عوزه مساعدتكو ياجماعه بليز الكل يدخل

&السلام عليكم ورحمه الله وبركاته&

دلوقتي ياجماعه انا ليا صديقه عزيزه اوي هي اتخطبت بس الموضوع لسه في اوله بمعني اصح انه لسه كلام يعني

فهي لسه هتقابل عريسها وتكلم معاه فكانت عوزه تعرف ايه الاساله الي توجها له عشان تعرف شخصيته ايه

فارجو من الجميع طرح اكبر عدد ممكن من الاساله

تقبلو تحياتي

منتظره ردودكم

على فكرة مش شرط الاسئلة هى اللى توضح الشخصية
فى ناس كتير ممكن ترد رد دبلو ماسى
هى لازم يكون عندها خبرة ووعى فى الانسان اللى قدمها
مقدرش افيدك فى الاسئلة لانى مش متخطبتش محبتش

اولا شكرا يافرح لردك

ثانيا عادي اي اساله بس انا كان قصدي ايه الاساله الي مفروض توجها له

اقبلي تحياتي

بصى يا غادة انا مش هقدر اقولك اسئلة

لانة يعنى مش داخل امتحان هما لو ارتاحوا لبعض هتلاقى الكلام بييجى لوحدة

بس هى تحاول تعرف شخصيتة من كلامة واسلوبة وكدة اكيد هيبان فى دماغة اية

وشخصيتة كمان وعادة الولد هو اللى بيتكلم وبيبدا وهى تحاول تسمعلة بقدر الامكان

وتتكلم بردة علشان مش تبقى مملة يعنى بس تديلة الفرصة الاكبر علشان تعرفة

بس والاسئلة دى يعنى ممكن على حسب اولويات كل بنت يعنى لو فى حاجة فى حياتها

ليها الاولوية ممكن لقدر الله يحصل عليها مشاكل ممكن تنبهة ليها بس تبقى حاجة بسيطة

كدة بس نصيحة ياريت صاحبتك مش تعلق نفسها بالولد اوى الا لما كل الامور تتم

لان البنت عاطفية اوى وممكن تتعلق وكدة غلط خصوصا لانها لسة فى البداية

ويارب يوفقها ويتم عليها بخير لو هما خير لبعض

سورى رغيت كتييير يا غادة

تقبلى مرورى

اوعي تقولي كده بالعكس كلامك منطقي

والله هي طلبت مني وانا قلتلها نفس الكلام ان الكلام يجيب بعضه

بس هي قالتلي حاولي وانا قلت اخد رايكم

ميرسي ياقمر
تقبلي تحياتي

بصى ياغاده هو مش شرط اسئله كده من اول مقابله

هى اهم حاجه الاول لو عجبها وحاسه انه قريب جداااااا من هيئة فارس احلامها

تصلى استخاره وباذن الله اللى فى الخير ربنا هيقدمه

وبعدين عايزه اقولك على حاجه الاسئله بتختلف حسب شخصية البنت

يعنى انا مثلا لو هسأل

_ هستهبل واقوله انت اكتر الاوقات بتحب تصلى فين فى البيت ولا المسجد؟

_ايه رايك فى الناس اللى بتشرب سجاير وما بتقدرش تبطلها؟

واحده غيرى تبقى هتموت وتعرف هو

بيستخدم البرفن ولا لأ؟؟؟؟؟؟؟؟

بيجيب قمصانه وتشيرتاته منين؟؟؟؟؟

اكتر مطعم يحب ياكل فيه ؟؟ (علشان تلحق نفسها من اولها ليكون قاطع ابونيه عند البغل ولا حاجه)

واحده تانيه تحب تعرف مستوى تفكير عريسها واصل لفين فا تسأله.......

لو قالولك اختار واحد من تلاته

عربيه بميت الف جنيه

شقه بميت الف جنيه

ميت الف جنيه نقديا تختار ايه؟؟؟؟؟؟

فهو على حسب يعنى ياغاده

اولويات كل بنت زى ما قالت مونى

سلام ياقمر طولت عليكى كتيييييييير

وباذن الله اللى فى الخير ربنا يقدمهلها..

..

