bosycat مشرفه يلا نلعب
عدد المساهمات : 1781 العمر : 32 المزاج : لا اله الا الله سيدنا محمد رسول الله الدوله : المهنه : الهوايه : النقاط : 55664
| موضوع: مبررات الشباب للمعاكسة و راى البنات الخميس أكتوبر 08, 2009 8:10 am | |
| طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة المعاكسة . وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان .
رأي البنات
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
الفراغ يعمل أكتر من كده وبعدين المعاكسات دي نوع من أنواع البجاحة والتعدي ع
حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .
رأي الشباب
طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف . طبعا ملبس البنت يستفزنا ( واخدين بالكم المعاكسة اضطرار ) قلت الملبس ده حرية
شخصية قال : لا البنات اللي بتلبس ملبس خارج عايزة تتعاكس فخلاص خليها تتعاكس
أنا شخصيا ضد المعاكسات . . يعني ايه أعاكس بنت
بسبب مظهرها . .أعتقد إن إشارة تعد على حرية الآخرين أنا بقول ان الشاب اللي اخد
على المعاكسة بيعاكس حتى المحجبات أنا عندي صديق غاوي يعاكس المنقبات . .ده
سلوك فردي لا يحركه تصرف الغير . . دي مبررات خايبة للشباب المستهتر .
احناما بنفرقش في المعاكسه بين محجبة وغير
محجبة المعاكسة روشنة بنعملها أثناء تجمعاتنا الشبابية . .يعني بنساعد بيها بعض . . لكن
لما اكون بمفردي مش ممكن أعاكس !! | |
|
jemsbomb عضو ذهبي
عدد المساهمات : 1416 العمر : 35 المزاج : اهو عايش الدوله : المهنه : الهوايه : النقاط : 56710
| موضوع: رد: مبررات الشباب للمعاكسة و راى البنات الجمعة أكتوبر 09, 2009 2:05 pm | |
| بجد دى قلة ادب
مش انا ولد بس بجد الواحد بيشمئز من العبارات اللى بتتقال والله انا بخجل منها فما بالك البنت ولو كانت لبسة ايه ضيق او فضفاض دى اسمها قلة ادب وليس لها مسمى غير كدة الله اغفر للمسلمين واهدى الشباب | |
|
saso عضو فضي
عدد المساهمات : 589 العمر : 32 المزاج : اشطه النقاط : 56205
| موضوع: رد: مبررات الشباب للمعاكسة و راى البنات الجمعة أكتوبر 09, 2009 2:49 pm | |
| والله بجد المعاكسات دى بقت حاجه صعبه اوى | |
|
همس القلب مشرفة قسم الخريجين
عدد المساهمات : 5358 العمر : 34 المزاج : ن أبكــي علــى طيبتــي،فهى نــادرة كالمعــجزات،بل سافــرح،فهــي ليست ضعفــا،بــل كبريــاء حتــى الممــات الدوله : المهنه : الهوايه : النقاط : 59718
| موضوع: رد: مبررات الشباب للمعاكسة و راى البنات السبت أكتوبر 10, 2009 5:40 am | |
| لو فتحنا فى المعاكسات مش هنخلص بجد كان فى رمضان اللى قبل اللى فات برنامج للاخلاق مش فكرة اسمه كان جايبين بنت فى الشارع وبيرصدوا عينين الشباب مش هتتخيلى كم الشباب الل بص عليها اهم حاجة غض البصر وحاليا والله مش للولاد بس البنات كمان لازم يغضضن من ابصارهن وكمان البنات لازم ترحم بردة وتلبس شيك لكن بحبحوها شويه المشكله الكبيرة ان الباشا واقف يعاكس واه اه لو اخته اتعاكست او حد كلمها ممكن يكون فيها دم الخلاصة....المفروض نتق الله همس القلب | |
|
???? زائر
| موضوع: رد: مبررات الشباب للمعاكسة و راى البنات السبت أكتوبر 10, 2009 8:03 am | |
| فعلا والله الموضوع كله بقى مالوش اى معنى اصلا وايه وجه الاستفاده من المعاكسات مش عارفه
|
|
nanoo عضو ماسى
عدد المساهمات : 2884 العمر : 32 المزاج : ZaMaLeK Forever الدوله : المهنه : الهوايه : النقاط : 56919
| موضوع: رد: مبررات الشباب للمعاكسة و راى البنات السبت أكتوبر 10, 2009 12:51 pm | |
| الموضوع بجد مهم ولازم الحكومه تضع حد للمهزله دى ميرسى ليكى يابوسى وعندك حق يا همس انا كنت مره ماشيه مع اخويه وواحد بس بص عليا من غير ما يتكلم اخويا فضل يبصله بغيظ وكان عاوز يشتمه مع ان اخويا مبيسبش واحده ماشيه فى حاله سبحان الله طب مادى برده ليها اخوات واكيد هيضايقوا | |
|
bosycat مشرفه يلا نلعب
عدد المساهمات : 1781 العمر : 32 المزاج : لا اله الا الله سيدنا محمد رسول الله الدوله : المهنه : الهوايه : النقاط : 55664
| موضوع: رد: مبررات الشباب للمعاكسة و راى البنات الخميس أكتوبر 15, 2009 6:24 pm | |
| ميرسى على ردكم و ربنا يديم عليك الهداية يا جيمس و يكرمك | |
|