الحب عن طريق الشات

النهاردة جيت اسالكم علي حاجة مهم وظاهرة بقت اليومين دول ظاهرة العصرهي

ان اتنين يتعرفوا من علي شات وبعد كدة يحبوا بعض وبعض كدة ممكن يتجوزوا وبعد شهر بيطلقوا
انا بقي عايزة اعرف رايكوا في الحب عن طريق الانترنت
وعلي فكرة في احصائية اثبتت ان معظم المتجوزين عن طريق الشات لا تتعدي فترة زواجهم عن اكثر من شهر

موضوع مهم اوى يالولى
بس اكيد مش ينفع ازاى اتنين يحبوا بعض عن طريق
شات ونت الحب دة لازم تبقى اولا شايفة الشخص دة
وشوفتى منة مواقف عجبتك واعجاب
ويكبر لحب وكدة بس مش فية حب بجد عن طريق نت
لان ممكن شخص منهم بيمثل ع التانى مثلا ودة
الاغلب علشان كدة بيطلقوا بعدها لان كل حد فيهم
بيكتشف الحقيقة المرة

بصراحه انا مش عارف .....ممكن ف بعض الاحيان يستمر وينهى الحب بالزواج
ويكونوا اسرة و الحياة تستمر.....وممكن تنتهى بالفشل و الطلاق
يعنى على حسب التوافق و الانسجام اللى بنهم و النيه دا شى مهم

dr\ the seeker

والله هو مافيش حد بيحب حد مايعرفوش او ما شافهوش اصلابس هوممكن يكون فيه اعجاب من طريقه الكلام وكده وبعدين ممكن يتقابلوا ومن هنا بأه ينسوا انهم عرفوا بعض عن طريق الشات ويتعاملوا كاصدقاء عاديين ويشوفوا بأه الدنيا ها تعمل فيهم ايه يكملوا او لا

موضوع مميز يا lolee

ثانكس موني علي رايك
شكرا يا كنج انتthe seekr;l علي رايكم

انا من راى انه نادر اووووووى وصعب يحصل ممكن بس يحصل لو الاتنين بس عرفو بعض وبعد كده قابلو بعد فى الواقع واتعرفو على شخصيت بعض بعيدا عن النت خالص وهيبقى كده ارتبط عادى خالص وكل واحد هيعرف التانى وان كان فى نصيب ربنا هيوفقه واهم حاجه برده مراقبه ربنا وانهم يحافظو على دينهم

دا راى مش عارفه ان كان صح او غلط

ميرسى لولا

تقبلى مرورى

الحب عن طريق الشات زى اى حب بطريقه تانيه

تعددت طرق الحب وتعددت اشكاله
بس فين الحب الحقيقى
ممكن يجى عن طريق اى حاجه
شات صدفه جيران قرايب
كل دى طرق
اهم حاجه صدق المشاعر
شكراااا

زائر

khalid22 كتب:: الحب عن طريق الشات زى اى حب بطريقه تانيه

تعددت طرق الحب وتعددت اشكاله
بس فين الحب الحقيقى
ممكن يجى عن طريق اى حاجه
شات صدفه جيران قرايب
كل دى طرق
اهم حاجه صدق المشاعر
شكراااا

خالد قال كل اللى كنت انا هقوله بالظبط
بس سبحان الله انا اعرف واحده فعلا كانت جارتى واتعرفت على واحد من الشات
واتجوزا فعلا واتطلقوا بعدها بمفيش كام شهر

وواحده صابحتى اتخطبت من الشات بس بيحبوا بعض
وربنا يكملهم على خير
فيعنى بجد شات او غير شات المهم الصدق

فيعنى بجد شات او غير شات المهم الصدق

انا مع دودو في الكلمه ده اهم شئ الصدق

ثم بدام فيه جواز اكيد هيشزفو بعض ولازم كل من الطرفين يسالو علي بعض ويكونو اصحاب سمعه طيبه

