هاتعما ايه لو كنت فى الموقف ده بصراحة

بسم الله الرحمن الرحيم الموضوع ده هايكون عن السلبية بس فى موضوع معين وهو موضوع المعاكسة طبعا فى حد هايقولى ان الموضوع ده قديم و معتاد و اتكلمنا فيه كتير بس انا مش قصدى السلبية فى موقف الللى بيعاكس بس انا قصدى السلبية فى الشخص اللى بيشوف بنت واحد بيضايقها او بيعاكسها و مكبر دماغه و حتى مش مكلف نفسه انه يدافع عنها او يعتبرها بنته او اخته للحظات و يحميها و فيه كمان اللى اكتر من كده انه يدخل يعاكس معاه يساعده برده ههههههههه وانا شفت ده بعينى و فى شارع مليان ناس بعنى مش فاضى فى الجلاء واحد ماشى بيعاكس و بعدين واحد معدى فى حدود الاربعين سنة و قاله لو عجباك اجوزهالك بدل ما يقوله احنرم نفسك او الزم حدودك و طبعا خد من ده كتيررر فى مجتمعنا السؤال بقى انت لو فى الموقف ده هاتعمل ايه هايكون موقفك سلبى زى اخينا ولا هتدافع عن البنت دى و تعتبرها اختك و تحميها ولا انت اصلا بتعاكس ارجو الرد بصراحة والبنات برده تشارك برايها والولد اللى بيعاكس ميردش احسن

انت شايف انك تعاكس البنت علشان لبسها مهما كانت حلوة او و حشة انا معاك ان فى بنات لبسها مستفز وانا نفسى بكون متغاظة طيب ليه لازم تحشر نفسك فى كل حاجة متزعلش منى و انا عمرى ما شفت منقبة الصراحة بتتعاكس بس النقاب مش اقصى الاحترام يعنى ممكن واحدة مش لابسة نقاب بس لبسها محترم و بتتعاكس يبقى العيب فى مين و يا ترى بقى انت بتعاكس فى زمضان ولا بتتوب مؤقتا بس على العموم تشكر لصراحتك و بطل معاكسة علشان تكون شاطر شاطر على راى الست نانسى

بجد يا بلال هو ده الصح و هو مثال الشباب اللى بيعجب البنت يعنى الولد التافه اللى مضيع و قته فى الكلام الفاضى ده مش بيدخل دماغ اى بنت مهما كان بيستظرف و مفكر دمه خفيف و انه كده هايعجبها و ده مش صح بس علشان اكون صريحة فى نوعية من البنات بتستجيب للمعاكسة دى سواء بالضحك او الرد المتمايع و انا بشوف ده برده

بصراحه والله انا شفت منقبات بتتعاكس وكتير ولو مش بتتعاكس بيتبصلها او بيتوجه ليها كلام جارح توبيك هايل وربنا يهدى الجميع

ماشى يا عم بالراحة خالص خالص انت قلت ان البنت حلوة و محترمة تتعاكس برده طيب وقتها بقى يبقى العيب فى مين مش فى اللى بيسمح لنفسه بكده زى ما بلال قال وانا شايفة انك بالغت شوية فى حكاية المنقبات اللى لابسة عباية ضيقة و حطة مكياج كامل لانهم بيكونوا حالات نادرة على حسب رايى و اللى بشوفه بس على العموم اختلاف الراى لا يفسد للود قضية و انت منور و ميرسى على الرد

عندك حق يا بلال فى كل كلمة و انا عجبانى اوى الحيادية بتاعتك لانك مش متحامل على البنات و لا على الولاد انت بتقول الصراحة و زى مانا قلت فى بنات بيكون لبسها مستفز ماشى و بنات بتتجيب للمعاكسة ماشى طيب اللى محترمة بقى و كافية خيرها شرها وانا شايفة ان مهما كان السبب ده ميديش الحق لاى ولد انه يعاكسها او يقولها كلام جارح بالتريقة او غير كده

ميرسى جدا يا شروق و منورةدايما