شعور رهييييييييييييييييييييييييب

بعد غياب طويل عن المنتدى لظروف إلكترونية

حبيت أرجع المنتدى بموضوع عاطفى شوية

شعور رهيب فظيع شنيع مر بيه كل طلاب رابعة آخر يوم امتحانات لهم فى الكلية

بالرغم من انتقادنا للكلية ووجود بعض الذكريات اللى مش حلوة فيها

برضه الفراق صعب حتى لو كنا هننزل تانى

بس أكيد مش هنحس ان دى الكلية بتاعتنا اللى احنا نعرفها

ومقدرش أوصف لكم لحظة الوداع بين الاصحاب والمش أصحاب

حتى الناس اللى كنا بنعدى عليهم ومنسلمش كله سلم على كله

ده آخر يوم كلية ياناااااااااااااااااااااااااااااااس

زائر

فعلا احساس صعب اوى وانا حساه مع ان لسالى سنه بس بجد
صعب الاحساس
منوره تانى ياقمر ووحشتينا بجد

عندك حق والله
لا زلت فاكر اليوم الرهيب ده ودلوقتى حاسس انى هعيط لانى مش لاقيهم جنبى
مش لاقى اللى كنت بابتسم ليه وانا ماشى
مش لاقى اللى كنت باحكيله على كل حاجة عنى وكان كتوم للسر
مش لاقى الانسان اللى كنت لما بشوفه قلبى بيجرى ويسبقنى ويحضنه
مش لاقى الانسان اللى كان بيمسح دمعى
مش لاقى الانسان اللى بيفرح لفرحى وكاننا انسان واحد
مش لاقى الانسان اللى برى البيت اللى خايف على مصلحتى كأننا واحد مش اتنين
مش لاقى الابتسامة والصحبة اللى كنت باتمتع بيها واللى ميزت كليتنا أكتر حتى من المحاضرات
وربما كان أفضل حاجة لقيتها لما كنت فى الكلية هية الصحبة ان لم تكن الوحيده
ولكن.....
خرجت منها بدون اصحاب
ودلوقتى نفسى اشوفهم وكل يوم بيعدى بافتكرهم واشتاق ليهم أكتر
ربنا يوفقهم
ميرسى جدا ليكى يا ساندى

انا مش عارف اقلك اية
بس حاسس
شعور الفراق

صعب جدا

هو فعلا الفراق صعب اوى
مع انى لسه اولى يعنى قدامى 3 سنين اهو
وبكره الكليه
بس حاسه انى هازعل اوى لو سيبتها

محمد قال كل حاجه
قلبتى علينا المواجع ليه بس ياساندى
والموضوع فعلا عاطفى
تسلمى ياجميل

بجد يا ساندى الموضوع ده هاااايل جداااا وانا بقراه وبقرا الردود كنت هعيط

الواحد فعلا لما بيفكر فى الموضوع ده من دلوقتى بييبقى هيعيط والدموع بتنزل من عينه

انا مش عارفه اخر يوم ليا فى الكليه هيعدى ازاى ربنا يستر

تسلمى يا ساندى على الطرح الرائع

» شعور يقتلنى
» لو مت ايه هيكون شعور الناس
» بالصور.. شعور أمومة لإنسان الغاب
» { أصعب شعور أن تبكي ومن حولك يضحكون }
» الاكتئاب يزيد شعور الإنسان بالألم