الحب عن طريق الشات 396252zctmzx8izq

خالد فعلا جاب المفيد
وانا مش هاقول اى كلمه تانيه
لانى واقعه فى المشكله دى للاسف

زائر

ازاى اتنين يعرفوا بعض من على النت يعنى دا حررررررام لان دى بنت معرفتش تربية

لانها ممكن تخون جوزها زى ماعرفته على النت هتعرف غيره كتييييييير والعكس

استاذه بيتو
مش معنى ان واحده حبت من النت تبقى بنت معرفتش تربيه
هى ممكن يكون مثلا فيه ضغوط عندها فى البيت
اهلها مش متفاهمين معاها مش بتتكلم مع حد ومش ليها اصحاب
فملجأها الوحيد هايكون الشات
هاتلاقى ناس يفهموها ويتكلموا معاها
ووقتها ممكن تلاقى شخص بيساعدها وبيتكلم معاها كتير
فهاتحبه هايبقى غصب عنها
لانه الوحيد اللى فتحتله قلبها وحست انه بيقدرها
وهو ممكن يكون فعلا بيحبها
وساعتها هايجى يتقدملها
وهايقى بالنسبالها كل حاجه فمش ممكن تخونه وتبص لغيره

ياريت تكونى فهمتى قصدى وماتقوليش اى حاجه كده تانى

انا مع خالد ودودو فعلا انا اعرف اكتر من حد اتزوج بالطريقة دى وبالرغم انها مش بتكون مقصودة لكن زواجهم ناجح وعندهم اطفال ومش لازم عشان بنت تتكلم ع الشات وتحب انها مش كويسة لكن ممكن فعلا يكون يستاهلواهم حاجة انه يكون صادق وعارف ربنا ومن الناس دى كتير ومفيش حد هيفبل يا بيتو للزواج الا اذا تاكد ان البنت دى تستحق دة ودة بيكون عن طريق اسلوب الكلام وكدة ... وانا رايى بلاش البنت توضع نفسها فى الموقف دة لانه بيكون صعب جدا ع مشاعرها ودة لانها من بيت كويس وصادقة

زائر

اقتباس :: ازاى اتنين يعرفوا بعض من على النت يعنى دا حررررررام لان دى بنت معرفتش تربية

لانها ممكن تخون جوزها زى ماعرفته على النت هتعرف غيره كتييييييير والعكس

يعنى يا بيتو انا لسه بقول صاحبتى مخطوبه من النت
ومعلش هى من احسن واكتر البنات تربيه كمان
ولسه كوين قايله انها فى نفس المشكله
ليه يا بيتو كدا يعنى ؟؟
ما تراعى شعور الناس معلش شويه

زائر

انا مع بيتو فى رايها شكرا

انامع خالد ودودا الحب عن طريق الشات زى اى حب المهم الاحساس

مفيش حاجه اسمها حب عن طريق الشات ده كله تسليه وبيكون فاشل كل واحد بيحاول يظهر احسن ما عنده وهو بيتكلم مع التاني وبعد الارتباط بتظهر حقيقه كل واحد

دا اذا كان فيه ارتباط من اساسه مش اتنين بيتسلو بعض وخلاص

او طرف بيتسلي علي حساب طرف تاني برئ

طريق في معظم الاحيان فاشل ومالوش نهاية واضحة

بصراحه.......
رايى من راى الكينج.........
من طريقه الكلام وكدا!!!!!!!!
بس وبعدين ؟؟؟؟؟
تصدم !!!!!!!!
بس زى اى حاجه ...
في دا وفى دا...
دا نصيب..
وبس

بصراحه التوبيك اكتر من هايل
ورايى ان مقياس النجاح او الفشل يقدر يحدده الطرفين اكتر ما تحدده نوع العلاقه نفسها لاننا بنشوف ناس كتير ارتبطوا بطرق تانيه وفشلت ،وفعلا لازم يكون فيه صدق وكمان احترام وثقه
متبادله وفعلا الحب ملوش اماكن معينه يظهر فيها واماكن لا، يعنى ممكن يكون حب حقيقى مش مجرد تسليه

الحب عن طريق النت بيبقي حب بس مش حب حقيقي لان الاتنين مايعرفوش بعض واللي بيحبوا بعض لازم يعرفوا بعض كويس ممكن نقول ان الحب عن طريق النت بيكون مجرد تسلية او اعجاب بين اتنين اتكلموا مع بعض شوية
مرسيه يا جميل توبيك حلو جدااااااااا

» احذرن يافتيات الشات
» جمل تساعدك على الشات باللغة الفرنسية
» الست فتكات وحكايتها مع الشات !!
» اليك يا فتاة الشات متضحكيش على نفسك
» الحب الصامت من اصعب انواع الحب .............. فلماذا؟!!!!!!!!!!!!!!!