شروق الشمس

زائر

انا بتفق مع اخواتى اللى قبلى
بجد يا غاده الاساله مش كل حاجه
يعنى ف ناس بتبقى ممثله بتعرف تخرج من الاسأله
بشكل طبيعى ودبلوماسى جدااا
لدرجه انها ممكن ترسم شخصيه غير الشخصيه
وطبعا كل دا بيظهر بالعشره يعنى لازم يكون فى وقت
وهى فتره الخطوبه يعنى
ودى هتعرف شخصيته وطبعا برده مش كلها لان فى حاجات مش بتظهر الا بعد التدبيسه ( الجواز ) عوزه مساعدتكو ياجماعه بليز الكل يدخل Icon_lol

فيعنى انا لو مكانها السؤالين اللى هسألهم له
بيشرب سجاير..؟؟؟
بيصلى ؟؟؟؟

ودول بيبتنى عليهم حاجات كتيره اوى اوى
وربرنا يوفقها يارب للخير دايما
وخليها تقرب من ربنا طبعا وتصلى استخاره
ويارب بالتوفيق امين يارب

اولا انا بشكركم علي ردودكم الجميله ده

ثانيا هي مقتنعه بعريسها ومعجبه بيه

وهي فعلا بنت كويسه وعرفه ربنا

يارب يوفقها لانها بجد تستاهل كل خير

عوزه مساعدتكو ياجماعه بليز الكل يدخل 647149ib5rxtjazo

عوزه مساعدتكو ياجماعه بليز الكل يدخل 647149ib5rxtjazo

انا شايف ان كل اللي دخل يرد من البنات
فحابب اني اكون اول ولد ودا بعد اذنك يا غاده اشترك في الحوار دا
اولا احنا الصبيان مش بنحب ان حد يفتش في شخصيتنا غصب عننا
احنا اللي نديلوا كل حاجه وجمل حاجه بس بمزاجنا
يعني لو حد سالني انا مش ليا اهتمام بيه هحاول علي قد مااقدر اني اطلع مثالي قدامه
اما في مواضيع الارتباط فدي حاجه تانيه خالص
بيكون كل فرد مجهز الحاجات الي هايقولها للطرف التاني وهقول كذا ومش هاقول كذا
وبيجوا قدام بعض يا اما يحصا قبول وخاصة من البنت يا اما مايحصلش لا قدر الله
اذا حصل لا يتذكر احد الطرفين ما كان قد رتب له من كلمات يلقيها علي مسامع الطرف الاخر
واما النصف التاني فينتهي الحوار سريعا لان ليس هناك قبول
وليس هناك اسئله معينه للبنات ليسالوا بها الشباب
وبعدين هيا اكيد عاوزه تعرف عنه كل حاجه وعارفه هيا هاتساله في ايه بس هيا رهبة اللقاء فقط
شكرااااااااااااااااا غاده واس علي الاطاله

اولا بشكرك علي ردك وعادي جدا انا كنت محتاجه كل الاعضاء ترد

وردك مقنع جدا
الف شكر

انا شايف ان الكلام الى فات جميل بس رأيى ان الاسئلة دايما هى الى بتبين افكار الشخص يعنى خلية هو يسأل الاول ومعرفة الشخصية وافكارها مش من قاعدة او اثنين لازم يقعدوا مع بعض بس عموما مفيش حد بيلاقى شخص كامل لازم تنازلات علشان الحياة تمشى وبعدين يا انسة شروق انا بشكرك جدا لان انتى نبهتينى للنقطة بتاع البغل مفيش حد فى تربية مبيكلش عند البغل معنى كدة ان احنا كلنا بخلة والاسئلة الى قالت عليها شروق ممكن تبين مدى تفكير البنت لاكن لو اول سؤال انت بتصلى وبتشرب سجاير دة هيبقى احسن ومهما كان ردة ممكن يكدب او ممكن يقول الصدق لاكن لو قال الصدق مهما كان يبقى شخص محترم لانة مبدأش حياتة الزوجية بكدبة

شكرا مصطفي

ردك مقنع

السلام عليكم
اولا انا مقتنع جدا برأى اخواتى
اللى اتكلموا
بس فعلا يا جماعه
ممكن تسأله على السجاير او الصلاه
ويكدب عليها
فالسؤال على السجاير او الصلا مش سؤال مصيرى
ومش كل من شرب سجاير وحش او مينفعش زوج
مش معنى كده انى بشجع على شرب السجاير
انا قصدى ان السجاير مش مقياس
ولكن تهتم اكتر بطريقه الكلام
وارتياحها لتفكيره وطريقه كلامه او لا
لان فيه نوع من الناس متكبره وتحسى انها بتامر وتنهى
وده طبعا مرفوض تماما
الحياه مشاركه وود وتعاون من امر
وبنصحها بردو بصلاه الاستخاره
لانها بجد مهمه جدا وخاصه فالامور المصيريه
وربنا يوفقها ويعملها اللى فيه الخير
وان شاء الله هيكون عريس كويس هيحافظ عليها ويحميها
اسف جدا عالاطاله

