الحلقه الاولى من: سلسله كلام فى الحب

اهلا بكم

الموضوع هوا:

هل تعتقد ان الرجل اكثر حظا فى الحياه من المرأه؟

يعنى انا شايفه ان الرجل فى جميع الاحوال لا يخسر شئ

عندما يكون فى حاله حب او خطيب او زوج او اب

فهوا دايما الكرت الرابح

اما المرأه:فهى المتروك فى الحب

التى تم فسخ خطوبتها

المطلقه

الام التى لاتحيا بدون اولادها

يا ريت اعرف وجهه نظركم.

مع خالص تحباتى:القمر الباكى

أكيد لأ .......لأن الاتنين بيتأثروا ومش شرط غن المرأة دايما

تقف الدور السلبى وتستقبل قرار الفراق

بالعكس فى كتير هما اللى بيطلبوا الفراق

وزى مافيه ولاد بتخدع فى بنات برضه بتخدع

وفيه ولاد حساسين.......وفى ولاد جبارين

زى البنات بالظبط

لا انا مش معاكي يا قمر

انا شايفه ان كل واحد ممكن يتأثر مش شرط الولد يكون هو الكارت الرابح احيانا كتيرة بتكون البنت برده هي الكارت الرابح
الاختلاف بيكون في انواع البنات والولاد

شكرا جدا لمروركم

ونورتوا التوبيك

زائر

مفيش حاجه اسمها ولد وبنت فى حاجه اسمها ( انسان ) وهنا بيختلف بقى شخص من التانى يعنى فى انسان طيب وواحد بيخدع واحد بيكدب وواحد بيحب بضمير كدا يعنى

ياريت تكون وجهه نظرى واضحه ومقبوله
وميرسى للتوبيك يا جميل

والله انا شايفة ان نص موافقة علية والنص التاني لا
يعني فعلا المراة بتبقي متضررة اكتر من الراجل لانها
بعد الطلاق او فسخ الخطوبة فعلا بتبقي نظرة المجتمع ليها نظرة تانية
اما الراجل محدش بيقول علية حاجة
بس برضة في ستات تستاهل الحرق وتبقي هي سبب اي خراب

ثانكس لوفا علي السلسلة الحلوة دي

انت مؤيده لكلامك يا lolee وهوا دا اللى كنت عاوزه اوصله نظره المجتمع
على ان الراجل يفعل ما يشاء والمرأ ه لا
حقبقى ميرسى ليكى :lol!: :flower:

لو بنتكلم على نظره المجتمع يبقى المرأه تستاهل اللى يجرالها
هو مين بينظر اوبيتكلم ويجيب فى سيره الناس غير الستات نفسهم
يعنى ممكن رجل يحب امرأه مطلقه أو أرمله ويكون عايز يرتبط بيها
بس ماماته أو أخته ترفض وتقف فى طريقه وتقوله لا دى مش عارفه ايه
وهنجوزك ست ستها وكلام فاضى من دا

اما لو مظلومه فى الحياه عامه بعيد بقى عن كلام الناس فكل
واحد بياخد نصيبه وقدر الله وما شاء فعل
معلش طولت عليكوا

الوضع ده هيختلف من حاله لاخرى فى حاله يكون الرجل عاطفى و رومانسى
اوى و بيحب مراته و ممكن ينهار لما يحصل انفصال
فى حين ان الزوجه عادى لانها قويه و هتلاقى غيره
حتى لو فيه ولاد
و العكس صحيح
كل مشكله اكيد نسبيه و بتختلف يعنى مفيش قاعده عامه
مشكورة لطرح الفكرة

لسة مفيش ولا ولد قال رأية
عوزين الحلقة التانية يا لوفا وان شاء الله هثبتلك الموضوع

اولا انا عاوز اوضح حاجه
لماذا نقول ان الرجل له حق في الحياه عن المراه
انا شايف ان المراه لو كانت مشبعه الرجل لجميع طلباته سيكون لها مثل الخاتم في الاصبع
اما اذا كانت مراه غير مطيعه فليس لها حق في الحياه
ومن ناحية الدين الرجال قوامون علي النساء
وده في حته التكليف يعني الرجل مكلف باشياء لا تستطيع المراه فعلها
وهذا رايي في الموضوع ده
شكرا

الست لما بتكون داخلة على طمع بتكون مقررة من الاول انها مش هتخرج خسرانة حتى لو خرجت من الصفقة دى ومعاها عيال وتخسر شبابها وحياتها علشان كام الف جنيه وده حصل لحد قريب منى
يعنى الجواز اللى بيكون اساسه مش الحب والامان اكيد محدش بيخسر فيه غير خسائر مادية
وده رأيي بصراحة وميرسى اوى على موضوعك الجميل

انا شايف ان الرجل لما بيحب بجد ويعشق اللى بيحبها لايمكن ينفصل عنها

شكرا جدا لمروركم

وغدا الحلقه الثانيه ان شاء الله

الفكرة حلوةةةةةةةةةةة اوى يا لوفا ومستنين الحلقة التانية
اما بالنسبة للموضوع انا شيفة انو بيرجع لطبيعة الشخص نفسه
ولكن حتى لوكانت المراة تستاهل الحرق ذى مابيقولوا هى بردو ست
مهدور حقها من المجتمع الذى ينظر اليها نظرات تختلف عن نظراته للرجل
المطلق او المنفصل او حتى اللى لسة متجوزشى

