كلمه حق لاحمد نجم

--------------------------------------------------------------------------------
أنا مابخفش وحفضل أقول
كلمة حق عليها مسؤل
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها .....نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟

ولا اى حاجة طبعا
حد يقدر يتكلم
يسلموا يا جميلة
احمد فؤاد نجم مش محتاج
اى كلمة مننا
رائع فعلا

زى الفل ولا حاجه
حده زيه
ميه ميه
بس قابلى بقى من ورا الكلام دا
انتى حره
هههههههههه
بس موضوع جميل كالعاده يا جميله

أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال


حلوة اوى الحته دى

بجد عمنا نجم طول عمره بيعرف يجيب الكلام من الصميم

تسلمي ياجميلة علي القصيدة بجد حلوة اوى

اىخدمه يا جماعه بس ابقوا افتكرونى بعيش وحلاوه

بجد هتوحشينا يا جميله هههههههههه

قصيده رائعه للغايه كعادة شاعرنا الكبير أحمد نجم

وفعلا هوا دا الواقع ومحدش يقدر ينكر

تحياتى

هيا كلمه حق فعلا
بس احمد نجم دا رجل علمانى
راجل اى كلام برضه
وشكرا ياجميله على التوبيك

شكرا ليكوا
احنا ف المكتوب مش اللى كاتب واتفق معاك ف الرأى