بلتو
belto

الموضوع عمرة ما كان بالاسئلة هى فى الاول والاخرمسألة ارتياح ارتاحت لية تبقى دى اهم خطوة بعد كدة الكلام هوة اللى ىبيفرض نفسة
وطبعا كلنا عارفين الاسئلة التقليدية التعرف العام الاهل والحاجات اللى زى دى بعد كدة واحدة بواحدة هيتعرفو على بعض ويدرسو بعض كويس وطبعا المقابلة الاولى مش بيبقى لوحدها اكيد بيبقى حد كبير معاها خبرة يعنى جرب فبل كدة واكيد رأية هيفيدها بس لازم تسألة على الحاجات اللى مش بتحبها الاول فى الشخص اللى هيرتبط بيها لو مش موجودة الموضوع لو فية خير هيمشى لوحدة وربنا يسهل
يا رب تكونو فاهمنى
شكرررررررررا
تووووووووووووتة

علي فكرة يا غادة الكل بيتجمل سواء بالرد علي الاسئلة او وهويتكلم معاه اكييييييييييييد هيحب يطلع نفسة مثالي عشان توافق علية هما بيبانوا شوية شوية سواء اثناء الخطوبة او بعد الجواز ولكدة انا بحب ان فترة الخطوبة تبقي كبيرة للناس الي ميعرفوش بعض

شكرا لولي

على فكره فى المواضيع دى
هيكون الطرفين اول مره يتقابلو ويتكلمو مع بعض
فا كل واحد من الطرفين بيبقى عاوز يبين انه هو محترم وزوق وابن ناس وبيصلى
ومبيشربش سجاير وشخصيته حلوه

الى ممكن تقدر تحكم عليه من اول مقابله
طريقه كلامه مرتاحه ليه ولا لاء
انما ان فى اسأله هتبين شخصيته
فا هى لو سألت اكيد هو هيجاوب اجابات نموزجيه
علشان يبين ان شخصيته حلوه

بعدين هى لازم تسأل على اهله
لان الواحد بيبقى زى اهله لو محترمين عمره ما هيبقى صايع مثلا كده
وربنا يهديها للى فيه الخير

ميرسي لوقادر

دلوقتي ربنا تمملهم بخير وكتبو كتابهم وهو بجد طلع شاب كويس ومحترم

الحمد لله
والف الف مبروك ليها يا غاده
وتعيش ديما فسعاده وفرح
ودى زغروطه منى ليها
لولولولولولولى
مليون مبروك
وعقبالك يا غاده وعقبال كل بنت فالمنتدى كله

بلتو
belto

ميرسي ميرسي بجد بيبو ربنا يخليك وعقبالك انت كمان

علي فكره انت بتعرف تزغرط اهو كويس اوي

دنا مش بعرف ازغرط
خلاص هتعلم منك

مبرووووووووووك ومليون مبرؤوك
لصاحبتك يا غادة
الحمد لله انة طلع حد كويس
ربنا يوفقها يارب
وعقبالك وعقبال كل البنات
ياااارب

ميرسي ياحبيبه قلبي
الله يبارك فيكي
وعقبالك يارب اما نفرحلك كده انتي وكل البنوتات

كلام جميل ... كلام معقول ... ماقدرش اقول حاجة عنه

بس المفروض تكون الأسئلة تكون من الشخص نفسه

واقولكم على حاجة شيبوها لله وهو بيسهلها

ربنا يرزقكم بابن الحلال اللى يستاهلكم

ميرسي لمرورك بجد وزي ماقلتلك هما خلاص ارتبطو للابد

ربنا يسعدهم ويهنيهم يا غادة
وربنا يكرمك انتى كمان شكلك بتحبيها اوى

» الكل يدخل واجبارى
» ما هذا ... عصفور ؟ الكل يدخل
» ...**30 سر عن الشباب الكل يدخل...**
» عايزة الكل يدخل يرحب...............
» الكل يدخل وماحدش هايندم