قصة كفاح صرصار

موضوع: قصة كفاح صرصار الأحد فبراير 15, 2009 3:03 pm

<LI>

في قديم الزمان كان في صرصار بسيط على قد حالة يعنى
بيشتغل جناينى فى قصر السلطان

الصرصور الأعظم

وكان السلطان عندة حته صرصارة
مجننة الصرصار ابن الجناينى شافها كذا مرة واتكلموا

جنب مجارى رقم 43 و نشأت بينهم قصه حب أسطورية.
وقام الصرصار ابن الجناينى اتجرأ وطلب ايد بنت السلطان

وما كان عقابه على هذا الحلم الأسطورى
سوى سجن الجناينى الغلبان و تعذيب قلوب صراصير.

وحس الصرصار ان حياته هو و باباه انتهت
والحادثه اثرت على قرون الأستشعار، عنده فقرر

يروح يشتغل فى دار مسنين فلقى صرصارة عجوزة
غلبانة فقرر يساعدها و يكفر عن ذنبه مع باباه،

وعددت ايام وشهور وبعدين ماتت الصرصارة العجوزة
وكان فى غايه الحزن
والتأثر راح من عليه اول ماعرف الثروة اللى هيه سيباهاله

وقال خلاص هيطلع بباه من السجن ويتجوز الأميره
ولكن لسوء حظه طلع له صرصار فى الزور

وهو ابن العجوزة وخد الميراث كله ملقاش حل قدامه
الا الأنتحار علشان الدنيا كانت قفلت كل أبوابها فى وشه.

قعد ماشى ماشى لغايه ملقى صحرا واسعه
فيها رمال متحركه وقفز فيها قفزه السوبر صرصار
اللي كان بيتفرج عليه في التلفزيون

ولقى نفسه فى حته حر قوى عرف انه دخل النار
ولكن بعد أيام من إقناعه بانه مامتش قدر يستوعب الحقيقه

ولقى نفسه فى قبيلة شيخ الصراصير
و الخيم التابعه لها(على شويه رمل كانوا متبقيين من بناء بيت بشرى)

وحكى الصرصار لشيخ الصراصير حكايته المؤسفة

وتاثر الجميع وشيخ البلد حبه قوى و عامله زى ابنه
وخلاه يدير التجاره الخارجية بين البلاعات

وبعضها، ويقود السفن الضخمه فى المجاري العميقة،
و سنتين عدوا وبقى أكبر و أغنى تاجر فى تلك البلاد

و فجأة مات شيخ البلد اللى احتواه زى ابنه
وقد كانت تلك بالصدمه الكهربيه على الصرصار

وقرر أنه هيكمل الطريق وهيروح بالثروة
الى عنده و يشترى قصر كبير متنقل و عربيه
تاكسي ويحرر باباه ويتجوز الاميره...

شهور طويلة عدت ولما وصل بيبص من شباك العربيه لقى
الأميرة وكأنها حاسة أنه جاي وجريت علشان تستقبله،
وبعدين قام جي يتحرك بسرعة الشوق،

ولسه جاي يفتح الباب وبعدين
.
.
.
.
.
.
.
.
.
.
.
.
.
.
.
.
.

لزق فى شبشب واحد ماشي ولقى حتفه

</LI>

هههههههههههههههههههههههههههه

حرام والله
بقى بعد كل الماسى دى
يموت هذه الموته الشنيعه
يصراحه جاااااااااااااااامده
مشكوووووووووووووووره

زائر

لا لا لازم نرفعله قضيه تعويض
ههههههههههههه

هههههههههههههههههههههه
لا صرصار مكافح
لا ومات موته جامده في لزق في شبشب واحد
بجد موضوع جامد وموته خطيره بجد
ويا جماعه متزعلوش قوي كده
دا قدره ونصيبه واللي مكتوب له
وهو بعد كل دا اكيد وقع في شبشب قد المقام
ههههههههههههههههههههه

الغلبان مبيشبعش غلب
جامده والله
شكراااااا

لاحول ولا قوة الا بالله
ادعولوه بالرحمه ياجماعه
Sad

الله يرحمه كان صرصار طيب الجنازه امتي ان شاء الله

سعيد هيبقى يقلنا ان شاء الله

ياعيني ده صعب عليا اوي . توبيك حلو يا عاشقة الحب

صعب عليا والله
كان لازم تموته قدام الصرصوره
وهي عامله ايه
بجد قصه مؤثره
مرسييييييييي

يا قلب امه دى قصه كفاح طويله
لابد ان تخلدها الكتب
و لابد من الشعور بالاسى
شكرا
حته موضوع عسل

ههههههههههههههههههههههههههه
جامدة يا عاشقة الحب
ونورتى المنتدى

صرصار صرصار بجد راح لمكانة المفضل بعد كل دة الشبشب

هههههههههههههههههههههه

طب والله مؤثرة بجد

حرام الرحلات بتاعته دى كلها

تنتهى بالنهايه دى

شكرا ليكى يا منصفة الصراصير

ههههههههههههههههههههههههههههههههه
جامده والله يا عاشقه الحب
بجد قصه واقعيه ومؤثره جداااااااااااااااااههههههههههههههههههه

ههههههههههههههههههههههههههههههههه
لا بجد صعبان عليا هههههههههههه

صعب عليا اووووووووووى
يعينى انا هموت نفسي من العياط

الموضوع هايل ومؤثر

» _ _ _ هدية عيد الحب .... صرصار
» عند الرقم 10........حط صرصار في تيشرت الي يعجبك
» عند الرقم 10........حط صرصار في تيشرت الي يعجبك
» اقولك تعمل ايه علشان تنتقم من صرصار مخوفك