السلام عليكم

اكيد تعرفوا او سمعتوا عن:الحب من طرف واحد

بس اكيد مننا عاشه بالفعل وبعضنا معرفوش

السؤال هنا موجه للفئتين:

1_يا ترى الحب من طرف واحد اسمى انواع الحب

زى ما قال فريد الاطرش

2_يا ترى الحب ده بيزول بمجرد وجود الحب الحقيقى اللى من طرفين؟

3_وهل هوا فعلا حب حقيقى ؟

4_ويا ترى ممكن يبقى حب من طرفين مع مرور الوقت؟

اتمنى سماع رايكم واى ايضافات ممكن نستفيد منها كلنا

مع خالص تحباتى:القمر الباكى

في ناس بتقول ان الحب من طرف واحد لا يسمي حبا من الاساس وانا ضد دة

وساعات بنبقي فاكرين ان هو حب من طرف واحد وهو ممكن يكون من الطرفين بس مفيش الشجاعة للمواجهه
بس الاكيد ان هو مش اسمي انواع الحب ومن وجهة نظري ان ممكن يكون حب حقيقي
ومن جهه ان ممكن يتحول لحب من طرفين دة بقي بيحصل كتييييييييييييييير
شكرا يا قمر علي الحلقة التانية ومستنين الباقي

ميرسى جدا لردك

وفعلا وجهه نظر تحترم

شكرا ليكوا

وفعلا الحلقه التانيه تم نشرها
مستنيه رايكوا

اللى انا فعلا شيفاه ان الحب من طرف واحد ما هو الا اعجاب بالشخصية الخارجية سريعا ما يزول ...لكن الحب اعتقد مش مجرد اعجاب لكنه احساس اعمق ولو مقدر الحب لحد لازم يكون بين الطرفين ..يحافظ كلاهما عليه/له هدف يسعوا له .لان هى دى الحياه

يمكن المراة تتاثر اكثر فى حاله الانفصال وده لان الله سبحانه وتعالى خلقها كدة حنونه رقيقه مهما كانت حادة الطباع يقول الرسول عليه الصلاة والسلام (رفقا بالقوارير) واكيد الرجل بيتاثر لكن سرعان ما يعود لحالته الطبيعيه ويمكن ان معنى انه قوام باين هنا جدا

انا من راى ان فى حب من طرف واحد واوقات بيبقى حب حقيقى كمان وصادق بس صاحب الحب دا حظه وحش وومكن ربنا يعوضه بحد بيحبه ويقدر ينسه وممكن فعلا الحب دا يتحول ويبقى من الطرفين كتير جدا لما يكون الى بيحب دا بيحب بجد وبيحاول يعمل اى حاجه عشان الطرف التانى يحس بيه

بس برده ربنا مايكتبش الحب من طرف واحد دا على اى حد بنحبه

ميرسى

تقبلى مرورى

رد جميل جدا يا همسه

ودا بردوا رأى وانا احيكى عليه

ميرسى اوى على التوبك الجامد ده يا لوفا
وانا راىى فالموضوع ده
ان الحب من طرف واحد مش حب بمعنى حب
لان الحب الحقيقى هوا التقاء بين مشاعر واحاسيس وفكر انسان مع انسان اخر
والحب ده بيعطى الطرفين طاقه هائله لتحقيق احلامهم ومحاوله فعل اى شيء لارضاء الطرف الاخر
وده مش بيحصل فالحب من طرف واحد
ليييييييييييييه لان الحب من طرف واحد ممكن يكون الشخص اللى بيحب ده
الشخص التانى مش فدماغه او مش حاسس بيه اصلا
لكن الشخص اللى بيحب بيجد نوع من الارتياح والالفه لما يشوف الشخص التانى
واحتمال كبيراللى بيحب ده بيبقى حبه متردد فيه لبعض الوقت
يعنى مثلا لو واحد شاف واحده بيحبها من طرف واحد وهيا واقفه مع واحد هيتخلص من الحب ده
لانه اصلا مش متاكد منه
مع ان اللى واقف معاها ده ممكن يكون صديق او قريب
وبرجع وبقول اكيد اكيد ممكن يتحول الحب من طرف واحد لحب حقيقى فعلا
لما يلاقى انتباه من الطرف التانى ودى بترجع للى بيحب من طرف واحد
فى اتخاذ كل سبل جذب الانتباه عشان يجذب انتباه الطرف التانى
والحب من طرف واحد اكيد بيزول بوجود حب من طرفين ولكن الحب من طرف واحد
ليس اسمى انواع الحب
هوا ممكن يكون من اسمى انواع الحب
اسف جدا عالاطاله
لكن انا كان عندى كلام كتير اوى

شكرااااااااااااااا

بلتو
BELTO

انا معلش مختلفة شويه ممكن يتحول الحب من طرف واحد الى حب حقيقى بس
لو فى شجاعة بين الطرفين ويصرحوا بعض ممكن دة فى حالات خاصة طبعا
وده يبقى اسمى انواع الحب لو حاول الطرف الاخر بالمحافظة على حبه والتمسك بيه

» اجمل كلام عن الحب - احلى كلام عن الحب
» حكايات جنجر الحلقه الاولى والثانيه
» انا عندى كلام عن الحب ومشاكله وازاى نحافظ عن الحب ونحل مشاكله..
» كلام فى الحب
» كلام عن الحب