعكس ياريت اللي عنده حاجة يقولها... بس يقولها عن فهم ومعرفة ورغبة في أن يتقبل رأي الآخر.. مش عن جهل وعند وجر شكل
تفتكروا كلامنا ده صح فعلا
وإن مرسي الزناتي فعلا أصبح منتشر في حياتنا
ولا كلامنا ده مالهوش أساس
ولا منطق؟

منقول

جميل يا همس التوبيك

وطرحه بجد روعه
هو فعلا بقى منتشر اوى النوع من الناس الى بيزعق ويسخر ويتكلم وهو مش فاهم حاجه فعلا
يعنى لمجرد الجدال وبس
لكن بردو فى ناس فاهمه ومش بتتكلم الا بالمنطق والعقل والا كان زمان المجتمع اتحول لمدرسة المشاغبين

المشكلة الكبرى
أن لا أحد يقرأ أو يهتم بأن يعرف معلومات صحيحة قبل أن يتكلم في أي موضوع.. مافيش أي أساس عنده من المعرفة ومع ذلك بيتكلم ويقول ويبعبع
فعلا يا همس دي المشكله
مشكوره يا قمررر
بجد توبيك مهم
تسلمي يا قمرررر

المنطق
هوا

لو حد
وقع فى حفرة كبيرة

مش هيحط منطق

ههههههههههههههههههههههههههههههههههههههههههههههههههههه
ههههههههههههههههههههههه
هههههههههه
هههههههه
ههههه
ههههه
هههه
هه
ه

موضوع جميل يا همس فعلا
تلاقى واحد مكلامنجى عامل نفسه فاهم فى كل حاجه
وتلاقيه مش عارف حاجه وهما كتير اوووووووووى
انا ليا واحد يوميا من النوعيه دى لازم يوقفنى باليل ويتكلم معايا
لما بشوفه بلف من الشارع التانى
هههههههههههههه

أميرة مصرية
نورتى التوبيك ياروح قلبى وعندك حق لو اتكلمنا بالعقل واللى بنفهمه
هنكون احسن

فلة
تسلمى يا حبى لمرورك على التوبيك
ويارب تكونى عرفتى يعنى ايه منطق
ههههههه

سمسم
نورت بجد
وخد بالك بقى اوعى تقع فى اى حفرة

لو قادر
خد بالك من الكلامنجى ده
اصل يوديك ورا الشمس
وبجد التوبيك مش بيبقى له طعم غير لما تمر عليه

البلد بقت مليانه مرسي الزناتي وابو العريف
توبيك جميل يا همس

ميرسى يا حكاية
بجد نورت التوبيك
المهم احنا منبقاش مرسى وابو العريف

اولا موضوعك هايل جدا شكرا ليكي انك طرحتيه

ثانيا
مفيش حد بيتكلم عن ثقة كل حد يكلمك الوقتي يأاما يكون سامع
من حد او يكون شافها في فيلم او مسلسل اوغيره
مش عارف هو بقي فيه ايه
فعلا البلد كلها بقي مرسي الزناتي للأسف

همس القلوب كتب:: لو قادر
خد بالك من الكلامنجى ده
اصل يوديك ورا الشمس
وبجد التوبيك مش بيبقى له طعم غير لما تمر عليه

مرسى اووووووووووووووووى يا همس

جميل اوى اوى التوبيك يا همس وعرضه جميل اوى كمان

ramsis كتب:: اولا موضوعك هايل جدا شكرا ليكي انك طرحتيه

ثانيا
مفيش حد بيتكلم عن ثقة كل حد يكلمك الوقتي يأاما يكون سامع
من حد او يكون شافها في فيلم او مسلسل اوغيره
مش عارف هو بقي فيه ايه
فعلا البلد كلها بقي مرسي الزناتي للأسف

رمسيس بجد نورت التوبيك
وفعلا عندك حق محدش بيتكلم بثقة
بس احنا لازم نكون مختلفين
احنا مدرسين ورسل للتربية والاخلاق

L a 0 2 D e r كتب:

همس القلوب كتب:: لو قادر
خد بالك من الكلامنجى ده
اصل يوديك ورا الشمس
وبجد التوبيك مش بيبقى له طعم غير لما تمر عليه

مرسى اووووووووووووووووى يا همس

على ايه؟؟؟؟؟؟ دى حقيقة مش مجاملة

heba كتب:: جميل اوى اوى التوبيك يا همس وعرضه جميل اوى كمان

ميرسى يا قمر وبجد نورتينى المهم تكونى استفدتى

توبيك هايل يا همس
إن بعض القول فن .. فاجعل الإصغاء فناً

LOST Dream كتب:: توبيك هايل يا همس
إن بعض القول فن .. فاجعل الإصغاء فناً

لوست فينك من زمان
بجد انتى كنتى اضافة للتوبيك
نورتينى
وفعلا الصغاء فن وموهبة لايمتلكها الكثيرون

زائر

جميل التوبيك يا همس وبجد انتى ليكى طريقه مميزه فى عرض التوبيكات
واهم حاجه ان يكون الشخص عنده ثقه فى نفسه ودا بيبان من اسلوب تعامله مع الناس

دوددا يا حياتى
نورتينى
اكيد الثقة فى النفس مهمة ...بس من غير غرور

» ما هو المنطق
» كيف تعرف شخصيتك
» هل تريد ان تعرف انك نحس ولا لأ؟
» كيف تعرف انك فى عام 2009؟
» كيف تعرف انك تحب شخص حب حقيقي ؟؟؟؟؟