شوربة كريمة عيش الغراب...........متقولش لأ

المقادير:-

• 2 مكعب مرقة الدجاج
• 1 كوب عيش غراب مقطع شرائح
• 2 كوب لبن كامل الدسم
• 3 معالق كبيرة زبدة
• 3 معالق كبيرة دقيق
• معلقة كبيرة قشطة أو كريمة لباني
• معلقة ملح + فلفل
• 3 أكواب مية
• معلقة بقدونس مقطع قطعاً صغيرة أو قطع مشروم "للتزيين"
الطريقة:-

1. سيّحي معلقة الزبدة في حلة على نار هادئة، وبعد كده ضيفي إليها عيش الغراب، وقلبيهم مع بعض لغاية ما تلاقي إن عيش الغراب لونه ذهبي شيليه من على النار.
2. في حلة تانية سخني الزبدة وضيفي إليها الدقيق وقلبيهم مع بعض لغاية ما لون الدقيق يبقى ذهبي، ضيفي إليه اللبن بالتدريج مع التقليب المستمر علشان ما يكلكعش.

3. ضيفي إليهم مكعبات مرقة الدجاج والمية والملح والفلفل مع التقليب المستمر لمدة خمس دقائق أو لغاية ما الخليط يغلي، ضيفي إليه عيش الغراب وسيبيهم على النار لمدة خمس دقائق مع التقليب المستمر.
4. بعد مرور الخمس دقائق شيليه من على النار وحطيه في أطباق الشوربة وضيفي إليه معلقة البقدونس، والطبق ده ممكن يتقدم معاه عيش محمص.

» شوربة سى فود
» شوربة الجمبري...لذيييييييييييييييييييييذة
» شوربة الجمبرى بالكريمة
» كريمة الجزر بنكهة القرفة
» شوربة الدجاج والخضروات